‏ شركة مقاولات ‏‏_ ايهما افضل ‏‏?‏‏?‏‏? للي يعرف من واقع تجر

[ameeer3]

السلام عليكم ‏‏,‏ ان شا الله ببدأ في بناء البيت واحترت بين شركتين فالي يعرف ومن واقع تجربة يرشح لي اي وحدة احسن وهم شركة جيرمن للتجارة والمقاولات اووووو :‏ هندسة البناء للتجارة والمقولات ‏‏_ وارجو من الاعضاء الدقة في النصيحة ويعطيكم الف عافية

[باتريوتP]

سلام عليكم ورحمة الله وبركاته
والله اخوي ما اعرف عنهم شي
بس اذا مرتاح لهم استخير ووقع مع الي ترتاح لهم والله يوفقنا ويوفقكك ويوقك الشركات الي ذكرتهم
بس اهم شي اخوي العقد شريعة المتعاقدين
والدنيا حياه وومات
وابتعد عن كلام الناس عقب ما توقع مع المقاول لان كلام الناس ماوراه الا الضياع والمشاكل
واهم شي انك تذكر كل شي بالتفصيل بالعقد
وسلامتك

[بونواف2011]

انصحك بشركة هلكون قطر انا الحين ابني عندهم ورحت لهم بعد ما شفت بيت واحد من الشباب

[ameeer3]

يعطيكم العافية يا جماعة الخير --

أخوي باتريوت لي زيارة ان شا الله لشركتكم والله يوفقنا لما يحبة ويرضاه أمين

[المقاول]

حسب علمي حجم مشاريع جيرمن اكبر من فلة .. او تشابة في الاسماء.

[ameeer3]

حسب علمي حجم مشاريع جيرمن اكبر من فلة .. او تشابة في الاسماء.

أخوي المقاول/ جيرمن هي من الشركات العريقه في قطر وتأسست الشركة عام 1998م ولها مشاريع كثيرة وأبراج وغيره وشركة جيرمن من الشركات الي بنت الفلل في الدفنة (كبارا الموظفين) - فحبيت اطرح هذا الموضوع في هذا المنتدى بالذات وذلك لان بعض الأعضاء لهم خبرة كبيرة في البناء ومشاكله وحبيت اخذ بالنصيحة من أخوانا الأعضاء الي لهم تجارب مماثلة

[بن غيث]

شركة كبيرة او صغيرة .. كله صب كونتراكت
والعمالة نفس العمالة

[قطري قديم]

بالتوفيق اخوي في بيت العمر والله يجعله منزلا مبارك وانا مع اخوي باتريوت اهم شي بعد ماتستخير وتوقع مع المقاول ماعليك من كلام بعض الناس ليش ماحطيت في العقد وليش مأسويت توكل علي الله والله بيعطيك علي النيه تقبل مروري

[العولقي]

أخوي ameeer3 الله يوفقك مع البناء ويسهل امورك ....
من واقع تجربه انا حاليا ابني بيتي مع (سامر) شركة هندسة البناء، وللامانه انه شحص متعاون وامين الا ابعد الحدود، وكل الاقارب والاصدقاء بنوا عنده ومدحوه واثنوا عليه...
عموما اتوقع ان عرض السعر اللي جاك من جيرمن كان غالي اكيد لذلك ارشح هندسة البناء مقارنه مع جودة العمل اللي تنجزها شركة هندسة البناء . قله انك من طرف (العولقي) وان شاء الله انه ماراح يقصر وياك.

[المقاول]

أخوي المقاول/ جيرمن هي من الشركات العريقه في قطر وتأسست الشركة عام 1998م ولها مشاريع كثيرة وأبراج وغيره وشركة جيرمن من الشركات الي بنت الفلل في الدفنة (كبارا الموظفين) - فحبيت اطرح هذا الموضوع في هذا المنتدى بالذات وذلك لان بعض الأعضاء لهم خبرة كبيرة في البناء ومشاكله وحبيت اخذ بالنصيحة من أخوانا الأعضاء الي لهم تجارب مماثلة

امير خذ بنصيحتي:
الشركات الكبيرة تجهيزها غالي وسعرها غالي.
عندي شركة بس المشاريع الصغرى بتخسرني . ماينفع احط مهندس
راتبة 15 او 20 يشرف على مشروع صغير .. لازم يكون بحجم المهندس
وحجم التجهيز .. الفلة يستطيع فورمن ذو خبرة ان ينفذها بأحسن الطرق
الهندسية .. انت تحتاج شركة مقاولات تخصصت في الفلل ومديرها محترم
وصاحبها محترم وسمعتها محترمة في السوق .. ممكن تطلب من الشركة
الفلل التي تم تنفيذها في السابق وتقابل المالك او كذا مالك وبيعطونك الخبر
الاكيد .. توكل على الله واسمع بنصيحتى ونتمنى من الله لك بالتوفيق.

[ameeer3]

يعطيكم العافية يا جماعة الخير - وان عندي حجم البناء 1400 تقريباً والبيت في ديكورات وتصميمه على زاوية _ والفله فيها زوايا أكثيرة -

وللعلم رحت حق كم شركة من الشركات الصغيرة وعطوني سعر قريب جداً من الشركات الكبيرة وبعض الشركات كان كلامه وااايد وسعرة فووووووووووق .

[ameeer3]

امير خذ بنصيحتي:
الشركات الكبيرة تجهيزها غالي وسعرها غالي.
عندي شركة بس المشاريع الصغرى بتخسرني . ماينفع احط مهندس
راتبة 15 او 20 يشرف على مشروع صغير .. لازم يكون بحجم المهندس
وحجم التجهيز .. الفلة يستطيع فورمن ذو خبرة ان ينفذها بأحسن الطرق
الهندسية .. انت تحتاج شركة مقاولات تخصصت في الفلل ومديرها محترم
وصاحبها محترم وسمعتها محترمة في السوق .. ممكن تطلب من الشركة
الفلل التي تم تنفيذها في السابق وتقابل المالك او كذا مالك وبيعطونك الخبر
الاكيد .. توكل على الله واسمع بنصيحتى ونتمنى من الله لك بالتوفيق.

كلامك عين الصواب أخوي المقاول - والصراحة انه درت على بعض مشاريع الشركات وشفت منها الزين والشين والي صفيت عليهم الشركتين الذي ذكرتهم مع العلم ان السعر بين الشركتين كان الفرق 50.000 ألف فقط.

[التومي]

قال الله تعالى:
(ومن يتق الله يجعل له مخرجاً، ويرزقه من حيث لا يحتسب

بصراحه فيه شركه اسمها ونستون للتجاره والمقاولات ماسكه مشروع مقابل نادى معيذروالدفنه والصناعيه صاحبها بنفسه يشرفها على شغله قطرى ماكنت مصدق لما بنيت عنده الشخص قمة الاحترام والتفاهم والاخلاق عنده مهندس فظيع بصراحه وسعره فوق الجيد ويكفى ان الشخص امين فى شغله وانصحك على مسئوليتى الشخصيه بالمرور على هاى الشركه والله الموفق

[ameeer3]

بيض الله وجهك يا التومي وان شا الله خير

[ameeer3]

شركة كبيرة او صغيرة .. كله صب كونتراكت
والعمالة نفس العمالة

‏ توني ادري يا بن غيث ان الي بينون البيت هم عمال على بالي مدير الشركة مشكور على النصيحة

[q6ryah]

جيرمن ممتازة ناس من هلي بانيين عندهم
كنت ابي ابني عنده لكن بوالعيال الله يهديه اختار شركة جديدة ان شاء الله لين سكنت البيت اقولكم الاخبار الطيبة يا رب

[معماري قطري]

السعي ورا الشركات الجيدة شيء مهم بس الأهم يكون العقد مفصل وكل شيء مذكور .. والرسومات تفصيلية ودقيقة والمواصفات كذلك وكل شيء متناسق .. بعضهم يحطون لك عقد ما له علاقة بمبناك عقد بنيان والسلام والكل يدور مصلحته ... لذلك لتسوي عقدك الا عن طريق إستشاري وإنت بروحك قلت شيء مهم وهو إنك لاحظت الأسعار بين الشركات القوية والكبيرة والمقتدرة والصغيرة اللي تعتمد على التسعير العشوائي متقاربه، فالأفضل بالعقل تروح للشركة الكبيرة واللي لها تاريخ لأن أقل شيء بتكون للشركة خبرة في التسعير وممكن بالمحاولة معاهم ينزلون شوي عن سعرهم وبعضهم يرضى بهامش ربح بسيط.

[ameeer3]

الف شكر لكل من نصحني وكل كلامكم في محله والحمد لله وقعت العقد مع شركة جيرمن والعقد سويته مع الاستشاري والحمد لله الاستشاري ممتاز ومن مكتب سكيتش للاستشارات االهندسية

[ameeer3]

معماري قطر الكلام الي قلته هو كان المبدأ الي مشيت عليه والف شكر لك

[بن غيث]

‏ توني ادري يا بن غيث ان الي بينون البيت هم عمال على بالي مدير الشركة مشكور على النصيحة

مشكور ع التعليق الظريف
الله يوفقك

[صــوت قطــر]

الله يعينك ويوفقك ان شاء الله .. ولا تنسى اهم شي تسأل الملاك الي بنو عند الشركه الي بتوقع معاها وهم بيعطونك المفيد ان شاء الله .. ولا تنسى الاستخاره

[ameeer3]

الله يعينك ويوفقك ان شاء الله .. ولا تنسى اهم شي تسأل الملاك الي بنو عند الشركه الي بتوقع معاها وهم بيعطونك المفيد ان شاء الله .. ولا تنسى الاستخاره

تسلم اخوي على النصيحة وفعلن كلامك صحيح وتم الاستفسار من الملاك الي بنوا عند الشركه نفسها /‏ والله يكتب الي فيه الخير
وبيض الله وجهك على الدعوات الي اهم من النصيحة