ارجوا المساعده لخوكم

[امير القلوب]

السلام عليكم ورحمة الله وبركاته


مساء الخير جميعا جدد الله لكم نعمه بتجدد الاعوام ووالي عليكم فضله بتوالي الليالي والأيام وغفر لكم مامضي ووفقكم فيما ياتي انه سميع مجيب


ياأعضاء المنتدي المحترم ابي منكم ارقام افضل ناس يبلطون الحمامات فيلا تشطيب عن تجربه ولا يتاخرون ولا يماطلون ولا نصابين انا شاري حمامات فخمه ابي ناس تركبها احسن تركيب

ماتخربط واسعارهم زينه

[معماري قطري]

مهم يا اخوي لو إتفقت مع أي واحد تجربه في حمام عادي وصغير

والمفروض طريقة التبليط عارفها ويشرحها لك صح .. وما ادري لوين انت واصل .. هل تم عمل البلاستر والتمديدات؟ وشوف كتبنا وايد عن تبليط الحمامات في مواضيع مشابهة، ومهم يكون عندك إستشاري مختص يسوي لك توزيعة البلاط وإرتفاع كل نوع ويشرف على المواد وطريقة التركيب، والمونه اللي بين البلاط .. القراوت .. هذي مهمة تكون من نوعية زينه ما تتكسر وتقوم من مكانها وتترك فراغات وما تعفن العفن الأسود وما تسرب الماي لتحت أو للحايط .. تمر من برا تحصل الحايط صوب الشاور مندي كله من تسرب الماي من الفتحات اللي بين البلاط، وبعدين فيه طريقتين اللي أعرفهم للتركيب .. القديمة بالإسمنت العادي وهذي يبي لها فنان حافظها عن غيب يسويها صح ... والحديثة عن طريق عمل بلاستر وتشميخه وتخشينه وبعدين استعمال اللزقة الخاصة اللي لها طريقة واجراءات لكل نوعية، وبعضها لازم تخلطه في خلاط كهربائي أو ديزل صغير مثل خفاق البيض وبمقادير معينة، والبعض يسونها باليد وأي كلام وتجي خلطة غير متجانسة وتيبس بسرعة وبعد فترة يطيح البلاط.

المهم لا تترك شيء للصدفه ولذمة وحرفية المقاول لازم إشراف وإشراف صح. وبالتوفيق إن شاء الله.

[ANONYMOUS]

اخوي دام الحمامات فخمه لاتغامر وتدور رخيص

دور شركه محترمه معتبره تضمن لك الشغل


موفق انشالله

[امير القلوب]

جزاكم الله خير على يدك اخوي وين الشركه