ليش الدراسه الجامعيه عبر الانترنت مش معترف فيها بقطر ؟؟؟

[مختصة]

هناك كثيرا من الجامعات التي تقدم خدمة الدراسه الالكترونيه عبر الانترنت
( بصراحه جزاهم الله خير )
والمرأي حاليا ان الوقت يجري ولاينتظر المحتاج ..
فلماذا دولتنا الحبيبه..
ليس بها اعتراف بهذه الدراسه المتطوره
التي تخدم ابنائنا الذين يرغبون بالدراسه وبالعمل في ان واحد
فكثير منهم لايستطيعون اكمال دراستهم في جامعة قطر
او الالتزام بالمحاضرات وغيرها
والذي سوف يتلقونه بالمحاضره
سوف يتلقونه بالانترنت
وبصوره جيده
فما رأيكم ..؟؟

[alsoq]

عندنا كل شي مرفوض معاد الاجنبي مسموح له صار هو الكل بالكل والقطري يودونه يمين ويسار لين يكره الدراسه بكبرها

[خيالة قطر]

فكره حلوووه
ووايد بتسهل على اللي يداومون
ويدرسون ..

اتمنى انه يسوونه ليش لا

[khalid525]

هل هو معتمد في امريكا واوربا اعني درجات البكالريوس وما يساويها ؟

[بوطويشم]

السلام عليكم

تخلف

يدعون التطور التعليمي بس بمزاجهم

[مختصة]

اتمنى يسمحون بهالشي
في جامعات في الامارات وفي مصر وفي لندن وامريكا
وكلهم ماشيين على هالاساس
والله حرام ..
وايد من ابنائنا يتمنون انهم يملكون الشهاده
ويكون لهم مستقبل وراحه نفسيه وظمان نفسي
وهالشي وايد راح يسهل للكل..
ان شاء الله يعترفون في هالنوعيه الجميله والمتطوره والعصريه
ويفتحون الابواب لأصحاب القلوب الصفيه ..

[لاجل QT]

نتمنى ان يطبق

[الشلهوب]

غير مسموح للقطري ومسموح للاجنبي

[ابوالمديونين]

السلام عليكم قبل لايعترفون بالدراسة عن بعد خلوهم يعترفون بشهادات البكالوريس للي يدرسون بالجامعات المصرية والعربيه والذي يرفض المجلس الاعلى تصديق الشهادات الا بعدما يتم الطالب مجموع 500 يوم في مقر الدرلسة اي مايعادل اربعه شهور وخمسه ايام كل سنه يعني بالنسبه للطالب المنتظم لازم يكمل كل فصل شهرين وكم يوم والسنه فيها فصلين يعني لازم يجروك تتغرب افهم هذا بلنسبه للتخصصات العلميه اما بلنسبه للتخصصات الادبيه حتى الطلاب المصريون مايلتزمو بلحضور وليس مطلوب اهم شي يحضر ايام الامتحانات واحنا طلابنا وطالباتنا يجبروهم بالبقاء في مصر هذة الفتره الطويله علما باءن معظم الطلبه واطالبات يعملون ولديهم وظائف طبعا هم يدرسون قبل الامتحانات ويخذون دروس تقويه قبل الامتحانات ومده الاختبارات حوالي شهر بس ماادري ايش الحكمه باجبارهم بلبقاء هذه الفتره الطويله في مصر حتى لومافيه دراسه لكي يتم تصديق الشهاده علما باءنه لوتخرج الطالب وكانت مدة بقاءه اقل من 500 يوم لن يتم تصديق الشهادةحتى ولوكانت الجامعه من افضل الجامعات هذه سياسه المجلس الاعلى للتعليم

[الصغيره]

العجيب عندك الانتساب

ندرس بفلوسنا وتسجيل وتعب وامتحانات وضغط نفسي وعصبي ودروس خصوصيه وحاله ولجان امتحان ومراقبين اشد من اي امتحان وبالاخير ررررح انت وشهادتك مش معترف بها
ولما يجي الاجنبي بنفس الشهاده يقبلونه والغريب بعض المقيمين من نفس الجامعه ويرحبون به



نبي ننتسب والله محتاره بين لعمل والبيت وتطوير الحال لا رااضيه بالثانويه كمؤهل ولا قادره اترك الشغل ولا قادره اكمل بس ابي اكمل واطور من نفسي وشهادتي

[(حوريه)]

اذا طالبت مجموعه كبيرة من المواطنين بذلك من الجهات المختصه واصرت على الطلب لن يرفض الطلب وسيتم الاعتراف والسماح وتغيير قانون المنع الى الموافقه
اما مطالبة متفرقه وانتقادات متناثرة على الورق لا اظن ان منها فائدة

[اوف ليميت]

ياراعية الموضوع

هالشي انلاحق وراه من زمان
نفس سالفة الانتساب

انا في عام 99 درست في امريكا على حساب الدوله وكانت عندي محاضرات ادرسها عن طريق النت فالجامعه نفسها..فيديو كام .. واذا بسأله يا اكتبله مباشر يا عالمايك وهو يسمع .. وكل واحد من بيته
والكورس نجحت فيه وماقالولي شي الملحق الثقافي القطري على أيامها...مع انه بالعكس وانا بامريكا لو كان في شي بسويه وانا هناك اقرب للدكتور واقدر اضبطه

بس هني بقطر .. شبتسوي يعني عشان تسوي بامتحانات وغيره..الامتحان بعد بالنت بوقت معين ويفتح بوقت معين وحق الكل بوقت واحد والسالفه مافيها لعبه

ااااخ بس لو صج يفتحون..جان ناخذ كورسات حلوه ودراسات حلوه مش موجوده فالوطن العربي..اشياء تنفع الدوله فالمستقبل ان في شباب بقطر يعرفون اشياء لتخصصات غريبه وعندهم خلفيه عنها

ولكن المسؤولين هني يحبون للشعب ان يستنزف طاقته وفلوسه..لازم سفر وغربه وخسارة فلوس..ولو ان كل شي متوفر وموجود وبدون ميزانيات باهضه

ياريت يسمعون ويفتحون هالنوع من الدراسه...وحطوا شروط ماقلنا شي..مصلا اللي مادرس بكالريوس ممنوع يدرس عن طريق النت او الانتساب ك بداية لدراسته..اوكي..واي شروط ثانيه .. لكن اللي دارسين ويشتغلون وخبراء وغيره..ويبون يغيرون من علومهم..خلوووهم..وكل شي بيكون موثق عندكم..سووا مركز تنظيمي وعطوا اكسيس للناس اللي بتسجل عندكم بالتعاون مع ناس برع جهات خاصه...بس لاتبوقونا

والحمدلله على كل حال

[نيساني]

عندي واحد من الربع اجنبي شغال معاي في نفس القسم اقترح علي الفكره من سنه تقريباً
ويوم سئلت عنها قالوا لي مب معترف فيها بس بالنسبه للاجنبي معترف فيها وممكن ياخذ ترقيه لو جاب لهم الشهاده

بس تبون الصراحه وبلا مجامله ممكن يكون الغش سهل بالنسبه للقطري بحكم ان الراتب ممتاز ولله الحمد

قدر الله وماشاء فعل والحمدلله الحين قاعد اكمل دراستي

وشكراً على الموضوع

[الشامخ]

هل تقصدين جامعة الملك فيصل “ الدراسة عن طريق النت والامتحانات في المدينة التعليمية ؟

[أنا أحبكم]

أول جامعة إلكترونية سعودية بدأت في استقبال طلبات القبول في 6 رمضان لمرحلتي البكالوريوس والماجستير

http://www.alriyadh.com/2012/06/16/article744937.html

[أنا أحبكم]

للعلم القبول متاح لدراسة البكالوريوس لمواطني دول مجلس التعاون
وهذا موقع الجامعة على الانترنت
http://www.seu.edu.sa/

[bo3adel]

كل شي مانعرفه ممنوع ..

للأسف الجهل بهالنوع من التطور في عملية التعليم سبب رفض مثل هذه الاساليب بدعوى انها غير مضمونه .. او ان الانسان ماراح يستفيد لانها "اونلاين"

عندنا في قطر ماتقدر تغير وتتطور .. الا في حالة وحده فقط لاغير .. وهي من النوادر .. ان احد المسؤولين الكبار يفرض عليهم الشي او يقترح .. وراح يتنفذ على طول .. غير ذلك الموضوع يبيله وقت طوييل جدا لين يقتنعون فيه ..

[غايه الطواش]

مع ان الدراس عن طريق النت ماهي هينه وسهله
بس مادري ليش مرفوضه !!

[قانوني متميز]

السلام عليكم قبل لايعترفون بالدراسة عن بعد خلوهم يعترفون بشهادات البكالوريس للي يدرسون بالجامعات المصرية والعربيه والذي يرفض المجلس الاعلى تصديق الشهادات الا بعدما يتم الطالب مجموع 500 يوم في مقر الدرلسة اي مايعادل اربعه شهور وخمسه ايام كل سنه يعني بالنسبه للطالب المنتظم لازم يكمل كل فصل شهرين وكم يوم والسنه فيها فصلين يعني لازم يجروك تتغرب افهم هذا بلنسبه للتخصصات العلميه اما بلنسبه للتخصصات الادبيه حتى الطلاب المصريون مايلتزمو بلحضور وليس مطلوب اهم شي يحضر ايام الامتحانات واحنا طلابنا وطالباتنا يجبروهم بالبقاء في مصر هذة الفتره الطويله علما باءن معظم الطلبه واطالبات يعملون ولديهم وظائف طبعا هم يدرسون قبل الامتحانات ويخذون دروس تقويه قبل الامتحانات ومده الاختبارات حوالي شهر بس ماادري ايش الحكمه باجبارهم بلبقاء هذه الفتره الطويله في مصر حتى لومافيه دراسه لكي يتم تصديق الشهاده علما باءنه لوتخرج الطالب وكانت مدة بقاءه اقل من 500 يوم لن يتم تصديق الشهادةحتى ولوكانت الجامعه من افضل الجامعات هذه سياسه المجلس الاعلى للتعليم


أخوي ابو المديونين اتحدى اي حد من المجلس الاعلى للتعليم يطلع لك مادة تنص على عدد معين للايام المطلوب قضائها في الخارج بالنسبة للدراسة في الدول العربية ترا السالفة تأليف من المجلس الاعلى وكله كذب وتزوير منهم

وبالنسبة ليش مايخلون القطري يدرس نفس الناس والاجانب
السالفه كلها حسد في حسد
مع ان التعليم حق مكفول للقطريين
بس مع وقف التنفيذ
والعقليات القديمة مال السبعينيات مفروض كلهم تقاعد ولا يولنهم هالاشياء لانهم مايعرفون شئ عنها
كمبيوتر مايعرفون يشغلونه تبيهم يوافقون على دراستك اون لاين
:anger1:

[كروشيه]

الله المستعان والله انا نذوق الامرين عشان نحسن من الوضع وناخذ الشهادة الجامعية ، لانه اصحاب الثانويه العامه مهما كانت خبراتهم العمليه وكفاءتهم التي في بعض الاحيان تفوق المسئول الجامعي الذي نجح بدرجه مقبول وبالعافيه جيد من جامعة قطر التي الله العالم بترتيها في السلم الجامعي بين جامعات العالم يجلس في برجه العاجي ويتفلسف ويتشدق بالقرارات التعسفيه ، ومن واقع خبره هناك من الجنسيات الاسيويه الذي تحصلوا على شهادتهم الاكاديميه من جامعات الله العالم بها وممكن غير موجوده على خارطه الجامعات العالميه ولا تخضع لاي معيار اكاديمي ، يعترف بشهاداتهم ويسمون جامعيين جامعات حتى شهادتهم مكتوبه باللغة الهندية وغير مترجمه في بعض الاحيان لا تعرف شنو المذكور فيها ويعترف فيها ، الله المستعان المواطن القطري له الحق في التعليم والترقي في السلم الاكاديمي

[monatee]

لان احنا من دول العالم الثالث يعني متخلفين

[مختصة]

ان شاء الله يكون في تطور..
ومؤمنين ان بلادنا مابتقصر معانا
دامها ماقصرت معانا بنواحي كثيره
الله المستعان..

[بن لادن]

مسموح للأجنبي ، ومدير قسم راتبه فوق الـ 50 الف ريال وسوري الجنسية ، وشهادة عن طريق الأنترنت .

والله يعلم اذا كانت فعلا شهادة اصلية ولا مظروبة .. لأن بلادة تزوير في تزوير ..

طبعا القطريين أقلية في هالبلاد ، وسافطينهم على جنب ..

[رجل مثالي]

هي نفس فكرة دراسة المنازل المفروض مجلس الاعلى يطرح اسماء

الجامعات المسموح بها تسمى جامعات اون لاين ممكن للدراسة عبر الانترنت

حتى لا نعتبر التعليم عندنا تخلف هاي فكرة حلوة للابتعاد عن التخلف في
التعليم والعلم عند الله

[blackjacket]

يا اخوان خد عنده عناوين حق جامعات
تدرس عبر الانترنت ، ياريت يحطها هني
والي عنده تجربه معاهم ياليت يقول لنا
الامتحان شلون

[حفيد الأنصار]

اخوي \ أختي : ترى التعليم عن بعد يختلف عن الدراسة الالكترونية
صحيح كلها عن طريق النت لكن تختلف عن بعض
انا ادرس بنظام التعليم عن بعد والمحاضرات اخذها عن طريق النت واخر الترم اروح الجامعة اختبر
واللحين فتحو الجامعة السعودية الالكترونية
وترى كلها يسمح للخليجيين يدرسون فيها واتذكر كانو معاي في قاعة الاختبارات العام اماراتية

[حفيد الأنصار]

يا اخوان خد عنده عناوين حق جامعات
تدرس عبر الانترنت ، ياريت يحطها هني
والي عنده تجربه معاهم ياليت يقول لنا
الامتحان شلون




الجامعات السعودية اكثرها اعتقد تعمل بالنظام هذا
واذا عن الاختبارات لاتشيل همها سهلة ولكن تختلف صيغة الاسئلة بعض الجامعات اختيارات وبعضها مقالية

[اوف ليميت]

أخوي ابو المديونين اتحدى اي حد من المجلس الاعلى للتعليم يطلع لك مادة تنص على عدد معين للايام المطلوب قضائها في الخارج بالنسبة للدراسة في الدول العربية ترا السالفة تأليف من المجلس الاعلى وكله كذب وتزوير منهم

وبالنسبة ليش مايخلون القطري يدرس نفس الناس والاجانب
السالفه كلها حسد في حسد
مع ان التعليم حق مكفول للقطريين
بس مع وقف التنفيذ
والعقليات القديمة مال السبعينيات مفروض كلهم تقاعد ولا يولنهم هالاشياء لانهم مايعرفون شئ عنها
كمبيوتر مايعرفون يشغلونه تبيهم يوافقون على دراستك اون لاين
:anger1:

والله انك صادق
مافي اي ايام محدده ولا نص قانوني

اللي اشوفهم كلهم لاعبين اعبتهم .. بس ايبون وياهم ورقه من الجوازات من شؤون المنافذ..تثبت انه كان يدش ويطلع من والى الدوله...يعني لو تروح تبيع قطاوه وترد كل اسبوعين وسياحه ولا كنه شي

:]

[naif3]

اي والله تخلف

[بنت امي]

الله يرزقنا ان شاء الله

[kitmat]

مسموح للأجنبي ، ومدير قسم راتبه فوق الـ 50 الف ريال وسوري الجنسية ، وشهادة عن طريق الأنترنت .

والله يعلم اذا كانت فعلا شهادة اصلية ولا مظروبة .. لأن بلادة تزوير في تزوير ..

طبعا القطريين أقلية في هالبلاد ، وسافطينهم على جنب ..

والله انك صاج

[kitmat]

:rolleyes2:
لان احنا من دول العالم الثالث يعني متخلفين

[الهجان]

اي والله ياليت يعترفون في هالشي على الاقل يكون معنا شهاده نفس العالم والناس
كلية المجتمع ٦ سنوات دراسه وبالاخير شهاده دبلوم وتخصصات علمية ونظام امريكي وجامعة قطر صكرت الموازي
والله تلعوزنا :(
الله يعين يارب

[محمد سعيد]

لان شهادة سهله يعني أسهل من الي يداوم يوميا في الكلية

[bohilal191]

غير مسموح للقطري ومسموح للاجنبي


حتى الاجنبي غير مسموح له وعن تجربة واحد من الربع

[aaa333]

التعليم يعني التعذيب ..!!
هذا بالقطري الفصيح ،، وشكرا

[الصغيره]

ياترى ايش رايهم باللي خدموا بالوطن وهم شهادة انتساب

ياترى كل واحد شهادته بالانتساب وينه الحين وايش مركزه وهل نجح او لا بالتقدم وخدمة الوطن

اوووكي يعطونا االانتساب بجامعات داخل قطر لمهم ما نخسر الشغل من اجل الدراسه ولا نبقى مكانك سر نبي حلللل سريع وموافقه بالانتسااااااب

[مختصة]

شكرا جزيلا على مشاركاتكم
وان شاء الله معترف فيها الجامعه السعوديه
بنسأل والله كريم

[مختصة]

شكرا لكم ..

[qews]

لان ربعنا لو خذو شهاده مايعرف يمثلها في المستقبل
لا لغه و كتابه