مواشي ( المقصب )

[qatarlands]

السلام عليكم ورحمة الله وبركاته

كل عام وانتم بخير ومبارك عليكم الشكر

اليوم حاب اتكلم معاكم بخصوص مواشيء والمقصب الاي في سوق الغنم

يوم السبت رحت سوق الغنم اشتري ذباح حق رمضان تخبرون يقولون مسوين دعم للخرفان :victory: يعني شركة مواشيء الموقره مخفضه من سعر الاغنام
الخاروف السعودي 950
الخاروف الاردني : 800
المهم ماطول عليكم رحت الساعه 10:30 دخلت السوق تقدم بطاقتك الشخصيه وتاخذ الاي تبي من الذباح وكل بطاقة شخصيه له الحق انه يشتري خاروفين فقط لاغير

المهم دفعت الفلوس واخترت الخرفان ورحنا المقصب :eek5:
والله لايرويكم ايش يعني المقصب صراحه المقصب يعني
قمة التخلف - الفوضى - الاهمال - ايش تبون تقولون من هالكلمات قولوا

صراحه شفت شيء عمري ماشفته من مصخره واهمال وعدم مراعاة الناس
والله الناس كانوا داخل بين القصابين الاي يذبحون الغنم والله النسوان والرجال مع بعض والاطفال
يعني شيء ماتصدقونه
هواش بين الحماليه
لازم تدفع عشان تخلص امورك وتدفع حق الحمالي يعني صح الخاروف 950 ولكن مع البخاشيش والاكراميات بيوصل الخاروف عليك 1200 ممكن عشان تخلص بسرعه

بس انا صراحه مادفعت قلت خلني انتظر الدور والله تخيلوا

مع الهواش والمزاحم بين القصابين والنسوان والاطفال والرجال

خلصت الساعه 3 العصر :anger1:السوال : قبل ماكان فيه شركة اسمها مواشيء لادارة السوق والاغنام في قطر
وصراحه ماكان في هالمشاكل الاي موجوده الحين

الحين مواشيء شنو دورها هل دورها ربحي ام تنسيقي واذا كان تنسيقي هل هم نايمين في العسل

ترى وضع السوق والمقصب والله مزري جدا جدا جدا جدا جدا

واترك لكم باقي الكلام والاي يبي يعيش التجربه يروح بنفسه ويشوف

[خــالــد]

الله يعينك

[بوغانم995]

أنا لالالا ..اللموم المشترين ....من عدم ترتيب الأمور والتخطيط ..الصح ...لأن شهر رمضان ...يأتي كل سنه على المسلمين ...بس عتبي على شركة مواشي ويكون عتبي ودي صراحه ...بعدم الترتيب لهذا الشهر الفضيل ..بوقت كافي ....ونأمل أن تدرس جميع السلبيات ....وتوظيف هذا المقصب بالشكل الصح ...للعمل ..خلال شهر الصوم والأعياد كذلك .....ومواشي قدها ....الله يعين الجميع.

[مالك أمل]

إذا كان لابد من الفوضى

فالدريول الله لايهينه يتكفل بها

دريول البيت يختار لك افضل ذبيحة وله نظرة ثاقبه

نوصيه بمهام السوق والذبائح ولانعرف عن الفوضى ألا بالمنتدى

[خــالــد]

إذا كان لابد من الفوضى

فالدريول الله لايهينه يتكفل بها

دريول البيت يختار لك افضل ذبيحة وله نظرة ثاقبه

نوصيه بمهام السوق والذبائح ولانعرف عن الفوضى ألا بالمنتدى

اسمح لي اخوي تراء مب كل الدريولية عندهم نظرة بعظهم مايدري وين ربي قاطة

[الفا برافو]

الدريول اللي عندي لو اقوله جيب لي ذبيحه من سوق الغنم.. بيبطل لي حلجه كانه هو الذبيحه
هااا... شنو بابا... شنو يقول
:)

[رذاذ]

الدريول اللي عندي لو اقوله جيب لي ذبيحه من سوق الغنم.. بيبطل لي حلجه كانه هو الذبيحه
هااا... شنو بابا... شنو يقول
:)

هههههههههههههه اضحك الله سنك يا الفاااابرافو :victory::):)

ما تخبر احد يبي عجـــل وااافي .. ما ياكل الا شعير وشوار ورودس ومكحل ومشط شعره وله اربع حوافر وقرنين صغار .

ترا من صجي اتكلم الى يبي عجل يقولي ^_^

[باراكودا]

[b][quote=مالك أمل;8349913]إذا كان لابد من الفوضى

فالدريول الله لايهينه يتكفل بها

دريول البيت يختار لك افضل ذبيحة وله نظرة ثاقبه

نوصيه بمهام السوق والذبائح ولانعرف عن الفوضى ألا بالمنتدى
--------------------------------------------------------------------------------------

نظرة ثاقبة ما أعتقد مع وجود مافيا سوق الغنم تصبح النظرة مثقوبة .

[بنت المطر]

اتمنى يفتحون اكثر من فرع لمواشي يعني يخدم مناطق الشمال ومناطق الجنوب

مايكون ضغط في السوق الرئيسي

[PIX]

طيب بخصوص المواطن الي مثلي ما عنده دريول

راحوا الطيبين

[Abdulla86]

انا الوالد كان عنده مشوار رويس و مر هناك وخذ الخرفان و ذبحهم ولا دفع مثل ماتقولون ٢٠٠ ولا ٣٠٠ زياده

خذ الذباح ب ٩٥٠ للواحده و ١٥ ريال للحمالي

وخلص في ١٥ دقيقه بس

[BoFahed]

انا اخوي اخر يوم قبل رمضان وصاف مع الزحمة واللي جنبه كلهم لا بسين ثياب عطا الموظفين البطاقة ورجوعها له اشوي ولا يدور في مخباته ما حصلها (اخوي تشئلب يا جدعان ) وقام يدور عليها اشوي والا ينادونه فلان الفلاني تعال خذ الخروف الثاني :omg::omg::omg::omg: مسكين بغا يستخف اي خروف ثاني ؟؟؟؟؟؟

الحرامي طيب شوي سرق البطاقة وخذ خروف وخلا لاخوي خروف :eek5::eek5::eek5:

قام اخوي يكلم الامن و يصارخ انا مسامح اللي باق البطاقة يردها بس ومافي فايدة وراح اشتكى في الشرطة وان شالله ترجع له

[الفا برافو]

هههههههههههههه اضحك الله سنك يا الفاااابرافو :victory::):)

ما تخبر احد يبي عجـــل وااافي .. ما ياكل الا شعير وشوار ورودس ومكحل ومشط شعره وله اربع حوافر وقرنين صغار .

ترا من صجي اتكلم الى يبي عجل يقولي ^_^



يبين عجل ولد عز... :)

ابشر اسالك واحد من الربع عنده عزبه اذا له خاطر

جملك الله بطاعته