من سرقنا في رامز؟

[ورد الدوحه]

اليوم الصبح ذهبت أمي مع خالتي لتشتري بعض الأغراض من رامز وبعد الانتهاء من وضع الاغراض في الجاري تم محاسبتهم في الكاشير واعطائهم الفاتورة ولكن اين الأغراض وأين الجاري لم تجده امي في مكانه وبدأت تسأل أين الجاري وأين الأغراض ولكن لاحياة لمن تنادي الكل لايعرف أين ذهب الجاري ولكن امي لم تسكت فقالت لهم انا دفعت الفلوس أبي أغراضي مب طالعه الا عقب ماتعطوني فلوسي أو ترجعون الجاري وذهبت امي لتشاهد الكاميرا التي تم التصوير فيها أثناء اختفاء الجاري ولكن ماذا شاهدت شاهدت صورتها وهي تسلم على رفيجتها فقط ولكن الجاري أين محد شافه وحسافه على الوقت اللي ضاع وهي في رامز ثم قال لها البائع اعطيني الفاتورة وانا ساقول لك ماذا اشتريتي وتضعينه في الجاري مرة أخرى:weeping:

[تينا85]

اذا المكان كان زحمة ممكن بالغلط راح حق ناس وبمجرد ما يوصلون البيت

ويشوفون الاغراض اكيد بيرجعون رامز مرة اخرى .

حدث ذلك معنا مرة بس في محل آخر ورجعت لنا اغراضنا بعد يومين

[حسن]

يامن شاف الظاله

[لمعة الالماس]

انزين كيمرا المراقبة ما طلعت شي ما بين الجاري وين راح؟

[كتكوت الوحش]

مكن حد خذا بالغلط

[بوعلي2]

لاحول ولاقوة الا بالله

كان الله في عونكم

[ذيب ازغوى]

كان المفروض انها ماتطلع لين ماتجي الشرطه

[الخزرجي قطر]

رمضان كريم والواحد يخلي حسن النيه اول شي يمكن بالخطاء راح لناس وبيرجعون الاغراض ان شاءالله

[Rashid554]

في اهمال وعدم مبالاه لما خلصتو من الكاشير
يعني ما اعتقد رامز تقدر تتحمل المشكله كلها ونقدر نحملها جزء بسيط
ولكن ان شاء الله خيره نقول الحمدالله الاغراض انباقت مو اشياء ثانيه :)

[mariamaziz]

كان المفروض انها ماتطلع لين ماتجي الشرطه

شدعوه يا ذيب

[M S A]

ان شاء الله بترجع الإغراض لما يكتشف الناس إلى خذوهم إن هالأشياء مب لهم.

[بوخالد911]

لا تتساهلون وياهم

اخذوا حقكم

[ALHAJAJI]

اليوم الصبح ذهبت أمي مع خالتي لتشتري بعض الأغراض من رامز وبعد الانتهاء من وضع الاغراض في الجاري تم محاسبتهم في الكاشير واعطائهم الفاتورة ولكن اين الأغراض وأين الجاري لم تجده امي في مكانه وبدأت تسأل أين الجاري وأين الأغراض ولكن لاحياة لمن تنادي الكل لايعرف أين ذهب الجاري ولكن امي لم تسكت فقالت لهم انا دفعت الفلوس أبي أغراضي مب طالعه الا عقب ماتعطوني فلوسي أو ترجعون الجاري وذهبت امي لتشاهد الكاميرا التي تم التصوير فيها أثناء اختفاء الجاري ولكن ماذا شاهدت شاهدت صورتها وهي تسلم على رفيجتها فقط ولكن الجاري أين محد شافه وحسافه على الوقت اللي ضاع وهي في رامز ثم قال لها البائع اعطيني الفاتورة وانا ساقول لك ماذا اشتريتي وتضعينه في الجاري مرة أخرى:weeping:

تصرف سليم من قبل المسؤول في رامز

[بوغانم995]

في اهمال وعدم مبالاه لما خلصتو من الكاشير !!! ....ليس أهمال وعدم مباله ...هذه انفس مريضه متربصه ..وتعرف متى تضرب ..وتهرب ....وتمد يدها على مال غيرها ..الذي يعتبر سرقه ....وهذه حرابه ...نفوس دخلت البلاد متستره ....وهي أنفس مريضه لم تستطع ممارسة السرقه...في بلدها ..بعد ان أنكشف أمرها ..ووصلت الى قطر ...تنهب ..وتلعب ....تحسب أنها بعيده عن أعين الأمن ....لذلك نطلب من رامز ...التعاون في سريه مع الأمن لضبظط كل من تسول له نفسه في التعدي على مال الغير ...أذا كانت الكيمرات لا تفعل شىءءءء .


يعني ما اعتقد رامز تقدر تتحمل المشكله كلها ونقدر نحملها جزء بسيط .....المحل مسؤول عن سلامة مرتاديه من المتبضعين الذين يضعون اموالهم وثقتهم في المحل ....فالمحل مسؤول عن سلامة المتبضعين .

ولكن ان شاء الله خيره نقول الحمدالله الاغراض انباقت مو اشياء ثانيه ......أنا أقول لعارض المشكله أحسنت في السرد أخي ..وهذه ...لفته تنبيه ...الناس اجمعين ....من النفوس المريضه .زز الحراميه ....وخاصه من آآسيا.

[اوف ليميت]

ياخي يروح الجاري باغراضه عااااااااااااااااااااااادي

بس حسافه على التعب..قهر

:]

[رمــش الغلا]

ياخي يروح الجاري باغراضه عااااااااااااااااااااااادي

بس حسافه على التعب..قهر

:]

:anger1:
شنو يروح الجاري بأغراضه
الحرمة دافعه فلوس مب انت اللي دافع

[خــالــد]

الحين هم رجعوا لها الاغراض على حسب مافهمت صح
وين المشكلة ؟؟؟

[المحاميه]

شدعوا ؟؟؟

[AL-MAYSTRO]

كيمرات مراقبه على الفاضي

[المحاميه]

:anger1:
شنو يروح الجاري بأغراضه
الحرمة دافعه فلوس مب انت اللي دافع

رجعولها فلوسها :nice: مالها داعي العصبيه

[خــالــد]

شسالفة !!!

[الحال مايساعد]

الحمد لله
نفترض حسن النية أعتقد الأغراض راحت حق ناس ثانيا وممكن بعد فترة بيرجعونهم
الله كريم

[حسن]

شسالفة !!!

والله انا مثلك ماني بفاهم هي حقيقه ولا قصه من واقع الخيال
اللي يحاسب وهذا شي معروف واتحدا اي حد ينكر وومكن نسوي بروفه بعد
دائما اللي يحاسب او الزبون او المشتري لين يحاسب القاري مايبعد عنه اكثر من متر اذا كثر
اما هذه السالفه يبيلها نبلغ مجلس الامن الدولي لتشكيل لجنه تحقيق مع الحمالي لرامز
شلون اخفيت قاري وش السر عندك لايكون هو ذاك الامريكي اللي اخفى تمثال الحريه:secret:

[فارس بلا جواد]

مساكين امهاتنا فيهم الخير والبركه

هم جنتنا و نارنا

بعض الاسيويين يستغلونهم لعدم معرفتهم ببعض الاشياء

[Aaziz]

ماصار الا الخير :secret:

[chillis]

شدعوه الكاميرا ما صورت شي وبعدين اشلون هو طلع بدون الزبونه بالعربه وشالسرعه الي اختفى فيها في شي غامض :eek5::secret:

[MAZEN37]

الكاميرا اكيد موجوده والله يعوضهم

[اوف ليميت]

هههههههههه

ياخي عالاقل صفوا النيه
اضعف الايمان انكم تلتمسون لهم العذر

ماشاءالله عليكم..10% قدرات تحكيم وتحقيق ومرافعه..

محد فكر انها قالت له روح ود الاغراض السياره الفلانيه على ماتحاسب اهيه..وهو اخطأ وراح سياره يمها وحركوا..
أو
يمكن بدون ماتراويه..على نياتها الحرمه..قالت له..في برع سياره جذي وجذي باللون الفلاني..روح ود الاغراض هناك..وحاطه في بالها لدريول بيعرف ان لمعزبه شاريه الاغراض وبيساعده وبس..وطلع دريول ثاني

حد ينكر محد سواها..اذا لا..شاطر
بس انا اسويها

لا لا انا صج بدورله عذر هذا الشخص لمن هو بنفسه يثبتلنا اللي صار

مممم.. يمكن العامل قرر ذاك اليوم انه خلاص يهج ويشرد ... سحب الجاري معاه ورفيجه واقف "بكورولا 86" ناطره يحمل الاغراض ويحطون ريولهم ..

بيت القصيد انكم سويتوا بلاليط اليوم الثاني عالفطور lol

:]

[Cooki]

الدنيا بخير ياجماعه واغراضكم بترجع لكم .. اكيد احد سحب الجاري بالغلط .. تصير وايد ..
ورامز ماقصروا بعد قالوا لكم تعالوا اخدوا اغراضكم مره ثانيه ..
يعني الموضوع منتهي ..
كل عام وانتوا بخير ورمضاااااااااااااااان كريم

[Dana’1]

الله يعوض عليكم إن شاءلله
بخصوص السؤال وين راحت
اذا الكاميرا ما طلعت الاحداث ... والاعضاء مشاءلله ما قصروا عطوك الزبدة:)

عالعموم الغريب انهم ماشافوها بالتسجيل حتى لو اخذها احد بالغلط بيكون واضح بالتصوير هذا هو المفروض
انسرق لي جوال بكارفور ستي سنتر .. وبلغت ادارتهم وعلى طول استجابوا وشغلوا الكاميرا وعرفوا الي اخذها وكانت له اغراض حاطها عندهم بالامانات وهو سرقني هناك بعد ....وما استلمها فمسكوها عندهم يوم جاء يطلبها مسكوةةوعلى امن العاصمة لان التعامل معة مو من اختصاصهم
القصد ان التصوير يكون واضح والا شالفايدة منة

[حسن]

هههههههههه

ياخي عالاقل صفوا النيه
اضعف الايمان انكم تلتمسون لهم العذر

ماشاءالله عليكم..10% قدرات تحكيم وتحقيق ومرافعه..

محد فكر انها قالت له روح ود الاغراض السياره الفلانيه على ماتحاسب اهيه..وهو اخطأ وراح سياره يمها وحركوا..أو
يمكن بدون ماتراويه..على نياتها الحرمه..قالت له..في برع سياره جذي وجذي باللون الفلاني..روح ود الاغراض هناك..وحاطه في بالها لدريول بيعرف ان لمعزبه شاريه الاغراض وبيساعده وبس..وطلع دريول ثاني

حد ينكر محد سواها..اذا لا..شاطر
بس انا اسويها

لا لا انا صج بدورله عذر هذا الشخص لمن هو بنفسه يثبتلنا اللي صار

مممم.. يمكن العامل قرر ذاك اليوم انه خلاص يهج ويشرد ... سحب الجاري معاه ورفيجه واقف "بكورولا 86" ناطره يحمل الاغراض ويحطون ريولهم ..

بيت القصيد انكم سويتوا بلاليط اليوم الثاني عالفطور lol

:]


انت تستهين بقدراتنا وتحقيقنا ومرافعاتنا الله يهداك شوف اللي بالاحمر
كلم متناقض وانت الظاهر تحليلك غلطططططططط على قوله اخونا عاهد
اي برع والسياره واي كيمرا موجوده برع
هي تقولك وهي تحاسب القاري اختفي الموضوع في لغز
وينك يالوثائقي وعاهد حلولنا اللغز:telephone:

[الصغيره]

مش غريبه

انا شريت من ميرة الناصريه وشريت تانج برتقال ثلاث علب وواحد علبه تانج مانقو وشريت بسكويت علبتين وشريت اغراض كثيره المهم رديت البيت ولما حصدت الاغراض مالقيت التانج المانقو ولا البسكويت رديت للميره قلت ابي اغرضضي قالوا ما جانا شي منسي قلت شوفوا الكيمرا قالوا الحين السكيورتي مش موجود المدير بنتصل بك وخذوا الفاتوره ولي اربع ايام محد اتصل


حسبي الله عليهم

[عوآآآآشـي]

وهي تدفع كان المفروض عينها على الاغراض وعلى القاري وعلى الشخص اللي يحط الاغراض في القاري

مثلي مااتحرك مكان واوقف على راسه واشوف الاغراض حطها كلها ولا لا
وانتبه للعامل مايتحرك لين مااخلص وادفع

هاي زيادة حرص من جهتي