مشاهدة النسخة كاملة : كيوتل وخدمة ( الجواز ) Passport !!
Chambray
18-07-2012, 12:11 PM
الصراحة انقهرت
من كم يوم سافرت وعندي تلفوني البلاك بيري .. ( كرت هلا )
وصلتني رساله من كيوتل
خدمة لمدة 7 ايام ( 1 جيجا بايت ) الخ ..........
ارسلت DP إلى الرقم 121
وصلتني رساله بالاشتراك وتم خصم ال 100 ريال
لكن خدمة البلاك بيري ماشتغلت !!
اتصلت لهم
قالولي كرت هلا مافيه خدمة بلاك بيري خارج الدولة !
قلت لهم بس انا اشتراك في هالخدمة ! وتم خصم 100 ريال ؟
قالولي لا بس بيانات وانترنت !
قلت مب مشكلة
صكرت واحاول اشغل التويتر - الفيس بوك - الانترنت !! ولا شئ يشتغل !!
شلت البطاريه مرتين بدون فايده ..
اتصلت لهم مرة ثانية قلت لهم الانترنت والخدمة ماتشتغل !! رجعولي ال 100 ريال !
قالولي مايصير نرجع لك اياها
بس انت غير الشبكة إلى شبكة ثانية !!
حولت إلى 3 شبكات !! ومع كل تحويل لاي شبكة يتم خصم مبلغ من الرصيد !!
ولا زال الانترنت غير مفعل ولا يعمل !!
اتصلت لهم للمرة الثالثه (( مكالماتي لهم يمكن صكت 100 ريال بعد إذا مب اكثر ))
آخر شئ قالولي خلال 48 ساعه بيتصل لك الدعم الفني !!
احين صار لهم اكثر من 48 ساعه !! ولا حد اتصل !!
الله يسامحكم يا كيوتل .. تحدونا نقاطعكم .. :anger1:
cartier
18-07-2012, 12:41 PM
السنه الي راحت الربع قالو لي الربع اشترك في بلاك بيري الدولي
ولا تفتح روابط ماتجيك فاتوره قلت والله خوش شركة كيوتل
المهم سويت مثل ماقالو وسافرت ايطاليا
شغلت البلاك بيري هناك يوم واحد لين شريت كرت من ايطاليا
اب 12 يورو طلعت من ايطليا بعد عدة ايام
رحت زيورخ ومازال الكرت الايطالي الي اب 12 يورو شغال :eek5: استغربت صراحه
بعد يومين رحت زلامسي ومازال الكرت الايطالي ابو 12 يورو شغال
افتح روابط وكل شي والكرت زي الفل بعد يومين رحت سالز برغ ومازل الكرت الي
اب 12 يورو زي الورد خوش كرت هاي جلست يومين
ورحت اسبانيا جاني مسج انه مافي رصيد قلت في نفسي ياليتني عبيته
المهم من كثر تعلقي للبلاك بيري شليت الكرت الايطالي وركبت القطري
مب قادر انتظر لين اشتري كرت اسباني
بعد مارحت الفندق وريحت ونمت ثاني يوم رحت فودافون اسبانيا وشتركت
في خدمة البلاك بيري
بعد الرجوع للارض الوطن جاني مسج انه فاتورتي 4500 ريال
علما اني كنت دافع فواتيري قبل السفر
اتخيلو 4500 لاني شغلت الكرت القطري يومين او 3 ايام فقط
ومن يومها لم ولن اشغل خدمة هذا البلاك بيري خارج قطر نهائيا
فا سحقا للبرود كاستات الي اتطير مدخول تعب عدة ايام من العمل
وشكرا:secret:
bojassem13
18-07-2012, 01:11 PM
اذا أمن العقاب أساء الأدب
وهذا اللي وصلنا له مع كيوتل
بما انه لا حسيب ولا رقيب وهم ضامنين محد يوصل صوته للجهات المعنيه اللي هي اصلا مع كيوتل قلباٌ وقالباٌ فاخر همهم انهم يغيرون من هذا النظام
والله يعوض علينا
تدري ان شركة فدوا فون حبت تنزل عروض عن اتصال مجاني من فودافون لخط فودافون ثاني بعد الساعه 7 والانترنت يكون اسرع وخدمات كثيره وتم رفض الطلب من الجهات المعنيه
ليش
لا اعلم
يمكن الادارات المختصه تشوف هالشي ضد مصلحة المواطن
الله يعوضنا خير
حاليا انا خارج قطر و اشتركت بالضبط مثل ما تفضلت لمدة سبعة ايام بــ 100 ريال ،،
لكن المفروض على المشترك يقرا المسج اللي يوصل له و يعرف ايش اللي له و ايش اللي عليه ،،
لان من ظمن المسج المرسل من كيوتل ،، رابط يدخلك على الشركات المسموحه بأنك تستخدمها و القوانين واضحه من وجهة نظري ،، و لا احتجت اني اتصل لكيوتل ،،
حبت اخوي انبهك لشي ،، يجوز انك كاتب في نص الرساله dp بدل qp ،، و الصح هي qp ،،
موفق ان شاءالله ،،
Chambray
18-07-2012, 04:22 PM
cartier
والله هاي كيوتل والاجر على الله
bojassem13
والله انا اتوقع ان اكثر من شئ يبغون يسوونه فودافون لكن موقفين في وجههم هيئة الاتصالات ..
حاليا انا خارج قطر و اشتركت بالضبط مثل ما تفضلت لمدة سبعة ايام بــ 100 ريال ،،
لكن المفروض على المشترك يقرا المسج اللي يوصل له و يعرف ايش اللي له و ايش اللي عليه ،،
لان من ظمن المسج المرسل من كيوتل ،، رابط يدخلك على الشركات المسموحه بأنك تستخدمها و القوانين واضحه من وجهة نظري ،، و لا احتجت اني اتصل لكيوتل ،،
حبت اخوي انبهك لشي ،، يجوز انك كاتب في نص الرساله dp بدل qp ،، و الصح هي qp ،،
موفق ان شاءالله ،،
خطك فاتورة اخوي
QP ترسله 114
لكن انا كرتي هلا
ارسل dp على 121
للعلم اخوي انا شبكت على كل الشبكات وقريت قوانينهم وعرفت ايش معنى الخدمة ..
الصغيره
19-07-2012, 02:30 AM
والله انا سافرت الاحساء وانا مشتركه بالخدمه جواز كيوتل ومعي 100 دقيقه وبمئة ريال وهلا كرت واستفدت بالمكالمات كلمت امريكا والهند ومكالمات ومسجات دوليه واتصالات للدوحه واستقبال اتصالات ومسجات واستفدت من الخدمه طبعا بدون بلاك بيري
Chambray
19-07-2012, 02:37 AM
والله انا سافرت الاحساء وانا مشتركه بالخدمه جواز كيوتل ومعي 100 دقيقه وبمئة ريال وهلا كرت واستفدت بالمكالمات كلمت امريكا والهند ومكالمات ومسجات دوليه واتصالات للدوحه واستقبال اتصالات ومسجات واستفدت من الخدمه طبعا بدون بلاك بيري
صحيح بالمكالمات .. لكن بالبيانات والانترنت والبلاك بيري ( :anger1: ) خصوصاً لكرت هلا ..
الهاجري_قطر
19-07-2012, 05:03 AM
غير فودافون مافي مجربها في الدوحه وبرى
khaldoon
19-07-2012, 05:25 AM
والله يا اخوي انا اي عرض خارج قطر يجي من كيوتل الغيه قبل قراءته لاني اكلت الفيلم منهم زمان
(عبدالله)
19-07-2012, 08:30 AM
ما باسرد لك القصة الطويلة والعريضة اللي صارت لي مع كيوتل
وخاصة إن كل تفصيل منها فيه عبرة واستفادة وخبرة في التعامل مع هالشركة
خلاصة الموضوع: رحت كندا وما لقطت أجهزتي ولا باقي الشباب القطريين (عددهم 30) لأي شبكة اتصال كندية فمابالكم بالشبكات اللي اشترطتها كيوتل حتى أستفيد من "جواز البيانات"
المهم.. بعد 3 أيام رفعت بلاغ في حساب كيوتل في تويتر، ردوا علي بعد 4 أيام في وقت الفجر في أوتاوا، حولوني على عدد من الموظفين والموظفات خلال ساعتين (من 3 إلى 5 الفجر) وكلما أغط في النوم 10 دقايق يتصلون فيني لين حلوا لي الاشكالية.
خلاصة الحل (جهازي آيفون): إعدادات/عام/الشبكة/تمكين ال3G
وفي هالحالة الجهاز بيظهر جميع الشبكات اللي ما كانت تظهر من قبل (منها بيل وتايلوس) وبالتالي شبكت بهم واستفدت من الخدمة.
طبعاً تأكد إنك في (البيانات الخلوية) في الآيفون مكتوب عندك في خيار APN التالي:
gprs.qtel
إذا مش موجودة اكتبها بنفسك
مثل ما قلت لكم، القصة طوييييلة وعريضة وفيها وايد تفاصيل وشد ونقاش أثناء المكالمات معاهم، وقلت لهم بعد بخصوص ال100 ريال اللي مرت عليها أسبوع قالوا لي بترجع لك، طلبت منهم يفعلون لي الخدمة مرة ثانية فعلوها (وأكدوا لي بمسج) واكتشفت إنهم ما فعلوا إلى بعد ساعتين من استخدامي الخدمة وتم تسجيل 319 ريال فيمة التسعيرة الاعتيادية قبل التفعيل!!!
المهم... بعد ذلك الخدمة أقدر أقول عنها أكثر من رائعة وأغنتني عن اني آخذ كرت جديد لكل من الثلاث دول اللي رحتها خلال الفترة، وأشكر كيوتل إنهم تطوروا شوي في التعامل مع البلاغات أحسن من قبل وأتمنى لهم مزيد من التطوير
والله ولي التوفيق
monatee
19-07-2012, 08:37 AM
جفت دعاية هالجواز وصدقتها للأسف واشتركت
ورحت دبي 5 ايام
لا تويتر ولا اي مواقع اقدر افتحه في التلفون بطيئ جدا الصفحه تاخذ دقيقتين او اكثر عشان تفتح ولا يطلع خطأ وماتفتح
لا اتصلت لهم ولا عورت راسي وياهم انا الي ماعندي سالفه صدقتهم ولا كيوتل من زمان فاشله خاصه في خدمات الانترنت
الصديق الوفي
19-07-2012, 10:29 PM
الصراحة انقهرت
من كم يوم سافرت وعندي تلفوني البلاك بيري .. ( كرت هلا )
وصلتني رساله من كيوتل
خدمة لمدة 7 ايام ( 1 جيجا بايت ) الخ ..........
ارسلت dp إلى الرقم 121
وصلتني رساله بالاشتراك وتم خصم ال 100 ريال
لكن خدمة البلاك بيري ماشتغلت !!
اتصلت لهم
قالولي كرت هلا مافيه خدمة بلاك بيري خارج الدولة !
قلت لهم بس انا اشتراك في هالخدمة ! وتم خصم 100 ريال ؟
قالولي لا بس بيانات وانترنت !
قلت مب مشكلة
صكرت واحاول اشغل التويتر - الفيس بوك - الانترنت !! ولا شئ يشتغل !!
شلت البطاريه مرتين بدون فايده ..
اتصلت لهم مرة ثانية قلت لهم الانترنت والخدمة ماتشتغل !! رجعولي ال 100 ريال !
قالولي مايصير نرجع لك اياها
بس انت غير الشبكة إلى شبكة ثانية !!
حولت إلى 3 شبكات !! ومع كل تحويل لاي شبكة يتم خصم مبلغ من الرصيد !!
ولا زال الانترنت غير مفعل ولا يعمل !!
اتصلت لهم للمرة الثالثه (( مكالماتي لهم يمكن صكت 100 ريال بعد إذا مب اكثر ))
آخر شئ قالولي خلال 48 ساعه بيتصل لك الدعم الفني !!
احين صار لهم اكثر من 48 ساعه !! ولا حد اتصل !!
الله يسامحكم يا كيوتل .. تحدونا نقاطعكم .. :anger1:
والله انا نفس المشكله مع كيوتل كنت في احدى الدول الاوروبيه واتصلت فيهم ولا حصلت اي حل بس انا ايفون وراحت علي الله يعين
غناتي1
20-07-2012, 02:47 AM
حسبي الله على كيوتل
منشار طالع ماكل -- ونازل ماكل
بوخالد911
20-07-2012, 05:28 PM
سوو مثلي
لما اسافر لأي دولة
اطلع كرته جديد واحرررقه حراق
وقبل السفر اقطه
ولا تقول كيوتل ولا فودا
ANONYMOUS
21-07-2012, 11:01 AM
دق ع حماية المستهلك وخبرنا وش يقولون لك
مافي حد مايشتكي من خدمه الجواااااااز الكل متوهق مادري ليش
Powered by vBulletin® Version 4.2.5 Copyright © 2025 vBulletin Solutions Inc. All rights reserved.