الخزائن .. وأدراج الملابس

[أسير الاسهم]

السلام عليكم

حبيت أسأل عن محلات تفصيـل الخزائن .. وادراج الملابس الكبيـره ..
مثلاً: الادرس عندي ابي أعمل كبت كبيـر على طول وعرض الحائط كخزينه وكبت للملابس

يسمونها أحياناً خزائن الحائط .. سواء داخل الحائط او تنعمل ملاصقه للحائط


سمعت عن خزائن الخليج .. والخزائن الامريكية .. والخزائن الاوروبيه .. :omen2:

شرايكم فيها .. واللي يعرف محل يفصل لي وسعره مناسب والجوده عاليه يا ليت يخبرني :nice:

[غالية80]

اعرف واحد سوري شاطر يسويلك كبتات وخزاين في الطوفه بالشكل اللي ودك فيه
ويستخدم نفس نوعيه الخشب اللي عند الخزاين اﻻمريكيه بس شوي هو ارخص منهم
شغله نظيف ومجربينه
بدزلك رقمه على الخاص

[أسير الاسهم]

يعطيج العافيـه

[يونيك ^ قطر]

صباح الخير .. اختى غاليه
اتمنى انج تفيديني بنفس الموضوع وأكون شاكره لج ...
تقبلي مروري

[غايه الطواش]

بوكنان

[dream~qa]

خزاين الخليج الامريكية يسوون بس مواعيدهم كلش مب اوكي

الاخت غالية ممكن رقم السوري ؟؟

[الســـهم]

مبارك عليك الشهر اخوي أسير الاسهم ..

عندك شركة الميرة للمطابخ , عندهم خزاين حلوة وشغلهم لا يعلى عليه , واسعارهم اعتقد بمتوسط الاسعار الموجودة بالسوق , ولكن عليك بهم فيما يخص المواعيد وحط لهم غرامة تأخير .

[ضوى]

شفت عند العبيدلي اشياء خيال خاصة ضرف الابواب شي عجيب بس غالي عن باقي المحلات ماقد شفت خزاين مثل اللي في العبيدلي وعادي الخزانة مترين ونص تطلع ب10000

[أسير الاسهم]

انا سألت الخزائن الاوروبيـه .. تقريبا قلت له طول الخزائن 3 متر وارتفاعها 3 متر بعد ..

تقريبا قال لي 6500 ريال

شرايكم في سعره ؟؟

[نوت]

اخت غاليه ممكن الرقم الله يرضى عليك

[الســـهم]

انا سألت الخزائن الاوروبيـه .. تقريبا قلت له طول الخزائن 3 متر وارتفاعها 3 متر بعد ..

تقريبا قال لي 6500 ريال

شرايكم في سعره ؟؟

السعر معقول اخوي , بس من تجربة سابقة لي معاهم , شغلهم بصراحة ماعجبني وانا اتكلم لك عن غرفة ملابس بدون اي باب , والادراج من اول يوم ركبوا فيه لغاية اليوم ماينفتحون عدل وميزانيتهم الله بالخير , الحسنة الوحيدة اللي فيهم انهم جابوها فالوقت المحدد حسب العقد.

ومن تجربة سابقه اقولك ان الخليج للخزائن الامريكية افضل منهم وبمراحل , والميرة للحين ماجربتهم لكن شفت معرضهم وسألت عنهم والكل تقريبا يثني على شغلهم من الناس اللي اشتغلوا معاهم واغلبهم اشتكى من المواعيد والتأخير.

[معماري قطري]

انا جربت الخزائن الأمريكية وخذت كم نوع ولهم عندي حول 7 سنين من أحسن ما يمكن بس أشوف النوع اللي شكل خشبي وهو ألمنيوم وايد حلو وعملي، وهو صناعة كندية للأبواب والواجهة والداخل قواطع ام دي اف مغلف، وباصور وباحط صور لهم بس للي يبني جديد زين يجهز مكان لهم أو يخلي واجهة حايط داخلية كلها للتخزين ويسوي شوي أكثر من حاجته ويجهز بيم " عارضة " خرسانية نازلة بإرتفاع الباب 2.2 متر أو 2.4 لأن أتوقع إرتفاع الأبواب حدها 2.4 ويمكن لو يسونها أعلى تكون شوي أصعب ومب ثابته.. باحط الصور وباشرح أكثر إن شاء الله.

[معماري قطري]

خزاين الحايط ميزتها إنها تكون ثابتة وشبه مخفية في الحايط بحيث تجي قطعة محفورة في الحايط، ويجي كورنيش الجبس فوقها متصل بها مثل ما يبين في الصورة، والأرفف الداخلية تجي بشوي أنزل من الحد الأعلى للباب لسهولة تخزين شناط أو أغراض كبيرة فوق، وانا ركبت من داخل فوق الباب ليتات نيون تشتغل بمفتاح عادي جنب الباب أو بمفتاح تماتيك مع فتحة الباب، وجهزت للمفتاح التماتيك وشريته بس تورطت مع الكهربائي ما قدر يحفر له في الخشب .. ومن 7 سنين للحين ما تفرغت أكمل الشغله .. كله نقول بعد ما نسكن بنسويها وننسى ونتكيسل.. المهم الليتات تتولع يدوي وماشي الحال.

الشيء المهم اللي سويته إني سويت كسرة خاصة بحيث وقت البنيان جهزت لهذي الخزاين بعمل قواطع طابوق بارزة داخل حيز الغرفة وفوقها صبية عارضة خرسانية بسمك 10 سم حق تمسك الباب وتمسك الطابوق فوق وتعطي إنطباع كون الخزانة قطعة داخل الحايط، والشركة ممكن تعملها ببلايوود ويتركب عليه الجبس بعد .. بس شغلهم في إتصال البلايوود مع الخرسانة بين شوي فيه فاصل شكل ما باوضح في الصورة اللي بعد ذي، وهذي ما بين لتغطيته بورق الجدران.

وفي هذي الصورة دخلت الحائط وسويت كسرة للتلفزيون وقدمت باب يودي على تسريحة وغرفة ملابس اللي يدخلها الواحد بقواطع بدون أبواب، وتكرمون مقابله باب الحمام، قدمت هذا كله 75 سم علشان أعطي عمق كافي للتخزين، وبس بقى جزء التلفزيون اللي طرفه يبين في اليسار كانت الخطة إني أسوي له كبت بأدراج أو باب ورفوف وفوقه يجي التلفزيون وواحد عطاني سعر 24 الف عقدني، لكن باشوف غيره إن شاء الله.

وتم تثبيت المكيف فوق لأن فيه طابوق بسهولة في هذا المكان مثل ما انتوا شايفين.

http://im25.gulfup.com/2012-07-26/1343301170281.jpg (http://www.gulfup.com/show/X34jm8513sy4gos)

ننتقل للصورة الثانية ويبين لنا نفس المبدأ سحبت باب الغرفة اللي خليتها تسريحة قبل باب تكرمون الحمام لداخل الغرفة 75 سم وسويت سعة للتسريحة، وسويت خط واحد للجدار يخفي خزانة الحايط .. وفي الزاوية فوق تلاحظون الخشب اللي مركبينه منفصل شوي، ومشكلتهم عنيدين يوثقون في الخشب أكثر من طابوق ثابت يتسكر عليه الباب سيده، ويقولون الحايط يمكن ما يكون مستوي مستقيم صح.

http://im25.gulfup.com/2012-07-26/1343301838651.jpg (http://www.gulfup.com/show/X9dmvi8ow22w4ok)

[ولد المنصور]

شوف الدهليز .... وبتعد عن نوح مايمدحونهم كلش

[معماري قطري]

عندك بعد الراقيين عند المتحدة للتجهيزات وإكسسواراتهم عملية.

[منجرة الليوان]

السلام عليكم
حاضرين أخي لتصنيع جميع أنواع الخزائن ... شرفنا بإتصالك.