ماتمت الا المساجد [الأرشيف] - منتديات شبكة الأسهم القطرية

omabdulla

23-07-2012, 08:36 PM

qatara

23-07-2012, 08:46 PM

غير المسلم اذا ما يحترم خصوصيات دينا وعاداتنا وتقاليدنا

فيركب الطياره الي جابته الله لا يرده اما المرضى وكبار السن
نعرف ان كبار السن اذا اذن يقولون مرحبى بذكر الله

اما الاعراس

واعياد الميلاد

والاحتفالات الغنائيه

فعادي يزعجون كل من حواليهم بمكبرات صوت

مانقول
الا لحول ولا قوة الا بالله
وحسبي الله ونعم الوكيل

omabdulla

23-07-2012, 08:52 PM

حسبنا الله ونعم الوكيل

النهار

23-07-2012, 08:53 PM

حسبنا الله ونعم الوكيل

M S A

23-07-2012, 09:00 PM

هذي ضريبة التطور إلى طالعين فيه هالأيام كأنهم متخرعين وكأن منع الأذان هو صورة من صور التطور. من أيام الرسول صلى عليه و سلم و الأذان يرفع بغية إعلان وقت الصلاة و ما يرافقه من ادعية و صلوات ، و كان من ايام الرسول فيه بروتوكولات و اتيكيت في التعامل مع الناس و النساء و الدول و ما منعوا الأذان من إنه ينسمع و يعبر عن هويتنا و ديانتا المسلمة. الله يرحم.

Locale

23-07-2012, 09:15 PM

ان شاء الله بس مانوصل من منع الاذان
الله المستعان

فريخ الشاهين

23-07-2012, 09:24 PM

لاتعليق..

بس المساجد الخاصه عادي تسمع الصلاه فيها..

خصوصااا اللي المطوع يكون مب تابع للاوقاف,لاني صليت بمساجد بالخريطيات والريان خاصه وتسمع الصوت برع عادي الامر

المثنى

23-07-2012, 09:29 PM

وَلَوْلا دَفْعُ اللهِ النَّاسَ بَعْضَهُم بِبَعْضٍ لَّهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللهِ كَثِيرًا وَلَيَنصُرَنَّ اللهُ مَن يَنصُرُهُ إِنَّ اللهَ لَقَوِيٌّ عَزِيزٌ * الَّذِينَ إِن مَّكَّنَّاهُمْ فِي الأَرْضِ أَقَامُوا الصَّلاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنكَرِ وَلِلَّهِ عَاقِبَةُ الأُمُورِ.

قطريه ماركه

23-07-2012, 09:30 PM

لا حول ولا قوة الا بالله

يا زين قبل نسمع صوت الامام في الفريج في صلاة التراويح
و نحس بحلاوة الايمان

bo3adel

23-07-2012, 10:11 PM

مبارك عليكم الشهر

لاحظة من بداية رمضان بعد ماياذن صلاة العشا مانسمع قرايت صلاة التراويح وسمعت ان بامر من الاوقاف اتسكر المكروفونات :omg:

قلت اتاكد الضليمه شينه اتصلت اليوم بوزارة الاوقاف ادارة المساجد واكد لي احد الاخوان ان جاهم تعميم من فوق (لاحضوا من فوق بس مايعرف من من ) ان اتسكر الميكروفونات لانها اتسبب ازعاج لبعض الناس (الغير مسلمين) و للمرضى والاطفال وكبار السن قلت له احنا مسلمين ونسوان وانتشفق على سماعة القران حزت التراويح والقيام وبالعكس المريض يهدا بالقران وحتى اليهال قال لي: والله العالم ان حاسه بقصه من رده ..روحي افتحي التلفزيون على قناة الريان او السعوديه اسمعي قراءة صلاة التراويح او اشتري لج راديو وبعد النقاش معاه ومحاولتي اقناعه قال : انتي مب احرص على الدين منا... طبعا لاتعليق كفايه اسلوبه واعذارهم اللي مب مقنعه واترك لكم الرد .... وحسبنا الله ونعم الوكيل ..

اختي ام عبدالله .. شاكر لج الموضوع الحلو

موضووع اغلاق المايكروفونات صار له تقريبا خمس او ست سنين .. للاسف كان فيه فكره ايضا لتوحيد الااذان مثل الامارات ..
بصراحه سلبيات موضوع ايقاف بث المايكات كثيره والكل يعاني منها ..
1- عدم معرفة اذا كانو الناس يصلون لو مالحقت تسمع صوت الاقامه .
2- القرآن يهدي النفوس والكل يحب سماعه .. واليوم العيايز ف البيوت مايقدرون يسمعون قرايه القراء في المساجد ..
3- الكثير من الناس لو سمع صوت الامام والمصلين يصلون في المسجد .. بيوقف سيارته وينزل يصلي .. الحين نشوف الشباب وقت الصلاه يمرون ع المسجد ولا يفتكرون .. مايدرون هل هو وقت صلاه او لا .. وهاي شي سلبي وخطأ كبير من الشباب ..

ممكن في ناس يقولون اللي في قلبه الصلاه ماتفوته .. بس هذي طريقه كانو يستخدمونها ابائنا واجدادنا لمعرفة اذا المسيد خلص صلاة الجماعه ولالا .. وللاستدلال على وقت الصلوات ..

للاسف قمنا نقدر مشاعر الغرباء والدخلاء على مجتمعنا .. وتركنا العادات اللي تعودنا عليها .. بس عشان " ماينزعجون "

intesar

23-07-2012, 10:25 PM

bo3adel

23-07-2012, 10:28 PM

لا.. بس من هذي السنة صرنا ما نسمع.. وهذا السؤال بخاطري من أول رمضان.. صوت صلاة التراويح هي اللي تميز رمضان..
يعلمهم ينزعجون من اليوم لبكرة.. ليش يعني يحرمونا عشان الغير مسلمين.. في بلادهم يعني بيراعوننا مثل ما نراعيهم..
والأطفال ما عندهم مدارس.. والكبار بالسن والمرضى.. أعتقد بالعكس يفضلون سماع التراويح..

ودمتم بحفظ الرحمن..

يعجبني بعض الاحيان ان بعض الاامه جزاهم الله خير .. "يتجاوزون" ويشغلون المايكات .. وسبحان الله تتغير نفسية الواحد اول مايسمع صوت القرآن جاي من المسجد

بس الاوقاف الله يهديهم مانعرف شاللي يبون يوصلون له اخر شي .. المفروض يركزون اكثر على نظافة المساجد .. ويتركون الناس يستمتعون بصوت قرآءه القرآن

قطر دزاين

23-07-2012, 11:01 PM

زين وجرس الكنيسه مسموح به

قطر دزاين

23-07-2012, 11:04 PM

لي تعليق
الاوقاف ليش ما يكون فيه اختيار للامام ان يكون قراءته صحيحه وصوته عذب والاذان كذالك فيه ناس جزاهم الله خير مجتهدين من الجنسيات الاسيويه بس القراءه خطاء
اتمنى من الاوقاف بدل متسكر المكبرات تقصر عليها وليس منعها

Dark_QTR

23-07-2012, 11:42 PM

والله أول مره أدري عن هالقرار.. بالنسبه للمساجد الي في فريجنا (الهلال) فهم محافظين على تشغيل المايكروفون (ولكن ليس بالصوت العالي المسموع من داخل البيوت)

ذيب ازغوى

23-07-2012, 11:45 PM

حسبي الله على راعي القراار

الخزرجي قطر

23-07-2012, 11:54 PM

في الفريج عندنا كل المساجد تسمع صوت الأمام وهو يقرا القران في صلاة التراويح
اذا كان رد الاوقاف الله يهديهم ان شاءالله احنا في بلد اسلامي .

qatara

24-07-2012, 12:45 AM

تمنى من الاوقاف ان يكون موقفهم عكس ذالك

ونتمنى ان تجتهد ويكون لهم دور في الحد من :

1-استهتار اصحاب السيارت التي اغانيهم
بصوت صارخ لا احترام للماره ولا مشاعر الناس

2-والاحتفلات التي اصواتها صاخبه و مزعجه

3-والاغاني الاجنبيه الرقصه في المجمعات التجاريه الخ

بمعنى مراعاة ديننا ومجتمعنا وعاداتنا وتقاليدنا
و مشاعر الناس والذوق العام

هذا املنا فيهم وليس العكس

omabdulla

24-07-2012, 01:16 AM

مااقول غير حسبنا الله ونعم الوكيل
احرمونا من حلاوة رمضان بسماع صلاة التراويح
بعض المساجد مامشت بالتعميم اللي جاهم واللي حاب يتاكد يتصل بادارة المساجد وراح يلقى رد مايطيب الخاطر كلش وطريقة الاخ اللي مسؤول عن المساجد غير محترمه ولا اتليق بموظف في مكان كالاوقاف وقلت له طول رمضان راح اتم اتحسب عليك وعلى كل شيطان اخرس في الاوقاف وعلى من وقع على التعميم

النواخذة

24-07-2012, 02:00 AM

اي واللة حتا انا ضايق صدري من قلب علشان يسكرون المكروفنات قبل لما اسمع القراء اخاف وروح بسرعة علشان اصلي جماعة

مرحوم قطر

24-07-2012, 03:03 AM

مسجدنا المقرفونات شغاله

جادووور

24-07-2012, 04:05 AM

الله المستعان وحسبنا الله ونعم الوكيل والله شي يحز الخاطر يحاسبون على ضيقت الاجانب في بلادنا ويضايقونا ببلادهم فريجنا مانسمع فيه الا صوت الاذان فقط عساني اموت قبل لايحرموني بعد سماعه

المليونير الفقير

24-07-2012, 04:41 AM

حسبنا الله ونعم الوكيل

بيوت الله خطوط حمراء

الصغيره

24-07-2012, 05:01 AM

نبي رد من جهه مسؤووله مش من شخص يرد على الناس ويقول الموضوع جاي من فوق لا بد ان يكون عى الموضوع رد من شخص باسمه مش اي حد يرد على التلفون ويقول اي كلام

المسجد بفريقنا يقرا وياذن والامور عاديه

alwahesh

24-07-2012, 09:08 AM

اصلا المايكروفونات والسماعات بدعه

ايام الرسوم كان بلال يأذن بصوته من فوق المأذنه

اعتقد ان فتح مكبرات الصوت فيه نوع من اللامبالاه

لان الكل لاهي بالمسلسلات والاغاني في بيوتها ويصير بينها تداخل صوت القران مع الاغاني

الاوقاف ما تقدر توقف الاغاني او البرامج في التلفزيون

ولكن منعا لاي تضارب يكون من الافضل عدم استخدام مكبرات الصوت والاكتفاء السماعات الداخليه

مجرد رأي والله يشهد اني اصلي التراويح ومحافظ على تلاوة كتاب الله

المواطن

24-07-2012, 09:35 AM

لا حول ولا قوة إلا بالله

حسبنا الله ونعم الوكيل

دااانة قطر

24-07-2012, 09:40 AM

محللين عالغرب كل شي في بلااادنا ويحرمون علينا لذة السمااع للقران وادااء الترااويح
انا مب متأكده لكن فعلا السنه هذي مالهم حس في الترااويح

اصلا المايكروفونات والسماعات بدعه

ايام الرسوم كان بلال يأذن بصوته من فوق المأذنه

اعتقد ان فتح مكبرات الصوت فيه نوع من اللامبالاه

لان الكل لاهي بالمسلسلات والاغاني في بيوتها ويصير بينها تداخل صوت القران مع الاغاني

الاوقاف ما تقدر توقف الاغاني او البرامج في التلفزيون

ولكن منعا لاي تضارب يكون من الافضل عدم استخدام مكبرات الصوت والاكتفاء السماعات الداخليه

مجرد رأي والله يشهد اني اصلي التراويح ومحافظ على تلاوة كتاب الله

ممكن دليل انهم بدعه؟؟!!

لاتعم يالطيب في اللي ماااشااف ولا مسلسل هالسنه خااصه

الامل القديم

24-07-2012, 09:48 AM

لا حول ولا قوة الا بالله

qatari911

24-07-2012, 10:15 AM

لاتعليق..

بس المساجد الخاصه عادي تسمع الصلاه فيها..

خصوصااا اللي المطوع يكون مب تابع للاوقاف,لاني صليت بمساجد بالخريطيات والريان خاصه وتسمع الصوت برع عادي الامر

حتى مسجدنا بالريان
الميكروفونات شغاله ونسمع الاذان
وصلاة التراويح بعد
يعني التعميم هذا بنسبه لنا شكلي بس
الحمدالله ماقد تسكرت الميكروفونات عندنا

خــالــد

24-07-2012, 10:18 AM

الكلام هذا غير صحيح مطوع مسجد بنفسة يقول سبب منع الميكرفون لنة بعض المساجد قريبة من بعض وتسبب تشويش على المصلين في التتبيع مع الامام هذا كلام شيخ مسجد تابع الي الاوقاف

جلاد_قطر

24-07-2012, 10:22 AM

احنا المساجد اللي يم بيتنا كلهم مشغلين المايكروفونات ومافي اي مشكله .. غريبه

abdulla999

24-07-2012, 10:27 AM

اصلاً الاوقاف متى جاها واحد عدل اي واحد يمشي الحال واحنا مانسمع لهم حس الافي رمضان
والمفروض يسمونها وزارة شهر رمضان

خــالــد

24-07-2012, 10:28 AM

مطوع المسجد قال لي اذا المسجد فاض بالمصلين و وصلت الصفوف في حوش المسجد مسموح لة يشغل المايك لكن اذا كانت الصفوف داخل المسجد ما يحتاج يشغل المايك وعليها مخالفة لشيخ وفي ذمة الراوي

خــالــد

24-07-2012, 10:32 AM

اصلاً الاوقاف متى جاها واحد عدل اي واحد يمشي الحال واحنا مانسمع لهم حس الافي رمضان
والمفروض يسمونها وزارة شهر رمضان

بالعكس اخوي لاتظلم الناس وقول كلمة حق تراء الاوقاف ما قصروا حطوا عمال بكل المساجد وصارت الحمامات نظيفة والتيشو موجود مو قبل تتوضاء وتمسح ويهك بغترتك روح لدول مجاورة والله ماتقدر تمر من جنب حمام المسجد من الروائح والحشرات والسجاد الي جنة علكتة عنز ماتقدر حتى تسجد علية تسجد وتشيل راسك يصب ايل من راسك الحمدلله والله الاوقاف عندنا مو مقصرين وقايمين بواجبهم على اكمل وجة

أ التميمي

24-07-2012, 10:33 AM

حسبنا الله ونعم الوكيل

بس عندنا شيبانا الله يطول بعمارهم مهب مفتكرين ابحد والسماعه شغاله

رجوان

24-07-2012, 10:37 AM

حسبي الله ونعم الوكيل

اليحصبي

24-07-2012, 10:37 AM

اصلا المايكروفونات والسماعات بدعه

ايام الرسوم كان بلال يأذن بصوته من فوق المأذنه

طيب اكتب الرسول صلى الله عليه وسلم ، الله يهديك
http://www.shooq4.com/vb/images/bb/1.png

Al-Enazi

24-07-2012, 10:40 AM

حسبنا الله ونعم الوكيل اي والله انك صادق

والله ياجماعه لا نسمع لا اذان ولا اقامه..............؟؟؟

نسأل الله العفو والعافيه

اليحصبي

24-07-2012, 10:41 AM

الكلام هذا غير صحيح مطوع مسجد بنفسة يقول سبب منع الميكرفون لنة بعض المساجد قريبة من بعض وتسبب تشويش على المصلين في التتبيع مع الامام هذا كلام شيخ مسجد تابع الي الاوقاف

عشان تنحل المشكله تمنع كل المساجد
http://www.shooq4.com/vb/images/bb/24.png

خــالــد

24-07-2012, 10:45 AM

انا ابي اعرف الناس مقفلة ليش

احس الناس هنية بو بتوة

تقول 1
يردو اي 1
اي 1
اي 1
اي 1
اي 1
اي 1
اي 1
اي 1
اي 1
اي 1
اي 1
اي 1
اي 1
اي 1
ينقفل الموضوع ولا احد فهم الا اي 1

خــالــد

24-07-2012, 10:46 AM

عشان تنحل المشكله تمنع كل المساجد
http://www.shooq4.com/vb/images/bb/24.png

انا ما منعت شدخلني

almaf1a

24-07-2012, 11:06 AM

معاه حق انتي مب احرص على الدين منهم
وان كانت هناك خيارات اخرى مثل قناة الريان فأين المشكله

omabdulla

24-07-2012, 01:13 PM

معاه حق انتي مب احرص على الدين منهم
وان كانت هناك خيارات اخرى مثل قناة الريان فأين المشكله

حسبنا الله ونعم الوكيل

مب ملزومين كامسلمين في شهر فضيل ان انشوف قنوات او نسمع راديو

omabdulla

24-07-2012, 01:15 PM

اختي ام عبدالله .. شاكر لج الموضوع الحلو

موضووع اغلاق المايكروفونات صار له تقريبا خمس او ست سنين .. للاسف كان فيه فكره ايضا لتوحيد الااذان مثل الامارات ..
بصراحه سلبيات موضوع ايقاف بث المايكات كثيره والكل يعاني منها ..
1- عدم معرفة اذا كانو الناس يصلون لو مالحقت تسمع صوت الاقامه .
2- القرآن يهدي النفوس والكل يحب سماعه .. واليوم العيايز ف البيوت مايقدرون يسمعون قرايه القراء في المساجد ..
3- الكثير من الناس لو سمع صوت الامام والمصلين يصلون في المسجد .. بيوقف سيارته وينزل يصلي .. الحين نشوف الشباب وقت الصلاه يمرون ع المسجد ولا يفتكرون .. مايدرون هل هو وقت صلاه او لا .. وهاي شي سلبي وخطأ كبير من الشباب ..

ممكن في ناس يقولون اللي في قلبه الصلاه ماتفوته .. بس هذي طريقه كانو يستخدمونها ابائنا واجدادنا لمعرفة اذا المسيد خلص صلاة الجماعه ولالا .. وللاستدلال على وقت الصلوات ..

للاسف قمنا نقدر مشاعر الغرباء والدخلاء على مجتمعنا .. وتركنا العادات اللي تعودنا عليها .. بس عشان " ماينزعجون "

الله يجزاك خير

omabdulla

24-07-2012, 01:17 PM

مسجدنا المقرفونات شغاله

الله يجزاه خير امام مسجدكم

omabdulla

24-07-2012, 01:28 PM

الكلام هذا غير صحيح مطوع مسجد بنفسة يقول سبب منع الميكرفون لنة بعض المساجد قريبة من بعض وتسبب تشويش على المصلين في التتبيع مع الامام هذا كلام شيخ مسجد تابع الي الاوقاف

اخوي الله يجزاك خير بامكانك اتاكد من ادارة المساجد نفس ماتاكدت عشان ماتظلم احد وتاكد من مدير مكتب الوزير نفسه وراح يقولك نفس الكلام اللي انقال لي

omabdulla

24-07-2012, 01:33 PM

بالعكس اخوي لاتظلم الناس وقول كلمة حق تراء الاوقاف ما قصروا حطوا عمال بكل المساجد وصارت الحمامات نظيفة والتيشو موجود مو قبل تتوضاء وتمسح ويهك بغترتك روح لدول مجاورة والله ماتقدر تمر من جنب حمام المسجد من الروائح والحشرات والسجاد الي جنة علكتة عنز ماتقدر حتى تسجد علية تسجد وتشيل راسك يصب ايل من راسك الحمدلله والله الاوقاف عندنا مو مقصرين وقايمين بواجبهم على اكمل وجة

صاج اخوي بكلامك وهالشي واضح صراحه والله يجزاه خير اللي مهتم بهشي