أفضل شركة استشارات هندسية

[QAT-LINE]

الرجاء اللي عنده فكرة عن أفضل شركة هندسية من ناحية الاستشارة والتخطيط المفصل للخريطة وأسعار .. يقول لي ؟؟

لانهم قالوا لي عن :this:شركة العالمي للاستشارات الهندسية ..

شكراً

[معماري قطري]

مر يا إخوي على إتحاد قطر للتخطيط

قديمين موجودين في قطر لهم فوق 35 سنة وكانوا في الجسره قبل الحين مكانهم سوق واقف .. ومديرهم هندي وأغلب اللي يشتغلون معاه هنود ويمكن عندهم حد يتكلم عربي .. بس لو لغتك الإنجليزية زينه بتتفاهم مع كذا مهندس بسهوله.

شغلهم إحترافي لآخر درجة وشوي غاليين لكن بتحصل مردود فلوسك في راحة البال والإشراف الجيد والمناقصة الجيدة والتصميم الإنشائي اللي بيوفر لك كثير وبيكون مدروس وقوي .. إحتمال يكونون مضغوطين وشغالين في مشاريع كبيرة للدولة لكن حاول تكون واضح معاهم شتبي وتوكل على الله ولتنسى تخلي عقدك كامل .. تصميم ومناقصة وإشراف .. هم يسون عقد مفصل بحساب كميات يسهل عليك كل شيء.

[معماري قطري]

صحيح نسيت الأهم

موقعهم في مكان المركز الثقافي البريطاني القديم اللي كان قبل جسر بوعبود .. بعد سناء بشوي.

[بن غيث]

:nice:
مر يا إخوي على إتحاد قطر للتخطيط

قديمين موجودين في قطر لهم فوق 35 سنة وكانوا في الجسره قبل الحين مكانهم سوق واقف .. ومديرهم هندي وأغلب اللي يشتغلون معاه هنود ويمكن عندهم حد يتكلم عربي .. بس لو لغتك الإنجليزية زينه بتتفاهم مع كذا مهندس بسهوله.

شغلهم إحترافي لآخر درجة وشوي غاليين لكن بتحصل مردود فلوسك في راحة البال والإشراف الجيد والمناقصة الجيدة والتصميم الإنشائي اللي بيوفر لك كثير وبيكون مدروس وقوي .. إحتمال يكونون مضغوطين وشغالين في مشاريع كبيرة للدولة لكن حاول تكون واضح معاهم شتبي وتوكل على الله ولتنسى تخلي عقدك كامل .. تصميم ومناقصة وإشراف .. هم يسون عقد مفصل بحساب كميات يسهل عليك كل شيء.

[معماري قطري]

:nice:

مشكور على التوقيع بن غيث

انا الله يسلمك نصحت بهم أحد الإخوان اللي يركزون على التافه وينسون الأهم .. وسعروا له ب 80 الف ريال حسب متطلباته وجاني قال غالي وايد وزعل وراح خذ له تصميم جاهز ب 15000 وجابه لي أدرسه وتعبت معاه عدلت المعماري بس وشفت الخرسانات شيء خيالي فيه قلت له عدل التصميم أو سو إعادة تصميم عند مكتب صح ما وافقني وإستمر مستعجل، وتورط ألحين الدوائر اللي كان يشوفها صغيره قبل في الرسم شافها على الطبيعة خرسانات ضخمة قطرها متر تقريباً وهذي أعمدة زينه بس خارجية .. ومسكين بيحط حجر عليها وزاد السُمك أكثر واستوت تغطي الواجهة.

هذا غير عن أُمور كثيره ودفع حسب تقديري مليون وأكثر على العقد، ودخل في متاهات وبيته الحين بيدخل في السنةالثالثة .. لا والمكتب الإستشاري اللي مسوي له التصميم يمدحون فيه هنيه وما ودي أذكر إسمه صراحه مكاتب الدجالين عندنا وايد وإحذروهم خصوصاً في تعيين المقاول والمناقصة، وفي المبالغة في المواصفات وبعدين تعديلها لصالح المقاول ... مثلاً تحصل كميات خرسانة كثيرة في التصميم وفي الواقع المقاول يسعر على أساس الرسومات ويعدل في الموقع لصالحة بموافقة الإستشاري .. بعض الإستشاريين قليلين الذمة قصدي.

[صــوت قطــر]

انا تعاملت مع .... البيت القطري للاستشارات الهندسيه .. وعندهم مهندس فلبيني فنان بصراحه

والمكتب مصنف درجه اولى .. واشتغلت معاهم خرايط فلل وعمارات ولله الحمد مرتاح معاهم وتعاملهم محترم .. موقعهم في الغرافه الشارع التجاري فوق مطعم ماكدونالز ..

وبالتوفيق

[بن غيث]

مشكور على التوقيع بن غيث

انا الله يسلمك نصحت بهم أحد الإخوان اللي يركزون على التافه وينسون الأهم .. وسعروا له ب 80 الف ريال حسب متطلباته وجاني قال غالي وايد وزعل وراح خذ له تصميم جاهز ب 15000 وجابه لي أدرسه وتعبت معاه عدلت المعماري بس وشفت الخرسانات شيء خيالي فيه قلت له عدل التصميم أو سو إعادة تصميم عند مكتب صح ما وافقني وإستمر مستعجل، وتورط ألحين الدوائر اللي كان يشوفها صغيره قبل في الرسم شافها على الطبيعة خرسانات ضخمة قطرها متر تقريباً وهذي أعمدة زينه بس خارجية .. ومسكين بيحط حجر عليها وزاد السُمك أكثر واستوت تغطي الواجهة.

هذا غير عن أُمور كثيره ودفع حسب تقديري مليون وأكثر على العقد، ودخل في متاهات وبيته الحين بيدخل في السنةالثالثة .. لا والمكتب الإستشاري اللي مسوي له التصميم يمدحون فيه هنيه وما ودي أذكر إسمه صراحه مكاتب الدجالين عندنا وايد وإحذروهم خصوصاً في تعيين المقاول والمناقصة، وفي المبالغة في المواصفات وبعدين تعديلها لصالح المقاول ... مثلاً تحصل كميات خرسانة كثيرة في التصميم وفي الواقع المقاول يسعر على أساس الرسومات ويعدل في الموقع لصالحة بموافقة الإستشاري .. بعض الإستشاريين قليلين الذمة قصدي.

ادفع 80 الف ووفر 280 الف
بس الناس تتوقع انه نوع من التوفير في المصاريف
ما يدرون ان الفايده ياكلها المقاول في النهاية

[معماري قطري]

ادفع 80 الف ووفر 280 الف
بس الناس تتوقع انه نوع من التوفير في المصاريف
ما يدرون ان الفايده ياكلها المقاول في النهاية


مب بس ياكلها المقاول .. وجع راس وقهر أوقات يحس الواحد بالظلم .. وأخطاء وشيء ما يسوى .. شكل ما يقولون قط فلوسك في الشمس واقعد في الظلال

[Bozizoo]

ادفع 80 الف ووفر 280 الف
بس الناس تتوقع انه نوع من التوفير في المصاريف
ما يدرون ان الفايده ياكلها المقاول في النهاية

كم انت مظلووم ايها المقاول

[معماري قطري]

كم انت مظلووم ايها المقاول


هلا بو زيزو

ما قصدنا إنه ياكل بالباطل .. مع إن فيه مقاولين يتصيدون الأخطاء ويعرفونها ويحسبون حسابها مضاعف بعدين .. وبعضهم غصب يكون شيء ناقص ومب معمول حسابه ويطلع مكلف بسبب ضعف التخطيط من الإستشاري الرخيص، وهذا قصد إخوي بن غيث شبه متأكد منه وهو مقاول شكل ما عرفت .. فالتصميم الجيد المتكامل يحفظ حق جميع الأطراف .. ولا شيخلي شوارعنا ما تخدم 5 سنين سوى ضعف التصميم والتنسيق وإدارة المشروع صح؟ وشيخلي شوارع رخيصة في بلدان كثيرة حولنا تخدم عشرات السنين وبنظافة ورقي غير التصميم المتكامل.

وكثير عندك من المقاولين يضغطون أرباحهم ويخففونها علشان يخلصون شغلات كثيرة ما تكون في العقد، وهذا إحسان الله يجزيهم خير.

[Qt.1]

مشكور على التوقيع بن غيث

انا الله يسلمك نصحت بهم أحد الإخوان اللي يركزون على التافه وينسون الأهم .. وسعروا له ب 80 الف ريال حسب متطلباته وجاني قال غالي وايد وزعل وراح خذ له تصميم جاهز ب 15000 وجابه لي أدرسه وتعبت معاه عدلت المعماري بس وشفت الخرسانات شيء خيالي فيه قلت له عدل التصميم أو سو إعادة تصميم عند مكتب صح ما وافقني وإستمر مستعجل، وتورط ألحين الدوائر اللي كان يشوفها صغيره قبل في الرسم شافها على الطبيعة خرسانات ضخمة قطرها متر تقريباً وهذي أعمدة زينه بس خارجية .. ومسكين بيحط حجر عليها وزاد السُمك أكثر واستوت تغطي الواجهة.

هذا غير عن أُمور كثيره ودفع حسب تقديري مليون وأكثر على العقد، ودخل في متاهات وبيته الحين بيدخل في السنةالثالثة .. لا والمكتب الإستشاري اللي مسوي له التصميم يمدحون فيه هنيه وما ودي أذكر إسمه صراحه مكاتب الدجالين عندنا وايد وإحذروهم خصوصاً في تعيين المقاول والمناقصة، وفي المبالغة في المواصفات وبعدين تعديلها لصالح المقاول ... مثلاً تحصل كميات خرسانة كثيرة في التصميم وفي الواقع المقاول يسعر على أساس الرسومات ويعدل في الموقع لصالحة بموافقة الإستشاري .. بعض الإستشاريين قليلين الذمة قصدي.

خريطه بس ب 80 الف من صجك اخوي ؟

[Qt.1]

الرجاء اللي عنده فكرة عن أفضل شركة هندسية من ناحية الاستشارة والتخطيط المفصل للخريطة وأسعار .. يقول لي ؟؟

لانهم قالوا لي عن :this:شركة العالمي للاستشارات الهندسية ..

شكراً

شوف روح عند مكتب العلي للاستشارات الهندسيه وقوله جايك من صوب الكواري وبأذن الله بيراعيك في الخريطه والاشراف بعد .

[naif3]

الله يجزاكم خير

[معماري قطري]

خريطه بس ب 80 الف من صجك اخوي ؟

إذا بيوفر علي 200 الف تكلفة خرسانات ما لها داعي أكون موفر 120 الف والتصميم بلاش .. انا معاهم عدت تصميم الإنشائي حق مشروع عندي وشلنا 5 أعمده بقواعدها .. وقللنا بعض الأبيام وسوينا بعضها مخفية .. والأسقف سويناها خليط طابوق وخرسانه.

وبعدين هذا المكتب يسوي عقد متكامل مب بس خرايط كل شيء على بعض مواصفات دقيقة وقوية لكل شيء .. وحساب كميات مفصل .. أعرف واحد دكتور مهندس مسوي لواحد مجسم معماري ورسومات معمارية بس بدون باقي التخصصات يعني جايب له الموافقة المبدئية اللي إسمها دي سي 1 ب 50000 وتصميم مميز مب موجود في قطر لكن نظام أمريكي ومنقول من مجلة والموديل ما يكلف 3000 بمواد وشغل.

[السيليه]

جزاكم الله خير علي النصيحه

[ameeer3]

سكيتش للاستشارات الهندسية