رسـالة للمسؤولين وأصحاب القرار أجــازة رمضـــان !!! [الأرشيف]

أم حمودي 77

25-07-2012, 11:29 AM

السلام عليكم ورحمة الله وبركــاتة

اخواني / خواتي
مبـارك عليكم الشهر

كلنـا نطالب بأرجاع اجـازة العشر الاواخر كما في العهد السـابق بعد أن تناقصت من عشر أيام إلى خمسه إلى من غير رجعة ..

لااعلم ما الاسبــاب !!

ولكن من منظور العقل هــى اولى من اجـازة اليوم الرياضي واليوم الوطني لانها أيام مباركة من الله عزوجل والكثير منا قد يعتكف ويتعبد فيهــا

فنحن نطالب من 30 يوم أو 29 يوم مبـارك فقط .. نريد الـ 10 أيـام

وأخيـرا ..
أتمنى أن من يوافقني الــرأي أن يكتب موافق وليرى جميع المسؤولين وأصحـاب القرار راينا بديمقــراطية وعدل

دمتم بود .. وتقبل الله طـاعتكم :)

الـخـالـدي

25-07-2012, 11:31 AM

الكل موافق الموضوع إجازه طال عمرج

فرهود

25-07-2012, 11:32 AM

اكيد دامها اجازه الكل بيوافق . لكن لو جينا للواقع راح يستغلها الاكثريه استغلال سيء . لو تتقلص ساعات العمل ويبداء الدوام من 9الى 1 يكون افضل .

أم حمودي 77

25-07-2012, 11:34 AM

صوتين يعني بالموافقة ...
وطأأأل الله عمركم بطـاعته

bu 3li

25-07-2012, 11:35 AM

والله ياليت .. والواحد يتوقعها تجي من القطاعات الحكوميه والوزارات
بس احنا اهل الشركات شنسوي !! لاحول لنا ولا قوه

واللي يبط الجبد انهم مب حاطين اعتبار لـ هـ الشي
امس يقول لي مسؤولي بنطرشك كورس مدته اسبوع في امريكا وبيكون في اخر 5 ايام من رمضان !!

الناس يختمون القرآن ويتعبدون ويقومون الليل وهالايام منها ليلة القدر
وانا يبون يطرشوني اخر الدنيا اللي يومهم فيه عن سنه ومايفطرون الا 9 ولا 10 !!!!

للأسف مافي مراعاه لـ الناس المسلمين ولا فيه حد يقول لهم هذا صح وهذا مب صح

أم حمودي 77

25-07-2012, 11:35 AM

اخوي.. فرهود

الطبيعي أن يستغل بالطــآآآعة ماعلينا من شــواذ القـاعدة

أم حمودي 77

25-07-2012, 11:38 AM

بــوعلي ..

الله يعينــك المفــروض
تعم كل الشــركـات والوزارت
هالقــرارت دامهـا بدولة مسـلمة

المواطن

25-07-2012, 11:38 AM

[QUOTE=فرهود;8353863][color="black"]اكيد دامها اجازه الكل بيوافق . لكن لو جينا للواقع راح يستغلها الاكثريه استغلال سيء .

مثل ما ذكرت البعض ليلة الأجازه على المطار بدون توقف

bu 3li

25-07-2012, 11:44 AM

بــوعلي ..

الله يعينــك المفــروض
تعم كل الشــركـات والوزارت
هالقــرارت دامهـا بدولة مسـلمة

القرارات تجي من قطر للبترول وهي الشركه الام وبعض الشركات اللي لها اسهم وتمتلك حصه من شركتنا .. وكانت اجازة الكرسمس وراس السنه موجوده والحين كنسلوها وضموها للعيد

يعني اللي ابي اقوله انه لو يبون يعطونا جان عطونا من زمان
لكن مادري شـ السبب وخصوصاً انه بعضنا ( اللي من حالتي ) يداومون في لفان !!

اذا الحين مب ملحقين على السحور ومايمدينا نرقد ونقوم الصبح عشان نقبض هالخط
لين صار وقت صلاة القيام شنسوي نغيب !! ولا نتأخر كل يوم الصبح :weeping:

المواطن

25-07-2012, 11:46 AM

اخوي بوعلي المسئولين اللي تقول عنهم يعرفون عز المعرفة ظروف المسلمين وأحوالهم أو بالأحرى طبيعة وسمة ووضع البلاد اللي هو فيها المشكلة في أن لم توضع وتوضح الخطوط لهذا الأجنبي التي يوقف عندها

أم حمودي 77

25-07-2012, 11:47 AM

رايي الخـاص ..
اكتبو كتــاب بمطالبه اقلها بتخفيف والتساهل في هذه الايـام

للأسف والله

اتمنى تتييسر أموركم

أم حمودي 77

25-07-2012, 11:49 AM

أنــأ بنهاية المووضوع
راح أجمع الاصــوات

وابي أشـوف رايي الاغلبية

دروب

25-07-2012, 12:01 PM

نعم أطالب وبقوة ..
لا بد من إعطاء راحة للبدن من أجل العبادة والطاعة في شهر أنزل فيه القرآن

خــالــد

25-07-2012, 12:27 PM

نعم نطالب بجعل العباد للمعبود في هذي الايام المباركة

AL-MAYSTRO

25-07-2012, 12:36 PM

اي والله .. كفايه تعب دوامنا فرمضان وفالحر والله يعين
جات على سبوع واحد فالعشر الاواخر يعني

خــالــد

25-07-2012, 12:40 PM

لعام داومنا لين ليلة العيد مايصير يامسئولين لازم تعطونا وقت لربنا وخاصة في هذي الايام المباركة والله الواحد يدورها دوارة خاصة في هالزمان الاغبر الي نشوف ونسمع الذبح بكل مكان

المحاميه

25-07-2012, 12:42 PM

5 ولا 10 المهم نعطل فالاواخر ..
واشوف الخمسه بعد حلوه ^^
الله يكتب اللي فيه الخير

العنيده

25-07-2012, 12:43 PM

القرارات تجي من قطر للبترول وهي الشركه الام وبعض الشركات اللي لها اسهم وتمتلك حصه من شركتنا .. وكانت اجازة الكرسمس وراس السنه موجوده والحين كنسلوها وضموها للعيد

يعني اللي ابي اقوله انه لو يبون يعطونا جان عطونا من زمان
لكن مادري شـ السبب وخصوصاً انه بعضنا ( اللي من حالتي ) يداومون في لفان !!

اذا الحين مب ملحقين على السحور ومايمدينا نرقد ونقوم الصبح عشان نقبض هالخط
لين صار وقت صلاة القيام شنسوي نغيب !! ولا نتأخر كل يوم الصبح :weeping:

بالضبط نفس اللي جا في بالي :eek5:

بس ان شاء الله تساهيل من رب العالمين

ومع ان على الاقل يقللون ساعات الدوام :victory:

المحاميه

25-07-2012, 12:43 PM

لعام داومنا لين ليلة العيد مايصير يامسئولين لازم تعطونا وقت لربنا وخاصة في هذي الايام المباركة والله الواحد يدورها دوارة خاصة في هالزمان الاغبر الي نشوف ونسمع الذبح بكل مكان

ايوه هذا موضوعه او مشكلته ياام حمود اكبر من مشكلة 5 ولا 10 ايام ..

فأقولكم عالاقل 5 من الاواخر احسن من ولاشي

العنيده

25-07-2012, 12:44 PM

5 ولا 10 المهم نعطل فالاواخر ..
واشوف الخمسه بعد حلوه ^^
الله يكتب اللي فيه الخير

في بعض الاماكن مانلاقي حتى ال5 نداوم لين 28 :anger1:

خــالــد

25-07-2012, 12:46 PM

أنــأ بنهاية المووضوع
راح أجمع الاصــوات

وابي أشـوف رايي الاغلبية

هذي مو محتاجة راي هذي ايام بركة وخير دول مجاورة تعطل في شهر رمضان كامل لموطنينها لنهم يدرون بفضل الدعاء بهذا الشهر المبروك شلون العشر الاواخر وليلة القدر انذكرت بالقرآن خير من الف شهر

يعني السنة فيها 12 شهر

1000 / 12 = 83 سنة تقريبا

يعني اكثر من نص قرن اجر

أم حمودي 77

25-07-2012, 01:01 PM

نحن نطالب بمـا هو واجب أن يكون
بأعتبرنا دولة مســلمة وتمثل الاسلام

وأنـا متأكدة صـوتنا راح يوصل
والسبب اني بجمع الاصـوات
فقـــــــــــــــــط ...لتطيبق بمـا يسمى (بالدايمقراطية ) وهو العدل

نتفـه

25-07-2012, 01:05 PM

مع اجازة ال10 ايام مع ان اجازتي اصلا في رمضااان واجباري مو اختياري ..

مشاكل

25-07-2012, 01:15 PM

انا ضد منح اجازة في العشر الاواخر

لاتنسى ان العمل عباده لمن اخلص النيه لله

واللي يبي اجازة في العشر الاواخر يقدر ياخذها من رصيده

غايه الطواش

25-07-2012, 01:18 PM

ضد الاجازه

مشاكل

25-07-2012, 01:34 PM

نحن نطالب بمـا هو واجب أن يكون
بأعتبرنا دولة مســلمة وتمثل الاسلام

اختي الفاضله
ماعلاقة وجوب التعطيل عن العمل في العشر الاواخر ،،، بكوننا دوله مسلمه

هل هناك دليل بأن كان الناس في ايام الرسول عليه الصلاة والسلام وايام الصحابه والتابعين يعطلون ويتوقفون عن العمل في نهار العشر الاواخر من رمضان ؟

حفيد الأنصار

25-07-2012, 01:54 PM

الحمد لله وترى الدوام في رمضان خفييف :nice:
انا اخر دوام لي في رمضان يوم الاربعاء 27 يعني تبدأ اجازتي الرسمية من يوم السبت 30 رمضان :discuss:

حفيد الأنصار

25-07-2012, 01:57 PM

انا ضد منح اجازة في العشر الاواخر

لاتنسى ان العمل عباده لمن اخلص النيه لله

واللي يبي اجازة في العشر الاواخر يقدر ياخذها من رصيده

صادق والله
انا اللي اشوفه وانا منهم اذا كان عندي دوام الصلوات في وقتها لاني اكون صاحي بالنهار وتقرأ قران الصبح اوالظهر وفي نفس الوقت مثل ماقلت العمل عبادة
وللاسف اغلب اللي ياخذون اجازات طول النهار نااااايم
ومايمنع انه مافي ناس تبي اجازة علشان تتفرغ للعبادة لكن الاغلبية يقلبونها نوووم

حفيد الأنصار

25-07-2012, 01:59 PM

في بعض الاماكن مانلاقي حتى ال5 نداوم لين 28 :anger1:

سيم سيم :victory:

(بوطلال)

25-07-2012, 02:08 PM

ضد الاجازه لان العمل عباده .

حقيقه

25-07-2012, 02:09 PM

أنا مع الإجازه
واللي حاب يداوم يكون هالامر اختياري

لأنه حتى فالعيد فيه دوام

Al-Kuwari

25-07-2012, 02:30 PM

انا قبل فشغلي القديم كنت اخذ اجازة اول وثاني وثالث العيد بس !

وفشغلي الجديد 5 ايام عمل تبدأ بيوم العيد

انتوا ماعطينكم من 25

قولوا الحمدلله واشكروا الله عالنعمه ترى حالكم احسن من حال غيركم

أبو راكان

25-07-2012, 05:00 PM

غير عنهم

25-07-2012, 05:18 PM

وانا اتفق معاك ان يتم تفريق من اراد من العباده العتكاف في العشر الاواخر فيها ليلة القدر
هي الليلة العظيمة التي شرفها الله سبحانه وتعالى بقوله تعالى : (( إِنَّا أَنزَلْنَاهُ فِي لَيْلَةِ الْقَدْرِ *وَمَا أَدْرَاكَ مَالَيْلَةُ الْقَدْرِ * لَيْلَةُ الْقَدْرِخَيْرٌمِّنْ أَلْفِ شَهْرٍ * تَنَزَّلُ الْمَلائِكَةُ وَالرُّوحُ فِيهَابِإِذْنِ رَبِّهِم مِّن كُلِّ أَمْرٍ * سَلامٌ هِيَ حَتَّى مَطْلَعِ الْفَجْرِ ))

Riku3

25-07-2012, 05:28 PM

انا بين قبول الفكرة ورفضها ..

ما يصير تكون اجازة كاملة وتتعطل الدولة بالكامل .. بس اعجبني رأي العضو الي قال ان تقل ساعة من الصباح :] ..

بكذا تكون تغطيه للساعة او الساعتين الي نقضيها بعد منتصف الليل لصلاة القيام والذكر .. والي يفكر بالاعتكاف او المواصلة لما بعد صلاة الفجر فأشوف ان الافضل ياخذ اجازة من رصيده الشخصي .

ParadEyes

25-07-2012, 07:00 PM

يا ريت و الله..اوافق و بشدة
حلاوة رمضان في قيام الليل و احنا مب قادرين نوفق بسبب هالدوام :( و يا ريت في شغل عاد

OREO

25-07-2012, 07:16 PM

عضيدة بومطر

25-07-2012, 08:52 PM

والله ياليت نرد على النظام السابق إجازة العشر الأواخر على الاقل عيالنا وازواجنا يكون عندهم فرصة للعبادة وذكر الله والراحة من الجو الحار والمتعب للصيام .

أم حمودي 77

26-07-2012, 08:06 AM

انا ضد منح اجازة في العشر الاواخر

لاتنسى ان العمل عباده لمن اخلص النيه لله

واللي يبي اجازة في العشر الاواخر يقدر ياخذها من رصيده

معــاك أنا اخوي صحيح أن العمل عبــادة 100% تخيل معــاي فقط ممكن تكون معلومــة جديدة لك

أن الصحـــابة راضون الله عليهم كـانوا يتركون العلم الشـرعي في هذا الشهر الفضيل وحلقـات العلم .... للتفرغ للعبادة وقراءة القـران

أم حمودي 77

26-07-2012, 08:12 AM

شخصيا ضد هذا الاقتراح ،، لان مصالح كثيره بتتوقف و شي حلو الواحد ياخذ من اجازته لاجل التعبد ،،

يا ان الدولة تعطيني اجازة لاجل اتعبد و اذا ما عطتني الدولة اجازة ما اتعبد ؟؟

ياخي لا تتعب نفسك ،، لان النية تبدلت و الهدف هو الاجازة و مهب التعبد ،،

نعم الهدف الراحة للتعبد أقلها .. العشر أو الخمس كلها أيام تجي بالسنـة مره
ولي يعارض ,,

ســـــــــؤال ..

لو خيروك بين أن نلغي أجـازة العيد ؟ ويكون بدلها اجـازة العشر الاواخر ؟

تـــــــوافق :)

اوف ليميت

26-07-2012, 08:54 AM

انا بشارك فقط عشان اقولكم...ارجو تشتغلون عالموضوع اسرع وبجديه
عشان انعرف اذا بتأثرون على الدوله باعطاءنا اجازة فالعشر الاواخر وللا لا

الواحد يقدر يغير حجزه بدال ثاني يوم العيد نقدر انقدم شوي

:]

الله يوفقكم باللي تطلبونه..

ملاحظه: مافي مصالح بتعطل, وفي وظائف اجباري موظفين لايقل عن كذا وكذا..وفي شفتات وفي اوفر تايم وفي اس ماتبي تطلع اجازه وفي ناس لوتخيرها بين 10 الاواخر و 4000 ريال اضافه عالراتب لو داوم ساعتين بس اضافيه لمدة عشر ايام..بيقول وين اداوم
وفالنهايه..الامر لو كان "قد" ينفع العباد .. فشئ طيب وكل واحد وربه
واذا "فيه" مضره فهنا يستوجب النقاش والتفكير مجددا بالامر..
وبموضوع الاجازه..لا اعتقد في مضره للعامه مايخاف منها او قد تسبب شلل للمجتمع او للسوق...ولكن كل شخص ورأيه

captin

26-07-2012, 08:59 AM

انا ضد الاجازه
الدوام فرمضان خفيف وله نكهه خاصه ويخليك تحس بصيامك بدل لرقاد
والحمد لله كل سنه بفضل رب العالمين ملتزمين بصلاة التهجد فالعشر الاواخر وقيام الليل بالذكر وقراءة القران بدون ماناخذ اجازة

أحسنت :nice:

يمكن بكل سهولة الجمع بين العمل والعبادة ولا أعذار لمن يقول أريد إجازة لكي اتعبد
واقرأ القرآن الدوام في رمضان خمس ساعات ومن أراد العبادة لديه 19 ساعة
يتعبد فيها كيف يشاء.

mr_qtr

26-07-2012, 09:05 AM

اكيد مواافق

الله يتقبل طاعتكم

20 دي

26-07-2012, 12:33 PM

ابشركم مافي اجازه حتى الخمس الاواخر طيروها..اصبرو بتجيكم الاخبار ..

اوف ليميت

26-07-2012, 12:40 PM

يكفي اجازة العيد

العيد بيكون جمعه او سبت..يا 17 يا 18

الاجازه بتبدأ من 17 (جمعه) والعيد 4 ايام غير السبت لانه اجازه رسميه..ف بتكون جمعه وسبت + احد واثنين وثلاثاء واربعاء .. والخميس بيصادف بين اجازتين يعني بعد اجازه .. وجمعه وسبت اللي بعده..يعني 9 ايام بتكون اجازة الناس..

9 ايام تكفي تروح ا مريكا وتقعدلك 3 ايام في سان فرانسيسكو عالشاطئ ومستانس وترجع وبعد عندك يومين خلصلك كم من شغله هني على ماتداوم هههههههههه

أم حمودي 77

29-07-2012, 11:31 AM

اغلب المشـــاركين موافقين ’‘

على الاجـازة ..!!

وللأسف رايي الاغلبية مالــه مجيب

أم حمودي 77

29-07-2012, 11:32 AM

الزبــدة أجـازة العيد 9 أيــأم

بالمنطق .. هل تستوى أيـام رمضــأن ولياليهــا بــــــــــــــــــــــ أيــام العيد !!!!!!!!!!!!!!!!!!!!!

بوخالد911

29-07-2012, 11:34 AM

الله يتقبل من الكل

وع الاقل يا ريت يعطونا 5 ايام

qatari 111

29-07-2012, 02:04 PM

غير مؤيد الفكره .. الحمدلله الوقت طويل للتعبد .. والدوام كلها 5 ساعات بالكثير وبالنفس الوقت عباده .. واللي يقول حر .. وين الحر من السياره للمكتب ومن المكتب للسياره لين البيت .. لازم تحسون اتكم صايمين .. مب سهر على التلفزيون وعقبها ارقاد لين المغرب طبعا مب الكل البعض .. وبعدين صلاة القيام تبدئ بعض المساجد من -30-11 وينتهي الساعه 12-30 او1 .. وختم القران كل صلاه اقرى 10 صفحات .. والامور طيبه

واللي يبي اجازه علشان يتعبد ياخذ من رصيده اذا كان مهتم من الاساس بالعباده وما حصل الوقت يتعبد فيه ..

اللهم تقبل صيامنا وقيامنا واجعلنا من عتاق النار .. وارحمنا برحمتك يا رب العالمين

وحيد-الشوق

29-07-2012, 05:02 PM

الحمدلله على كل حال

شوفوا غيركم يدوام في العيد ومايتهنى مع اهله وانتوا دوام من 8 لين 1 او لين 2 ونص المعاملات والشغل مأجلينه

انا صحيح مدني بس شغلي شفتات وكذا مره صادف العيد وكنت في الدوام

لمعة الالماس

30-07-2012, 12:44 AM

مع الاجازة وخاصة انه الشغل واقف ف رمضان

خالد32

30-07-2012, 01:25 AM

تخلونها من اجازتكم السنوية و الله يضاعف الاجر ان شاء الله
احسن من اجازه ببلاش

المحاميه

31-07-2012, 01:54 PM

في بعض الاماكن مانلاقي حتى ال5 نداوم لين 28 :anger1:

طلع دوامي من طخة اخر يومين اجازه لا والقهر اذا كانوا هاليومين ويكند ليش كلفتوا على روحكم بعد

اوف ليميت

31-07-2012, 01:55 PM

يارب الجمعه اخر يوم رمضان يارب الجمعه اخر يوم رمضان :'( .. مش الخميس

:]

ريتويت

31-07-2012, 04:53 PM

بالنسبه للشركات الشبه خاصه مستحيل.. بالنسبه لنا مثلا قانون الموارد البشريه ماينطبق علينا ابدا

المحاميه

01-08-2012, 11:03 AM

صحيح الواحد فرمضان يكون صايم عن الاكل ومش عن العمل .. ما اختلف فيها معاكم .. بس فعلا احنا قاعدين نتعب .. اقلها يعطونا الخمس الاواخر .. لكن مب معطينا الا اخر يومين .. طيب ليش جذي؟

ومثل ماانتو ملاحظين النهار طويل والليل قصير .. وفعلا اعتقد راح تكون فيها مشقه علينا فالعشر الاواخر خصوصا على الحريم بحكم ان عندهم بيت وعيال وشغل وعباده وصيام وتسوق حق العيد .. الوضع اوفر !!!

ضوى

01-08-2012, 11:08 AM