&& دعوة للحوار : تخليص المعاملة .. بالطريقة الرخيصة &&

[خليفـة]

كل عام والجميع بخير
أمس اسولف مع واحد من زملاء العمل
كان رايح لأحد الجهات الحكومية .. عشان يخلص معامله
( أتحفظ هنا على أسم تلك الجهة لأسباب احتفظ بها لنفسي )
المهم
زميلي دخل تلك الجهة الحكومية مع بداية الدوام الرسمي 06.00 صباحاً .. وأخذ رقم وانتظر دوره حتى ينجز معاملته ويتوكل على الله
وكان المكان يعج بالرجال من كل الجنسيات .. عربية وآسيوية الخ الخ

وعند الساعه الـ 06.15 تقريباً
دخلت عليهم سيدة ( مراجعة )
وكانت بحاله .. يندى لها الجبين
على وصف زميلي :
كاشفة الوجه .. متمكيجة بطريقة مبالغ فيها .. ريحة العطر الفرنسي غطت على ريحة الآسيويين .. كعب عالي جداً .. كحل راسم العين بطريقة فريدة .. عباية مخصرة بطريقة لا أفضل ان اوصفها .. وفوق هذا كله .. لابسة شي قصير
:)

طبعا المكان اعتفس وانقلب رأساً على عقب بمجرد دخولها
سواء من طرف المراجعين الي تجاهلوا متابعة أرقامهم على شاشات أرقام المراجعين .. او من طرف الموظفين الي كانوا كلهم يتسابقون لخدمتها وكل واحد يتمنى ان يطلع رقمها عنده
:)

السؤال الآن .. بذمتكم
لمن ولماذا كل هذا التبرج والمبالغة في الزينة من بداية الصباح ؟

استبعد فكرة انها جايه من عرس او حفله
واستبعد فكرة انها تروح عملها يومياً بهذا الشكل

الأكثر منطقية انها فعلت بنفسها ما فعلته من تبرج وتزين
لأنهاء معاملتها بأسرع وقت .. واستعراض مفاتنها لتتمكن من الحصول على ماتريده
بكل سهوله من تلك الجهة
ولكن .. بالطريقة الرخيصة

وطبعاً الله اعلى وأعلم

رأيكم يهمني
:)

خليفــة

[فلتة زمانها]

ماشاءالله شالوصف الدقيق والله كأنها جدامي
رفيجك ماخلى شيء الله يهديه تمقل فيها عدل وعقب يستنكر عيل وين غض البصر!!
المهم ابي اعرف ليش لما تشوفون وحده متبرجه قبيحه الكل يفزلها وتصيده حالة سعار هههههه

[خليفـة]

ماشاءالله شالوصف الدقيق والله كأنها جدامي
رفيجك ماخلى شيء الله يهديه تمقل فيها عدل وعقب يستنكر عيل وين غض البصر!!
المهم ابي اعرف ليش لما تشوفون وحده متبرجه قبيحه الكل يفزلها وتصيده حالة سعار هههههه

رفيجي مسؤول عن نفسه امام ربه في مسألة غض بصره يا فلته
:)
اما مسألة وجهة نظرج في سالفة الفزة للقبيحة المتبرجة
فأقول لج : انتي غلطانه
الناس أجناس طال عمرج
فيه الي ما يولي أي اهتمام لا للجميلة المتبرجة .. ولا القبيحة المتبرجة
لأنه غاض بصره من البداية .. ويخاف الله
وفيه الي يشوف المتردية والنطيحة
والاثنين حسابهم عند من لا تنام عينه

شكرا لمرورج يا فلوته
:)

[فلتة زمانها]

^
للتوضيح : القبيحه هي كل من تظهر زينتها امام الرجال،، فهي قبيحه امام الله

[qatara]

قبحها الله وقبح من على شاكلتها
فمثل هذه الاشكال لاخوف من الله ولا حيا من عبيده
ولا رادع من من الاخلاق
وان قلنا العيب على اهلها لاكن كيف نعيب
عليهم ويجوز هم مساكين لايقدرون ان يلمسوها حتى
بكلمه بحجه حقوقها كان تبرجها لا يمس حقوقهم وسمعتهم
لاكن نقول
من امن العقوبه اساء الادب وان الحيا نقطه
والله يستر علينا بستره ويهديها هي وامثالها

[النهار]

انا ورفيجي رحنا مكان مشابه
اخذ له رقم وانتظرنا طويلا الا وحده بنفس المواصفات داشه المكان الساعه 9:30 صباحا
وزد على الي قلت 12 سلندر فل اوبشن واحنا جينا 8:30 الانشوف الكل يتسابق لخدمة الفل اوبشن
وحتى المسؤل عن الفرع متوهق عنده واحد في المكتب كل شويه اشوفه ماد اللرقبه وده يتخلص من الي عنده وهذاك لزقه مايبي يفش عنه عموما اول مادشت قام واحد من الموظفين من مكانه ويبى يخلص معاملة الاخت المشكله رفيجي حار شاف الموضوع فز للرجال قال له لوسمحت شوف رقمها رد عليه قال له ياخوي هذي حرمه وحرام رد رفيجي عليه انت ماعندك عيون عمى وهل العييزات الثلاثه الي جالسين مش حريم عموما صار الهرج والمرج طلع المسؤال قال الي تأمرون فيه انا حاضر قلت خلص هل العيايز المساكين واحنا بنطر دورنا ومانبي منك شي والله لايحوجنا لامثال هالموظفين

[ريتويت]

كلن مسؤول امام الله ومسؤول عن تصرفاته وكل حركه يسويها حتى وهو لحاله ومحد يشوفه.. الناس اشكال والوان وشخصيتهم وطريقه تفكيرهم وتربيتهم تختلف عن بعضهم البعض.. ببساطه كلن يتحمل مسؤوليه نفسه


(ورمضان كريم)

[خليفـة]

^
للتوضيح : القبيحه هي كل من تظهر زينتها امام الرجال،، فهي قبيحه امام الله
وصلت يا فلته
شكراً لمرورج وللتوضيح
:)


قبحها الله وقبح من على شاكلتها
فمثل هذه الاشكال لاخوف من الله ولا حيا من عبيده
ولا رادع من من الاخلاق
وان قلنا العيب على اهلها لاكن كيف نعيب
عليهم ويجوز هم مساكين لايقدرون ان يلمسوها حتى
بكلمه بحجه حقوقها كان تبرجها لا يمس حقوقهم وسمعتهم
لاكن نقول
من امن العقوبه اساء الادب وان الحيا نقطه
والله يستر علينا بستره ويهديها هي وامثالها

بارك الله فيك اخوي كتارا
واتفق معك في كل حرف كتبته
شكرا لمرورك الكريم اخوي
:)


انا ورفيجي رحنا مكان مشابه
اخذ له رقم وانتظرنا طويلا الا وحده بنفس المواصفات داشه المكان الساعه 9:30 صباحا
وزد على الي قلت 12 سلندر فل اوبشن واحنا جينا 8:30 الانشوف الكل يتسابق لخدمة الفل اوبشن
وحتى المسؤل عن الفرع متوهق عنده واحد في المكتب كل شويه اشوفه ماد اللرقبه وده يتخلص من الي عنده وهذاك لزقه مايبي يفش عنه عموما اول مادشت قام واحد من الموظفين من مكانه ويبى يخلص معاملة الاخت المشكله رفيجي حار شاف الموضوع فز للرجال قال له لوسمحت شوف رقمها رد عليه قال له ياخوي هذي حرمه وحرام رد رفيجي عليه انت ماعندك عيون عمى وهل العييزات الثلاثه الي جالسين مش حريم عموما صار الهرج والمرج طلع المسؤال قال الي تأمرون فيه انا حاضر قلت خلص هل العيايز المساكين واحنا بنطر دورنا ومانبي منك شي والله لايحوجنا لامثال هالموظفين

هههههههههه
ما ادري والله شقول لك ياخوي
الـ 12 سلندر توقف جدامه كل الآليات .. وخصوصاً الخفيفة
شكرا لسرد القصة اخوي .. وشكرا لمرورك الكريم
:)


كلن مسؤول امام الله ومسؤول عن تصرفاته وكل حركه يسويها حتى وهو لحاله ومحد يشوفه.. الناس اشكال والوان وشخصيتهم وطريقه تفكيرهم وتربيتهم تختلف عن بعضهم البعض.. ببساطه كلن يتحمل مسؤوليه نفسه


(ورمضان كريم)

كلامج سليم اختي سكر
وكل عام وانتي بخير ان شاء الله
وشاكر لج مرورج الطيب
:)

[الخزرجي قطر]

رمضان كريم الله يهديها ان شاءالله

[khaldoon]

الى كل واحد منا: اصنع ما شئت فانك مجزي به

[مساهم فنان]

الجديد على بناتنا الحين لبس الثياب القصيرة والعباية مفتوحة. وين أهلهم ؟؟ الرياييل ماعدوا ايغارون على شوفاتهم .... لاحول ولا قوة إلا بالله.. والبنات مايردون عن هذا التبرج المنافي للدين والعادات والتقاليد كاسيات عاريات مائلات مميلات.

[Buxton]

لاحول ولاقوة الا بالله
الله يهدي ويصلح شباب وبنات المسلمين
هذا اللي حاصل في اغلب الاماكن
الله لايبلانا يارب العالمين
الشرهه علي اللي يخلصون ناس قبل ناس

[(بوطلال)]

هي قليلة دين وياويلها من الله تستغل مفاتنها لتخليص معاملتها.واسمحلي اخوي وزميلك قليل دين ومايخاف ربه معا وصفه للمره بهالطريقه المغززه.

[Rider]

نعم اخوي خليفة هالاشكال للاسف واجد وانا شفت بعيني لكن الشرهه مب عليها الشرهه على الي يحاول يقوم من مكانه ولا يتمنى يخدمها والناس قاعدين هي مجرد انسانه رخيصه باعت نفسها من اجل تخليص معاملة

[مرتبش]

في كثير من الجهات لما تدخل سيدة لانهاء معاملتها يعطونها الاولوية لكونها بين رجال ومراعاة للنساء وهذا شي طيب.. لكن المذكورة في القصة عندها غرض اخر ..

الله يهدي الجميع

[خليفـة]

رمضان كريم الله يهديها ان شاءالله
امين اخوي الخزرجي
بارك الله فيك على المرور الطيب
وكل عام وانت بخير يالغالي
:)


الى كل واحد منا: اصنع ما شئت فانك مجزي به
جزاك الله خير اخوي خلدون

شكرا للمرور
:)


الجديد على بناتنا الحين لبس الثياب القصيرة والعباية مفتوحة. وين أهلهم ؟؟ الرياييل ماعدوا ايغارون على شوفاتهم .... لاحول ولا قوة إلا بالله.. والبنات مايردون عن هذا التبرج المنافي للدين والعادات والتقاليد كاسيات عاريات مائلات مميلات.
جزاك الله خير اخوي مساهم
وبالفعل .. الغيرة تكاد تكون ماتت عند الكثيرين
هداهم الله واصلح أمرهم ان شاء الله
شكرا لمشاركتك الطيبة
:)


لاحول ولاقوة الا بالله
الله يهدي ويصلح شباب وبنات المسلمين
هذا اللي حاصل في اغلب الاماكن
الله لايبلانا يارب العالمين
الشرهه علي اللي يخلصون ناس قبل ناس
بارك الله فيك اخوي Buxton
والله يصلح الجميع ان شاء الله
شكرا للمشاركة يالغالي
:)


هي قليلة دين وياويلها من الله تستغل مفاتنها لتخليص معاملتها.واسمحلي اخوي وزميلك قليل دين ومايخاف ربه معا وصفه للمره بهالطريقه المغززه.
اخوي بوطلال
زميلي وصف ما شافته عينه
ولكن الله وحده العالم ان كان أمعن بالنظر ام انه غضه بعد ما رآه
دعنا نحسن الظم بالآخرين اخوي
فلا تدري .. لعله احسن مني ومنك عند الله
:)
شكرا للمشاركة يالغالي


نعم اخوي خليفة هالاشكال للاسف واجد وانا شفت بعيني لكن الشرهه مب عليها الشرهه على الي يحاول يقوم من مكانه ولا يتمنى يخدمها والناس قاعدين هي مجرد انسانه رخيصه باعت نفسها من اجل تخليص معاملة
بالفعل اخوي
هي انسانه رخيصة .. وكل من يتجاوب معها رخيص مثلها
شكرا لمرورك اخوي
:)


في كثير من الجهات لما تدخل سيدة لانهاء معاملتها يعطونها الاولوية لكونها بين رجال ومراعاة للنساء وهذا شي طيب.. لكن المذكورة في القصة عندها غرض اخر ..

الله يهدي الجميع

بالضبط اخوي مرتبش
لها غرض آخر ومعروف
شاكر لك المشاركة الطيبة يالغالي
:)