كم نسبة العازل الحراري المسموح به ؟

[بوعلي2]

السلام عليكم ورحمة الله وبركاته




بخصوص العازل الحراري كم المسموح به من المرور

خصوصا السراميك من في كول هل مسموح بنسبة 30٪ ؟

والزجاج الامامي طبعا عشره بالميه

بس كنت حاب اعرف على كل الدرايش 30٪ والاماميه 10 بالميه هل مسموح ام معرض لمخالفات وشكرا


حر شديد لاتلمونا :weeping:

[خليفـة]

20% محد بيكلمك يالغالي
فوق هذي النسبة .. ممكن تُخالف في أي لحظة
وممكن ما يعدي موترك من الفحص الفني بسهوله
بالتوفيق ان شاء الله
:)

خليفــة

[بوعلي2]

يامرحبا فيك اخوي العزيز بوخليفه

مبارك عليك الشهر يالغالي

والله ركبت 30 بالميه يالذيب امس وتخوفت احسه ثقيل شوي مع ان وايد معاي مركبين 30 بالميه وغير الي اشوفهم بالشوارع لكن قلت استفسر منكم

والموتر جديد ريض عن الفحص الفني هاي الي شجعني

الف شكر وتقدير لك للرد الوافي

وشكرا للمعلومه

[البحار00]

ركبت ٣٠ بالميه على الأجناب بس الجامه الي قدام والي ورى 20 بالميه

وبعد شهر جاني مسج يرجى مراجعه تحريات مرور المعمورة

وراجعتهم قالو لي مركب مخفي قدام تراه ممنوع اما تشيله او تتخالف

شلته للأسف

مع ان فيه موتر صاف في مواقف موظفين مرور المعمورة عليه مخفي كاااامل اسود*

[M O H A D]

انا مركب 30% على الموتر كامل و الحمدلله محد كلمني
:)

[خليفـة]

انا مركب 30% على الموتر كامل و الحمدلله محد كلمني
:)

ولاتزعل نفسك يالغالي
لما تروح تجدد استمارة موترك بيكلمونك اخوي
:)
الا اذا عندك احد يدبر امورك .. بتمشي زي السلام عليكم

ما فيه احسن من اتباع النظام والقانون
ركب 20% .. وامش معزز مكرم
ولا أكبر شنب يكلمك
:)
بالتوفيق ان شاء الله للجميع

[M O H A D]

ولاتزعل نفسك يالغالي
لما تروح تجدد استمارة موترك بيكلمونك اخوي
:)
الا اذا عندك احد يدبر امورك .. بتمشي زي السلام عليكم

ما فيه احسن من اتباع النظام والقانون
ركب 20% .. وامش معزز مكرم
ولا أكبر شنب يكلمك
:)
بالتوفيق ان شاء الله للجميع

مرحبا اخوي خليفه :)

انا ماركبت 30% الا بعد ما استفسرت عن مدير المحل عن النسبة المسموحة من المرور

تحياتي لك :)

[وطن]

اللي أعرفه 30%

بس أنا حاطه 0 %
:victory:


ومبروك السيارة اخوي
الله يعطيك خيرها ويكفيك شرها

[abdo222]

٢٠٪ عادي لكل الموتر، بس بعض المواتر يبان عليها جنه ٣٠ او ٤٠٪ عشان لون الفرش الي داخل،،

دام وياك ورقه ضمان من شركه العازل مافيها اي مشكله