ليش يامسؤولين النقص في ارز التموين

[دنيا الاسهم]

بسم الله الرحمن الرحيم

حبيت انقل معاناة كثير من المواطنين في انتظار ارز التموين ومعاناة كثير من الاسر القطرية في البحث عن الارز من بداية رمضان الى اليوم ولا زال البحث مستمر عنة في جمعيات الميرة وما ادراك ما جميعيات الميرة !!
حيث لا يخفى على احد مدى الحاجة الى الارز في رمضان ويعتبر من الوجبات الرئيسية للجميع
وبما ان الدولة دعمت مشكورة بعض المواد الغذائية مثل الزيت والسكروالحليب والارز ومع توافر بعض الاصناف منها والشح والندرة في وجود الارز ومع معاناتنا
تصوروا احدى هذة الجمعيات تواعد الناس ان سيصل اليوم وعند الذهاب للشراء يتفاجأ المواطن بعدم توافر الارز او الكميات نفذت في الاول 10 دقائق الاولى
واللي يقهر اكثر ان في كل مرة يوفرون 300 كيس لكل جمعية او اقل هذا على كلام مدير جمعية الميرة في المنتزة!
هل يعقل هذا .. ليش الشح في صرف الكميات ...ليش ما توفرون كميات اكثر

ياليت اللي يعرف احد من المسؤولين او يكون بيننا من اعضاء منتدى الاسهم ان ينقل معاناة القطريين في البحث عن الارز
اتمنى الجميع يشارك حتى يقضى على الفساد اللي انتشر في البلاد

[(محمد)]

صدقت

مرة دخلت على احد الموزعين (اللي مسجلين عنده) المهم احنا من 3 شهور واحنا ندور بهالعيش النادر ومرات الحليب .. انا والدرويل والوالدة...
المهم دخلت عليه ورفعت صوتي وقلت وين المدير .. ليش مافيه عيش وين تودونه .. 3 شهور مافي عيش .. شلون


فجأة جاني المدير وقالي لحظة ... وطرش عامل للمخزن وانا رحت معاه .. وطلع لي كيسين عيش والمخزن شفته مليان كله كياس عيش


والحين بعد نفس الحالة ... ندور بهالعيش ولا محصلينه ... يعني لازم اسويله فلم وصراخ وتهديد عشان يطلعونه من مخازنهم




ومره جيت عنده ولقيته يتهاوش مع احد المواطنين ... والرجال يقول انا ماخذيت شي من عندك وانت تقول ان في السجلات عندكم اني خذيت ..انا ماخذيت شي من 3 شهور ... وعقبها الرجال سكت ... وطلع له من المخزن.




ومثل ماسمعت ان كراتين التموين والعيش وغيره توزع من الداخل للمطاعم وبعض التجار وفي احيان الى خارج قطر ... فهل هذا صحيح.


يجب ان يتم التحقيق في المسألة

[دنيا الاسهم]

اشكرك اخي محمد على المداخلة اللي اثرت الموضوع وبينت بعض الامور اللي كانت غامضة
الظاهر جمعيات الميرة تبيعة لصالحها او احد التجار للمطاعم او للخارج
هل يعقل هذا !! زين اذا اكتفى المواطن وزاد طرشوة للخارج دافع بلاء عن اهل قطر مب اطرشونة من اول الشهر الى اخر الشهر كلة مافي عيش ..تصور اخي الفاضل كل يوم انطرش الدريول ويرجع يقول مافية
انا اتهم جمعية الميرة انها يعبون في اكياس ويبيعونة قطاعي ..والله اعلم
يجب التحقيق في الموضوع

[(محمد)]

مادري عن جمعية الميرة .... ولكن انا اتعامل مع احد موزعي التموين

ولا نعرف حقيقة الامر ولانريد اتهام اي احد بعينه ... ولكننا نريد ان يتم التحقيق في المسألة.

[بوعلي2]

انا تعبت معاهم واضطريت اشتري رز من برع

واعدوني على تاريخ ١٠ من رمضان

شريت من برع رز بسمتي

[دنيا الاسهم]

انا تعبت معاهم واضطريت اشتري رز من برع

واعدوني على تاريخ 10 من رمضان

شريت من برع رز بسمتي
كلنا شرينا من خارج التموين
بس من حقنا نلقى ايضا ارز التموين ..في ناس ما تقدر تشتري من برى بسبب الغلاء والمواطن مخير فا ليش هالاحتكار

[الدوحه1]

الحل هو الغاء الطريقه الحاليه لصرف التموين .. والبديل هو صرف "كوبونات" بمبلغ يساوي تكلفة التموين(اقترح 2000 ريال في الشهر لكل اسره) ويمكن استخدام هذه الكوبونات في اي مركز تسوق بشرط كتابة اسم المواطن في الكوبونات ...
هالطريقه افضل للحكومه والمواطن..
المواطن بامكانه استخدام هالكوبونات لشراء اي نوع من المواد الاستهلاكيه اللي تعجبه(العيش , الدهن , الحليب,....).
اشرايكم؟؟؟

[فريج النجادة]

الحل هو الغاء الطريقه الحاليه لصرف التموين .. والبديل هو صرف "كوبونات" بمبلغ يساوي تكلفة التموين(اقترح 2000 ريال في الشهر لكل اسره) ويمكن استخدام هذه الكوبونات في اي مركز تسوق بشرط كتابة اسم المواطن في الكوبونات ...
هالطريقه افضل للحكومه والمواطن..
المواطن بامكانه استخدام هالكوبونات لشراء اي نوع من المواد الاستهلاكيه اللي تعجبه(العيش , الدهن , الحليب,....).
اشرايكم؟؟؟

حلو يكون عندنا اكثر من خيار

واحد ياخذ كرت التموين وواحد ياخذ كوبون 2000 ريال

[ابوعلي]

للاسف هناك تلاعب من اصحاب محلات التموين


وعلى كلام موظف لجنة المناقصات سيتم صرف بطاقة ائتمانية للمواد التموينية بعد العيد والبطاقة على كلامه تمنع التلاعب

[بوعلي2]

كلنا شرينا من خارج التموين
بس من حقنا نلقى ايضا ارز التموين ..في ناس ما تقدر تشتري من برى بسبب الغلاء والمواطن مخير فا ليش هالاحتكار

صدقت

الله يكون بالعون

[دنيا الاسهم]

حد يقدر يحل هذا اللغز
فية ناس شافوا حليب تموين قطر يباع في تايلاند!!
ما ادري هل صحيح هالكلام ...الله اعلم

[دنيا الاسهم]

للاسف هناك تلاعب من اصحاب محلات التموين


وعلى كلام موظف لجنة المناقصات سيتم صرف بطاقة ائتمانية للمواد التموينية بعد العيد والبطاقة على كلامه تمنع التلاعب

لان مافية مراقبة على محلات التموين
وين حماية المستهلك
ابي اعرف وش دورها في هالشي

[دااانة قطر]

صااار لي ٤ شهور مو محصله عيش
الله المستعاان

[فتى الجود]

السلام عليكم

كلامك صحيح

عيش الحكومة مش موجود

[ابوعلي]

لان مافية مراقبة على محلات التموين
وين حماية المستهلك
ابي اعرف وش دورها في هالشي

مافي رقابة والدليل اني مرة كلمت موظف من فترة عن محل بالمنطقة عندنا رد علي ان هالمحل عليه شكاوي ولكن للحين مستمر ولا حد كلمه


والامر الغريب ان المحل جايب ورقة توكيل من لجنة المناقصات يقدر بعد موافقتي ياخذ المواد التموينية بصفة شهرية واذا انا ماخذت من المحل بشكل شهري هو يتصرف فيهم ولمت الموظف على هالنظام صحيح ان بيوفر علي مشوار للجنة حتى اخذ اوراق التموين ولكن بالمقابل راعي المحل يبيع سلع مدعومه من الدولة لنفسه وبدون وجه حق

[(محمد)]

مافي رقابة والدليل اني مرة كلمت موظف من فترة عن محل بالمنطقة عندنا رد علي ان هالمحل عليه شكاوي ولكن للحين مستمر ولا حد كلمه


والامر الغريب ان المحل جايب ورقة توكيل من لجنة المناقصات يقدر بعد موافقتي ياخذ المواد التموينية بصفة شهرية واذا انا ماخذت من المحل بشكل شهري هو يتصرف فيهم ولمت الموظف على هالنظام صحيح ان بيوفر علي مشوار للجنة حتى اخذ اوراق التموين ولكن بالمقابل راعي المحل يبيع سلع مدعومه من الدولة لنفسه وبدون وجه حق



صحيح انا وقعت ورقة مع المحل على النظام الجديد وعندي بطاقة تموينية جديدة .... وقلت في نفسي زين هالمحل بياخذ عني التموين وببيعه لتحت باسمي ومحد بيقوله شي واذا رحت عنده وطلبت حقي قال ماعندي ...


هذا استغفال وسرقة ان كان صحيحا




معقوله ؟

[ابوعلي]

صحيح انا وقعت ورقة مع المحل على النظام الجديد وعندي بطاقة تموينية جديدة .... وقلت في نفسي زين هالمحل بياخذ عني التموين وببيعه لتحت باسمي ومحد بيقوله شي واذا رحت عنده وطلبت حقي قال ماعندي ...
هذا استغفال وسرقة ان كان صحيحا
معقوله ؟

والامر واضح عند الجهات المختصة ولكن :(

[ضوى]

استغرب والله انه مافي رز التموين من ثلاث شهور ! الشهر اللي طاف اخذت التموين كامل من جمعية الميرة في مسيمير

جربوا تروحون مرة ثانية

[(محمد)]

استغرب والله انه مافي رز التموين من ثلاث شهور ! الشهر اللي طاف اخذت التموين كامل من جمعية الميرة في مسيمير

جربوا تروحون مرة ثانية



اختي المشكلة مب التموين بحد ذاته ... المشكلة في بعض الموزعين الذين يتغافلون المواطنين ويسرقون التموين ويبيعونه بالباطن ويخبرون المواطنين بأن التموين لم يصل او انتهى .

[دنيا الاسهم]

استغرب والله انه مافي رز التموين من ثلاث شهور ! الشهر اللي طاف اخذت التموين كامل من جمعية الميرة في مسيمير

جربوا تروحون مرة ثانية

اختي ضوى مش المرة الاولى اللي تصادف ان مانلقى عيش
طرشنا الدريول فوق العشر مرات وكل مرة يقول مافي
الله العالم ان اصحاب محلات التموين يعبون عيش الحكومة في اكياس خاصة ويبيعونة علينا مرة ثانية باسعار مرتفعة .. لازم يوصل الامر للجرايد عشان المسؤولين يقرون ويعرفون اللي صاير مب يستغفلون اهل قطر

[هامور خرطي]

الله يسلمكم رحت من كم يوم عند كهربائي سيارات وفي في الاستراحة حليب تموين قطر :omg:
سألت العامل هذا من وين ، قال ( مدير يجيب ) يعني صاحب المحل جايب للمحل التجاري حليب من بيتهم .
وواحد من الربع ( صاير فيها شهبندر التجار ) الأخ صاير كريم يشتري عيش الحكومه ويوزعه ع الفقارة المساكين :secret: واحنا نعرف ان عيش التموين مدعوم يعني الأجر مشترك بينه وبين الحكومه:tease::tease::tease::tease: وتطنزت عليه قلت له : لو عيش تلدا أو بوابة الهند ما وزعته:eek5:

وواحد ثاني مدرس ويعطي الكوبونات للزلمات في المكتب اللي وياه:secret:

وواحد اعرفه كانت عنده قهوه وكان يشتري السكر من التموين ويوديه القهوه والحليب كان يشيل القرطاس (تموين قطر) ويستعمله في القهوة :secret: ( الحين كنسلوا القهاوي هناك)
وسمعت والله اعلم بأن بعض الناس تبيع على هندي في الصناعية بضعف المبلغ والهندي اللي يشتري يقوم بتعبئه السكر والرز في اكياس صغيرة 1 كجم ويبيعها مرة ثانية ويربح فيها

لكن ايش الحل ؟ وكيف نضبط التوزيع العادل ووصول السلعة فعليا للقطري !

[ضوى]

ليش مانشوف هالسوالف اللي بقطر ؟؟ الكويت وايد سلع مدعومة من الحكومة ماقد سمعنا شكاوي من هالنوع ؟ معناها البلا من من ؟

[ANONYMOUS]

الله يسلمكم رحت من كم يوم عند كهربائي سيارات وفي في الاستراحة حليب تموين قطر :omg:
سألت العامل هذا من وين ، قال ( مدير يجيب ) يعني صاحب المحل جايب للمحل التجاري حليب من بيتهم .
وواحد من الربع ( صاير فيها شهبندر التجار ) الأخ صاير كريم يشتري عيش الحكومه ويوزعه ع الفقارة المساكين :secret: واحنا نعرف ان عيش التموين مدعوم يعني الأجر مشترك بينه وبين الحكومه:tease::tease::tease::tease: وتطنزت عليه قلت له : لو عيش تلدا أو بوابة الهند ما وزعته:eek5:

وواحد ثاني مدرس ويعطي الكوبونات للزلمات في المكتب اللي وياه:secret:

وواحد اعرفه كانت عنده قهوه وكان يشتري السكر من التموين ويوديه القهوه والحليب كان يشيل القرطاس (تموين قطر) ويستعمله في القهوة :secret: ( الحين كنسلوا القهاوي هناك)
وسمعت والله اعلم بأن بعض الناس تبيع على هندي في الصناعية بضعف المبلغ والهندي اللي يشتري يقوم بتعبئه السكر والرز في اكياس صغيرة 1 كجم ويبيعها مرة ثانية ويربح فيها

لكن ايش الحل ؟ وكيف نضبط التوزيع العادل ووصول السلعة فعليا للقطري !


الدور الباقي على الحكومه

[الصغيره]

اي والله هالشهر راحت علينا وشكل اشهر الجاي بيروح علينا

[راشد محمد]

للاسف هناك تلاعب من اصحاب محلات التموين


وعلى كلام موظف لجنة المناقصات سيتم صرف بطاقة ائتمانية للمواد التموينية بعد العيد والبطاقة على كلامه تمنع التلاعب

:nice:

[راشد محمد]

ليش مانشوف هالسوالف اللي بقطر ؟؟ الكويت وايد سلع مدعومة من الحكومة ماقد سمعنا شكاوي من هالنوع ؟ معناها البلا من من ؟

ياليت ..نبي منتجات ثانية مدعومة مثل الطحين ووووووووغيرها

[captin]

الميرة تبي تمشي عيش حصاد :secret:

[حياة]

توني امس لاقيه عيش التموين في جمعيه الميره
في الناصريه من بدايه شهر 7 مالقيت الا امس
كل مانروح قالوا الساعه 12 بتجي السياره نروح
يقولون خلص... بس امس كله قلت للسايق لف على
محلات التموين كلها .. والحمد لله حصل امس
واخيرااااا

[دنيا الاسهم]

ليش مانشوف هالسوالف اللي بقطر ؟؟ الكويت وايد سلع مدعومة من الحكومة ماقد سمعنا شكاوي من هالنوع ؟ معناها البلا من من ؟

اكيد عندهم رقابة وفية حماية للمستهلك شغالة

[دنيا الاسهم]

اي والله هالشهر راحت علينا وشكل اشهر الجاي بيروح علينا

قدموا شكوى عليهم في حماية المستهلك اما ان نتكلم فقط بالمنتدى ماحد بيسمعنا
الله كريم ويتصلح الحال

[مهره]

والله اشترينا من برع خاطري اعرف ليش صار العيش يناع في السوق السودا

[دنيا الاسهم]

والله اشترينا من برع خاطري اعرف ليش صار العيش يناع في السوق السودا

وين ينباع؟
ولا قصدج العيش اللي بالجمعيات