تسجيل الدخول

مشاهدة النسخة كاملة : استفسار بخصوص الشاور


شموع قطريه
16-07-2012, 04:17 PM
السلام عليكم

عندي شاور نفس هذا
http://www.kskqatar.net/upload/ksk-2976824552.jpg

بس المشكله انه من تحت مايكون لازق في الارض يعني فيه فتحه وبالتالي يتجمع الماي تحته .. هل عندكم فكرة اسكر فيها هالفتحة بحيث ان الماي مايتجمع تحته .. مع الشكر الجزيل :)
العميد الركن
16-07-2012, 05:20 PM
سديه بيص ههههههه مادري بس ممكن يكون صح
شموع قطريه
16-07-2012, 07:53 PM
اليص مع انه فعال بس شكله كريه وبيخرب شكل الحمام .. انا ابي طريقه ماتخرب شكل الحمام وفي نفس الوقت تسد الفراغ اللي تحت الشاور .. مشكور اخوي العميد ماقصرت على الرد
معماري قطري
16-07-2012, 08:44 PM
ما فيه الا السيليكون الابيض .. بيكون نفس اللون وفيه منه نوعية ما تعفن وتسود وإذا افتحات كبيرة من رداءَة تركيب البلاط عندج الماستك الخاص فيه نوعية تكون مثل الحبل متينه شوي تتلزق على الارضية ويجي فوقها السيليكون .. ممكن كل 4 أو 5 سنين تحتاجين تبدلينه تنتهي صلاحيته.

لكن إذا الماي يتسرب من تحت وقت الإستعمال فهناك مشكلة في فتحة الصرف ويبي له فك وإعادة تركيب.
معماري قطري
16-07-2012, 10:54 PM
حل آخر هو عمل قص في الارضية بمنشار كهربائي بعد تخطيط حدود قاعدة الشاور على الأرضية، ثم إزالة البلاط الداخلي ثم تركيبه جيداً بحيث يكون على صبية الإسمنت وبحيث تكون أطرافه داخل حيز القص، وثم يوضع قليلاً من السيليكون الابيض حول الحافة والإتصال بالسيراميك.
العاصم
16-07-2012, 11:50 PM
بارك الله فيك يا معماري قطر....او ممكن تجيبي مادة فوم (construction foam) و تضعيه في الفراغات وهو عبارة عن مادة سائلة ورفيعة وتتركيها فترة هتلاقيها اصبحت صلبة وحجمها تضخم كتير بعد ذلك يتم قص الزيادات الخارجة عن الشاور ووضع سليكون عليها بنفس لون الشاور زي ما تفضل معماري قطر وشرح
واقترح الفوم لأني اعتقد ان الفتحة كبيرة.
بن غيث
16-07-2012, 11:53 PM
عاصم انت تتكلم عن الفوم الي ينحط مع الخرسانة عشان ما يسبب تسريب ...
العاصم
17-07-2012, 12:28 AM
اقصد هذا الفووم
http://www.readersdigest.co.nz/files/new-en/attachments/pictures/1935.gif

http://www.readersdigest.co.nz/files/new-en/attachments/pictures/1936.gif
العاصم
17-07-2012, 12:31 AM
أو
http://hostedmedia.reimanpub.com/TFH/Step-By-Step/display/FH06JAU_SEADRA_04.JPG
شموع قطريه
17-07-2012, 12:52 AM
الله يجزاكم خير وينور عليكم .. باجرب الفوم وان شاءالله ينفع ..واللي عنده افكار ثانية ياريت ينورني فيها مع جزيل الشكر ..
فيه شي يجي كأنه سيراميك بس مرن يعني يمشي مع الانحناءات مثل اللي في اطراف حمامات المستشفيات وانتوا بكرامه . ماتعرفون ايش نوع هالماده . هي مثل اللزقه بس متينه كأنها جلد سميك
معماري قطري
17-07-2012, 12:56 AM
صحيح والله راح عن بالي

مشكور أخ العاصم هذا فوم قوي ورخيص ومتوفر في كل محلات المواد ألحين
معماري قطري
17-07-2012, 12:58 AM
إخت شموع ما لج الا الفوم والسيليكون الأبيض فوقه وواحد شاطر يسويه مب مكلف 100 ريال ونبي تصوير حق قبل وبعد علشان نشوف النتيجه
لاجل QT
17-07-2012, 01:24 AM
اقصد هذا الفووم
http://www.readersdigest.co.nz/files/new-en/attachments/pictures/1935.gif

http://www.readersdigest.co.nz/files/new-en/attachments/pictures/1936.gif

بعد اذن صاحبة الموضوع:shy:

وين ينباع الفوم؟؟
معماري قطري
21-07-2012, 05:13 AM
بعد اذن صاحبة الموضوع:shy:

وين ينباع الفوم؟؟

الله يسلمج ينباع تقريباً في اي محل مواد بناء وسهل إستعماله
لاجل QT
21-07-2012, 05:41 AM
الله يسلمج ينباع تقريباً في اي محل مواد بناء وسهل إستعماله

طيب ينفع حق الفتحات الصغير في باب المينيوم..
jassimqtr
21-07-2012, 01:01 PM
انا عندي نفس هذا الشور وركبته وتندمت لاسباب .
اولا هذا النوع من الشور مرتكز ب 3 او 4 كراسي وتستطيع ان تتحكم بمنسوب الارتفاع والمشكله في ان له حموله معينة يمكن زيادة الحموله تاثر في انكسار او شعر الارضية وتسريب الماي وتراكب وتعفنه تحت الشاور وبعدها خذ الريحة الكريهه ومهاما نظفت الحمام تتم الريحة , انا من وجهة نظري الغي الكراسي وضع دفان او رمل بلا ستر او عمل رمل مخلوط مع اسمنت تحت الشاور وتاكد بان الوست اصلي وموصل عدل .
وانشاء الله اتضحة الصوره
معماري قطري
21-07-2012, 02:37 PM
طيب ينفع حق الفتحات الصغير في باب المينيوم..

ينفع حق كل شيء حتى عن تسريب المطر .. بس الألمنيوم تكون فيه فتحات صغيره في الخارج هذي حق تصريف ماي المطر .. أما من داخل إستعمليه عادي على كل الحواف إذا افتحات تبين واضحة وإذا صغيره كلش أحسن لج السيليكون .. بس إذا حد متأذي من درايش البيت وهي تدخل هواء وغبار من مكان الإنزلاق وهي تنفتح منزلقة ألمنيوم العادي .. وممكن يستغني عن فتحها يحط الفوم في هذي الفتحات وتستوي الدريشة ثابته ما تنفتح.
مضارب دوسري
21-07-2012, 09:57 PM
الافضل اختي تشيلينه وتسوين شاور بنيان تكلفته بسيطه وشكله روعه
هذا طبعا يحتاج مساحة حمام ماتقل عن اثنين في اربعه عشان مايضيق الحمام
كبير المتداولين
23-07-2012, 10:36 AM
تحملو تخلون الفوم يلمس اليد لانه مايطلع بالساهل

سواها فيني قعدت اسبوع في البيت :)
معماري قطري
23-07-2012, 12:57 PM
بالنسبه لهذي الأعمال البسيطة الواحد يشوف شرحها على اليوتيوب أفضل وفيه طرق سهلة للتصليحات وللبناء لكل شيء تقريباً.