وسيط

[alhiran4u]

السلام عليكم اخواني واخواتي

حبيت اسال اشلون ممكن القى وسيط او مضارب يضارب لي فى السوق ويكون ممتاز وله خبره فى السوق واكيد له نسبه..
اذا موجود فارجو المراسله عالخاص
وشكرا

[qews]

بما انك مالك خبره بالسوق حاول تتواصل مع الشركات او البنوك الي بتدير الاصول يكون في عقد واتفاق وربح باذن الله

اما سالفه الوسيط .. خطره كبيره نوعا ما لان ممكن تكون فيها خساره قاسيه ومن بعد الخساره صعب يكون في تفاهم بالسالفه
واداره البوورصه تمنع هذه الامور من العقود ( وسيط يضارب لك ونسبه نهايه الشهر) لان الوسيط ممكن يكون ضحيه بالموضوع

واذا حصلت واحد يمكن هو ضامن نفسه بس هل تضمن شخص بيتحكم في فلوسك ..

فمن الافضل اخي الكريم تراجع النقطه الاولى الي ذكرتها
ولك التحيه

[alhiran4u]

بما انك مالك خبره بالسوق حاول تتواصل مع الشركات او البنوك الي بتدير الاصول يكون في عقد واتفاق وربح باذن الله

اما سالفه الوسيط .. خطره كبيره نوعا ما لان ممكن تكون فيها خساره قاسيه ومن بعد الخساره صعب يكون في تفاهم بالسالفه
واداره البوورصه تمنع هذه الامور من العقود ( وسيط يضارب لك ونسبه نهايه الشهر) لان الوسيط ممكن يكون ضحيه بالموضوع

واذا حصلت واحد يمكن هو ضامن نفسه بس هل تضمن شخص بيتحكم في فلوسك ..

فمن الافضل اخي الكريم تراجع النقطه الاولى الي ذكرتها
ولك التحيه

الله يجزيك الخير اخوي

[ابوجارالله]

الله يجزيك الخير اخوي

[shaheen-915]

اخوي تم ارسال رقم مستشار مالي متخصص بتجارة الاسهم بالبورصة ويدداول لعدة اشخاص ببورصة قطر والبورصات الاجنبية وسبق التعامل معه وفالك طيب ان شاء الله

[bo_s3ood]

نصيحه لوجه الله

ابعد عن الشر وغني له

لاتخلي حد يمسك حلالك ماتعرفه مثل الوسيط

[captin]

أنا معاك أخوي كثير منا عنده راس مال ومحتار شلون يحركه في السوق
وخصوصا سوق الأسهم اللي يبي له واحد فاضي ويتابع الحركة باستمرار.

إذا كنت تبحث عن وسيط للمضاربة بفلوسك وتحريك راس المال
بين الأسهم والأسواق المختلفة ابحث عن شخص ثقة وتم التعامل معه
من بعض الاشخاص الذين تعرفهم ويفضل انك تسوي معاه عقد
للعمل معك كوسيط شخصي وتحط فيه عدد من الشروط :


مثل راس المال المستثمر .

نسبة أو عمولة الوسيط وهي نسبة مئوية
ويفضل انها تكون بشكل شهري مع التقرير الشهري
اللي يبين فيه الربح والخسارة.

اصدار اوامر البيع او الشراء يكون بالرجوع لك واخذ الموافقة منك بعد
بيان الربح في العملية .

نقل الاموال من اسهم الى اسهم يكون بموافقتك وبالتنسيق معاه بعد ما يوضح
لك الاسباب والربح المتوقع من تغيير الاسهم .

ايضا ممكن تحط شرط اساسي وهو المتاجرة في الاسهم المباحة شرعا
بعيد عن البنوك الربوية وشركات التأمين مثلا .

تحط شرط انه يعطيك تقرير شهري وتقرير ربع سنوي وتقرير سنوي
عن كافة العمليات والناتج منها من ربح وخسارة وبيان الربح السنوي.

بالتوفيق ان شاء الله

[QATARI BOND]

السلام عيكم,, الشيخ حياك بنك قطر الوطني للخدمات الماليه صوب نادي قطر عندنا الخدمه اللي تدورها

[قطري قديم]

بالتوفيق

[$ خالد قطر$]

اخوي تم ارسال رقم مستشار مالي متخصص بتجارة الاسهم بالبورصة ويدداول لعدة اشخاص ببورصة قطر والبورصات الاجنبية وسبق التعامل معه وفالك طيب ان شاء الله


اخوي الله لا يهينك ممكن ترسل لي رقم المستشار المالي لأني محتاج احد يدير راس مالي في البورصه ولك مني جزيل الشكر والاحترام

[حمد 2002]

طيب هل فيه وسيط ايضارب بالبورصات العالميه الفوركس لاني محتاج واحد امين وموثوق والله

[المزروعي دبي]

.


الله يوفقك يارب في سوق الاسهم لانه سوق صعب ومافيه راحة بال

والشركات والتجارة والعمل الخاص والعقارات افضل بكثير

والله يوفقك يارب

[المزروعي دبي]

0
وبالخصوص للإشخاص يلي ما عندهم خبرة في مجال الاسهم المحلية نصيحتي لهم الحذر

والسوال كثير والتاكد من الاشخاص يلي يديرون الاسهم ومتابعتهم.

.

.

[المستثمر القطري]

اخوي تم ارسال رقم مستشار مالي متخصص بتجارة الاسهم بالبورصة ويدداول لعدة اشخاص ببورصة قطر والبورصات الاجنبية وسبق التعامل معه وفالك طيب ان شاء الله

السلام عليكم

اخوي ممكن ترسل لي رقم المستشار المالي لاهنت

تحياتي