**تجمع شباب قطر للسيارات الفخمة الفارهه وهو الأول من نوعة **

[البوررصة]

السلام عليكم ورحمة الله وبركاتة

أعزائي الاعضاء والزوار وجميع مالكي سيارات الأوربية السبورت والفخمة
نحيط لكم علما

اننا سنقوم بتجمع سيارات فخمة لدعم هوايات الشباب لعرض سياراتكم السبورت الفخمة
وسيتم تغطية الحدث من " قناه الجزيرة الرياضية " ببرنامج الســــــرعــــــة "


وسيتم تغطية الحدث بمقابلات تصويرية صور وفيديو وسيتم عرضها بالجزيرة الرياضية وسيتم تغطية الحدث ونشرها بالمواقع الأكترونية
والتجمع بأذن الله سيكون بمواقف قاعة المعارضة برمضان المبارك المصادف يوم 14 من رمضان بيكون ليلة "القرنقعوة " المصادف لتاريخ 2 / 4 بيوم الخميس بعد صلاه التراويح



قـــــــوانين الـــــتجمع ( الي يبي يعرض سيارتة )

الشرط الأول :
أن تكون المركبة وارد أوربا

الشرط الثاني:ان تكون السيارة من نوع سبورت صالون سواء باب واحد أو بابين

شرح تفصيلي للسيارات المطلوبة
جميع أنواع سيارات الفراري و المبرجيني والمكلارن والبوغاتي والمزراتي والاستون مارتن والزوندا والكونك زاج

البورشات ( جميع انواع الصالون 911 الكريرا والكريرا جي تي )

البي ام دبليو فقط فئة الأم بور الصالون

المرسيدس فقط فئة ال 63 و ال 65 و ال 55 و اس ال ار ( الصالون فقط )

الأودي جميع انواع ال ار اس و الار 8

سيتم تقسيم العرض لجميع الفئات للسيارات
وأتمنى من الجميع الحضور سواء الفئات المشاركة أو الزوار
* هناك مواقف للزوار والتصوير مسموح في الساحة

أرجوا من سيادتكم نشر هذا الموضوع لكسب أكبر عدد ممكن من الشباب
للأستفسارات و التواصل المباشر

جـــــوال : 55690001
بلاك بيري : 28545f34

أخوكم
محمد الكبيسي

______

[MHA]

يعطيك العافيه اخوي بورصه على الخبر الحلو لعشاق السيارات

بس عندي كذا سوال يالغالي..

التجمع هذا براعيه من او بالاخص من مرتبه؟

و ليش بس سيارات اوروبيه؟


ما قصرت اخوي البورصه على نقل الخبر

[البوررصة]

تجمعات صارت كثيرة لجميع الفئات السابقة
التجمع مالة راعي رسمي اللهم احنا رتبنا الموضوع وشباب قناه الجزيرة ماقصروا بيغطون الحدث
والتجمع حصري للسيارات السوبر كار

وشكرا

[غايه الطواش]

سال اخوي مسموح للبنات يشاركون؟؟:con2:

[ساس الوفا]

عندي موتر وارد امريكا .. لوتس ينفع ؟ والا بس السيارات الاوروبية

[mazag]

وش الهدف؟ وشو الفايده ؟
وهل فيه جوائز او تقيم الافضل سياره؟

[ريتويت]

بالتوفيق

[حسن]

يمكن يكون عمليه مزاد وجمع التبرعات حق اخوانا المشردين في سوريا

[Qatar-supra]

وش الهدف؟ وشو الفايده ؟
وهل فيه جوائز او تقيم الافضل سياره؟


وانت بس تدور فايدة فلوس وجوائز في عالم تبي تتونس وتتعرف على بعض

[البوررصة]

التجمع فقط لسيارت الشباب تجمع وتعارف , + تغطية الحدث لبرنامج السرعة الي على الجزيرة
اخوي ساس الوفا راجع خاص

[بوسيف الهاجري]

زين يعني اجيب الددسن

:nice:

[جلاد_قطر]

انا بكون متواجد ومشارك بأذن الله

[البوررصة]

زين يعني اجيب الددسن

:nice:

انت VIP يا ابا سيف :victory:

[asasasss]

انزين و السوبر سنيك واللوتس والفايبر هاذول كلهم سوبر كارز

و في المايباخ والبنتلي و الرولز بعد لاتنسى

وال BMW m3 تنحسب ولا لاء ؟

و موضوع شيق و يعطيك العافيه على هالخبر

[البوررصة]

التجمع بيكون حق سيارات السوبر كار الفخم

البنتلي والروز لايعتبر سبورت الا فئات سمحناها مثل السوبر سبورت

وثانيا التجمع للسيارات الفخمة
وبنستثني سيارات مثل الفايبر والفورد جي تي والوتس

والام ٣ يعتبر ام بور فايدخل

[البوررصة]

^^^^^^^^^

[جلاد_قطر]

السيارات المسموح دخولها فالمواقف المخصصه للشو والتصوير:

Audi: R8, RS4, RS5, RS6

Porsche: Panamera, Panamera S, Panamera Turbo, Panamera Turbo S, Carrera, Carrera S, Carrera Turbo, Carrera Turbo S, Carrera GT, Carrera GT 2, Carrera GT 3

BMW: Z4 M, M6, M5, M3

Mercedes: C63, CL63, CL65, CLS63, E63, S63, S65, SL63, SL65, SLK55, SLR,SLS

شركات السيارات اللي موجوده تحت مسموح تدخل بكل موديلاتها

Ferrari
Maserati
Zonda
Bugatti
Aston Martin
Lamborghini
McLaren
Koenigsegg

اللي مو متأكد منه بس انواع البورشات .. اتمنى من صاحب الموضوع يفيدنا لو اللي كتبتهم صح او لا

[جلاد_قطر]

ياخوي ويفضل اضافه الz8 للقائمه .. السياره نادره

[asasasss]

التجمع بيكون حق سيارات السوبر كار الفخم

البنتلي والروز لايعتبر سبورت الا فئات سمحناها مثل السوبر سبورت

وثانيا التجمع للسيارات الفخمة
وبنستثني سيارات مثل الفايبر والفورد جي تي والوتس

والام 3 يعتبر ام بور فايدخل

البنتلي الجي تي سبورت اخوي وفي صنف منها سوبر سبورت

GT (Grand Turismo)l

و الرولز في نوع منه الدروب هيد

ويعطيك العافيه

[بويعقوب]

الله يهديكم الى طريق الخير :)

[البوررصة]

^^^^^^^^^^^

[جلاد_قطر]

الله يهديكم الى طريق الخير :)



اشفيك يا بويعقوب؟ ترى احنا لا شاربين خمر ولا مسويين شي غلط .. مافيها شي هاذي هوايه .. واحسن من الف شي ممكن الواحد يسويه

[بويعقوب]

اشفيك يا بويعقوب؟ ترى احنا لا شاربين خمر ولا مسويين شي غلط .. مافيها شي هاذي هوايه .. واحسن من الف شي ممكن الواحد يسويه

ياخوي انا ماقلت انكم تشربون , والعياذ بالله , محشومين الربع من هالفعل الردي

وبعد فيه ألف شئ احسن من اللي تسوونه .. صح ؟؟

الله يهدينا واياكم

ويعيننا على ذكره وشكره وحسن عبادته

(( قوووول آآآمين ))

[جلاد_قطر]

امين ان شاء الله ومشكور

[الوتر الصامت]

ماشاء الله الموضوع منتشر بين الشباب وهذي عرض هواية للشباب احسن من الدوارة والصياعة
منها تعارف على البعض وتغطية قناه الجزيرة هاي مب اي شي , لكن البعض منهم الي ماله دعوة لا يشارك والله يوفقكم ان شاء الله

[AL-MAYSTRO]

المفروض فيه مقاعد للمواتر الامريكيه للمشاركه في العرض

بالتوفيق

[بوناصر 1]

بالتوفيق

[البوررصة]

كلن له تجمع وهل تجمع خصصنا لهل نوعية

^^^^^^

[البوررصة]

ستتواجد قناه الجزيرة مباشرا بعد صلاه التراويح

[بو خليفه 123]

السيارات المسموح دخولها فالمواقف المخصصه للشو والتصوير:


mercedes: c63, cl63, cl65, cls63, e63, s63, s65, sl63, sl65, slk55, slr,sls





و الـ g63 ?

[البوررصة]

الايفنت بس حق السيارات الرياضية ( الصالون )

[سيناتورنايف]

تبي تجمعهم بدون هدف ولا تشيرط تبي تلقط اللي يصلحلك

[M.K.H]

غريبه الموضوع مش في قطر سبيد بتصحل ناس وعشاق اكثر هناك

[اوف ليميت]

انا بمر بس عشان اشوف اذا في موتر عجبني .. وراعيه له خاطر يبيع

[وطن]

و الـ g63 ?

مب صالون

:nice:

[البوررصة]

الحمدالله تم تنسيق مع شركة ناصر بن خالد للسيارات بيعرضون معانا

والهدف : تجمع وتعارف لا اكثر ولا اقل والي مالة دعوة لايرد ولايتعب نفسة

والتجمع غدا ان شاء الله

[((ولدالدوحة))]

ياريت اتغطون لنا الحدث ولا عليكم امر

[السلولي]

ربي يوفقكم يــــاشباب :nice:

[Mr-Khalifa]

اخوي بخصوص ال g63

انا امس كنت في وكالة المرسيدس وشفت g63 أبيض و صاف برع .. سألتهم عنه وخبروني ان الموتر راح يكون في التجمع اللي راح يصير ..

ومن خلال رد احد الاعضاء ذكر ان عنده g63 وحاب يجيبه وانتوا قلتوا فقط صالون ..

يعطيكم العافية

[اوف ليميت]

ياشباب

ال g63 اللي تقصدونه

المرسيدس؟

وللا الانفنيتي صالون g63 ?

في الاثنين ترى

[لاجل QT]

جميل

الله يوفق الجميع ..

[غايه الطواش]

ياريت حد يروح ويصور لنا :)

[الزعفراني]

بالتوفيق أخوي البورصة وفكرة طيبة منكم

وحلو يكون تجمع لمثل هالنوع من السيارات ويصير تعارف بين الشباب

قواكم الله

[Mr-Khalifa]

ياشباب

ال g63 اللي تقصدونه

المرسيدس؟

وللا الانفنيتي صالون g63 ?

في الاثنين ترى

المرسيدس اخوي

وبعدين مافي انفنتي g63 يمكن تقصد انفنتي g35 او g37s

[البوررصة]

اليوم العرض وسيتم عرض اول مرسدس ٦٣ في قطر

السيارة مستثنية من ناصر بن خالد

لاحد ينسى اليوم