قنبلــة ازدان القطريـــة .. مبروك للمقبلين على الزواج

[اوف ليميت]

ازدان تعلن عن قاعات افراح ب1000 ريال فقط لليوم ..

القاعه تستوعب 400 شخص

لكن البوفيه والطاولات على المستأجر

عموماً جزاهم الله خير

http://im29.gulfup.com/2012-07-15/1342351219851.jpg (http://www.gulfup.com/show/X34es7dtr0vi8sg)

[حسن]

ياخوك خرعتنا احنا ناقصين قنابل
جزاهم الله خير وماقصرو

[البدع]

خذها مني

محد بيروح

نفس الحركة صارت بالامارات ... قاعات رخيصة ... ومحد راح

وفي اماراتيين مايعرفون عن هذي القاعات لان محد يروح لها

(المظهرشية) اصبحت سمة من سمات مجتمعنا

والي بيروح هذي القاعات بيعتبرونه (شيب) يعني رخيص

[eXpert*]

جزاهم الله خير

والحمدلله أن صاحب إزدان من الأشخاص المؤثرة والغير متأثرة .

[اوف ليميت]

ازدان هي افضل شركه عقاريه على مستوى مجلس التعاون
وتصنيفها الأول
بروه تصنيفها الخامس

[ROSE]

ياخوك خرعتنا احنا ناقصين قنابل
جزاهم الله خير وماقصرو

:funny:



بالتوفيق للجميع ان شاء الله والله يجزيهم الخير على هالعرض

[Dana’1]

مشاءلله حلو...الله يجزاهم خير..وعقبال ما تنترس كل يوم زواجات^-^

[اوف ليميت]

خذها مني

محد بيروح

نفس الحركة صارت بالامارات ... قاعات رخيصة ... ومحد راح

وفي اماراتيين مايعرفون عن هذي القاعات لان محد يروح لها

(المظهرشية) اصبحت سمة من سمات مجتمعنا

والي بيروح هذي القاعات بيعتبرونه (شيب) يعني رخيص




الحين في جهات سوت اللي عليها

الوضع الحين يعتمد على عقلية الناس مثل ماتفضلتي في كلامج

ولكن, لا مجال للخداع الان او المماطله لسبب غلاء القاعات

[حسن]

خذها مني

محد بيروح

نفس الحركة صارت بالامارات ... قاعات رخيصة ... ومحد راح

وفي اماراتيين مايعرفون عن هذي القاعات لان محد يروح لها

(المظهرشية) اصبحت سمة من سمات مجتمعنا

والي بيروح هذي القاعات بيعتبرونه (شيب) يعني رخيص



والله العظيم انك من الصادقين:victory:

[flourish]

هذا مشروع لأصحاب العقول الناضجة والله لو الكل تعاون وصاروا يتأجروا من إزدان راح تنخفض أسعار جميع الصالات الأخرى

[حسن]

:funny:



بالتوفيق للجميع ان شاء الله والله يجزيهم الخير على هالعرض

مبروك عليك الشهر مقدما يامشرفتنا العزيزه
escape

[flourish]

وجزء من أرباح إزدان يروح للمشاريع الخيرية.

[كبير المتداولين]

اخوي الموضوع اشاعه تم تداولها بأجهزه البلاك بيري




اتصل بالشركه وتاكد منهم يقولك الليله ب

70 الف

[اوف ليميت]

اخوي الموضوع اشاعه تم تداولها بأجهزه البلاك بيري




اتصل بالشركه وتاكد منهم يقولك الليله ب

70 الف

هذا اعلان رسمي من موقع (أخبار الدوحه) الرسمي
ماياخذ معلوماته الا من المصادر الرسميه فالدوله

اذا ماتقوله صحيح، ارجو ان يصرح الاخ محمد صلاح..الجنرال مانيجر لمنتجعات وفنادق ازدان لما ورد في الاعلان

[قطريه أصيله]

اخوي الموضوع اشاعه تم تداولها بأجهزه البلاك بيري




اتصل بالشركه وتاكد منهم يقولك الليله ب

70 الف

لا مش اشاعه انا اعرف وحده سوت حفلة تخرجها في قاعة ازدان الموجوده في مجمع ازدان السكني في طيبه وسألتها بكم حجزتيها قالت بـ 1000 ريال فقط

:)

[مدريدي بفخر]

جزاهم الله 1000 خير

[qtr qtr]

جزاه الله الف خير ... والي يحب المفوشر وهو حافي يتحمل ما يجيه من ضغوطات فالديون .. واللي عنده خير الله يغنيه ويغنينا من نعيمه

[بصمة قطرية]

الله يجزاهم خير ..
خل نشوف حد يتشكى من اسعار القاعات :anger1:

[STAR]

شكرا ازدان...

[mariamaziz]

الدور الباقي على النفوس و العقليات

عسى بس يشربون من ماي الرضا و القناعه

[فلتة زمانها]

خبر حلو
مثل ما قال البدع قليل اللي بيسوون اعراسهم في قاعة بو 1000 خوفا من كلام الناس

[ريتويت]

أحسن خبر لكن الأهم ان الناس تعيش بسعاده

[كلنا قطر 1981]

ان كان الخبر صحيح

ف الله يجزي ادارة ازدان كل خير

و بالتوفيق للجميع

[BuFaisal]

الله يجزاهم كل خير ادارة ازدان

والي مب عاجبه يتفضل يسوي شيء احسن بدل النقد على الخالي :)

[دنيا الاسهم]

الى متى يخاف من كلام الناس وش بيقولون عنا اذا اجرنا فيها
زين التجهيزات اللي بعد التاجير تقص الظهر مافي شي ببلاش
بس ماادري الى متى المفوشر والتخلف
ماادري هل نحن سبب الغلاء ام مساهمين في الغلاء
زين اللي يعيبون ولا يستحون ياجرون فية ..تموا على الديون الى القبر ... شي يقهر

[BoAof]

يا مكثر اللي يبون الستر ولا يدورون الهياط
بس يبيله رجال عاقل + بنت ما يهمها كلام الناس
ويصرفون فلوسهم في اشياء تفيدهم

[لاجل QT]

خبر حلو وخطوة جميلة ومباركة انشاء الله

الحين بيبين اللى يشتكون من غلاء وتكاليف الزواج والقاعات..

مع انى ضد الزواج في القاعات المكلفة ...والاكتفاء بحفلة صغيرة في البيت
ولكن 1000 ريال مارح تاثر ..

ومبروكين مقدما

[السلولي]

خبر حلو وخطوة جميلة ومباركة انشاء الله

الحين بيبين اللى يشتكون من غلاء وتكاليف الزواج والقاعات..

مع انى ضد الزواج في القاعات المكلفة ...والاكتفاء بحفلة صغيرة في البيت
ولكن 1000 ريال مارح تاثر ..

ومبروكين مقدما




1000 ريال سعر ممتاز ولكن كم سعر الكوشه ؟ وكم سعر البوفيه ؟ وكم سعر تزين كل طاوله ؟ و و و و هي ما جات على الـــ 1000 ريال شوفي الــــ 1000 ايش بتسحب وراها :weeping:

[لاجل QT]

1000 ريال سعر ممتاز ولكن كم سعر الكوشه ؟ وكم سعر البوفيه ؟ وكم سعر تزين كل طاوله ؟ و و و و هي ما جات على الـــ 1000 ريال شوفي الــــ 1000 ايش بتسحب وراها :weeping:

مظاهر سخيفة بلا معنى :(..كلن عقلة في راسة يعرف خلاصة...اللى يبي الدين والهم والمفوشر يسوى عرس شو حق العالم اللى مايعجبها العجب:(..واللى يبي الله يرضي علية ويبارك لة ماراح يسرف في عرسة

بس المشكلة الريال لين خذ الزوجة بسهالات بدون ارهاق مادى يستسهل ياخذ الثانية:secret:

[حسن]

خبر حلو وخطوة جميلة ومباركة انشاء الله

الحين بيبين اللى يشتكون من غلاء وتكاليف الزواج والقاعات..

مع انى ضد الزواج في القاعات المكلفة ...والاكتفاء بحفلة صغيرة في البيت
ولكن 1000 ريال مارح تاثر ..

ومبروكين مقدما

والله انه مهب مقتنع اذا كان الخبر صحيح ولا لا واذاكان صحيح اعلنها عن طريق المنتدى
انا حسن متكفل بزواج عشرين شخص والله على ماقوله شهيد

بعدين يا لاجل قطر قصو على بالعرس الاولي كان زين في عرس سكاتي:secret:

[لاجل QT]

والله انه مهب مقتنع اذا كان الخبر صحيح ولا لا واذاكان صحيح اعلنها عن طريق المنتدى
انا حسن متكفل بزواج عشرين شخص والله على ماقوله شهيد

بعدين يا لاجل قطر قصو على بالعرس الاولي كان زين في عرس سكاتي:secret:

هههههههههه تعال تعال اشلون قصو عليك بالعرس الاولى:)

وجزاك الله خير على الخطوة الجيدة بتكفل بزواج 20 شخص في ميزان حسناتك:)

[النجلا]

القاعة وااايد صغيرة وماتنفع حق اعرآس :) بس جزاه الله خير ..

[ANONYMOUS]

والله انه مهب مقتنع اذا كان الخبر صحيح ولا لا واذاكان صحيح اعلنها عن طريق المنتدى
انا حسن متكفل بزواج عشرين شخص والله على ماقوله شهيد

بعدين يا لاجل قطر قصو على بالعرس الاولي كان زين في عرس سكاتي:secret:


جزاك الله خير

نبي حد الحين يتبرع ب الكوشه

والبلعه

وكذا يعني :p

[شمس]

جزاهم الله خير

والحمدلله أن صاحب إزدان من الأشخاص المؤثرة والغير متأثرة .

الله يكثرهم .....



وجزى الله كل خير من أعان الناس المحتاجه وهم الاغلبيه

كان خلوها اكثر من صاله بالتجاور الي يبي ثنتين او اكثر ياجر

[لاجل QT]

جزاك الله خير

نبي حد الحين يتبرع ب الكوشه

والبلعه

وكذا يعني :p

وش باقي على المعرس:eek5:

[مواقف النجادة]

ازدان هي افضل شركه عقاريه على مستوى مجلس التعاون
وتصنيفها الأول
بروه تصنيفها الخامس

انا مالي خص ببروة او ازدان و لكن اقولها حرصا على مستوى الشركات والمقاولين في بلدي...

دش اي مشروع لبروة و اي مشروع لازدان .. وقارن بينهم .. بتحصل غرفة الناطور في بروة .. منفذة بشكل احسن و اجود من مكتب المدير في ازدان ..

ازدان اسوا شركة عقارية في قطر و ربما في الخليج .. و اللي نافعها اسعار الاراضي و الا عقاراتهم ما اظمن انها راح تعمر 15 سنة .. كله مقاولين من الباطن و شغل رديء.

[مرتبش]

خلونا من نظرية من اللي بيروح هالقاعات ومن اللي يدور الغالي وعطونا تفاصيل اكثر.. في احد الردود ذكر ان مساحة القاعة او القاعات صغيرة وماتصلح! وموقعهم مافيه اي معلومة عن القاعات وكذلك موقع هالقاعات وين! الوكير!؟

[<اضرب واشرد>]

1000 ريال ( والعشاء والطاولات عليك )

يعني 1000 + 15000 تقريبا = 16000 كامل

[alfahad1]

على كلامكم تنفع حق خطوبه

[ممنوع اللمس]

اذا كانت القاعات اللي جنب الستي فما تنفع حق عرس يعني حفلة خطوبه تنفع لان صغيره

وجزاه الله خير صاحب ازدان على هالمشروع الطيب وخطوه موفقه ان شاء الله

[naif3]

الله يجزااااهم خير
والله ماقصرو
بس انشالله الشباب كلهم يتوجهون لازدان ويقاطعون الصالات النصاااابه

[الجوكر90]

يبيله اذا القاعه زينه ومافيها شي وفالوكره احلى شي قريبه
زين لين السنه الجايه زواجي راح يكون برخيص

[مرحوم قطر]

انا عن نفسي اذا كان الموضوع صدق باخذها لما اتزوج ان شاء الله

و واحد من الشباب قاعد يرتب حق عرسه بكره بقوله بس ولا عليكم امر يالربع

[الموضوعي]

راح يتدخلون النسوان ويسكرونها

[Anas_G]

هل البنات راح يوافقون ؟

[مستر بن]

الف مبروكك وعقبال
شباب المنتدى وشيابها .. هههه
انا للحين ادرسس :(

[مستر بن]

يبيله اذا القاعه زينه ومافيها شي وفالوكره احلى شي قريبه
زين لين السنه الجايه زواجي راح يكون برخيص

اككييد انا معزووم خخخ

[بريق الحق]

الله يجزاهم خير الصراحة حتى النوادي الله يعطيهم العافية مايقصرون من الناس

[BoFahed]

اللي علا قد حاله و يبي يكمل نص دينه ويعف نفسه عن الحرام و معصية المولى عز وجل في زمن اسود تتهافت فيه الفتن علا الشاب واستسهل الزنا بيتوكل علا الله وبيعرس فيها ماعنده اي عذر مادي اقاعة بتشيل عنه اكثر من نص المصاريف (قاعة الحريم )ولانه فيه اولياء امور كثيرين يبون العفة لبناتهم لا مهر ولا بطيخ كل بيت فيه درزن بنات مقابل شاب

اما اذا همه فلان وفلانه وربعي في الدوام وربع خواتي وجماعتنا و جيرانا ويش بيقولون عنا؟؟؟ما بيفيدونه لما يوقف قدام ملك الملوك يوم القيامة ولا بنغير شي فينا بدون مثل هذي المبادرات

والله ما ادري وين بتودينا البطرة والزبو اللي انتشرت فينا في ال10 سنوات الاخيرة نسال الله العفو والعافيه في الدنيا والاخرة ولا ياخذنا بما فعله السفهاء منا

[عاهد بن علي]

جزاهم الله خير الجزاء

فعلآ مشروع مدروس

[الـخـالـدي]

بداية الغيث قطره .. و ان شاء الله نشوف باقي القاعات من ازدان

لاهنت اخوي على النقل

[كازانوفا]

المشروع حلو وان شالله يقنع الناس والناس تقنع بعض

[الحال مايساعد]

هم سو إللي عليهم والباقى على عقلية الناس ومدى تقبلهم

[لابس بشت]

جزاهم الله خير

من فتره مسوين عيد ميلاد فالقاعه وبصراحه يشتكون من المكيفات :/

[Chambray]

جزاهم الله خير

من فتره مسوين عيد ميلاد فالقاعه وبصراحه يشتكون من المكيفات :/

عاد مكيفات ولا غيره
قبل 25 سنه الاعراس بسيطة جداً وفي البيت ولا حد شتكى قال حر ورطوبه ولا كوشه ولا غيرها من هالخرابيط الي مالها لزمه
انزين وبعدين تكلموا الناس وذموا في العرس ، العرس اصله اشهااااار وبس
اصلن جذيه ولا جذيه المعازيم بيذمون
والمعرس هو الي بيتدبس طول حياته

سهلوا على الناس الزواج .. الحرام صار سهل

الله يستر علينا وعلى بناتنا وبنات المسلمين

[كلنا قطر 1981]

عاد مكيفات ولا غيره
قبل 25 سنه الاعراس بسيطة جداً وفي البيت ولا حد شتكى قال حر ورطوبه ولا كوشه ولا غيرها من هالخرابيط الي مالها لزمه
انزين وبعدين تكلموا الناس وذموا في العرس ، العرس اصله اشهااااار وبس
اصلن جذيه ولا جذيه المعازيم بيذمون
والمعرس هو الي بيتدبس طول حياته

سهلوا على الناس الزواج .. الحرام صار سهل

الله يستر علينا وعلى بناتنا وبنات المسلمين

اي والله صادق

احييك على هالرد و التوضيح :nice: :victory:

[وليف قطر]

فيهم الخير والله ..

بيوفروا على شريحه كبيره من الشباب اللي يبون الستر ..

واللي يشوف انها مب قد المستوى .. الله لا يهينه .. يدل قاعة كتارا ..
( يتخرفن ) و يدفع و يبشر بالدلع ..

[القلم الصريح]

بهالعرض ال 1000 ريال اصلا ماراح الواحد يحصل حجز ، فالقاعه كلها فل بغض النظر اصحاب المظاهر قاطعوها
لان في نسبة كبيييييييييييييييره من المقيميين العرب اللي على قد حالهم مو مثلنا مهايط

[الكونتيسه غلا]

جزاهم الله خير،،

[asad100]

مالك شركة ازدان رجل لا يحضرني اسمه ولكن ذلك لا يهم فافعاله الطيبة تسبق اسمه

[BoFahed]

مالك شركة ازدان رجل لا يحضرني اسمه ولكن ذلك لا يهم فافعاله الطيبة تسبق اسمه

الشيخ ثاني بن عبدالله ال ثاني موسس جمعية راف الخيرية واللي رهن اسهم من ازدان قيمتها بالمليارات وقف لله عز وجل

[الجوكر90]

اككييد انا معزووم خخخ

اكيد :)

[برنس قطر]

الله يبارك الراعي فكره وبارك في عياله وصحته وماله رجل خيير ومن ساس طيب الله يوفقله ويرزقه من كل خيره وبارك فيه ان شالله فكر في عيال بلاده وياليت ويااااليت ويقتدون تجار باقيه الي بلعو البلاد مدخولهم 100 ملاين اللهم لاحسد مثل تجار سيارات وتجار مواد الغذائيه وغيرهم وغيرهم مثل تصرفاته

[الـراسي]

جزاه الله كل خير

كنا ننتظر هالدعم من جهة حكومية وليست شخصية

كعمل قاعة افراح في كل منطقة

ولكن ما اقول الا بيض الله وجه الشيخ ثاني بن عبدالله ال ثاني

والله يجعله في ميزان حسناته

[M S A]

الله يوفق كل الشباب و الشابات المقبلين على الزواج. و مبروك مقدما. أكيد الأمر مؤجل لبعد رمضان إن شاء الله.

[راشد محمد]

جزاهم الله خير

[بوصلووح]

ماشاءالله
والله خبر مفرح

[حسن]

جزاه الله كل خير

كنا ننتظر هالدعم من جهة حكومية وليست شخصية

كعمل قاعة افراح في كل منطقة

ولكن ما اقول الا بيض الله وجه الشيخ ثاني بن عبدالله ال ثاني

والله يجعله في ميزان حسناته

وليش ننتظر من الحكومه دائما واحنا عندنا الكثير من رجال قطرالتجار
وهم محبين لفعل الخير والاجر وهذه عاداتات اهل قطر منذو القدم
وفي ميزان حسناتهم ان شاء الله

[Ahmed25]

خذها مني

محد بيروح

نفس الحركة صارت بالامارات ... قاعات رخيصة ... ومحد راح

وفي اماراتيين مايعرفون عن هذي القاعات لان محد يروح لها

(المظهرشية) اصبحت سمة من سمات مجتمعنا

والي بيروح هذي القاعات بيعتبرونه (شيب) يعني رخيص



صدقت .. و اتحدى اذا احد راحلها .. بس زين سووها عشان اللي يقول القاعات غاليه نعطيه على جبهته ^_^

[cl63]

الله يجزاك خير

[ماريسا]

صدقت .. و اتحدى اذا احد راحلها .. بس زين سووها عشان اللي يقول القاعات غاليه نعطيه على جبهته ^_^

:nice::nice::nice:

[الـقـاسـي]

انا الحمد لله تزوجت بلا قاعات وبلا هم وبلا عوار راس والعرس كامل فالبيت الرجاجيل والحريم ..

[Chanel]

ممكن اعرف وين موقعهم ورقمهم الله يوفكم
اللي يعرف لايبخل علي