هذا ما حصل معي اختي في مركز الخليج الغربي

[mariamaziz]

اخواني الأعضاء

كلنا عرفنا في الفترة الأخيرة انه تم تخصيص بعض المراكز الصحية للقطرين و من ضمنهم مركز الخليج الغربي ..

أمس اختي راحت على أساس تبي تحول من مركز امسيمير اللي كانت تابعه له مسبقا إلى مركز الخليج الغربي .. لأنها أصلا ساكنه فالدفنة ... و تفاجأت أختي انهم قالولها خلج فالمركز اللي انتي فيه ... لحد ما تستكمل اجراءات التخصيص ..

اللي اعرفه انه الخصخصة صارت من زمان و بحكم انها اختي قطرية قررت تنقل عندهم و غير هذا كله هي توها ساكنة فالدفنة ...

ماندري شالسالفة ؟؟

[الرمـــاح]

الله يعينها وياهم :(

[قلبي الطيب]

كلام ما يدش في العقل واصلا من ساكن في ألد فنه غير القطريين والباقي أجانب هاي كلاس عندهم تامين

[مرتبش]

مايبون ينفذون القرار فيميعون السالفة ويمطونها لين العالم تنساها وتصير مثل قرار اكياس الخبز او قرار الكباين والمظلات في الشوارع او قانون سكن العمال في الفرجان..

عادي احنا ننسى بسرعة

[qatari 111]

يمكن يكون كلام الموظفه صحيح ليش تظنون بالسوء ولا هي ماراح تخسر شي اذا سجلتها .. الموضوع مب في يوم وليله تتنفذ .. هاذي اجرائات طويله وفيها ملفات وارقام وغيرها من الامور اللي مانعرفها .. بس كله تذمون بالوزارات وغيرها وفي الاخير تطلعون انتوا الغلطانين .. بسكم تذمر ..

خلي اختج تصبر .. ليين ما يخلصون اجراءاتهم .. وان شاءالله خير

[CH Engineer]

مايبون ينفذون القرار فيميعون السالفة ويمطونها لين العالم تنساها وتصير مثل قرار اكياس الخبز او قرار الكباين والمظلات في الشوارع او قانون سكن العمال في الفرجان..

عادي احنا ننسى بسرعة

اكياس الخبز :eek5:
اتصل على حماية المستهلك :rolleyes2:

[الخزرجي قطر]

هذا تصرف من الموظفه سكان الدفنه ينقلون ملفاتهم من اي مركز صحي الى مركز صحي الخليج الغربي

[][ Q6r ][]

الصراحه اهمال من الموظفات والادارة
وخاصه تعاملهم مع المرضى
ضحك وسوالف وحش
وانت واقف تنطر دورك ويكلمونك بنفسيه
ومب احسلك تقول لهم وين الرقم او خلصيني
مادري على وشو شايفين نفسهم
لو يحطون اجانب احسن لانهم مب مال شغل

[ام فهد]

اصلا وللعلم التحويل لايكون عن طريق الدفنه وانما عن طريق مركز امسيمير بما ان المراجعه اصلا مسجله في امسيمير وبنات مركز صحي الدفنه قمه في التعامل والرقي واصلا يتعاملون بكل أدب بس بعض المراجعين قمه في قله الادب وطوله اللسان وبعدين القطري له حق التحويل من اى مركز الى اى مركز اخر والذي حصل يمكن سوء فهم من الطرفين والمركز موب للقطريين بس لازال فيه أجانب لان المقصود هو تخيفف الازدحام لان عدد المراجعين الأجانب اكثر بكثير من القطريين وأحسنوا الظن ياجماعه في الموظفات

[بوخالد911]

شي غريب

[H B A]

اصلا وللعلم التحويل لايكون عن طريق الدفنه وانما عن طريق مركز امسيمير بما ان المراجعه اصلا مسجله في امسيمير وبنات مركز صحي الدفنه قمه في التعامل والرقي واصلا يتعاملون بكل أدب بس بعض المراجعين قمه في قله الادب وطوله اللسان وبعدين القطري له حق التحويل من اى مركز الى اى مركز اخر والذي حصل يمكن سوء فهم من الطرفين والمركز موب للقطريين بس لازال فيه أجانب لان المقصود هو تخيفف الازدحام لان عدد المراجعين الأجانب اكثر بكثير من القطريين وأحسنوا الظن ياجماعه في الموظفات


ههههههههههههههههههه شكلج شغاله معاهم

بس للأمانه الأشكال اللي كنت اشوفها قبل ماعدت اشوفها ..
ولا قبل انتظر يخلصون السالفه اللي بينهم
وبعدها يتذكرون المريض !! :discuss:

[ام فهد]

اخوي hba حتى لو كانوا يسولفون على قولتك أكيد ماراح يتركون شغلهم لمجرد السوالف اترك عنك المبالغات انت بس لو تشوف اهم يتعرضون لشنو كان بطلت انتقادهم أنا اقول الله يعطيهم العافيه على صبرهم اللي لو جبل كان انهد ممنوع يسولفون ممنوع الاكل والشرب ممنوع الرد على المراجع حتى لو اهو غلطان بس الله كريم

[mariamaziz]

و كالعادة .... يتحول الموضوع إلى شي ثاني ...

يا جماعة هو كان استفسار بس ...؟؟؟ ليش شبت الناار ألحين ؟؟؟

أنا ما تطاولت على حد و إلا اتهمت حد بالقصور .....