ابحث عن افضل مغسلة ملابس لإزالة البقع

[الخبير العقاري]

هام
ابحث عن افضل مغسلة لإزالة البقع

فصلت كم ثوب جديد وعلقتهم بالسيارة وكان في السيارة بقع زيت من قطع غيار في السيارة وتوسخت الملابس ووديتها ثلاث مغاسل منها مغسلة الحياة بلازا والكل اعتذر شدعوه زيت ولا صبغ بسيط ما احد يقدر؟!

[Dana’1]

جرب اسأل مغسلة فندق رمادا الي تكون بالسنتر"المركز"

واذا تحب شي بالبيت جرب البف باف رشها عالبقع وافرك يقولون ينفع:) ما جربتها بس اكثر من وحدة تقول تنفع

وفية بعضهم يحطون بودرة او طحين ويلفونها ببقعة ويكونها....يقولون تمتص الزيت والله اعلم
جرب وعطنا النتيجة

[جلمود]

روح المغسلة الايطاليه ( بسوق العلي )

لاتروح اله هذا الفرع بتعين نيبالي شيبه داخل هو بيحل لك المشكله

[ana_ana]

جرب بالبيت صابون اللايف بوي الاحمر الهندي القديم واعتقد السعودي نفس المفعول
بس خل الخدامه تفرك مكان البقعة بالصابون مباشره وشوف النتيجه

[البحار00]

لاتغسلهم الا وانت متأكد ان الزيت بيروح

اذا غسلتهم عند اي واحد وماطير الزيت أنسى يروح

سلم على الثياب حتى لو تغسلهم مليون مرة

[العتوي]

في واحد اخوي بالمرخيه وايد يمدحونه عند دوار التلفزيون
نسيت اسمه
بس ودله الثوب ولاتغسله بالبيت وده مثل ما هو وهو بيضبطك

[شموع قطريه]

ولا مغسله ولا منشفه مالك الا صابونة لوكس مالت الجسم .. بلل بقعة الزيت او آيل السيارة بالماي وافركها بصابونة لوكس لين تصير رغوه عليها وافرك البقعه زين باليد شرط ماتلقى للبقعة اي اثر .. جرب وادعيلي

[بوعلي2]

على طووول المغسله الايطاليه بسوق العلي

يطيرونه باذن الله

على طول عندهم من سنيين ومرتاح لخدماتهم ونظافتهم وكوايهم مرتب

وشكرا