معقول - المجلس الاعلى للصحة [الأرشيف] - منتديات شبكة الأسهم القطرية

تسجيل الدخول

مشاهدة النسخة كاملة : معقول - المجلس الاعلى للصحة

الآغا

26-07-2012, 10:03 AM

عاهد بن علي

26-07-2012, 10:28 AM

الله يعينك

بورصواوي

26-07-2012, 12:17 PM

الظاهر الشهاده بعد محتاجه 9 شهور لين يطلعونها

مش دفاع بس انت عارف موسم اجازات ورمضان زين منه الواحد يداوم

لاجئ عاطفي

26-07-2012, 12:32 PM

عندي 3 عيال وشهاداتهم ماطولت بالكثير يوم او يومين

الخزرجي قطر

26-07-2012, 12:35 PM

رمضان كريم طول بالك عليهم .

اوف ليميت

26-07-2012, 12:59 PM

بالسابق على ايام الوزارة 3 ايام وتحصل على شهادة الميلاد الخاصة بالمواليد الجدد

الآن ومن 10 ايام تقدمت بطلب الحصول على شهادة الميلاد ولم تنتهي
وكل مرة الموظفة تقولي راجعنا بعد 3 ايام

هل هنالك سبب محدد وراء هذا التأخير ....

وعني للمجلس الاعلى للصحة ....

الحين ابي اعرف..اللي بالاحمر..هو عشان تسوي موضوع من شي عادي جدا صارلك وشي طبيعي يصير ونسميه موضوع
وللا صج موضوع؟

ماشوف في شي
اسمحلي لا اقصد الاستهانه..ولكن مش شي عشان يكون موضوع وللا حاجه..مش كل من صارله شي او تاخرت معاملته جا سوى موضوع واشتكى
اذا جذي..ترى لايقل عن 1000 شخص متاخره م عاملاتهم بكل جهه ... الله يستر لو كلهم قرروا يكتبون موضوع

دفرنت

26-07-2012, 01:10 PM

رحت من شهرين وخلال اسبوع استلمتها

الآغا

26-07-2012, 01:56 PM

الحين ابي اعرف..اللي بالاحمر..هو عشان تسوي موضوع من شي عادي جدا صارلك وشي طبيعي يصير ونسميه موضوع
وللا صج موضوع؟

ماشوف في شي
اسمحلي لا اقصد الاستهانه..ولكن مش شي عشان يكون موضوع وللا حاجه..مش كل من صارله شي او تاخرت معاملته جا سوى موضوع واشتكى
اذا جذي..ترى لايقل عن 1000 شخص متاخره م عاملاتهم بكل جهه ... الله يستر لو كلهم قرروا يكتبون موضوع

انا عملت الموضوع من القهر اللي انا فيه

اولا انا اعمل بعيدا عن الدوحة مسافة طويلة والوقت ياخذ معي تقريبا 3 ساعات ذهاب وعودة
وبحاجة لان آخذ اذن من عملي لهذا الغرض

وخلال العشرة الايام الماضية راجعت المجلس الاعلى للصحة لاستلام شهادة الميلاد ثلاث مرات منها مرتين اثناء الصيام

باعتقادي من حقي وحق 1000 شخص متأخرة معاملاتهم ان يحتجوا او ان يتضايقوا من هذا ا
لتأخير

لمعة الالماس

26-07-2012, 02:07 PM

المفروض يلتزمون بموعد التسليم لان كل شخص ظروفه مختلفة

قطري كاشخ

26-07-2012, 02:26 PM

السلام عليكم
لي تعليق عن المعترض على الموضوع ليس من حق اي شخص حجب حرية الكتابة اواختيار الوضوع اذا ماعجبك الموضوع ماعليك الا انك لاتعلق عليه هذا للمعترض .
اما الاخ صاحب الموضوع انصحك في حال التأخير المتعمد ان تتقدم بشكوا في مكتب الشكاوي واعلم ان المجلس الأعلى للصحة مايقصرون

فتى الحرمان

26-07-2012, 04:14 PM

أخوي الآغــــا === السستم بالمجلس الأعلى للصحة صار له اسبوعين داق ومب بسس للمواليد حتى البرامج الثانيه وكل المراجعين يقولون لهم نفس الكلام لذالك انطر لين ما يصلحون السستم واحتمال كبير ما يقدرون يردون البيانات السابقه لعدم وجود Backup للبيانات .

اوف ليميت

26-07-2012, 04:18 PM

سلامتك يا اخ قطري كاشخ..ليش معصب..هدي شوي..زين انعرف ان في شخص يهتم بأمور العباد..

الحين راعي الموضوع وضح أسبابه...ببداية موضوعه طبيعي اعارضه او اقوله شيء مايبي يسمعه لاني ماعندي معلومات كافيه على موضوعه ورديت على قدر معطياته..اعتبرها مسأله رياضيه ويتفهم المقصود
ولكن بعد ماوضّح أسبابه..الحين اقدر التمسله اكثر من عذر ..

هذي مشكلتنا..نقول شيء ومانقول ليش..والاشخاص يظلمونا..يعني لو جيتني وقلت لي "ابي كذا وكذا" بقولك انتظر يومين ويمكن اكثر .. بس لو قلت لي "يا أخي..ظرفي كذا وكذا..بغيت اتساعدني إذا ممكن"..على طول ردي بيكون أقل شيء "ان شاءالله إذا جذي انطر بشوف شنو اقدر اسوي.."

ردود طبيعيه في حال اكتمال الفهم والمعطيات..وصل المعلومه وبس

لكن الان الحمدلله .. بعض الجهات تدري ان البعض ماعندهم هالقدره .. ف سوا انظمة تحديد مواعيد .. إذا قالولك تعال بيوم معين وماكانت معاملتك جاهزه..هني من حقك 100% تتضايق..واذا بالك طويل .. عطهم فرصه ثانيه..واذا بعد نفس الشي..أنا اقولك..توكل..لو بدّش عليهم بنفسيه او بتشتكي انت مش بس حر هني..إلاَّ محق 100%

ANONYMOUS

26-07-2012, 05:27 PM

انا عملت الموضوع من القهر اللي انا فيه

اولا انا اعمل بعيدا عن الدوحة مسافة طويلة والوقت ياخذ معي تقريبا 3 ساعات ذهاب وعودة
وبحاجة لان آخذ اذن من عملي لهذا الغرض

وخلال العشرة الايام الماضية راجعت المجلس الاعلى للصحة لاستلام شهادة الميلاد ثلاث مرات منها مرتين اثناء الصيام

باعتقادي من حقي وحق 1000 شخص متأخرة معاملاتهم ان يحتجوا او ان يتضايقوا من هذا ا
لتأخير

والله ياخوي ماتنلام

وخصوصا اللي يشتغلون في قطاع النفط .. ويمكن بعض الشركات الاخرى او الوزارات

الاستئذان صعب

الطريق طويل انت تقول تحتاج 3 ساعات عشان تاخذ ورقه في معاملات أخرى يبي لك نص يوم او يوم كامل

بس ليش هالجهه ماتدشن خدمة ال sms

يافلان معاملتك او شهادتك او طلبك جاهز تفضل عندنا واستلمها

خل ترتاح وتريح الكاستمرز

khaldoon

27-07-2012, 09:07 AM

الله يكون في عونك و مبروك المولود الجديد

صراحة التأخير غير مقبول و مسألة السيستم ضارب هذه الحجة الابدية اللي ما راح تنتهي في كثير من الاماكن ما عادت مقنعة و لا مقبولة في 2012

فتى الحرمان

02-08-2012, 11:33 AM

السستم تم ارجاعه الايام الماضيه ولكن بعض البيانات لا توجد بسستم المجلس الاعلى للصحه لعدم وجود Backup للبيانات او تحديث سابق لها لذالك سيتم تاخير المراجعيين لانهم بيرجعون للبحث في الملفات وتقريبا نص البيانات ضايعه وطبعا هاي للمواليد والوفيات والبرامج الثانيه

السوال المطروح على المجلس الأعلى للصحة ليش البيانات مب موجوده ؟وليش مب مسوووين تحديث للسيرفر ؟ من المسؤل عن ضياع بيانات المواليد ؟؟؟ هل معقوله ما عندكم Backup للبيانات وانتوا عندكم اكبر سيرفر تقريبا ؟