بابا مافي كوف ( فلوس كتري واجد ) !!

[السد]

اكتب لكم هذا الموضوع
على اللي حاصل من استغلال القطري في بعض الاماكن
مثلا
1- الخياط
وصل سعر تفصيل الثوب الى 200 ريال
2- غسيل السيارات
3- اعمال بناء المنازل مثلا اسعار الصبغ
4- بعض المحلات التجارية مثلا السوبر ماركت
5- غسيل الملابس
6- محلات تفصيل العقل ( عقال تفصيله ب 150 ريال ) !!
7- الحلاقين ( حلاقة لحية 25 ريال )
8- برمجة اجهزة الهواتف والكمبيوترات
9- صيانة السيارات ( صبغ - سمكره - ميكانيك )
وغيرهم

[omabdulla]

الله المستعان

[qatara]

السبب هو نشر كل شي
وخاصه الرواتب والنقاش فيها وكثر المطالبات

كل جهه كم راتبهم وكم وكم ويتم التداول بين الجميع مثل
هذه الامور والتفاخر باعلى راواتب في العالم
مما فتح اعين الاجانب للطمع
فيما سبق في الاداره الواحده لايعلم الشخص كم راتب زميله

[خليفـة]

بالفعل اخوي السد
بمجرد يعرف البايع ان الي داخل عليه قطري
يزيد السعر عليه مباشرة
وعذرة ان هذا قطري ويقدر يدفع
بس ابشرك يالغالي
مب كل طير يتاكل لحمه
:)

خليفــة

[السد]

بالفعل اخوي السد
بمجرد يعرف البايع ان الي داخل عليه قطري
يزيد السعر عليه مباشرة
وعذرة ان هذا قطري ويقدر يدفع
بس ابشرك يالغالي
مب كل طير يتاكل لحمه
:)

خليفــة

عندي صاحب
يلبس لبس بتان لين بيروح يقضي له شغله
هل وصل فينا ان نتخلى عن لباسنا الرسمي ؟؟

[ولد العرب]

انا انزلت الدريول الكراج وسيارة مدعوه ودريول تفاهم مع راعي كراج هندي مثله وطبعا انا منخش:eek5:
مهم عطاه ب500 ريال تصليح مع صبغ:eek5:
وعقب دخلت عليه قلت له عندي سيارة نفسها بكم تصلح لي قالب1800:anger1:

[خليفـة]

عندي صاحب
يلبس لبس بتان لين بيروح يقضي له شغله
هل وصل فينا ان نتخلى عن لباسنا الرسمي ؟؟

لا يالغالي
مفروض ما توصل لهالمرحلة
بس لما ينزل لك قطري لمحل
ولابس نظارة ماركة
وساعة رولكس
وموترة الماني
وقلم ماركة
ويتكلم بكبر
اكيد البائع الأجنبي بيقول : هذا نفر شيخ
وبيزيد عليه السعر بكل تأكيد

ما فيه احسن من الوسطية في كل شيء
ومش عيب لو أخفيت بطرتك شوي عن عيون ضعاف النفوس
:)

خليفــة

[ذيب ازغوى]

انا اشهد اني ناشب لهم نشبه

[مرحوم قطر]

اكتب لكم هذا الموضوع
على اللي حاصل من استغلال القطري في بعض الاماكن
مثلا
1- الخياط
وصل سعر تفصيل الثوب الى 200 ريال
2- غسيل السيارات
3- اعمال بناء المنازل مثلا اسعار الصبغ
4- بعض المحلات التجارية مثلا السوبر ماركت
5- غسيل الملابس
6- محلات تفصيل العقل ( عقال تفصيله ب 150 ريال ) !!
7- الحلاقين ( حلاقة لحية 25 ريال )
8- برمجة اجهزة الهواتف والكمبيوترات
9- صيانة السيارات ( صبغ - سمكره - ميكانيك )
وغيرهم


هلا اخوي صحيح ان الاستغلال منتشر في قطر و ابصوره كبيره و في كثير من الاماكن

بس بعد اخوي مطلوب منك و من غيرك انك ما تروح حق الاماكن الي فيها استغلال

روح حق الاماكن العدله

مثلا اخوي بخصوص الخياط انا للحين اخيط ثوبي على 120 و في خياييط يخطون على 100

في العزيزيه و من احسن من يكون و اكشخ فيهم بعد


غسيل السيارات والله ماذكر متى اخر مره وديت سيارتي المغسله اخلي الصبي يغسلها

و في البدايه كان يستهبل ما يغسلها عدل رصيت عليه قام يبدع في الغسيل و ما شريت له برشر

يغسلها ابهوز الزرع

اما بخصوص سعر البناء اخوي يختلف والله الشغل يفرق

الصبغ في من 15 لييييييييييييييين 250 على الي انت تبيه و هلتباين مب على الصبغ نفسه

يختلف على حسب المطلوب


مثل السوبرماركت الاسعار متعارف عليها بس لا يقصون عليك احسب من وراهم


غسيل الملابس انا في فريجنا ثلاث مغاسل للحين تكوي بريالين و تغسل اب اربع ريال

في العزيزيه

العقل معاك ما لقيت محل اقل من 150 ريال


الحلاق انا احلق في العزيزيه و احلق في بن عمران و كلهم يحلقوني على 15 ريال


البرامج و الصيانه ما اعرف عنهم



فا اهني اقولكم يا اخوان لا تروحون حق الاماكن الغاليه روحو الرخيصه

[بصمة قطرية]

السبب هو نشر كل شي
وخاصه الرواتب والنقاش فيها وكثر المطالبات

كل جهه كم راتبهم وكم وكم ويتم التداول بين الجميع مثل
هذه الامور والتفاخر باعلى راواتب في العالم
مما فتح اعين الاجانب للطمع
فيما سبق في الاداره الواحده لايعلم الشخص كم راتب زميله




كلامك صحيح اخوي كتارا ..
للاسف احنا فتحنا عيونهم علينا
وخليناهم يطمعون اكثر و اكثر
كل زيادة تنزل لاي جهة اللي برع الدوحة يعرفون عنها
اغلب الادارات و الوزارات رواتبها معروفة ...
اليوم مريت سوق واقف و انصدمت من الاسعار
سوق العلي ابرك بصراحة اسعارهم معروفة ما تغيرت ..
مواقف كثيرة تعرضنا لها و بينت ان الكل عينه على القطري
في بالهم كل قطري مليونير و عنده فلوس
ما يهتم بالسعر بس يدفع ...!!!!

[XXX]

السبب باختصار ارتفاع الايجارات قبل كان ايجار المحل ب1500 الحين بعشرين الف وتدفع خلو بعد

[راشد محمد]

الله يعينا

[لاجل QT]

عندي صاحب
يلبس لبس بتان لين بيروح يقضي له شغله
هل وصل فينا ان نتخلى عن لباسنا الرسمي ؟؟

ههههههههههههههههههه

ابي اشوف :funny:

فعلا.. حتى خياطي يقولى انتة فلوس واجد وفي زيادة..اقردونا غربالله ابليسهم:eek5:

اقولة هذي مال جريدة كذاب مايصدق داخل جريدة:(

[شبح الصمت]

أخوي السد يعطيك العافيه

شوف بخصوص التفصيل اقل شيء هذه بذكره لك

خذ لك طاقـه من سوق واقف ( شكيبو / تيوبو ) هذولي الي طايحين عليهم العالم وزينين

الطاقه من 550 ليـن 1000 عندك وانت وشطارتك

وروح فصل لك الثوب بـ 60 لين 70 خصوصي وعندك الحسبه

غسيل الموتر مهب لازم تغسل كل يومين خلها كل اسبوع وعلى حسب لون موترك يعني غسلته اليوم تبي يكون نظيف وانت مهب راعي بر خل الدريول يمشه لك بفوطة الغسيل !

الحلاق انا من حلقت كله احلق لحيه بـ 20 ريال والشعر معروف وصل 25 ريال

الصبغ وهالامور وهالشغلات بعد زادت تعرف ليش الحين هالصباغ مهب ساكن في بيت طبعا ساكن ويدفع ايجار ورافعين عليه السعر فلازم يجيك ويرفع عليك السعر

وما لك إلا تقول

الحمـدلله على كل حال

وشوف كاسر لا تستحي مهما دخلت مكان كاسر لا تقولي احراج ومادري ايش خلك ريلكس وعادي بتدفع فلوس ومهب عيب

وكل عام وانتم بخير

ورمضان كريم

[دااانة قطر]

زميلتي من جنسيه عربيه حتى العباايه تلبسها نفس عبينا والله تحلف انها بـ250 لا أكثر وأحياانا يكون فيها شغلااات آنا ما أسويها وآنا لو بسوي نفس العباايه انشف ريجه لين يفصلها لي بـ350
الخضاار اللي قريب بيتنا داايم أحس سعره غير امر أي مكاان اللولو او القطريه اللبناانيه واخذ اللي ابيه بأقل سعر

حسبي الله عليهم يزيدون علينا عشاان روااتبنا زين ماوراانا بيت وعياال وأهل

[الزعفراني]

كلامك صحيح بس لا تلومهم دام ايجارات المحلات نار .. عيل إيجار المحل في الخريطيات وصل 9000 ريال ؟؟؟؟؟

وين تبيه يدخل قيمة الايجار او يغطي مصاريفه اذا ما يرفع السعر ؟

[خــالــد]

لوم كلة على حماية المستهلك الي ماتقوم بدورها على اكمل وجة

وخاصة الفيتارية ((السباكين)) الي يجون يصلحون صاروا يحطون اسعار على كيفهم وقوانينهم يحطونها بتفاقهم مع بعض يقولون الحين بس يركب معاك السيارة طلعتة تبداء من 50 ريال حتى لو بيضرب مسمار وبيرجع وين عايشين مافي قانون كل واحد على كيفة يحط قانونة

[جلاد_قطر]

واللي يضحك فالموضوع .. ان في شباب اذا تقولهم انتوا ماعندكم فلوس يعصبون .. ويقولك مافي احد في قطر ماعنده خير .. اللهم لا تؤاخذنا بما فعل السفهاء منا .. صارت دنيا مظاهر .. والله المستعان

[abdulla999]

اخوي محد رفع الاسعار الا عيال بلادك
اصحاب عقارات وشركات وبعد يبون زيادة على اي شيء

[عس عس]

اخوي محد رفع الاسعار الا عيال بلادك
اصحاب عقارات وشركات وبعد يبون زيادة على اي شيء
بالضبط :omen2:

[((ام خالد))]

ليش ما تتكلمون عن الايجارات ولا لانه اصحابها من اهل البلد ,, والله ماارتفعت الاسعار في المحلات الا لما ارتفع الاجار ,, اعرف واحد مسكين شغلته الاساسية في المحل يعني مصدر رزقه الوحيد ,,بعد الازالة لمحله القديم ,, خذ له محل ثاني بس خلوو دفع 200,000 والاجار 15,000 ,, امانة بالله عليكم مب ظلم
المشكلة تلاقي واحد عنده عقار أو محلات وماجرها باسعار خيالية ويرفع متى مايبي لكن اذا ارفعوا عليه نص ريال بتقوم القيامة,, عذرا اخوي السد انا مااقصدك لكن هذا الواقع

[باراكودا]

ما أزيد على كلام أم خالد السبب الرئيسي لارتفاع الاسعار هو ارتفاع الايجارات..
لابد من تدخل الجهات المعنية لايجاد حل لارتفاع ايجارات المحلات التجارية وعمل توازن في العرض
والطلب عن طريق زيادة الاراضي التجارية ومنع أحتكارها .

[السد]

ما أزيد على كلام أم خالد السبب الرئيسي لارتفاع الاسعار هو ارتفاع الايجارات..
لابد من تدخل الجهات المعنية لايجاد حل لارتفاع ايجارات المحلات التجارية وعمل توازن في العرض
والطلب عن طريق زيادة الاراضي التجارية ومنع أحتكارها .

حتى لو انزلت الايجارات
المشكلة الظاهر في اللبس !!

[ريتويت]

احسن من غيرنا .. مهما يصير قول الحمدلله عالنعمه ويارب احفظها من الزوال.. احمد ربك عالراتب والامن والامان.. غيرنا يتمنى ماي نظيف ومب لاقي

[الخزرجي قطر]

الله يكون في عوننا من الأستغلال المحلي بالداخل او الخارج

[بوخالد911]

لا زم تكاسرونهم عدل

واللحية مثلا للحين ب 15 ريال
واللي يزيد اطلعوا منه

[العربية نت]

اتوقع حتى ال 200 ريال للثوب ما عادها بموجودة
لكزس الخياطة الي يسمونها عادية 260 ريال نهائي تبغي زين ما تبغي اقبض الباب
والخياطة الخاصة على قولتهم توصل 300 ريال

وهناك خياطين الثوب الواحد ب 400 ريال :omg::omg:
والله على ما اقول شهيد

[السد]

اتوقع حتى ال 200 ريال للثوب ما عادها بموجودة
لكزس الخياطة الي يسمونها عادية 260 ريال نهائي تبغي زين ما تبغي اقبض الباب
والخياطة الخاصة على قولتهم توصل 300 ريال

وهناك خياطين الثوب الواحد ب 400 ريال :omg::omg:
والله على ما اقول شهيد

وخياطة 400 ريال
تعتقدون حاطين خيوط ذهب ؟؟

[أبو راكان]

وهناك خياطين الثوب الواحد ب 400 ريال :omg::omg:
والله على ما اقول شهيد

فستان هذا مب ثوب