هذا ما حدث معي في ستي سنتر اليوم

[khalid Qtr]

بسم الله الرحمن الرحيم

السلام عليكم ورحمة الله وبركاته

اثناء تجولي مساء اليوم في ستي سنتر ، مر جنبي سايق تاكسي كروة يلحق ولد عمره 14 الى 15 سنة ، وهو يحاول ما يضيعه عين عليه وعين علي يقولي " بليز ، بليز " مفهوم كلامه انه جاب هذا الولد واخوه وقعدوا يفترون بالتاكسي لمدة ساعتين ونزلوا في الستي ورفضوا يعطونه حقه ..
قلت للولد طيب ليش ما تعطيه ؟ قال خله ما عليك منه انا بسحب وبعطيه بس ما معي الحين البطاقة !!، والهندي المسكين شكله من نص ساعة يلحقه لانه متمسك فيني لدرجة غير طبيعية اني اقنع الولد يعطيه وشوي ويبكي ، الولد حرك ولحقه الهندي ولحقتهم ، وقفت الولد وسألت شخص عربي يبيع في محل عن السكيورتي ، قالي شسالفة .. المهم صار الكلام وقلت للولد بشكل واضح بتعطيه ولالا ؟
قال لو عندي عطيته بس ما عندي !!! قلت له طيب ما عندك ليش تركب التاكسي ! وقلت له خلص انا بعطيه ، كم المبلغ يا محمد قال " 77 " ، رجع الولد لنفس السالفة يقول لا تعطيه .. كررت عليه السؤال للمرة الثالثة تعطيه ولالا ونفس الاجابة ، قلت له طيب مالك شغل اذا ما تعطيه خلنا نعطيه وانت حرك ، المهم دخل الشخص العربي على الخط وقال انا بسوي خير وبدفع معك نص المبلغ للهندي المسكين ، وفعلا عدينا للهندي فلوسه وهو يكفكف دموعه بعد ما يأس من ان الولد يدفع له ، اخذ فلوسه المسكين وقعد يسلم علينا انا والشخص العربي والارض ما تشله من الفرحة ، بصراحة موقف غريب وعجيب وانا استغرب وين وصل الحال ببعض عيالنا انهم يستقوون على هالمساكين الضعوف وياكلون حقهم .

اسأل الله ان يهدي الجميع ، والله ما كتبت هذا الموضوع الا وانا مستغرب من اللي شفته وشفقة بالسائق المسكين اللي يعرف ان هذا المبلغ مخصوم منه لو ما جابه وهو راتبه اصلا ضعيف ، وفرحة بحاله بعد ما اخذ حقه واطمأن وراح يكمل شغله بعد فترة من الركض خلف الولد عشان ياخذ حقه ..

تحياتي لكم

[العاصم]

بارك الله فيك وكثر من أمثالك

[البحار00]

اوة لاتعد

ياما شفت هالموقف كذا مرة عند اللاندمارك

ينزلون من التكسي ركيض ووينك يا الباب يدخلون ويطلعون من الباب الثاني

والهندي مسكين متعوبس

[intesar]

عيب هالحركة.. عيب.. بس لا تقولون ما تطلع من عيالنا.. وأكيد مو قطريين..

[ريم 28]

شقاوه

مراهقه

وراجع كل شي للتربيه

[khalid Qtr]

intesar

للأسف أخوي ، الولد قطري

[ريم 28]

هو عيب بس محد قال قطريين او غير قطريين

الله العالم جنسيته يا اختي

[ريم 28]

قطري

عموما الله يصلح حالهم ويهديهم

حركه تقهر وفيها ظلم

استغفر الله العظيم

[شموع قطريه]

ليكون هذي تمثيلية جديدة مسوينها المتسولين علشان تعطونهم المبلغ اللي يبونه يلبسون ثياب مثل موظفين كروة وينفذون الخطه على القطريين واللي يحصلونه ففتي ففتي ..

[eXpert*]

مثل هالأشكال تبلغ عنها ويودونها الأحداث ويخلون أهلهم يجون يستلمونهم من هناك.

علشان الولد يتأدب ، و الأهل يربون عيالهم عدل..

[" فـارس قـطر "]

المفروض يتصل في الشرطه عشان يسنعونه ويربونه اذا امه وابوه مب كفو تربيه

[lady bird]

هذا بسبب ترباية الخدم

[h9466]

ليكون هذي تمثيلية جديدة مسوينها المتسولين علشان تعطونهم المبلغ اللي يبونه يلبسون ثياب مثل موظفين كروة وينفذون الخطه على القطريين واللي يحصلونه ففتي ففتي ..

لله يجزيك خير على موقفك ..لكن ايش رايك في رد اختنا شموع قطرية؟؟!!

[امـ حمد]

جزاك الله خير

وكثر الله من امثالك

[لاجل QT]

بارك الله فيك في ميزان حسناتك

الولد معتبر نفسة ان هذا ذكاء وقص على الهندى بعبطة محد علمة اعطاء الاجير حقة..ماخذها عبط وسوالف حق الربع ان قدر يضحك على الهندى مايدري ان بوق

الله يهدي اهلهم اللى ماعلموهم ارجاع الحق لاصحابة

هذا بوق

[hot2000]

عيب هالحركة.. عيب.. بس لا تقولون ما تطلع من عيالنا.. وأكيد مو قطريين..


وليش. أكيد مب قطرين

شكلك نائم في العسل ولا تدري شيصيرر

هالتصرفات للأسف ما تطلع الا منا ومن قله من أعيالنا

الله يهديهم ويهدي الجميع

[qatari 111]

شي طبيعي ولد متربي فالشوارع .. واهله مشغولين بدنياهم .. شلون تبونهم يتربون ويتعلمون السنع بغض النظر ... قطري ولا غيره ..

[khaleeji]

جزاك الله خير

بس هالحركه قدييييييمه للحين يسوونها

[intesar]

وليش. أكيد مب قطرين

شكلك نائم في العسل ولا تدري شيصيرر

هالتصرفات للأسف ما تطلع الا منا ومن قله من أعيالنا

الله يهديهم ويهدي الجميع

وأنا قلت مو قطريين.. بتذبحوني..
أنا قلت فيه ناس بتطلع وبتقول مو قطريين..

[ابوالعبد]

احين الاجنبي يجيد لهجه القطريه ولا بعد قاموا يلبسون ثياب وعقل مثلنا

وانا متاكد انهم مب قطرين اولا قليل جدا قطري يركب كروه الكل عنده درويليا او سووايق

يعني الخلاصه مو قطرين

[الصغيره]

جزاك الله خير

والهندي هذا خذا درس لا يركب بزران بدون عوايلهم ويلف لف بهم

المشهد شفته بمدينه بالسعوديه نزلن ثلاث نساء من تاكسي امام احدالمولات وتركن المسكين بين نار انه يلحق بهن وانه يترك السياره بموقف لا يجوز الوقوف فيه والكل لابس عبايه ولا يعرف من

الصراحه احزني واجد لكن وين بيروحن من الله واكل حق المسكين

[زهرة بنفسجية]

الصراحه جزاك الله كل خير موقف شهم منك
لكن لازم ابلاغ الشرطة عن هذه الحالات
حتئ يتربئ الولد
هالمرة دفعت انت يمكن المرة الحاي تتكرر و ما يلاقي حد يدفعله
او ممكن تصير طريقه جديدة للنصب
الله يرحمنا و يصلح عيالنا

[penguin]

اهمال الله يسلمك

[M S A]

صح المفروض تبلغون عنهم. و الولد و أهله لازم يعرفون إن هناك قوانين تحكم هالبلد و ألا بنتم طول عمرنا من دول العالم العاشر بعد إذا ما فيه وعي بالحقوق و الواجبات و القوانين.

[fhd4]

نفس الحركة يسوونها بعد في محطات البترول … يحركون ولا يعطون الهندي فلوسه …

يعتبرون السرقة شطارة …

السبب الرئيسي … التربية …

[عاهد بن علي]

الله يصلح الحال

[khalid Qtr]

شكرا لكم على المرور والاراء الطيبة ..

[khalid Qtr]

لله يجزيك خير على موقفك ..لكن ايش رايك في رد اختنا شموع قطرية؟؟!!

بصراحة رأي غريب !!

[الحال مايساعد]

والله مادري شاقول .... بارك الله فيك وجعلها في ميزان حسناتك

[العقل المدمر]

انا اقترح عليهم يقعدون الناس ورا
ويحطون السيفتي مال اليهال عشان ماينفتح الباب
بعدين بيضطرون يدفعون غصبن عنهم :shy:

[shadad]

ليكون هذي تمثيلية جديدة مسوينها المتسولين علشان تعطونهم المبلغ اللي يبونه يلبسون ثياب مثل موظفين كروة وينفذون الخطه على القطريين واللي يحصلونه ففتي ففتي ..

اما :eek5:

[بـــــدوي]

.
.

العتب ماهو بـ على الولد لكن على اللي منشغل فالتفريخ والانتاج تقول مزرعة دواجن مب بيت

[LiL iNVe$ToR]

انا اقترح عليهم يقعدون الناس ورا
ويحطون السيفتي مال اليهال عشان ماينفتح الباب
بعدين بيضطرون يدفعون غصبن عنهم :shy:


او يدفع المبلغ مقدماً لين مايوصل المكان ويرد له الباقي :).

[qatarshark]

عيب هالحركة.. عيب.. بس لا تقولون ما تطلع من عيالنا.. وأكيد مو قطريين..


ليش عيالنا نازلين من السما:telephone:
هؤلاء مراهقين وممكن يصدر منهم اي شي
عادي اختي انتصار هاي شقاوة
بس بالاخير حرام لان هاي رزق التاكسي والمفروض
الي كان معاهم مايخليهم اقصد الشخص الي شافهم
ولو انا مكانه جان علمتهم اشلون يستعبطون:anger1:
لازم انعلمهم ان هذا حرام
والله لو توصل للشرطة اني ما اخليهم:telephone:

[آنا غيــر]

والله هاذيلا جيل التسعينات يبي له طق

حدهم دلاااااااليع .. واخس شي فيهم ان ماعندهم احساس بالمسؤوليه ابداً :@

[لمعة الالماس]

لا حول ولا قوة الا بالله

المسكين السايق لو ما دفعوا له بيخصمون من راتبه

وانا اتفق معاكم يا ان سيارة كروة تقفل ابوابها ويدفعون وعقب ينزلون او انه الدفع مقدما

عشان ما تتكرر هالحركة*

[catqat]

كل مواضيعنا عن تربية البنات ونسينا تربية الاولاد اللي مايعيبهم شي .. الله المستعان

[الكونتيسه غلا]

الله يهديهم ويصلحهم ،،

الله يهدي الوالدين المفروض يعلمون عيالهم من الصغر الصح والخطأ
والحلال والحرام ،، وطريقة التعامل مع الناس ،،

[almaf1a]

شطانه مراهقيين
الله يغفر لنا ايام الشطانه كنا نسوي اشياء غريبه

الله يجزاك خير انك دفعت وان شاء الله يكبر الولد ويعرف ان كل الي سواه غلط

[7llo]

والله في ناس مب متربيه وتسوي هل الحركات اكثر الله يهدي شبابنا لحول ولا قوه الا بالله

[بورصواوي]

من زمان الشباب يسون هالحركات من على ايام التكسي البرتقالي ومغامرات شكثر اذكرها

[NeverLand]

الله يلوع جبدهم على هالتربيه الرخيصه

و زين سويت اخوي ويارب يكون بميزان حسناتك

قهرني الموقف

وانقهررر اكثر لما اشوف يهال صغار يستهترون بالهنود والقوى العامله الاضعف منهم ومايعطونهم حقهم

او حتى يهينونهم ..

خاطري اضربهم واكفخهم

[الزعفراني]

جزاك الله خير

[حفيد الأنصار]

انتا قلتها 14 او 15 عمره
يعني فترة مراهقة وفي السن هذا اي ولد يسوي الشي هذا لكن اذا كبر شويتين بيعرف انه غلطان
والله يجزاك خير انك حليت الموضوع

[الامل القديم]

لا حول ولا قوة الا بالله

[اوف ليميت]

عاد وتخيل ياراعي الموضوع..انهم (التاكسي واولد) مسوين حركه فالناس عشان يظنون ان الولد مادفع ويقعدون يجمعون فلوس خخخخخ

[الامل القديم]

ليكون هذي تمثيلية جديدة مسوينها المتسولين علشان تعطونهم المبلغ اللي يبونه يلبسون ثياب مثل موظفين كروة وينفذون الخطه على القطريين واللي يحصلونه ففتي ففتي ..

ان بعض الظن اثم

[alfaisaly]

على العموم هذي ترجع للتربية واكيد شايف حد مسويها قبله من اقرب الناس له

عشان كذا دائما نقول للاباء والامهات احرصوا على اولادكم في هذا السن بالذات

والتربيه لها دور مهم جدا

وجزاك الله خير على الموقف الطيب

[طلعة الروح]

كروة ييفترض انها تحدد اسعارها بطريقه أو بأخرى بحيث يكون مبلغ التوصيل معلوم مقدما (حسبة تقريبية ) وعدم الاعتماد على حسبة الكيلو مترات ، وبالتالي يكون الدفع مقدما اجباري على كل راكب قبل الصعود الى المركبة.............
وبجذي نكون انتهينا من موضوع النصب والاحتيال اللي ممكن يطلع من كبير او صغير عاقل او مجنون وضمنت الشركة حقها...........

[قطريه ماركه]

مثل هالأشكال تبلغ عنها ويودونها الأحداث ويخلون أهلهم يجون يستلمونهم من هناك.

علشان الولد يتأدب ، و الأهل يربون عيالهم عدل..

كلام سليم لازم يتأدبون :)

[بيانو]

جزاك الله خير أخوي

وجعلها الله فى ميزان حسناتك

[fahd]

بارك الله فيك وكثر من أمثالك

[بيانو]

الدلع - الدلع - الدلع

الزائد عن حقه المؤدي إلى الإستهتار بالجنسيات واللى غير قطري اعتبره مش موجود

وهذا الشىء موجود للأسف فى التربيه عند البعض

[alfahad1]

مفروض كل كروة معاها بازوكه اي واحد يستعبط

يرميه بالبازوكه وانتها الامر

[علي رشيد]

مثل هالأشكال تبلغ عنها ويودونها الأحداث ويخلون أهلهم يجون يستلمونهم من هناك.

علشان الولد يتأدب ، و الأهل يربون عيالهم عدل..




أفضل رد ..

[طلعة الروح]

كروة ييفترض انها تحدد اسعارها بطريقه أو بأخرى بحيث يكون مبلغ التوصيل معلوم مقدما (حسبة تقريبية ) وعدم الاعتماد على حسبة الكيلو مترات ، وبالتالي يكون الدفع مقدما اجباري على كل راكب قبل الصعود الى المركبة.............
وبجذي نكون انتهينا من موضوع النصب والاحتيال اللي ممكن يطلع من كبير او صغير عاقل او مجنون وضمنت الشركة حقها...........

نقطة أخيرة : الا يوجد جهاز مخصص يحسب الكيلو مترات من نقطة الانطلاق الى المكان المطلوب؟ :rolleyes2:

[المسك1969]

جزاك الله خيرا وربي يصلحهم ويصلح عيالنا وعيال المسلمين آمين

[حسن]

شي طبيعي ولد متربي فالشوارع .. واهله مشغولين بدنياهم .. شلون تبونهم يتربون ويتعلمون السنع بغض النظر ... قطري ولا غيره ..

هذه الزبده تربيه شوارع واهل بشمرقيه

[حسن]

كلام سليم لازم يتأدبون :)

اولا شي يادبون اولياء امورهم بعدين تري اليهال:victory:

[cl63]

لاحول ولاقوة الابالله

[khalid Qtr]

بصراحة يا جماعة الولد اثناء كلامي معه اكتشفت انه مشتت الذهن ولا مستوعب الموقف ، يعني بعبارة اخرى معتبره موقف عادي وان الهندي اللي يركض وراه ولا شي ، قاله الشخص العربي اللي معنا طيب اركب معه وخله يوصلك للبيت وادخل جيب له فلوس وعطه ، قال ابوي مسافر !!
تحليلي للموضوع انه هو واخوه ركبوا التاكسي ومن البداية ناوين ما يدفعون ، ومن خلال ردودكم وجدت ان هذي ظاهرة متكررة وبالتالي لا بد ان سائقي كروة يبلغون ادارة الشركة عن الامر ويوجدون حل لهالمشكلة ، اما انهم ما يشلون اللي تقل اعمارهم عن 18 الا بوجود شخص كبير معهم او يخلونه يدفع مقدما مثل ما قال البعض ، او طريقة ثالثة ممكن تبتكر ان باب التاكسي ما يفتح للراكب قبل ركوبه الا يدخل السائق بياناته على كمبيوتر صغير عنده بحيث ان كل شي يكون مسجل في حال تكرر هالموقف وما عليه الا انه يروح ويبلغ اقرب مركز شرطة .

[ام الحلوين]

هالجيل مستهتر ومستقوى وكل يتفاخر قدام رفيقه

انا كثير اتمشكل مع ولدي بسبب الاستهانه بالخدم والصراخ والتامر عليهم

والحمدلله قاموا يفهمون عيالي شوي شوي

[khalid Qtr]

هالجيل مستهتر ومستقوى وكل يتفاخر قدام رفيقه

انا كثير اتمشكل مع ولدي بسبب الاستهانه بالخدم والصراخ والتامر عليهم

والحمدلله قاموا يفهمون عيالي شوي شوي

الله يحفظهم ويقويج على تربيتهم التربية السليمة ، شي جميل تزرعين فيهم قيمة احترام الاخر مهما كان

[غايه الطواش]

اذا هذول مراهقين انا شفت رجال كبير عند الجمعيه
نزله راعي التكسي وطنش له

[آهـل شَـرق]

لا حول ولا قوة الا بالله

انا ضد اي معامله دونية لاي شخص يطلب رزقه في ديرتي

ما ارضاها على نفسي شلون ارضى اسويها في غيري

متغرب ويخدم ديره لا انولد ولا تربى فيها بغض النظر عن الراتب

في النهايه هذا شخص انسان بني ادم من لحم ودم مثلي ومثلك يعمل لسد جوعه واعانة اهله

الله يصلح حالنا وحال الاجيال القادمه

[الخزرجي قطر]

الله يهديهم ويصلحهم

[نظرة شجاع]

ماتربى في المجالس وعلوم الرجال ولا ماكان سوا كذا

[بـــــدوي]

اذا هذول مراهقين انا شفت رجال كبير عند الجمعيه
نزله راعي التكسي وطنش له

هذا مراهق فوق الخمسين :p

[Mercedece]

الهدف مو قطري وغير قطري .....لاتعليق

بس جزاك الله خير انا لو بموقفك كنت ماتصرفت احسن من تصرفك

[Engineer]

الاهمال في التربية يوصل إلى حالات اردى و احقر نسأل الله السلامه لأولادنا اللهم آمين

[الـخـالـدي]

جزاك الله خير و كثر الله من امثالك و امثال الرجال اللي معاك

[mariamaziz]

شدخل تسألون عن الجنسية ....

لا حد يطلع عن مسار الموضوع ...

و هالحركات تطلع من الكل .... فما بالكم باليهال اللي يدشون الدكان و يكون زحمة و يسرقون حلويااات و يطلعون ...

ترى كل الأطفال و المراهقين مع عدم تحديد جنسيات محتاجين توجيه

[00soma00]

بارك الله فيك وكثر من أمثالك

[بوخالد911]

تصرف مرفوض

ومحد يدري بظروف التكسي

[sahrleel]

هذه اخر تربية الاجيال
ولكن يبقى هذا ولد ولكن المصيبة لما يكون راجل كبير والمفروض يكون يعرف الاخلاق ويعرف الحلال والحرام وما يعطي الناس حقهم
ولكنه مستعد يصرف الاف الريالات على المسخرة والكلام الفاضي وممكن الاكل حتى يدب كرشه
ياخي اعطي البشر حقوقهم اول وبعدين سوي الي تبيه

[ولد العلي]

اذا هذول مراهقين انا شفت رجال كبير عند الجمعيه
نزله راعي التكسي وطنش له



هذا مراهق فوق الخمسين :p



هاها :nice:

[ولد العلي]

بصراحة يا جماعة الولد اثناء كلامي معه اكتشفت انه مشتت الذهن ولا مستوعب الموقف ، يعني بعبارة اخرى معتبره موقف عادي وان الهندي اللي يركض وراه ولا شي ، قاله الشخص العربي اللي معنا طيب اركب معه وخله يوصلك للبيت وادخل جيب له فلوس وعطه ، قال ابوي مسافر !!
تحليلي للموضوع انه هو واخوه ركبوا التاكسي ومن البداية ناوين ما يدفعون ، ومن خلال ردودكم وجدت ان هذي ظاهرة متكررة وبالتالي لا بد ان سائقي كروة يبلغون ادارة الشركة عن الامر ويوجدون حل لهالمشكلة ، اما انهم ما يشلون اللي تقل اعمارهم عن 18 الا بوجود شخص كبير معهم او يخلونه يدفع مقدما مثل ما قال البعض ، او طريقة ثالثة ممكن تبتكر ان باب التاكسي ما يفتح للراكب قبل ركوبه الا يدخل السائق بياناته على كمبيوتر صغير عنده بحيث ان كل شي يكون مسجل في حال تكرر هالموقف وما عليه الا انه يروح ويبلغ اقرب مركز شرطة .

يمكن السايق متفق وياهم :tease: