استفسار وايكم يهمني [الأرشيف] - منتديات شبكة الأسهم القطرية

سبع الظلما

19-07-2012, 11:41 AM

ناوي ابني فيلاا داخل البيت المساحة المتاحة بعد حساب الارتداد القانوني 12 متر واجهة والعمق فقط 9 متر
السؤال هل المساحة كافية ومناسبة لبناء فلة دورين مكونة من مطبخ وغرفة نوم ماستر وعدد 2 صالة و5 غرف نوم بالدور الثاني مع بنت هاوس غرفة للخادمة وغرفة غسيل مع دورة مياة
ارجوااا من الاخوة الافادة عشان استفيد من المساحة قدر المستطاع
وشكراا

معماري قطري

20-07-2012, 01:32 AM

انا مع إخوي بن غيث

عندك مساحة ارضية صافية للبيت = 108 أمتار ولو فرضنا عطوك بيسمنت كامل ودورين وخل نقول نص دور بنتهاوس بتطلع عندك إجمالي مساحة البناء = 378 متر مربع .. انا ابني بناية بهالمساحة بس كمسطح أرضي وشوي أصغر من ال 378 متر وطلعت تكفي بالغصب حق شقتين شقه غرفة والثانية غرفتين وصالة وحمامين ومساحات صغيره من قلب،،

خلنا نحاول نوزع هذي المساحة الإجمالية على المساحات اللي ممكن تسويها .. فرضاً دور بيسمنت يكون بمساحة 9 في 12 = 108 متر مربع يكون فيه مجلس ويكون مفتوح ببلكونات نازلة عن مستوى الحوش وبمدخل خاص بحيث تنزل بدرج لمستوى البيسمنت ويكون فيه مجلس ومطعم وبيت درج بسيط ولفت إذا حبيت مع تكرم حمام صغير.. فوق ممكن صالة عائلية 5 في 6 ومطبخ وغرفة صغيرة وحمام والدور الأول خله غرف نوم بس لو فرضنا 4 في 5 = 20 متر مربع بيكفي لثلاث غرف مع حماماتها وممكن غرف ملابس صغيره .. لننسى بنحتاج شوية مساحة للدرج ولممر بسيط وليمكن لفت .. نجي للبنتاهاوس اللي بيكون في حدود 50 متر مربع تكون فيه غرفة نوم رئيسية بمنافعها .. وتركز على تشطيب راقي ولفت يكون محور الحركه في البيت .. وتاخذ إحتياطاتك للبيسمنت وتتوفق في أرض المياه الجوفية بعيدة إن شاء الله .. بس مهم تعتمد هذا المبدأ ومصمم شاطر يطبق لك اللي تبي.