الهم اني أبرأ الى الله ، في ذمة من بيده القرار!

[سعادة الوزير]

السلام عليكم ورحمة الله

كلنا شاهد ولاحظ (واحترق قلبه!) على بعض اشباه الاوادم الي يتمشون عندنا في المجمعات بملابس فاضحة جداً! ، في السابق كنت احاول اني اوقف اي بنت اشوفها بهالملابس واحاول اني اكلمها (باحترام طبعاً) بان هذه الملابس غير مقبوله عندنا ، بس بصراحة بعدين تعبت ، حسيت اني بروحي في هالموضوع ، واشوف الناس من حولي رايحين جايين ومب مهتمين ابداً بالموضوع! ، بصراحة بعدها وقفت هالعاده وصرت ما اكلمهم ، بس في نفس الوقت مب قادر اني اشوف مثل هالناس (وبخاصة الجنسية العربية الي خبري خبركم) تتمشى بين ابناءنا وبناتنا و ممكن انهم لا قدر الله يفتننونهم في دينهم ودنياهم.

احنا يا اخوان على بدايات شهر رمضان ، ارجوا ان نتكاتف فيما بينا ، واي حد يشوف اي وحده لابسه شورت او تنورة قصيرة جداً ، ارجوه انه يفهمها بطريقة محترمه ، وانه على الاقل يسجل له موقف ، لان الله عز وجل بيحاسبنا يوم القيامه حساب عسير ، الواحد يبري ذمته ويوصل الرساله لهم ، وبعدها يكون باذن الله بريء منهم. ارجوكم ثم ارجوكم ثم ارجوكم ، خلونا نتكاتف ونحاول نمنع مثل هالمظاهر ، وارجوكم ثم ارجوكم ثم انكم تتركون عنكم السلبية.

اما من بيده القرار في منع هالمظاهر ، فاقول له اننا نبرأ الى الله منك ، فاقسم بالله انك ستحاسب حساب عسير ان لم تحاول ان تمنع مثل هذه المظاهر التي تهدم القيم والاخلاق.

[بورصواوي]

جزاك الله خير

[سارونه]

لقد أسمعت لو ناديت حيا

ولكن لا حياة لمن تنادي

ونار لو نفخت بها أضاءت

ولكن أنت تنفخ في رماد

[حراير قطر]

والله يا اختي تكلمت وانتظرت بس محد تفاعل

قلنا نبي كتيب بعاداتنا وتقاليدنا ولبسنا وكل شيء

بس للاسف محد تقدم لي بأي مقال ..

وكلمت الاخ جاجاسم وقال بيوصله لنا

وهذا موضوعي من سنتين

لو تنفذ حزتها جان ما شفنا هالاشكال الحين :) ...

http://www.qatarshares.com/vb/showthread.php?t=401717

[نظرة شجاع]

جزاك الله خير وضف عليها بعض من المقيمين العرب الذين يتاطلون على بنات البلد والبعض منا للاسف يتفرج كأن الحمية والغيرة انعدمت عنده .. لابد من التكاتف في جميع الامور من لباس فاضح ومن عدم احترام بعض العرب الديرة الي خلته بني ادم بعد ماكان مشرد يدور رزقه
( ماعليش ياصاحب الموضوع تشعبنا شوي بالموضوع )

[Riku3]

للحين في ناس تكلمهم وهالشي اشوفه بشكل دائم بس هالفلبينيات واللبنانيات قاصدين الحركة والاسائة والا ما كانوا بيعيدونها ..

عن نفسي اعترف اني ما اكلمهم .. لانهم بنات وما ابي احط نفسي في موقف محرج خصوصاً ان القانون ممكن ما يحميني لو صار شي .

لا حول ولا قوة الا بالله .

[بـــــدوي]

والله يااخوي مايمنعنا من هالشي إلا ردة فعل غير متوقعه وتدخلنا في متاهات نحن في غنى عنها فالسلامه احياناً غنيمه ، كل منا راع ومسؤول عن رعيته يفكر وين يروح وياهم ومتى يروح واذا لقى هالاشكال يحاول يتجنبهم

[Mercedece]

لا حول ولاقوة الا بالله
اللهم احفظ قطر وشبابها وبناتها

[كازانوفا]

صرت اكره ادخل المجمعات وهذا السبب
حسبي الله ونعم الوكيل فيهم كل وحده اتفكر كيف تجذب الكم الهائل من الرجال حولهااا

بس المفروض الدوله تفرض قانون صااااااارم وتوزع الشباب بهذه المهمه وحتى لو متطوعين كله بميزان حسناتهم بس ان شالله حد يتخد خطوه قبل ما تتزايد المشكله ونصير نقول كلام ما يحرك ساكن

[مرتبش]

اللبنانيات والفليبنيات قاصدين الحركة ويتعنون لها من شدة تعصبهم وكرههم للمسلمين والعرب..

المجمعات التجارية ملكية خاصة والملاك يقدرون يشددون الاجراءات بعدم السماح بدخول هالاشكال وبدون تدخل الحكومة.

في الغرب يسمونها "درس كود" مثلا في مطاعم تمنعك من دخولها بدون بدلة وكرافته،، من باب اولى ملاك المجمعات عندنا يلزمون هالاشكال بالاحتشام

[فريج النجادة]

المفروض العضيد يحط مكتب في كل مجمع تجاري وتنتهي السافلة

وما زلنا ننتظر الفرج منهم

[سهيمان]

اللبنانيات والفليبنيات قاصدين الحركة ويتعنون لها من شدة تعصبهم وكرههم للمسلمين والعرب..

المجمعات التجارية ملكية خاصة والملاك يقدرون يشددون الاجراءات بعدم السماح بدخول هالاشكال وبدون تدخل الحكومة.

في الغرب يسمونها "درس كود" مثلا في مطاعم تمنعك من دخولها بدون بدلة وكرافته،، من باب اولى ملاك المجمعات عندنا يلزمون هالاشكال بالاحتشام

اول مرة اعرف عن (( درس كود )) معلومة جديدة علي

لكن ثق تماما ان ربعنا ماياخذون من الغرب الا المتردية والنطيحة

حسبنا الله ونعم الوكيل

[سعادة الوزير]

المصيبه يا اخوان ان في السابق كان فيه ملصق كبير وواضح عند كل بوابة دخول للمجمعات فيه توضيح وتنبيه على عدم لبس الملابس الغير لائقة ، ولكني لاحظت ان هذا الملصق قد تم ازالته من جميع البوابات لكل المجمعات!! ، هل هناك من المسؤولين من هو مشجع لهذه الظاهره؟؟؟ اتمنى ان لا يكون ذلك صحيح!!

[catqat]

من الاخر يعني اصحاب المولات لهم الايد بالقرار..

[حفيد الأنصار]

جزاك الله خير

[بن مفتاح]

نبرأ معكم مما نراه ..

ولكن اين الحل ..؟

نحن الرجال لو حاولنا ان نتكلم .. فهناك سوف يكون تفسيران لعملنا : اما ان احنا نبي نتعرف أو أنهم قد يتهمونا بالتحرش ، والبعد عن هالامرين غنيمة ..

بس يا ليت يكون هناك حل .. وان تكون البداية في التصحيح من شهرنا الكريم المُقبل علينا ..


جزاكم الله الجنة على غيرتكم على دينه ..

[عضيدة بومطر]

والله يا اخوي يا سعادة الوزير أنا بعد كنت من الي يمشي وينصح وبعد اخر مرة قمت بهذا العمل في اللاند مارك مع وحدة مغربية كانت على قولة عادل امام لابسه بلا هدوم وكلمتها بأدب ردت علي عندك قانون يثبت كلامك وقفت وتراجعت عن موقفي لانه صح مافي قانون يمنعهم من لبس هالملابس ومذهبهم وسيع في هالامور.

[آنا غيــر]

توه من كم يوم حضرت برزنتيشن فالدوام وكانت لبنانيه اللي تعرضه لان رازّينها في الـ pr

لابسه لبس .. والله كنت متفشله اطالعها .. مترصصه ترصص

هي مستقصده هالحركه طبعااا لان اللي موجودين كانوا بس قطريين -_-

اذا فالدوامات مامنعوهم ولا سوولهم شي مع ان هاي شي مفروض .. شلون عيل فالمجمعات

[بـــــدوي]

توه من كم يوم حضرت برزنتيشن فالدوام وكانت لبنانيه اللي تعرضه لان رازّينها في الـ pr

لابسه لبس .. والله كنت متفشله اطالعها .. مترصصه ترصص

هي مستقصده هالحركه طبعااا لان اللي موجودين كانوا بس قطريين -_-

اذا فالدوامات مامنعوهم ولا سوولهم شي مع ان هاي شي مفروض .. شلون عيل فالمجمعات

يمكن فاهمه موضوع العرض بالغلط :p

[حسن]

القرا بيدي وبيدك وبيد اصحاب المجمعات اذكر في حمله على التويتر بخصوص الاحتشام
ادري وش اخبارها بعدين انتو ياصحاب البلاك بير سو حمله انا لو عندي ماقصرت
بدل هل الكلام التافه اللى تتناقله الناس وسؤ الاستخدام

[فارس بلا جواد]

حسن شخبارك ؟

يا راقل

[النجلا]

تذكرت موقف شفته بعيني نهار رمضان عالكورنيش عقب صلاة الفجر .. واحد من جنسية عربية مع فلبينية ومنظر مخل ووقاحه عيني عينك ... بس مقيولة ان لم تستح فاصنع ماشئت !!!


واحيي الصراحة مجمع وذنــآن .. ووحده عربية معاي فالدوام كانت رآيحة مع زوجها وكان لابس شورت ماخلوه يدش هاي وهو رجل فما بالك بالحريم ,, لكن ياليته يتطور اكثر .. وياليت تصير كل المجمعات نفسه الواحد نفسيته ترتاح لما يدخل ويسمع القران..

[سعادة الوزير]

استحفلكم بالله ، ان من يقدر منكم انه يسوي حملة على البلاك بيري او التويتر ضد هالمظاهر انه مايتردد ، يا جماعة الامور كل مالها وتزدلد سوء ، وعيالنا وبناتنا مب ناقصين فتن في هالزمن ، ياريت لو نستغل رمضان هالسنة في شن حملة ضد هالاشكال الي مالها لا دين ولا ملة.

[بـــــدوي]

تذكرت موقف شفته بعيني نهار رمضان عالكورنيش عقب صلاة الفجر .. واحد من جنسية عربية مع فلبينية ومنظر مخل ووقاحه عيني عينك ... بس مقيولة ان لم تستح فاصنع ماشئت !!!


واحيي الصراحة مجمع وذنــآن .. ووحده عربية معاي فالدوام كانت رآيحة مع زوجها وكان لابس شورت ماخلوه يدش هاي وهو رجل فما بالك بالحريم ,, لكن ياليته يتطور اكثر .. وياليت تصير كل المجمعات نفسه الواحد نفسيته ترتاح لما يدخل ويسمع القران..

بصراحه اشكرهم على هالخطوه ويبشروون بالخير على هالتصرف :victory: لأن غيرهم بيكون اهم شي عندهم يرضون المتسوق بمختلف اشكالهم وانتمائاتهم ويقولون له روح والقلب داعي لك :playball:

[حسن]

حسن شخبارك ؟

يا راقل

تمام يافندم
:victory:

[al-obaidly]

الله يستر علينا يارب

[اوف ليميت]

نفس الموضوع يتكرر كل شهر

امريكا اللي هي امريكا .. منعت في بعض الشواطئ كاااااااااااااااااامله من العري والاقتصار على لبس البكيني على الاقل..يعني لحد يفكر لا ب تان ولا شي
بوظبي اللي هي بوظبي .. تم تزويد كل مجمعاتها بغرف خاصه (الغرفه السوداء) لحبس اللي يغازلون واللي يتشبهون بالنساء والمسترجلات وبعد اللي لبسهم فاضح


احنا بس نطالب بمجمع واحد او اثنين اتشدد فيه قوانين عشان الناس المحترمه تاخذ راحتها فيه للتبضع وخصوصا بشهر رمضان الفضيل

ياللا عالاقل المجمعات تقدر تفرط منها وتروح من مكان لمكان وتدبر امورك..لكن في دوائر عمل وجهات وجامعات وكليات مختلطه .. يكونون معلمينها ودكاترتها مش محترمين الشهر الفضيل ويجرحون صيام الطلاب او الموظفين وانت مجبور تاخذ نهم شغله او تستمع اليهم او تسأل او ترد عليهم وجذي ... والمصيبه من غير تحديد اماكن..سكرتيرات لبنانيات أو سوريات "تحت حماية الرجل القطري" اللي هو مديرها...وحرية التزين والتكشخ كيفما شائت .. ورايحه وراده عالشباب بلفيت تسوي شغل .. وتكثر الشكاوي للمدير..ومايسوي اي شي
واليوم الثاني انشوفها جايبتله كيك وعصير

الله ي*** رجولتك

[آنــه]

قطريه شافت فرنسيه كانت في كافور اللاندمارك
وقد قالوا بلغوا العضيد باللي يلبسون ملابس خادشة للحياء
او اي تصرفات غير لائقة أخلاقيا اتصلت المره العضيد وجا لها واحد وكلم الفرنسيه
وطبعا الفرنسيه قامت تصارخ وقالت ببلغ الشرطة واتصلت للسفارة والكره سحبها المركز بسبب مضايقة السيدة الفرنسية


يعني مفروض من الدوله هي اللي تقنن اللبس اللي المفروض على الأجانب ان يحترمونه ويرتدزنه نفس الإنجليز اللي كانوا لما يجون قطر سفارتهم وسفارتنا يوزعون عليهم إرشادات يجب اتباعها بالملبس او بالتصرفات

بس ويييين راحوا أهله :(

[mariamaziz]

الله يلعنهم هالمفاصيخ ...

حتى أشكالهم تلوع الجبد و تييب المرض ...