ناوي افتح محل العاب وعندي سؤال لاهل الخبره

[صوتك يناديني]

السلام عليكم ورحمه الله وبركاته
انا ناوي افتح محل العاب (بلاي ستيشن)
وابي اعرف شنو الاجراءات بالنسبه للموافقه
تكون من البلديه او من السجل التجاري ولا من وين الموافقه الاوليه
ابي اجوبه من اهل الخبره واللي سبق ومارسوا هالتجاره
ارجو افادتي بكامل الاجراءات

ويعطيكم العافيه

[صوتك يناديني]

وين اصحاب الخبره؟ انا توقعت خمسين رد بيوم
ماتوقعت يخيب ظني خصوصا اني شفت الردود الكثيره للي محتاجين الشور واصحاب الخبره ماقصروا
وخصوصا انه سؤالي سهل بالنسبه للي عندهم خبره في التجاره
انطر اجابات وادري مايجي منكم قصور

[الخزرجي قطر]

ادارة الرخص التجاريه في بلدية الدوحه بالسد بلازا
الاداره تتبع الشئون التجاريه وزارة الاعمال والتجاره
اهم شي الموقع قدم لهم المستندات المطلوبه وبالتوفيق ان شاءالله

[صوتك يناديني]

شكرا عالافاده
ويعطيك العافيه ماقصرت

[اداري]

بالتوفيق

[صوتك يناديني]

اميين ويااك

[Al-Kuwari]

ما انصحك فيرجن والصقر ماكلين السوق

[صوتك يناديني]

ما انصحك فيرجن والصقر ماكلين السوق

لا اخوي مب هاي اللي اقصده
انا اقصد محل يكون فيه عدد شاشات واجهزه بلاي ستيشن واللعب بالساعه
وفي كذا محل الحين مبطلين
وشاكر لك نصيحتك

[بن غيث]

لا تشوف المحلات الموجودة حاليا
شوف انت ايش ممكن تتميز فيه
وشلون ممكن تبدع وتحط كل جديد موجود في السوق
مثلا .. تميز بانك اول محل تحط تلفزيونات 3d
جلساتك تكون ارضية مريحة
يكون عندك كل انواع المشروبات والوجبات الخفيفة
ديكورات خيالية

[صوتك يناديني]

لا تشوف المحلات الموجودة حاليا
شوف انت ايش ممكن تتميز فيه
وشلون ممكن تبدع وتحط كل جديد موجود في السوق
مثلا .. تميز بانك اول محل تحط تلفزيونات 3d
جلساتك تكون ارضية مريحة
يكون عندك كل انواع المشروبات والوجبات الخفيفة
ديكورات خيالية
اكييد التغيير والتميز شي مهم
وعجبتني فكره الجلسات الارضيه
الشباب يحبون يتسدحوون ههههههه
ومقترحاتك كلها حلوه وان شاء الله اذا بطلت محل بسوي هالاشياء
ويعطيك الف عافيه

[KSK Logistic]

الفكرة عجيبة ، بس اهتم متابعة الحسابات وجودة الخدمة

[Roo7MooT]

أخوي لو تبي نصيحتي أبتعد عن هالمشروع

مافي بيت في قطر مايخلوا من البلاي ستيشن

وماعتقد حد بيتعنى لك وبيجيك يلعب

وثاني شي الكل الحين قام يلعب أون لاين

وبينهم وبين بعض فصعبة جدا

أتمنى أنك تراجع نفسك وتستخير

[صوتك يناديني]

يعطيك العافيه اخوي KSK Logistic
وشاكر لك النصيحه ومرورك


أخوي لو تبي نصيحتي أبتعد عن هالمشروع

مافي بيت في قطر مايخلوا من البلاي ستيشن

وماعتقد حد بيتعنى لك وبيجيك يلعب

وثاني شي الكل الحين قام يلعب أون لاين

وبينهم وبين بعض فصعبة جدا

أتمنى أنك تراجع نفسك وتستخير
اخوي قريب بيتي في محل وما شاء الله المحل 24 ساعه فيه شباب ويلعبون بلاي ستيشن
وكلهم اكيد عندهم بلاي ستيشن في البيت
اانا ادري في كل بيت في بلاي ستيشن وفي لعب اون لاين
بس الربع بينهم مايلعبون اون لاين وهم في بيوتهم الا نادر
بس لما يتجمعوون الشباب ويلعبون ويسولفون ويضحكون مع بعض ترى غيييييير
عموما اناا ادري النصيحه لمصلحتي وهاي وجهه نظرك وانا احترمها
ويعطيك العافيه وماقصرت

[كبير المتداولين]

ولد عمي عنده محل نفس النشاط الحمد لله نشاط ماجح باذن الله بس اهم شيء نفس ماقالو لك الاخوان تميز عن الغير لتنجح

[النهار]

أخوي لو تبي نصيحتي أبتعد عن هالمشروع

مافي بيت في قطر مايخلوا من البلاي ستيشن

وماعتقد حد بيتعنى لك وبيجيك يلعب

وثاني شي الكل الحين قام يلعب أون لاين

وبينهم وبين بعض فصعبة جدا

أتمنى أنك تراجع نفسك وتستخير



اخوي توكل على الله اما هذول الي الي يجون تالي الليل احذر منهم كل واحد منهم متأبط لي شي معاه اشوفهم واشوف فاعيلهم تالي الليل عند هل محلات الي فريق كليب
افتح لك كوفي شوب في المحل

[صوتك يناديني]

ولد عمي عنده محل نفس النشاط الحمد لله نشاط ماجح باذن الله بس اهم شيء نفس ماقالو لك الاخوان تميز عن الغير لتنجح

صادق اخوي
والله يوفق الجميع
يعطيك العافيه

[صوتك يناديني]

اخوي توكل على الله اما هذول الي الي يجون تالي الليل احذر منهم كل واحد منهم متأبط لي شي معاه اشوفهم واشوف فاعيلهم تالي الليل عند هل محلات الي فريق كليب
افتح لك كوفي شوب في المحل


صح كلامك
وفكره الكوفي شوب فكره طيبه
وان شاء الله بدرسها
ويعطيك العافيه

[حراير قطر]

الله يوفقك اخوي

واهم شيء لا تنسى اتجهز لهم الكرك :victory:

[رابح 2013]

فيه لعبة جديدة اسمها wii تعتمد ع تحريك الجسم اثناء اللعب فكر فيها