استطلاع للرية

[النواخذة]

هل تؤيد عمل عملة قطرية فئة 1000ريال نفس دولة الامارات العربية المؤيد اذكر سبب واحد علي الاقل. انا أيويد لانة صار كل حاجة غاليه في البلاد مثل ابي اشتري سيارة او أبيع او شراء بيت 300الاقل او 400الف اقل حاجة او بيت اقل 12000000

[الخزرجي قطر]

مع زيادة دخل الفرد والتعامل اليومي بالنقد ارى عمل عمله ورقيه فئة 1000 ريال
تسهل حملها وعدها عند الشراء او البيع او السحب والايداع لدى البنوك.

[M S A]

اعتقد إن 1000 بتكون أكثر استخداما من 500 إذا إنزلت، لأن هالأيام صار الواحد اقل ما يصرف في اي محل أو سوبرماركت هي 1000 ريال ، فهي الأكثر استخداما كما أن وضع فئة 1000 في المحفظه بيصغر حجمها بدل ما تكون منتفخة ب 500.

[النواخذة]

مع زيادة دخل الفرد والتعامل اليومي بالنقد ارى عمل عمله ورقيه فئة 1000 ريال
تسهل حملها وعدها عند الشراء او البيع او السحب والايداع لدى البنوك.

كلام سليم 100/100

[النواخذة]

اعتقد إن 1000 بتكون أكثر استخداما من 500 إذا إنزلت، لأن هالأيام صار الواحد اقل ما يصرف في اي محل أو سوبرماركت هي 1000 ريال ، فهي الأكثر استخداما كما أن وضع فئة 1000 في المحفظه بيصغر حجمها بدل ما تكون منتفخة ب 500. أيويد كلامك وبقوة

[بوخالد911]

نعم

ااؤيد جدا

اسهل بالتعامل واسررع

[طواش]

رأي قيم يستحق النظر فيه وبجدية ، خاصة كما سبق أن ذكر الأخوان أن القيمة الشرائية

للريال الواحد أصبحت شبه منعدمة لذا فإني أقترح أيضا أن تبدأ العملة الورقية من العشرة

ريالات ويتحول الريال إلى عملة معدنية مصكوكة .

[bo3adel]

موضوع حلو واشكر صاحب الموضوع على فكرته الحلوه ..

بس فيه بعض السلبيات مع عملة ال 1000 ..

السلبيات :
1-اتوقع ان بعض الاماكن ماراح تقبلها مثل ما نشوف في دول اوربا وبالتحديد لندن صعب تصرف ال 100 باوند لانها بالنسبه لهم كبيره ..
2-ممكن احيانا يكون عندك فقط نوط 1000 وانت شاري بـ 50 او 100 ريال .. وهالشي ممكن يأثر على الخرده اللي تكون عند البايع ..
3- لازم البائعين يتأكدون ان العمله مب مزوره .. لان التزوير امر وارد .. واذا زاد التركيز على ال1000 الناس بيزورون ال 500 .. لان محد بيركز عليها كثر ال 1000
الايجابيات :
1- سهولة التعامل في الصفقات الكبيره .. مثل ماتفضلت شراء بيوت او اراضي ..
2- سهولة عملية الدفع فـ اماكن البيع .. مثل ماتفضلو الاخوان ..
3- تقليل عدد الاوراق النقديه في المحفظه .. مثل ماتفضلو الاخوان ..
4- يقلل الضغط على عملات معينه لدى البنوك .. لان اغلب السلفيات اللي تنسحب كاش تكون مكونه من ال 500 والحين بتصير مكس بين ال 1000 و ال 500 ..

حبيت اختصر الموضوع وجمعت اراء الاخوان .. والسموحه على المداخله

[أسد الجزيرة]

ارفض لانه بيزيد تزوير عملة الالف مثل ما صاير في الامارات*

[عقار]

ارفض لانه بيزيد تزوير عملة الالف مثل ما صاير في الامارات*

انا مع اسد الجزيرة رافض للفكره ، للسلبيات منها ما ذكره اسد الجزيره
وبالنسبه لعمليات الشراء الكبيره توجد طرق عديده للدفع احسن من انك تشيل مبالغ
كبيره سواء نوط بو 500 او بو 1000
منها الشيكات العاديه ، الشيكات المصدقه ، او انك تدفع بالفيزا ، واذا على اللمت
تقدر ترفعه بالتليفون خلال 20 دقيقه تلقاهم رافعينه واشتر اللي تبيه

[بورصواوي]

اي صح ليش مايخلون 1000 و5000 و 10000 او عمله مليون ....

عملات تسهل حق الاخوان التجار الكبار

[مرتبش]

في اكثر من مرة جدامي اشوف الزبون ( الاسيوي او العامل) يطلع الخمسمية من مخباه والمحاسب يتفحصها ويطالعها قبل لايقبلها ،، والله اعلم انهم منقرصين من التزوير

الخمسمية كفاية واللي بيشتري سيارة اوبيت هذي امور ماتصير كل يوم

[اوف ليميت]

انا ارفض

ولكن .. اذا حصل ذلك فأقول..

1- يجب ان يقتصر تداولها على الصفقات التجاريه الكبيره
2- على شراء المواد الغاليه كالذهب والماس
3- سيكون أفضل لو يتم التعامل بها فقط بين البنوك لتسهيل عمليات نقل الأموال او عمليات التحويل والتبديل من بنك لبنك ك عمله معترف بها بينهم (البنوك فقط) للتسهيل على بعضهم والاسراع بالحساب
4- ياريت يقتصر العدد على عملات ورقيه قليله فالبدايه لتجربت اثرها على السوق والعمل والوقت
5- ياريت ايضا ان يتم مراقبة تداولها في أمكان محدده لتداولها فقط لدراسة جدواها ونفعها من ضررها


ولكن تذكروا...مافي شي الا وله اثر وحساب..ياسلبي يا ايجابي
وحطوا في بالكم..اذا تم طباعة نوط بو 1000...قولوا مع السلامه للربع والنص .. ويمكن الريال
راح يصيرون لاقيمة لهم بتاتا...مثل ماصار ف (مثال .. ال بيني الامريكي أو السنت) اللي للحين يتداولونه عندما تشتري شي وهو لاقيمة له مجرد كأنه قطعة مونوبولي
واذا جمعت منه خل نقول آلاف..ماتعدي 30 ريال قيمتها..وهي ماشاءالله معبيها في علبه وزنها كيلو
وفوق هذا مايتم تبديلها لك باوراق ولا تستقبل الا في اماكن خاصه كالبنوك وغيره

وايضا ان معظم التعاملات التجاريه اصلا + الخدمات العامه..صارت لاتتعامل مع ال"بيني" وماشين على ورقة الدولار وعلى كوينزات ال كوارتر والنص دولار والدولار الذهبي فقط....تقدر اتصرف السنتات الى الان ولكن بتختفي عما قريب
وراح زمن الدايم والبيني والويت والنيكيل والسوزي

عندهم ال 1000 دولار بس نادر ومحدود تداوله ويقتصر على اماكن واشياء ورسميات..هذا غير التدقيق الفضيع..يعني لو اثبتوا ان الورقه صحيحه 100% بعد لازم اثبات شخصي وتوقيع ومش عارف ايش..ومرات ضمان بنكي او شيكات..سالفه..وعندهم 5000 دولار ولكن محدوده..صار اعدادها مالايزيد عن 330 ورقه بس ومش محددين مع من للحين..باقي الورق تم التخلص منه عن طريق البنك المركزي الفيدرالي الامريكي..لاسباب..اكيد عندهم اسبابهم من بعد ماجربوها..نتعلم منهم اول وندرس الوضع
أما ال 10 الاف وال 100 اصدارات خاصه واندثرت

عالعموم..عشان ارضاء الجميع...طريقه سهله، بامكانهم تزويد "بعض" البنوك او مكاين ال atm بمناطق محدوده فقط ب اوراق ال 1000 .. واللي يبيها يحط بطاقته ويكون في اختيار "فئة 1000 ريال قطري" واللي يبي يجربها بكيفه ياخذ .. ويشوف شلون بيكون تعامله معها وهل بيقل اهتمامه للاوراق الصغيره وهل بيقدر يركز مع العد والبيزات والعمال والتجال..وهل بيسعفه الوقت مرات .. وهل بيقدر يوفر اصلا بعد اذا امكن وجذي

موضوع حلو..شكرا

:]

[خــالــد]

هل تؤيد عمل عملة قطرية فئة 1000ريال نفس دولة الامارات العربية المؤيد اذكر سبب واحد علي الاقل. انا أيويد لانة صار كل حاجة غاليه في البلاد مثل ابي اشتري سيارة او أبيع او شراء بيت 300الاقل او 400الف اقل حاجة او بيت اقل 12000000

يس مؤيد بقوة الخردة تنفخ البوك

[باراكودا]

الخروف المدعوم .

[خالد32]

الاوراق النقدية للتعاملات اليومية
محد بيشتري سيارة او بيت كل يوم.. المصرف العادي 200 الى 1000 فاليوم
و تخيل بوكك ضاع و حجمه يشيل 20 ورقه (تفضلهم 500 او 1000)؟

المعاملات المليونية الافضل تكون بشيكات او تحويلات بنكية

[khalid525]

افضل التركيز على المعاملات المالية الاليكترونية ( بطاقات الصراف الالي ، خدمة الدفع عن طريق nfc، الخصم المباشر من الحساب ، الشيكات ) هذي الطرق افضل واسرع واقل خطورة

[qatar.syria]

ما اعرفه ان طباعة عملة جديدة بفئة أعلى تؤدي حتماً لزيادة التضخم في الدولة وزيادة الاسعار.
لكن ما اعتقد انه مناسب في هذه المرحلة هو صك الريال بنقد معدني بدلا من ورقي

[shaheen-915]

كلام سليم 100/100

[monatee]

:eek5:لا اؤيد بتعور قلبي وانا ادفعها

[المحاميه]

أأيد أكيد
بدل ما الواحد يشل ربطة 500 عالاقل يشل معاه كم ورقة الف وخلاص

[bos3eed]

ياخي خلنا على النوط بو 500 اشحلاته يفرح القلب, خصوصا لا صار عندك مليونين ولا ثلاث ورايح تشتري بيت ومودي وياك همشة فلوس, في بريطانيا اعلى نوط عندهم بو 50 باوند, يعني لو بعطيك مليون باوند يبيلي 20000 ورقه او 200 ربطه تقريبا بو 15 كيلو فلوس!!!
في امريكا اعلى نوط عندهم 100$ وكان عندهم في السابق نوط بو 500$ 1000$ 5000$ 10000$ واعجب شي النوط بو 100000$ !!؟؟ بس وقفوا استخدامهم في 1969 وليومك ماشي حالهم مع النوط بو 100$

[حسن]

والله انا اويد عمل ورقه بو1000 =5000==10000

[CH Engineer]

لا اؤيد احس الاسعار بترتفع والتجار متسببين
ماتوقع منها فايده افرقت حاط ورقة بو 1000 ريال او ورقتين بو 500 ريال فالبوك؟
وبعدين بطاقة الصراف تختصر كل شي

[جراسا]

احس ما رح تكون فيها بركة...متى صرفت من ال1000 ريال...تلقى نفسك اخر النهار صارف المبلغ كله...و نفس الشي كان يصير معي في الإمارات