للبيع تويوتا اف جي 2007 وارد امريكا بحالة جيدة جدا

[fantasy]

اللون عنابي غامق يبين كأنه أسود في الليل و من الداخل اسود
ماشي 160 الف كيلو
صبغ رفرفين و الباب الايمن و البانه
تم عمل صيانه كامله للموتر و تم فحصه من ايام و نسبه المكينه 91 %
فول ابشن و الغير+الدف لوك+الشاصيه+ الدبل كله سليم الحمدلله
ليتات زينون
مركب له صدام دعاميه قدام
عليه مسجل كروزر جديد
عليه فلتر هواء تي ار دي
عليه كات باك تي ار دي
تواي جديده تقريبا
الموتر على ايدي صارله 8 شهور و حطيت فيه بعد الشراء فوق ال 15000 و حالته جيده جدا الحمدلله
سبب البيع ادور موتر غمارتين لان الاف جي شوي ضيق ما ينفع مع اليهال و الخدامات واللي بياخذه يفحصه و ماراح يخسر عليه شي قدام حق سنه لاني عارف موتري الحمدلله
طبعا عند البيع راح اسلم المشتري ايضا القطع الاصليه مثل الاكزرز و فلتر الهواء و التكايات لاني مركب الان تكايات دي في دي عليه، بالاضافة الى أداة فحص صبغ الموتر و جهاز فحص كمبيوتر السياره متوافق ويا الموتر.

السعر المطلوب 78 الف ريال قابل و السعر حطيته بعد دراسه اسعار مواتر الاف جي في قطر و اعتقد سعر مناسب بالنسبه لحالته خاصة اني ماعندي مشكله انزل في السعر حق الصامل... الرجاء للجادين فقط و التواصل على الخاص في ما يخص الموتر و فحصه

و ناوي رفع صور له و اعرضه في كتر سيل بس اعمل له سيرفر هالكم يوم باذن الله
اذا حد عنده سومه توكلوا يالربع و الله يبارك فيكم

[يراعٌ فراتي]

8 سلندر
قير عادي.؟
دفع رباعي ؟

له قطع غيار هني ؟

وكم نهايته للصامل
لو ما فيه صبغ وايد ما فاصلتك في السعر

[الرمـــاح]

ممكن رقمك على الخاص ؟

[fantasy]

اسمحلوي نسيت هالتفاصيل طبعا اخوي يراع يمكن لاني قلت انه فول ابشن فهو ايضا
دفع رباعي و اوتوماتيك لكن ست سلندر و قطع غياره نفس بو 2008 و أظن بعد 2009 لان هالموديلات مقاربه لبعض كلها
وانا عارف ان فيه صبغ ياخوي لكن الصامل خل يشوف الموتر اول و يجرب سواقته
اخوي الرماح بعد شوي بيكون الرقم في بريدك الخاص انشالله

اخيرا اخوي يراع ترى صدقني انشالله مب نختلف في تنزيل السعر ترى السعر اللي حطيته بناء على سواقتي للموتر و كفاءة التويوتا من الخراب و ايضا اللي حطيته في الموتر و مثل ماقلت انت ممكن تشتري موتر رخيص لكن لين تحط في التواير و السفايف والاكسلات و الربلات والصوف يطلع عليك اعلى من سعر السوق مثل ما انت عارف و خير مثال انتشار التندرا بشكل رهيب والناس ماتسأل عن غياره و لكنه متوفر لانها عارفه انه تويوتا
انا ماقدر اقول كم نهاية طالب فيه لكن شي قريب ال75 الف بيكون مناسب لي جدا و لاتنسون القطع اللي مركبها عليه وانشالله ارفع الصور بعد شوي

[fantasy]

الصور للموتر

[بواردي]

الله يوفقك ياخوي

[fantasy]

سومه طيبه يالغالي و بس اكرر اخوي تخبر الواحد لازم يحط سعر في باله حتى لو ماجاب اللي بخاطره و انت صاج الصبغ ينزل السعر حتى لو ما أثر على السياره وانا قلتلك السعر اللي حاطه مجرد سعر وانا ماعندي مشكله انزل و نشوف السومات انشالله و احتمال لو حصلت الموتر اللي في بالي اتوكل علشان اوفر سيوله
اذا انت جاد نشوف هالكم يوم السومات و لو في خاطرك تجرب الموتر حاظر لك

[يراعٌ فراتي]

اخوي شيك الخاص وين عارض الموتر وين اقدر اشوفه

[fantasy]

تم ارسال الرقم يالغالي و حبيت بس اوضح للاخوان لان اثنين اتصلوا للان و حبيت اوضح نقطه مهمه بالنسبه للسعر اللي حطيته و مثل ما انتوا عارفين انا حطيت سعر مرتفع لاني عارف حاله موتري الجيده جدا و عارف اللي صرفته عليه ولكن مش معناه ان ماراح ابيعه الا لو جاب هالسعر.. السعر يعكس حاله السيارة اكثر من انه السعر اللي انا ابغيه و سلامتكم يالغاليين
وانا مستعد اتفاوض و انزل للي يرضي المشتري والبايع انشالله و ماراح نختلف باذن الله

[راكـــــــان]

اللة يوفقك اخوي


نظيف ويستاهل وانت تستاهل



بصراحة الموتر وردة

[fantasy]

تسلم يالغالي هذا من طيب اصلك و ماتقصر
اخوي يراع الموتر استعمله مش معروض لحين

[fantasy]

لا اله الا الله

[fantasy]

الحمدلله الموتر انباع مشكورين يالربع على السومات والرفع
اتمنى قفل الموضوع

[ولد قحطان]

اخوي اذا الموتر موجود
65
شرط النضافة
طرش رقمك لاهنت

[fantasy]

انباع فديت خشمك