أصحاب الخبرة بخصوص الليسن القطري في سياتل وكاليفورنيا ونيفاد

[معماري قطري]

إستفسار بخصوص قيادة السيارة في أمريكا برخصة القيادة القطرية في واشنطن ستيت وسياتل وفي كاليفورنيا ونيفادا هل هي مسموحة وقانونية وممكن ياخذ الواحد سيارة أجار أو لا؟

ولكم جزيل الشكر مقدماً.

[المهندس عبدالعزيز]

الليسن القطري يمشي في امريكا

[معماري قطري]

الليسن القطري يمشي في امريكا

ما قصرت يا بوسعود .. بس يا اخوي شركات التأجير تعترف به؟

[المهندس عبدالعزيز]

ما قصرت يا بوسعود .. بس يا اخوي شركات التأجير تعترف به؟

نعم تعترف فيه.

[book 1]

الشيخ تقدر اتاجر السياره باليسن القطري عادي عندك شركه انتر برايس انا اتعامل معاها يوم كنت ادرس في سياتل و بعدين اذا انت تدرس اهناك قدم على اليسن وقولهم انك ماتعرف انجليزي قص عليهم وبيسووولن لك امتحان صور بتنجح وانت امغمض

[معماري قطري]

الشيخ تقدر اتاجر السياره باليسن القطري عادي عندك شركه انتر برايس انا اتعامل معاها يوم كنت ادرس في سياتل و بعدين اذا انت تدرس اهناك قدم على اليسن وقولهم انك ماتعرف انجليزي قص عليهم وبيسووولن لك امتحان صور بتنجح وانت امغمض

الله يسلمك عندي ليسن من سياتل وغيرته في ميامي والحين مال ميامي منتهي له سنين مع إني جددته قبل .. بس ما فيه أحلى من ليسن قطر .. ووالله فكره أسوي ليسن جديد سياتل شوي أرقى من ميامي ميامي سواقتهم طايشه شوي خبرك جنوب أمريكا كوبيين وغيرهم مخبلين.

مشكور وما قصرت يا اخوي

[واقع]

الليسن القطري يمشي طالما انك فتره بسيطه انا اجرت سياره من نيفادا الي لوس انجلوس ومكتب ايفست طلب الليسن القطري فقط بس عشان تكون في مامن خذ الليسن الدولي من اي مكتب سفريات لتفادي اي مشكله لا سمح الله وموووفق ان شاء الله

[الـقـاسـي]

اي اخوي يمشي وابرك لك بعد ،،، ما يخالفونك ولا يعطونك وتقدر تشتري سياره مب تاجر بس

أنا عندي ليسن امريكي بس استخدم القطري دايما

[bu_khalaf]

الليسن القطري يمشي احسن من الدولي
انا مأجر سيارة من بورتلاند وعطيتهم الدولي قالوا لي نبي ليسن معتمد جان اطلع لها ليسن قطري وولد عمي مأجر في نيويورك ولوس انجلوس
وحتى في اروربا انا مأجر سيارة من كان في فرنسا
توكل على الله وامورك طيبة ان شالله

[رآعي موآجيب]

الليسن القطري يمشي احسن من الدولي
انا مأجر سيارة من بورتلاند وعطيتهم الدولي قالوا لي نبي ليسن معتمد جان اطلع لها ليسن قطري وولد عمي مأجر في نيويورك ولوس انجلوس
وحتى في اروربا انا مأجر سيارة من كان في فرنسا
توكل على الله وامورك طيبة ان شالله


يعني مافيه داعي اخذ الدولي !؟

لأني ناوي اخذه ، بس اذا مامنه فايده بتركه

[برشلوني قطر]

انا ف كالفورنيا اخوي اجرت سيارتين من مكتبين مختلفين...بس باليسن الدولي مطلعه

من مكتب سفريات فالدوحه..لاكن الصراحه ماسألت اذا ينفع اليسن القطري..

اذا ودك بعطيك رقم مكتب اجار سيارات تستفسر منهم.

لاكن ع كلام واحد من الربع قالي تقدر تسوق بالليسن القطر لمدة سنه فقط

والله اعلم

والله يوفقك

[eXpert*]

نصيحة خل عندك القطري والدوليّ .

اللي أعرفة أن الدوليّ سابقاً كان الواحد يطلعه لأنه الليسن القطري ما كانت مكتوبة فيه كل البيانات بالإنجليزيّ .

بس علشان تكون في السليم بعض الدوريات أهناك ما يعترف بأي شئ صادر من دولة ثانية (إما نحاسة أو جهل بالقانون) لذلك لما يشوف الدوليّ يمشيّك .

بالنسبة للتأجير السيارات أستأجرت من شركة (ثريفتيّ) مطار لوس أنجليس وعطيتهم الليسن الدوليّ و أطلبوا يشوفون ليسنيّ القطريّ .

[رآعي موآجيب]

ممتاز

وشهي المكاتب اللي تطلع ليسن دولي ؟

[eXpert*]

ممتاز

وشهي المكاتب اللي تطلع ليسن دولي ؟

أغلب مكاتب السفريات في قطر من ضمنهم ريجينسيّ و ملينيوم في اللؤلؤة .

أو تقدر تروح للمقر الرئيسي للنادي الكويتيّ للسيارات مقابل وكالة المرسيدس في مشيرب .

[رآعي موآجيب]

أغلب مكاتب السفريات في قطر من ضمنهم ريجينسيّ و ملينيوم في اللؤلؤة .

أو تقدر تروح للمقر الرئيسي للنادي الكويتيّ للسيارات مقابل وكالة المرسيدس في مشيرب .

تسلم يا eXpert

الله يعطيك العافيه

[captin]

منت بخسران توقف خمس دقايق سفريات ريجنسي
وتاخذ معاك صورة شخصية وتطلع لك رخصة دولية بمبلغ 150 ريال سارية المفعول لمدة ستة أشهر

أنا شايل معاي الاثنين في أمريكا من باب الإحتياط
واستأجرت سيارة من Enterprise بالرخصة الدولية.

بالتوفيق ان شاء الله