أفيدونيا يا اصحاب المعرفة بقوانين المجلس الاعلى للتعليم

[عضيدة بومطر]

اليوم مديرة المدرسة أبلغت منسقة لاحد المواد بانها السنة القادمة ستكون ضمن قائمة الفائض علما بانها سنتان وهي في نفس الوظيفة وأنها وضعت مدرسة جديدة على المدرسة في نفس منصبها والمدرسة باشرت عملها في المدرسة الفصل الثاني فقط ، ونفس الكلام أخبرت به مدرسة آخرى بانها في قائمة الفائض فما هو رأيكم بالموضوع .

[M S A]

الرزاق هو الله و الحمدلله الرزق مب على البشر. خل تاخذ ملفها و تاخذ إخلاء طرف من المدرسة و تآخذ بعد شهادة تثبت إنها مارست التنسيق لمدة سنتين و بتوقيع المديرة و تآخذ معاها بعد تقريرها السنوي و تطلع من هالمدرسة، و إن شاء الله بتلاقي ألف مدرسة بتقبلها. و قولي لها و هي طالعة تكسر قلّة وراها على قولت حبايبنا المصريين.

[حسن]

اذا تبين رائي تاخذ لوح وتضرب المديره على راسها واخصوصا اذا كانت عانس
اما الجواب لسئوالك يااخت بومطر اتصلي على وزاره التربيه والتعليم واسئليهم
وهم بيجاوبونك

[اوف ليميت]

ماراح تقدر تسوي شي
لان المدارس المستقله ارفعت تقارير للمجلس الأعلى للمطالبه بتقليص الكادر التعليمي فالمدارس (لانهم فائض)

من حقهم يقدمون طلبات ومستندات تبرهن صحت كلامهم ويتم دراستها...وعقب القرار للمجلس الأعلى



انا اقول..المجلس الاعلى لازم يفهم الحين..خلاص..ماعاد يبيلها مخ..ان المدارس المستقله تبي تتربح وتوفر بيزات وبس..وانتو يا هيئة التعليم الموقره ارجو ان لا تقطعوا ارزاق ابناءنا وبناتنا .. اللي مب قد المدرسه المستقله..ليش يطلع ترخيص ويبدأ عقب يخطط لإهلاك الناس معاه
يعني حاولوا شوي تصفون مع الناس..من بعد فضيحة الامتحانات والنتايج .. واللي قبلها كان وكان ولكن أكل عليها الدهر وشرب

والخير موجود..والتعليم العالي يدعم كل من يمشي صح..وكل شي محسوب..لكن حدث بلا حرج

[شموع قطريه]

اذا تبين رائي تاخذ لوح وتضرب المديره على راسها واخصوصا اذا كانت عانس
اما الجواب لسئوالك يااخت بومطر اتصلي على وزاره التربيه والتعليم واسئليهم
وهم بيجاوبونك

اذا على اللوح فـ وايد اللي يبون لهم ليحان على ظهورهم في المجلس الاعلى واولهم وحده في بالي ..
على فكرة اخوي حسن خبرك عتيج الحين مافيه لاتربية ولا تعليم الحين فيه مجلس علّه فقط ..

[ريماس الغلا]

في اميل رسمي ارسل لكل صاحبات الترخيص يفيد انه اي وحده من الفايض بتتم في مدرستها وبتباشر العمل بداية العام الجاي

والاميل عند ابراهيم الكواري و محمد ابراهيم في الموارد البشريه

[يراعٌ فراتي]

كل يوم فلم من افلام المدارس والمستقلات والمجلس الاعلى

يعني ممكن حد يقول لي متى الحلقة الاخيرة

وشنو يصير بالبطل ؟

[بوحنان]

اذا تبين رائي تاخذ لوح وتضرب المديره على راسها واخصوصا اذا كانت عانس
اما الجواب لسئوالك يااخت بومطر اتصلي على وزاره التربيه والتعليم واسئليهم
وهم بيجاوبونك

تدري اكثر شي لفت انتباهي بكلامك كلمة عانس ليه اكثر المديرات عوانس او يمكن الي تعاملوني معهم الأهل عوانس