اسمحوا لي مافي غيركم !!!

[up-limit]

ياجماعة الخير مع احترامي للكل كبير وصغير اسمحولي على هالكلام بس هاذي هي الحقيقه السوق مانزل الا منكم الهوامير والصوافي والربع انصحوكم اصبرو واصبر واصبرو لكن مافي فايده كلن يبي يبيع كلن يبي الربح السريع تقولون مديونين الكل مديون والكل عنده ظروف والكل عنده اعيال والتزامات وقفوا مع بعض واصبرو وكلن له رزق بياخذه بأذن الواحد الاحد انا عن نفسي صابر ولا علي من حد الي الله كاتبه بيصير ولازم بيي يوم بيتعدل كل شي ودوام الحال من المحال ... اسمحوا على القصور

[منصور]

الله يوفقك

بس من يقدر يصبر على سوق يقولك

ممكن نبوقك

[up-limit]

اصبروا الاولين ليش مانصبر احنا !! بالعكس ايامنا احسن من ايامهم بمليون مره:con2:

[alfalcons]

هذا سوق أسهم ياشيخ وما أعتقد يبي يدخله معتوه
صحيح ان النصيحه واجبه من أخ لأخوه المسلم ولكن
يرجع الأمر للشخص نفسه.

[up-limit]

تصدق اخوي alfalcons انا احسبه سوق واقف اسمحلي الغالي .... اي شخص واي نفسه ؟؟ احنا هاي مشكلتنا مانحل مشاكلنا بالعقل كلن يحط مشكلته في راس الثاني واحب اقولك شي ترى سوق الاسهم الي تقول عنه يبيله صبر ويبيله ثقه بالنفس مايبيله يأس وصياح وندم والسوق صار حق كل من هب ودب يالله قولي شنسوي ننتحر يعني .... ياخي انسى السوق فتره انسى ان عندك اسهم انسى انك تعرف شي اسمه اسهم اصبر شوي وبتحصل الي تبيه

[BO KHLIFA]

الهوامير أحين هم المساكين ؟
والله عجيب موضوعك
طلعوا احين صغار المستثمرين هم السبب وحنا ماندري .. ياشيخ شكلك ماعندك شماعه اتعلق فيها افعال الهوامير المدمره الا الصغار .. ومع هذا شكرا لموضوعك

[up-limit]

اخوي Bo Fahad انا ماختلف معاك ان الهوامير هم السبب الرئيسي في الي قاعد يصير في السوق بس بعد احنا الصغار لنا دور في هالشي بعد وجان على المسكنه كلنا مساكين والغني الله طال عمرك ... وانت الظاهر مافهمت قصدي !! قبل فتره احد الاخوان جزاه الله خير قال حق الشباب في المنتدى خل نتحد بكره ولحد يحط امر بيع ابد لمدة يوم واحد تدري الشباب تعهدوا انه مايحطون امر في هاليوم وكان في هاليوم اكثر الشركات اذا مب كلها لمت ابد !!!!! يعني الغلط والتنزيل من من ؟؟؟؟

[up-limit]

شوفوا هالموضوع يمكن تستفيدون

http://www.qatarshares.com/vb/showthread.php?t=34528