رحلتي الى تركيا ..

[silver stone]

شباب انا قررت اروح مع الأهل على تركيا ان شالله

الحجز بيكون كالتالي

3 ليالي في اسطنبول منطقه تقسيم في فندق جراند حياه
6 ليالي في انطاليا في فندق ريكسوس داون تاون
4 ليالي في اسطنبول منطقه بكركوي في فندق تيتانيك بكركوي
3 ليالي في اسطنبول في فندق راديسون بلو بوسفور

وبصراحه للحين متوهق في الأماكن اللي اروحها .. افيدونا

من وين نقدر نروح الجوله بالسفينه في البوسفور وزياره جزر الأميرات وكم تكلف
وين مكان المتحف الحربي وحديقه ميني ترك وتل العرايس وكم تبعد عن تقسيم

واللي عنده اماكن ثانيه يفيدنا ..

[قطريه ماركه]

في تقرير جديد في المنتدى حق واحد توه راجع من تركيا
فيه رقم سايق

أخذ المعلومات منه ،،،موفق ان شاء الله

[Mohammed2]

مثل ماقالت اختي قطرية ماركة

أنا المقصود :D

بالنسبة لجولة البسفور تقدر من الميناء القريب من السوق المصري
وفيه الكثير من السفن اللي تاخذ السياح في جولة بعضهم تاخذك لمدة ساعة وفي بعضهم ساعتين

جزر الأميرات ممكن تروح لها من كذا ميناء, لكن احنا السواق نصحنا نروح من ميناء في القسم الآسيوي لان الزحمة هناك اقل وكان سعر الشخص 4 ليرات رايح و4 ليرات راد

المتحف الحربي يقع في تقسيم في شارع الحربية

ميني ترك للأسف نسيت اسم منطقتها لكنها مش بعيده في وسط اسطنبول وأي سواق تكسي ممكن يدليك لها

تل العرايس في القسم الآسيوي وتبعد عن تقسيم تقريبا ربع او ثلث ساعه مع الزحمة


هذا التقرير ان شاء الله بيفيدك

http://www.qatarshares.com/vb/showthread.php?t=518705

وان شاء الله تروح وترد بالسلامة :)

[المسعف]

بالنسبه للفنادق ، الفنادق حلوة واحلاهم فندق راديسون بول بوسفور
بس عندي سؤال ليش تغير الفنادق في اسطنبول المسافات كلش جريبة من بعضها البعض ؟؟؟؟؟
في النهاية مثل ماقالة الاخت ( قطرية ماركة ) في تقرير مصور عن تركيا جميل جداً والي كاتب الموضوع حاط رقم سايق التكسي الي يعرف يتكلم عربي لان مشكلتهم التكاسي ميعرفون الانجليزية
و على قولت المثل اسأل مجرب ولا تسأل طبيب
تقبل مروري

[silver stone]

مشكورين عالمرور اخواني
أخوي محمد ما شالله تقريرك حلو بس انا طماع بمعلومات زياده :)
أخوي المسعف تبديل الفنادق من باب التغيير فقط .. كل منطقه ولها الأسواق اللي حواليها مثل ما سمعت
بس اكثر فندق خاطري اروحه راديسون بوسفور

يا ريت اللي عنده اماكن ثانيه يخبرنا

[ضوى]

نصيحة اخوية ، انطاليا اذا انت من النوع المحافظ وتغار على هلك مابتنفعك ابدا ، مناظر تجرح العين بجد ، غير الحر اللي لفحنا فيها لا ويخففون كفاءة المكيفات بالليل والنهار متنا من الحر كنا حاجزين ست ليالي في متنتجع خمس نجوم قلصناها لثلاث ليال كانه طلعنا من جحيم اعوذ بالله

بالنسبة لتغير الفنادق في اسطنبول ، نصيحة بعد الثلاث ايام بالفنادق المختلفة اقضيها بكارتيبه وابانت و سبنجة

واذا فيك شدة طيارة احجز لطربزون خمس ايام صج بتستمتع متعة لا حدود لها ،

[silver stone]

والله اختي انا رايح بشهر 10 واعتقد الجو بيكون احسن من الحين

هل ممكن نروح ابانت وسبنجه من اسطنبول ونرجع في نفس اليوم .. هل هي قريبه يعني ؟

[Mohammed2]

والله اختي انا رايح بشهر 10 واعتقد الجو بيكون احسن من الحين

هل ممكن نروح ابانت وسبنجه من اسطنبول ونرجع في نفس اليوم .. هل هي قريبه يعني ؟

من اسطنبول الى ابانت تقريبا 3 ساعات ونص اذا بتوقف في استراحه

يعني ابنات بروحها يبيلها يوم كامل على الاقل

سبنجه ماعندي معلومات عنها

[ضوى]

والله اختي انا رايح بشهر 10 واعتقد الجو بيكون احسن من الحين

هل ممكن نروح ابانت وسبنجه من اسطنبول ونرجع في نفس اليوم .. هل هي قريبه يعني ؟


يمكن الجو يكون احسن ، بس المناظر ماتكون ابدا :(

بالنسبة لابانت يومين يبي لها ، حلوة وممتعة وباردة ، يوم مايمدي ثلاث ساعات رايح وثلاث جاي ضاع اليوم

سبنجة اعتقد ساعتين ونص بس لاني رحتها من كارتيبه فكان الوقت اقصر

[حفيد الأنصار]

انطاليا يقولون فيها مناظر ماراح تعجبك
انصحك روح لـ طرابزون

[NINA RICCI]

تركيا مب ذاك الزود كـ كل .. واسبوع تكفي لها ..

ضيف لجدولك طرابزون لانها طبيعه ..

رحله موفقه ..