نقل الصور من البي بي للابتوب

[بوحارب]

السلام عليكم

كيف انقل الصور من البلاك بيري للابتوب مرة وحده


مبين علي الكسل :)

[بوطويشم]

السلام عليكم

بلبلوتوث او بالواير اليواس بي بس ما جربت

تعبث عن الكسل :)

[بوحارب]

عندي فوق ال 500 صورة وين اطرشهم بالبلوتوث !!


واليواس بي ماعرفه ممكن شرح اكرش يا بش مهندس

[بوطويشم]

حاولت توني في اليواس بي مب راضي يستوي !!!

يمدحون البلوتوث

او

انك تحفظهم على المومري كارد و تكون عندك القطعه الي تقدر توصل المومري بالكمبيوتر

[(محمد)]

وعليكم السلام ورحمة الله وبركاته

مرحب يالذيب ... بشرنا عنك ياخوي بوحارب شلون صحتك الحين



بالنسبه للبلاك بيري انا كان عندي نفس المشكلة ... بعدين عرفت الحل


المهم شفت واير الشاحن .. تمسكه وتفكه من قدام بيطلع لك مكان تحطه في الكمبيوتر .. ومكان الشحن مكانه في البلاك بيري


المهم عقبها روح للكمبيوتر وافتح الملحقات الراكبه فيه ... بتحصل البلاك بيري موجود راكب ... روح الى امجز (الصور) وافتحه بيطلع لك الصور كلها


والله اعلم

[ANONYMOUS]

شدعوه بو حارب

وصل الواير وروح ماي كمبيوتر وبتلاقي الميموري هناك دش على الصور وسو كوبي بيست

واذا انت حاط باسورد بيطلب منك تحط الباس وبس

[رآعي موآجيب]

شدعوه بو حارب

وصل الواير وروح ماي كمبيوتر وبتلاقي الميموري هناك دش على الصور وسو كوبي بيست

واذا انت حاط باسورد بيطلب منك تحط الباس وبس


ترى مايضبط

انجبر اني انقلهم صوره صوره

بس أكيد فيه حل ثاني ما نعرفه !! :omen2:

[المهاجر]

اخوي بوحارب اذا الصور محفوظه بالجوال

سو لك فولد او ملف جديد بمكتبة الصور وانقلهم فيه

وبعدين اشبك الجوال بالكمبيوتر

وروح الملف اللي سويته بتلاقاهم

انسخهم وانقلهم الكمبيوتر

[حقيقه]

ترى مايضبط

انجبر اني انقلهم صوره صوره

بس أكيد فيه حل ثاني ما نعرفه !! :omen2:


مثل ماقالو الشباب يوصل البيبي في الواير مع الكمبيوتر وبيظهر له في ماي كمبيوتر كل الصور
ويقدر ينزلهم مره وحده مب صوره صوره

واذا كان له رقم سري اول مايوصل الواير معاه بيطلب منه الرقم عشان يفتح معاه

[رآعي موآجيب]

مثل ماقالو الشباب يوصل البيبي في الواير مع الكمبيوتر وبيظهر له في ماي كمبيوتر كل الصور
ويقدر ينزلهم مره وحده مب صوره صوره

واذا كان له رقم سري اول مايوصل الواير معاه بيطلب منه الرقم عشان يفتح معاه


مع اني حاولت من فتره لكن برجع احاول ثاني مره :nice:

[ANONYMOUS]

ترى مايضبط

انجبر اني انقلهم صوره صوره

بس أكيد فيه حل ثاني ما نعرفه !! :omen2:


زي ماقلت لكم

كنك موصل فلاش ميموري

دش علا الاستوريج

وشوف فولدر الصور

او الميوزيك

او الفيدًيو


و كوبي بيست

[Bo AbduRhman]

السلام عليكم

كيف انقل الصور من البلاك بيري للابتوب مرة وحده


مبين علي الكسل :)

وعليكم السلام ورحمة الله وبركاته

عساك بخير اخوي بوحارب


مثل ما قالو الاخوان اشبك البلاك بيري بالوصلة

اول ما تشبك بتطلع لك 3 خيارات في جوالك

اختار اول اختيار الي مكتوب فيه usp

وبيتوصل عندك في اللابتوب وبيكون كانه فلاش

وتقدر توصل لملف الصور وتنقل من و إلى

اذا استصعب عليك شي حياك عندي

وانا اعلمك شلون تنقل الصور

وبعد شلون تشبك البلاكبيري مع البرنامج وتاخذ نسخة احتياطية

وتسوي ابديت ورستور وشلون تنقل من جهاز قديم لجديد :)

[بوحارب]

مشكورين وماقصرتوا يالربع

بجرب الطريقة اللي قلتولي عنها وبرد لكم خبر

لاهنتوا :)

[بو الجوري]

فشلتنا :secret:

اذا ماعرفت للحين عطني رنه :shy: او بونق :nice:

[بعيد المرامع]

وعليكم السلام ورحمة الله وبركاته

مرحب يالذيب ... بشرنا عنك ياخوي بوحارب شلون صحتك الحين



بالنسبه للبلاك بيري انا كان عندي نفس المشكلة ... بعدين عرفت الحل


المهم شفت واير الشاحن .. تمسكه وتفكه من قدام بيطلع لك مكان تحطه في الكمبيوتر .. ومكان الشحن مكانه في البلاك بيري


المهم عقبها روح للكمبيوتر وافتح الملحقات الراكبه فيه ... بتحصل البلاك بيري موجود راكب ... روح الى امجز (الصور) وافتحه بيطلع لك الصور كلها


والله اعلم

:nice::nice::nice: هذا الشرح اللي يسمونه بذمه وضمير