ليش يا فلانة قدمتي عندنا ؟؟

[فلتة زمانها]

في حياتي العمليه اجريت 6 مقابلات شخصيه،،كانت في مؤسسة حكوميه وشركات خاصه

من خلال المقابلات لاحظت انه بعض الاسئله تتكرر ،،وما عرفت اجاوب عليها بالطريقه الصحيحه

( الاجابه اللي اهما يبونها )،، في بدايه كل مقابله كان اول سوال ينطرح علي ليش يافلانه قدمتي عندنا!!

كنت اتبلعم وما عرف شقول بالضبط ،،وفي نفس الوقت احاول اظهر ثقتي بنفسي رغم اني مرتبكه،،

في اخر مقابله شخصيه تقريبا قبل 5 شهور ،،

اللي قابلوني مجموعة مكونه من امريكي والثاني من ساوث افريكا

والثالثه هنديه وبدوا المقابله بنفس السؤال ليش يافلانه قدمتي عندنا!!

طبعا اجوبتي سببت لهم احباط عرفت هالشي من تعابير وجيهم

وعقب سالوني في تخصصي وكلها اسئله عمليه والحمدلله قدرت اجاوب 80%

وفي اخر المقابله سألوني نفس السؤال ليش يافلانه ناويه تطلعين من دوامج الحالي!!

وكانت غلطة حياتي اني قلت الصج انهم طفشوني في الدوام وقرارات المؤسسة متخبطه ...الخ

وفي الاخير ما خذوني،، واتسأل ليش شفيني :(،،

لغتي الانجليزيه ممتازه ،، وجاوبت على كل الاسئله المتعلقه بتخصصي ومؤهلاتي وخبرتي نفس

المطلوبة في الاعلان :confused:

واكتشفت انه وحده من زميلاتي اللي مستواها متدني في العمل خذوها في نفس المكان وبدون

واسطه وسالتها عن المقابله طلعت نفس الاسئله اللي اسالوني،،

ولاحظت انه بعض المدراء العرب تختلف اسئلتهم عن المدراء الاجانب،،

وحده من ربعي قدمت على شركة بتروليه والمدير العربي اول ما شاف اسم قبيلتها

سالها فلان الفلاني مدير الشركه الفلانيه يقربلج؟؟ طبعا البنت كذبت وقالت نعم،، والمدير

اندهش واستانس (من باب المصلحه)

في النهايه هاذي ارزاق بيد رب العالمين،، ومحد بياخذ غير نصيبه،، لكن في مهارات واسرار مطلوبه

في المقابله الشخصيه للوظائف يفتقدها كثير من الناس وانا واحده منهم،،

من بين هذه الاسرار اللي اكتشفتها المجاملات وعدم

ذكر عيوب وسلبيات جهة عملك الحاليه،،

وسؤالي هو : ما هي اهم الاسئله اللي واجهتها في المقابله الشخصيه؟؟

وشنهي المهارات المطلوبه خلال المقابله؟

[طلعة الروح]

انا معاج ان المجاملات والنفاق الاجتماعي تلعب دور في اجتياز المقابلة الشخصية وهاي اللي نسميه ب ( الذكاء الاجتماعي )

[خالد_قطر]

أنا عن نفسي رحت كذا مقابلة وكان هالسؤال ضمن الأسئلة وكان جوابي عليه الواحد لازم يتطلع للأفضل والتطوير الدائم وأنا في شغلي وصلت إلى معرفة معظم المهام حتى صارت روتين يومي وفضلت التحق بشغلة في مكان آخر للتطوير مهاراتي وحطي شوية بهارات.

بس بالنسبة لي كانوا عرب وكانوا يجهلون طبيعة شغلي لأن ولا واحد فيهم يعرف بالمحاسبة فما يدخلون معاي بالتفاصيل.

[روح الاطلس]

انتي ذكرتيها ( المهارات) فعلاً اهم خصلة في المقابلة هو مهارة الرد وسرعة البديهه

من الخطأ ذكر سلبيات جهة عملج السابق

وافضل رد على مثل هالسؤال هو الرغبه في التطوير واكتساب خبرات جديدة بدون اي تعليق على جهة العمل السابقة

[الحال مايساعد]

أهم شيء التفكير في السؤال قبل الإجابة
المجاملات لابد منها
عدم ذم أي جهه أو إنقاص من شأنها بالعكس المفروض الترويج والمدح

[catqat]

غلطة فااادحة انج اعترفتي سبب تركج للعمل ....

المفروض تعطينهم أسباب انج كنتي تطمحين للأفضل، وانج تبين تتعلمين اكثر، او تنوعين بالمجال، أو زيادة خبرة .. وشي من هذا القبيل...

وليش تبين تتوظفين عندنا:: اختي المفروض اقلها اتجين مستعدة لمقابلة وتعرفين معلومات عن جهة العمل، وتقعدين تتفلسفين عليهم.. مثال شركات البترول، اقلها خلي عندج معلومات اتبين انج مطلعة على أخر مشاريع قطر للبترول وان الدولة الى ايش تطمح .. الخ

وتقدرين أخرها اتجاوبين ان شدني جهة العمل عندكم، لاني اعرف بالفرص الللي راح تعطون للموضف، خصوصا الخبرة في العمل، وتكلمي عن خططج وطموحج المستقبلي ، وعاد قصي ولزقي يمين ويسار، وراح تطلعين برد تحفــــــة..

[بورصواوي]

اخس شي لين في المقابله يسئلونك اسئله شخصيه كم اخو عندك متزوجين وين ابوك يشتغل
ونا محظر اجوبه حلوه بعد بحث عن المكان الي مقدم عليه علشان اذا سئلوني اكون فاهم

الله يهداهم الصراحه في المقابلات ماحصلت مجال للمدح او الذم كانت مثل التحقيق واجاوب قد السؤال

[الـخـالـدي]

ههههههههههه السموحه اختي بس قصتج تضحك شوي ...

الواحد اذا جا بيقدم على اي وظيفه لازم يحط فباله هدف يسويه خلال هذي الوضيفه

بناء عليها يرد فيها مثل هذي الاجوبه

تقبلي مروري

[Laffan]

من الاخطاء ذكر سلبيات الشغل القديم, ولازم الواحد يبين عنده طموع ويبي يطور نفسه ويخلي الشركة او المؤسسة تستفيد من خبراته

بالعربي الفصيح: المقابلة هي كأنك قاعد اتسوق حق سلعة معينه; يعني شلون تقدر اطلع خبراتك ومهاراتك عشان يقتنعون وياخذونك

بالتوفيق اختي عسى ان تكرهوا شيئاً وهو خير لكم

[الزعفراني]

اكبر مشكلة للي يتقدمون للمقابلات الشخصية بغرض العمل هو تركيزهم على الظهور بصورة مثالية بدرجة مبالغ فيها .

المفروض يكون الانسان عفوي في اجاباته ، ويقول الصج ، بعيدا عن اي تملحس ومحاوله الظهور بشخصية الانسان المهتم بمصلحة العمل وانه هو للي لا بعد ولا قبله أحد .

واحد من الربع غير شغله وقابل في احدى المؤسسات الشبه حكومية ، وكان من ضمن الاسئلة هالسؤال .. ليش قدمت عندنا .. قالها لهم بصريح العبارة مؤسستكم تدفع رواتب زينه وانا جاي عشان الراتب ..

قالوا له كم تتوقع نعطيك وحط لهم رقم معين ..

عقب فاوضوه على هالراتب ونزل وياهم شوي .. وفي الاخير توظف ..

هذا مجرد مثال .. لاجابة عفوية وصريحة ..

[بـــــدوي]

احياناً يسألون المتقدم للوظيفه بأسئله عشان يشوفون ردة فعله ، وكثرة كلامه او قلّته ، يعني لهم مقاييس بعيده كل البعد عن الجواب حتى لو كان شافياً . :victory:

[المحاميه]

من صجج
لا يبه ما عليج منهم ..

انتي خلج واثقه من نفسج وقولي الصج وقولي الكلام اللي يرضيج ولاتخافين ولا شي ..
يعني انا الحمدلله عن نفسي احاول اكون واثقه واقول الصج وماألف وادور .. وابينلهم اني استحق الوظيفه وان لي حق اخذ اللي ابيه وليش لا .. ومن حقي اجرب واعطي نفسي فرصه واوصل للي ابيه

واللي عاجبه عاجبه واللي مب عاجبه الباب يوسع له جمل
^^

بس بقولج نقطه يمكن صج لانج ذميتي وظيفتج السابقه وهاي معناها انج ممكن تذمينهم لو طلعتي من عندهم وهالشي يشوفونه سلبي .. يمكن ماعرفتي تعبرين بالطريقه الصح .. وبعدين مب شرط ارفضوج وانتي عندج كفاءه اممم في بعض الوظايف ينظرون حق امور ثانيه .. امور نشوفها بايخه بس هم يركزون فيها .. مثلا طريقة قعدتج او طريقة شرب القهوه الخ ..

[فلتة زمانها]

انا معاج ان المجاملات والنفاق الاجتماعي تلعب دور في اجتياز المقابلة الشخصية وهاي اللي نسميه ب ( الذكاء الاجتماعي )

هالشي اكتشفته مؤخرا،،

[فلتة زمانها]

أنا عن نفسي رحت كذا مقابلة وكان هالسؤال ضمن الأسئلة وكان جوابي عليه الواحد لازم يتطلع للأفضل والتطوير الدائم وأنا في شغلي وصلت إلى معرفة معظم المهام حتى صارت روتين يومي وفضلت التحق بشغلة في مكان آخر للتطوير مهاراتي وحطي شوية بهارات.بس بالنسبة لي كانوا عرب وكانوا يجهلون طبيعة شغلي لأن ولا واحد فيهم يعرف بالمحاسبة فما يدخلون معاي بالتفاصيل.

ذكرت نقطه مهمه انه الشخص يطمح ويتطلع للافضل
يعطيك العافيه اخوي

[شيزكيك]

بعد شي مهم عدم التبات في المكان يعني كل سنه في شغل غير هالشي ما يساعد الواحد في اجتياز المقابلات

وشي مهم عدم الالمام بمهام الوظيفة المتقدم لها اقل شي يسال او يقرا في موقع الجهه المتقدم للشغل فيه

[khalid525]

اصعب سؤال يمكن يمر في المقابلة الشخصية هو : اذكر لي نقاط ضعفك .

طبعا ٩٩٪ من الربع يجاوبون : الحمدلله ما عندنا نقاط ضعف .

اندهش ان معظم الشباب اللي نسويلهم انترفيو ما عمرههم فكروا شنهي نقاط ضعفهم .

، وطبعا ذم جهة العمل السابقة هو خطأ دايما يتكرر ، وفعلا احد اهم اسباب رفض التوظيف

والسبب في رفض اي موظف يذم مدرائة او وظيفته السابقة هو ان هذا الشخص سلبي ويفسر الامور تفسير شخصي وغالبا ما يقوم بعمل بلبة في اي مكان يتوظف فيه .

[لمعة الالماس]

انا اخس سؤال مر علي ليش ما توظفتي وصار لج سنتين من تخرجتي !!!

كنت اتوتر وما اعرف شنو ارد قمت ارد بصراحه واقول ( للاسف التوظيف عندنا صعب ومو بسهولة الواحد يتوظف ) وعقب هالرد توظفت :)

وبعد هالاسئلة ما تعجبني

ليش تبين تطلعين من الشغل؟ وعقب ما اجاوب السؤال الثاني بس توه ما صار لج اكثر من سنة شلون حكمتي ؟؟؟

ونفس السؤال اللي طرحتيه ليش مقدمه عندنا

[عاهد بن علي]

انه مره نزلت موضوع في منتدى الحوار العام قالو لي ( ليش يا فلان قدمت عندنا ) ؟؟؟؟؟

يعني نفس مشكلتج بس اختلف المكان والزمان
الله يعينا وياج

[قانوني متميز]

اختي بالنسبة للسؤوال المشهور ؟؟؟؟؟ ليش قدمت أو قدمتي عندنا ؟
الاجابة تختلف باختلاف الشخص كلن حسب ظروفة
مثلا انتي حابة اتغيرين الشغل لانهم طفشوج
بس اجابته المفروض تكون مختلفة ؟؟؟؟؟؟؟؟ شلون

يعني اتقولين انج تطمحين للعمل في مكان متطور ويقوم بتطوير الموظفين .
حابة انج تشتغلين في بيئة عمل مستواها عالمي
تشتغلين مع جنسيات مختلفة :(
وتذكرين مثال

اما بالنسبة للمقابلة يعني قلتيها امريكي وسوث افريكان وهندية
مستحيل يوظفون قطري :anger1:

والله يوفقج ويكتب لج اللي فيه الخير

[khaldoon]

والله عن نفسي اجاوب اني انا و لله الحمد مستقر بشغلي و استدل بذلك اني صارلي سنين فيه مثل ما هو واضح بالسيرة الذاتية اللي مقدمها لهم بس اطمح صراحة براتب احسن و بمكان افضل مثل الشركه هذه اللي مقدم عليها و لو لقيت لي فرصه بروحها اما لو ما لقيتها فأنا و لله الحمد شغلي متوفر و مضمون و ما عندي مشاكل و مستقر فيه

سألني واحد مرة هالسؤال بطريقة تشكيكية ليش تبي تغير شغلك ....حسيت و هو يسأل انه يظني متفنش و الا سلبي و الا اي شي فريدت عليه هالرد هذا بدون اكتراث و قلت له يعني لو ما لقيت راتب افضل بتم بشغلي كم سنة بعد ان شاء الله وما في اي مشكله عندي

بالنهاية ما توظفت و دارت السنين و لقيته يوم بوجهي و انا مازلت بنفس عملي السابق و اني انا المهندس المسؤول عن بناء بيت العمر له

شافني و صار يضحك لما وقفنا بروحنا و قلت له ان شاء الله بس شفت و تأكدت اني مستقر بشغلي ..... و تمينا اصحاب حتى بعد انهاء انشاء بيت العمر له

[فلتة زمانها]

انتي ذكرتيها ( المهارات) فعلاً اهم خصلة في المقابلة هو مهارة الرد وسرعة البديهه

من الخطأ ذكر سلبيات جهة عملج السابق

وافضل رد على مثل هالسؤال هو الرغبه في التطوير واكتساب خبرات جديدة بدون اي تعليق على جهة العمل السابقة

صج كانت غلطة وماكان عندي خلفية عن المقابلات الشخصية للوظايف
لاني تخرجت وتوظفت على طول (sponser) بدون مقابله
واشكرج اختي روح على الاضافات القيمه

[فلتة زمانها]

أهم شيء التفكير في السؤال قبل الإجابة
المجاملات لابد منها
عدم ذم أي جهه أو إنقاص من شأنها بالعكس المفروض الترويج والمدح
صحيح التفكير وسرعة الاجابة
من اهم مهارات المقابله
يعطيك العافيه

[فلتة زمانها]

غلطة فااادحة انج اعترفتي سبب تركج للعمل ....

المفروض تعطينهم أسباب انج كنتي تطمحين للأفضل، وانج تبين تتعلمين اكثر، او تنوعين بالمجال، أو زيادة خبرة .. وشي من هذا القبيل...

وليش تبين تتوظفين عندنا:: اختي المفروض اقلها اتجين مستعدة لمقابلة وتعرفين معلومات عن جهة العمل، وتقعدين تتفلسفين عليهم.. مثال شركات البترول، اقلها خلي عندج معلومات اتبين انج مطلعة على أخر مشاريع قطر للبترول وان الدولة الى ايش تطمح .. الخ

وتقدرين أخرها اتجاوبين ان شدني جهة العمل عندكم، لاني اعرف بالفرص الللي راح تعطون للموضف، خصوصا الخبرة في العمل، وتكلمي عن خططج وطموحج المستقبلي ، وعاد قصي ولزقي يمين ويسار، وراح تطلعين برد تحفــــــة..

ساعات الواحد يرتبك ومو مجهز نفسه ويجهل نقاط كثيره
وانتي ماشاءالله عليج وضحتي مهارات المقابله،، وسيفتهم عندي
جزاج الله خير اختي

[فلتة زمانها]

اخس شي لين في المقابله يسئلونك اسئله شخصيه كم اخو عندك متزوجين وين ابوك يشتغل
ونا محظر اجوبه حلوه بعد بحث عن المكان الي مقدم عليه علشان اذا سئلوني اكون فاهم

الله يهداهم الصراحه في المقابلات ماحصلت مجال للمدح او الذم كانت مثل التحقيق واجاوب قد السؤال

اسئله غريبه مامرت علي ،،ولازم الواحد يجهز نفسه ويقرا مواضيع عن
اسرار المقابله الشخصيه في النت واااايد مفيده
شكرا عالمشاركه

[فلتة زمانها]

ههههههههههه السموحه اختي بس قصتج تضحك شوي ...

الواحد اذا جا بيقدم على اي وظيفه لازم يحط فباله هدف يسويه خلال هذي الوضيفه
بناء عليها يرد فيها مثل هذي الاجوبه

تقبلي مروري

نقطة مهمه كنت غافله عنها،،ومافيها شي اذا الواحد يخطيء ويتعلم من اخطائه
جزاك الله خير عالاضافه القيمه

[كازانوفا]

من ضمن مقابلاتي للعمل
مرات كثيره اعترفت بالسبب الرئيسي لتركي العمل وللاسف ما عجبهم واوقات كتيره ما اقول كذبت بس قلت مررات ثانيه يمكن يمشي الحال
بكلا الحالتين ما لي نصيب لذلك اقنعت نفسي انها ارززززززززززاق من رب العالمين

[faisalqatar]

انا قابلت اكثر من شركة و الحمدلله توظفت في شركة من شركات الغاز
انا كنت اتكلم بعفوية وما اتصنع و اسوي نفسي الفاهم
كنت دايما ابين لهم اني محتاج لـ مكان يعلمني و يثقفني و يعطيني الخبرة اللازمة عشان اقدر ابدع في شغلي
و كنت ابين لهم اني مستعد اتعلم و مستعد اشتغل و اني مب من النوع اللي يعتمد على غيره

يعني بشكل عام لازم اتسوين دعاية حق نفسج و تمدحين شركتهم

[7llo]

السلام عليكم

اختي اسالتج هذي كلها اسالوني اياه من قبل وماعرفت اجاوبها ومره بعد كان عندي مقابله في دائره حكوميه اسالوني اساله كان ودي اتهاوش مع المره الي سوت لي اياه كانت تقولي انت ليش مقدم هني قلت لها ابي احسن مهاراتي قالي شلون يعني يعني اتحسن مهاراتك سكت ماعرفت اجاوب قالت لي ليش ماتبي شغلك القبلي كان ودي اقولها وانتي شكو بس سكت يعني صدق في اساله ترفع الضغط
الصراحه اتمنى يكون في موضوع عن الاساله الي تصير في الانتر فيو والي ينزل الموضوع يكتب فيه الاساله والاجوبه الزينه الي تخلي الواحد يمشي اموره في الانتر فيوو عشان الواحد يتعلم

[الكونتيسه غلا]

ربي يوفقج حبيبتي فلتة زمانها :)
عن نفسي توظفت بدون اجراء المقابلة الشخصية :shy:

[منهم وفيهم]

موضوع مهم وردود قيمه :victory:

[آنا غيــر]

شي طبيعي هالاسئله تنسئل لان يبون يشوفون مستوى لباقتج وذكائج في الاجابه عليها لانها اسئله حرجه نوعا ما

طبعا غلطتي انج قلتي مساوئ الشركه اللي تبين تطلعين منها ..

ولما يسألونج عن شركتهم ليش تبين تلتحقين فيها .. قولي انا ابي اكون وحده من موظفين هالشركه بحكم سمعتها القويه من بين شركات النفط او من بين الوزارات او اي كان نوعها .. وخاصه ان عندكم برنامج تطويري قوي اللي راح يحسّن مستوى ادائي في الشغل ومن هالكلام .. خربطي يعني

وبخصوص ان يسالون فلان الفلاني يقربلج ومن هالكلام .. هههه وايد تصير صح انا صارت لي في مقابله وحده بس وكان قطري .. بس عادي هو كان سائل سؤال عابر وادري ان مب قصده مصالح شخصيه

[بويعقوب]

في سؤال اصعب من هذي , اذا اسالوني عن نقاط الضعف والقوى ؟؟؟؟؟؟


الصراحه انا اتوهق واذا باتكلم عن نقاط الضعف ( احس انهم يقولون لي قول الصج شنهي عيوبك )


والاصعب منه اذا اسالوني بعد 5 سنوات وين تشوف نفسك ؟؟؟؟؟


الرد الدبلوماسي ( انا مايهمني وين باكون , اهم شئ اكون الرجل المناسب في المكان المناسب ) :)


والخيره فيما اختاره الله

والله يوفقج

[آنا غيــر]

في سؤال اصعب من هذي , اذا اسالوج عن نقاط الضعف والقوى فيج


الصراحه انا اتوهق واذا باتكلم عن نقاط الضعف ( احس انهم يقولون لي قول الصج شنهي عيوبك )

كل هالاسئله موجوده فالنت ومع اجاباتها

انا عندي دفتر كامل كله اسئله واجوبه ناقلتهم من النت ومنسقتهم ومعدله عليهم

وحفظتهم صمممم كل مقابله اروحها يسئلوني نفس هالاسئله وابدا ما اتوهق :nice:

[فلتة زمانها]

كل هالاسئله موجوده فالنت ومع اجاباتها

انا عندي دفتر كامل كله اسئله واجوبه ناقلتهم من النت ومنسقتهم ومعدله عليهم

وحفظتهم صمممم كل مقابله اروحها يسئلوني نفس هالاسئله وابدا ما اتوهق :nice:

اقدر استعيره منج واصوره والله بدعيلج طول حياتي

[فلتة زمانها]

من الاخطاء ذكر سلبيات الشغل القديم, ولازم الواحد يبين عنده طموع ويبي يطور نفسه ويخلي الشركة او المؤسسة تستفيد من خبراته

بالعربي الفصيح: المقابلة هي كأنك قاعد اتسوق حق سلعة معينه; يعني شلون تقدر اطلع خبراتك ومهاراتك عشان يقتنعون وياخذونك
بالتوفيق اختي عسى ان تكرهوا شيئاً وهو خير لكم

محتاجه مهاره واعداد مسبق ،،ان شاءالله اطبقها
يعطيج العافيه

[Al-Kuwari]

بحكم طبيعة عملي حاب افيدكم شوي باللي اعرفه في هالموضوع :)

بخصوص المقابلات اللي تكون مع الموارد البشرية فهي فقط لمعرفة طبيعة شخصية المتقدم وشلون يفكر وهل هو انسان طموح , سلبي , ايجابي ... الخ

اما الاشياء التقنية والمتعلقة فالوظيفة فالغالب تكون في المقابلة الثانية مع مدير القسم او الادارة اللي حابين يعطونج وظيفة فيها ,, طبعاً في بعض الجهات تجمع مدير القسم ومسؤول التوظيف في مقابلة وحده بدال انهم يجيبون المرشح للوظيفة على مقابلتين (المقابلة الشخصية - المقابلة التقنية مع مدير الاداره او القسم)


المقابلة الشخصية اللي يتم فيها هو دراسة شخصية المتقدم ,, وجس النبض عنده هل هو حاب الوظيفة اللي نبي نوظفه عليها او لا , هل عنده قابلية يعمل في المكان الفلاني او لا , هل يقبل بنظام الشفتات او لا , هل الراتب بالنسبة له مغري او لا , ومن هالكلام

طبعاً في اسئلة تعتبر اجبارية في هالمقابله منها طبعاً

س: ليش قدمت عندنا؟

هالسؤال سهل جداً لكن للأسف العقلية اللي موجوده عند اغلب شبابنا وبناتنا (وفالفترة الاخيره بدت تتغير والحمدلله) هي ان الشاب يقدم في كللللل مكااااااان فالدوحه , شسم الشركة ؟ مايدري , شنو مجال عمل الشركة مايدري !

والشركات ماتحب هالنوعيه من الشباب , لأن من طريقة تقديمه العشوائية يبين ان ماعنده هدف او مايدري هو شيبي بالضبط

فالسؤال هذا سؤال ذكي والهدف منه التعرف على المرشح هل هو مقدم في الشركة الفلانية ويعرف ايش مجال عمل الشركة والمشروعات الموجوده حالياً وسنة تأسيسها و و و وهالشي يعطي انطباع لمشرف التوظيف ان هالشخص اللي قدامه شخص فعلاً مقدم عندي لأن حاب شركتي ويبي يشتغل فيها , والاجابة سهله بعد , فقط ادخل موقع الشركة واقرى عنها واعرف شنو مجالها ومتى تأسست ومن هالمعلومات البسيطة اللي ممكن الواحد يحفظها خلال 5 دقايق ..

س: ليش تبي تطلع من شغلك؟

هالسؤال بعد مهم , والهدف منه معرفة اسباب خروجك من عملك , طبعاً مش كل الأسباب تذكر , وبعض شبابنا الله يهديهم من خلال تجارب شخصية لي يجيبون العيد في هالسؤال :tease:

مب كل شي ينقال ومب معقولة انك تفتح قلبك وتخور وتنجب مع مسؤول التوظيف , ترى فالنهايه انت ماتعرفه ولا هو يعرفك , وهالشي راح يرسم نظرة سلبية عنك عند المسؤول ,

الاجابة المثالية هي انك تكون بعيد كل البعد عن السلبيات , في اجابات حلوة مثلاً تقدر تقول انك عطيت كل اللي عندك وحاب تغير ( طبعاً لما تكون فترة عملك فالوظيفة السابقة 5 سنين او اكثر ) مايكون صارلك سنه فالوظيفة وتقول عطيت كل اللي عندي :rolleyes2:

ممكن بعد الواحد يذكر السلبيات بطريقة لبقة الا وهي ان يعترف بوجود بعد القرارات الغير مدروسة واللي انك انت تتحفظ عن ذكرها من باب اللباقة وحفظ الامانه بما انك كنت موظف عندهم في يوم من الايام وان هالقرارات خلتك كموظف تحس بعدم استقرار وللسبب هذا فانت تشوف ان الوقت الحالي هو المناسب للانتقال

ممكن بعد تذكر اسباب اخرى , لو الشركة فيها برنامج تطويري قوي ممكن تذكر انك مب حاس بأي تطوير لك عالصعيد الشخصي او المهني في الوظيفة السابقة ولذلك حاب تغير وشركتكم فيها برنامج قوي غني عن التعريف وتبدا تعدد مزايا هالبرنامج على اساس تثبت صحة كلامك

س: وين تشوف نفسك خلال 5 سنين لو التحقت بشركتنا ؟

هالسؤال بصراحة صعب لأن يعتمد على نظرة الشخص اللي يجري لك المقابلة لو قلت مدير , بناء على نظرة الشخص اللي يجري لك المقابلة ممكن يقول انك طموح , وشخص ثاني ممكن يقول انك مغرور , فمثل ماوضحت الاجابة على السؤال هذا صعبببة جداً

لكن في اجوبة دبلوماسية حلوة وبصراحة احلى اجابة مرت علي كانت كالاتي ,

ما اقدر اجزم انا وين بكون خلال خمس سنين لان اللي يعلم الغيب هو الله وحده , لكن اللي اتمناه واطمح له اني اكون في مكان ووظيفة تضيف لي عالصعيد الشخصي والمهني وتضيف للشركة وتكون الشركة استفادت مني على اكمل وجه كموظف فيها


طبعاً بعد اجتياز المقابلة الشخصية , يجي دور المقابلة التقنية مع مدير القسم وفالغالب تكون اسهل واهون من المقابلة الاولى

اغلب الأسئلة تكون تقنية عن الوظيفة خصوصاً لو كنت موظف سابق ومش خريج جديد وصاحب خبرة , فالمدير او رئيس القسم راح يحاول يتحقق من معلوماتك ويشوف مستوى خبرتك وفهمك في مجالك , واذا قدرت تثبت هالشي راح يطرح عليك المسمى الوظيفي والقسم والمطلوب منك كموظف لو شغلت هالوظيفة والمقابلة هذي امورها سهالات تقريباً


فالنهاية مافي اجابة صحيحه واجابة خاطئة لان مثل مابينت فردي الاجابات تعتمد على نظرة وطريقة تفكير الشخص اللي بيعمل لك المقابلة

ممكن اجابتك تنفهم بطرق كثيرة , انت من خلال نظرتك تشوف ان كلامك يدل على طموح , مسؤول التوظيف يشوف كلامك يدل على غرور ,,

لكن المقابلة بشكل عام تعتبر سهلة لو فهمت الكونسبت لها الا وهو

سوق نفسك ! , نعم تعلم كيف تسوق نفسك وتبين نفسك في احسن وافضل شكل , كيف تقنع الناس انك انت الشخص المطلوب , وكيف تبين لهم انك انت الشخص المناسب

وهالشي ترى سهل ويحتاج فقط الى ثقة فالنفس ولباقة وطريقة خاصه تقدر فيها تبين مزاياك وتغطي عيوبك


وبالتوفيق للجميع :nice:

[فلتة زمانها]

بحكم طبيعة عملي حاب افيدكم شوي باللي اعرفه في هالموضوع :)

بخصوص المقابلات اللي تكون مع الموارد البشرية فهي فقط لمعرفة طبيعة شخصية المتقدم وشلون يفكر وهل هو انسان طموح , سلبي , ايجابي ... الخ

اما الاشياء التقنية والمتعلقة فالوظيفة فالغالب تكون في المقابلة الثانية مع مدير القسم او الادارة اللي حابين يعطونج وظيفة فيها ,, طبعاً في بعض الجهات تجمع مدير القسم ومسؤول التوظيف في مقابلة وحده بدال انهم يجيبون المرشح للوظيفة على مقابلتين (المقابلة الشخصية - المقابلة التقنية مع مدير الاداره او القسم)


المقابلة الشخصية اللي يتم فيها هو دراسة شخصية المتقدم ,, وجس النبض عنده هل هو حاب الوظيفة اللي نبي نوظفه عليها او لا , هل عنده قابلية يعمل في المكان الفلاني او لا , هل يقبل بنظام الشفتات او لا , هل الراتب بالنسبة له مغري او لا , ومن هالكلام

طبعاً في اسئلة تعتبر اجبارية في هالمقابله منها طبعاً

س: ليش قدمت عندنا؟

هالسؤال سهل جداً لكن للأسف العقلية اللي موجوده عند اغلب شبابنا وبناتنا (وفالفترة الاخيره بدت تتغير والحمدلله) هي ان الشاب يقدم في كللللل مكااااااان فالدوحه , شسم الشركة ؟ مايدري , شنو مجال عمل الشركة مايدري !

والشركات ماتحب هالنوعيه من الشباب , لأن من طريقة تقديمه العشوائية يبين ان ماعنده هدف او مايدري هو شيبي بالضبط

فالسؤال هذا سؤال ذكي والهدف منه التعرف على المرشح هل هو مقدم في الشركة الفلانية ويعرف ايش مجال عمل الشركة والمشروعات الموجوده حالياً وسنة تأسيسها و و و وهالشي يعطي انطباع لمشرف التوظيف ان هالشخص اللي قدامه شخص فعلاً مقدم عندي لأن حاب شركتي ويبي يشتغل فيها , والاجابة سهله بعد , فقط ادخل موقع الشركة واقرى عنها واعرف شنو مجالها ومتى تأسست ومن هالمعلومات البسيطة اللي ممكن الواحد يحفظها خلال 5 دقايق ..

س: ليش تبي تطلع من شغلك؟

هالسؤال بعد مهم , والهدف منه معرفة اسباب خروجك من عملك , طبعاً مش كل الأسباب تذكر , وبعض شبابنا الله يهديهم من خلال تجارب شخصية لي يجيبون العيد في هالسؤال :tease:

مب كل شي ينقال ومب معقولة انك تفتح قلبك وتخور وتنجب مع مسؤول التوظيف , ترى فالنهايه انت ماتعرفه ولا هو يعرفك , وهالشي راح يرسم نظرة سلبية عنك عند المسؤول ,

الاجابة المثالية هي انك تكون بعيد كل البعد عن السلبيات , في اجابات حلوة مثلاً تقدر تقول انك عطيت كل اللي عندك وحاب تغير ( طبعاً لما تكون فترة عملك فالوظيفة السابقة 5 سنين او اكثر ) مايكون صارلك سنه فالوظيفة وتقول عطيت كل اللي عندي :rolleyes2:

ممكن بعد الواحد يذكر السلبيات بطريقة لبقة الا وهي ان يعترف بوجود بعد القرارات الغير مدروسة واللي انك انت تتحفظ عن ذكرها من باب اللباقة وحفظ الامانه بما انك كنت موظف عندهم في يوم من الايام وان هالقرارات خلتك كموظف تحس بعدم استقرار وللسبب هذا فانت تشوف ان الوقت الحالي هو المناسب للانتقال

ممكن بعد تذكر اسباب اخرى , لو الشركة فيها برنامج تطويري قوي ممكن تذكر انك مب حاس بأي تطوير لك عالصعيد الشخصي او المهني في الوظيفة السابقة ولذلك حاب تغير وشركتكم فيها برنامج قوي غني عن التعريف وتبدا تعدد مزايا هالبرنامج على اساس تثبت صحة كلامك

س: وين تشوف نفسك خلال 5 سنين لو التحقت بشركتنا ؟

هالسؤال بصراحة صعب لأن يعتمد على نظرة الشخص اللي يجري لك المقابلة لو قلت مدير , بناء على نظرة الشخص اللي يجري لك المقابلة ممكن يقول انك طموح , وشخص ثاني ممكن يقول انك مغرور , فمثل ماوضحت الاجابة على السؤال هذا صعبببة جداً

لكن في اجوبة دبلوماسية حلوة وبصراحة احلى اجابة مرت علي كانت كالاتي ,

ما اقدر اجزم انا وين بكون خلال خمس سنين لان اللي يعلم الغيب هو الله وحده , لكن اللي اتمناه واطمح له اني اكون في مكان ووظيفة تضيف لي عالصعيد الشخصي والمهني وتضيف للشركة وتكون الشركة استفادت مني على اكمل وجه كموظف فيها


طبعاً بعد اجتياز المقابلة الشخصية , يجي دور المقابلة التقنية مع مدير القسم وفالغالب تكون اسهل واهون من المقابلة الاولى

اغلب الأسئلة تكون تقنية عن الوظيفة خصوصاً لو كنت موظف سابق ومش خريج جديد وصاحب خبرة , فالمدير او رئيس القسم راح يحاول يتحقق من معلوماتك ويشوف مستوى خبرتك وفهمك في مجالك , واذا قدرت تثبت هالشي راح يطرح عليك المسمى الوظيفي والقسم والمطلوب منك كموظف لو شغلت هالوظيفة والمقابلة هذي امورها سهالات تقريباً


فالنهاية مافي اجابة صحيحه واجابة خاطئة لان مثل مابينت فردي الاجابات تعتمد على نظرة وطريقة تفكير الشخص اللي بيعمل لك المقابلة

ممكن اجابتك تنفهم بطرق كثيرة , انت من خلال نظرتك تشوف ان كلامك يدل على طموح , مسؤول التوظيف يشوف كلامك يدل على غرور ,,

لكن المقابلة بشكل عام تعتبر سهلة لو فهمت الكونسبت لها الا وهو

سوق نفسك ! , نعم تعلم كيف تسوق نفسك وتبين نفسك في احسن وافضل شكل , كيف تقنع الناس انك انت الشخص المطلوب , وكيف تبين لهم انك انت الشخص المناسب

وهالشي ترى سهل ويحتاج فقط الى ثقة فالنفس ولباقة وطريقة خاصه تقدر فيها تبين مزاياك وتغطي عيوبك


وبالتوفيق للجميع :nice:

ماشااااااااء الله ردك درر
وسيفت كل النقاط اللي ذكرتها،،ان شاءالله الكل يستفيد:victory:
جزاك الله الف خير

[فلتة زمانها]

اكبر مشكلة للي يتقدمون للمقابلات الشخصية بغرض العمل هو تركيزهم على الظهور بصورة مثالية بدرجة مبالغ فيها .

المفروض يكون الانسان عفوي في اجاباته ، ويقول الصج ، بعيدا عن اي تملحس ومحاوله الظهور بشخصية الانسان المهتم بمصلحة العمل وانه هو للي لا بعد ولا قبله أحد .
واحد من الربع غير شغله وقابل في احدى المؤسسات الشبه حكومية ، وكان من ضمن الاسئلة هالسؤال .. ليش قدمت عندنا .. قالها لهم بصريح العبارة مؤسستكم تدفع رواتب زينه وانا جاي عشان الراتب ..

قالوا له كم تتوقع نعطيك وحط لهم رقم معين ..

عقب فاوضوه على هالراتب ونزل وياهم شوي .. وفي الاخير توظف ..

هذا مجرد مثال .. لاجابة عفوية وصريحة ..

الحين عرفت انه مب كل شي ينقال،، لازم شوية بهارات خصوصا في الشركات
والمؤسسات الخاصه ،،المدراء يجسون النبض ويبحثون عن الشخص الطموح
فالواحد قدر ما يقدر يتدرب على اسالة المقابله الشخصيه وياخذ بنصايح اخونا الكواري
يعطيك العافيه عالمشاركه

[Class - Qtr]

راي شخصي

المكان الوحيد اللي الواحد يدخله مع شويه عيارة هو المقابله الشخصيه

بعد مايطلع من هالمقابله يرجع طبيعي ويبعد صفه العيارة عنه

:)