ايهما افضل ؟؟ الطابوق الاحمر ولابوفلين

[بو شاهين]

السلام عليكم

استفسار بسيط اي احسن الطابوق الاحمر ولا طابوق بوفلين من حيث العزل الحراري والقوة ؟
يعني اي واحد فيهم يعمر اكثر ؟

وياليت لو حد يعطيني اسعارهم

ومشكورين مقدماً

[معماري قطري]

والله يا اخوي فريد إخو لؤي سيم سيم تقريباً

الطابوق الأحمر مشكلته بسهولة ينكسر لو إنضرب فيه مسمار .. وبروحه كعازل مسكت لكن كنظام عزل ما منه فايده الا في عزل الصوت لوجود فراغات كثيرة فيه .. والطابوق اللي فيه عازل في الوسط خدعة كبيرة والتجارب عليه بروحه كعازل بعد تعطي نتائج جيدة لكن كنظام حائط بتواجهك مشكلة المونة اللي بين الطابوق تخلي الحرارة تدخل بسرعة وتلغي فائدة العزل، وهذا ينطبق على الطابوق الطيني الأحمر.

وعلى ما اذكر الطيني كان أرخص بحدود 50% من اللي العازل فيه.

الأفضل تسوي نظام متكامل من عدة طبقات وشوف هذا الموضوع بتستفيد منه وايد
http://www.qatarshares.com/vb/showthread.php?t=512291

والحل الأنسب إذا إنت خلاص بيتك ينبني وصعب تغير سو بيتك للحوائط الخارجية بنظام الطابوق الإسفنجي الأبيض الخفيف .. أو سوه طابوق عادي وخل الإسفنجي كغطاء خارجي للجدران الخارجية وبهالطريقة تقدر تغطي الخرسانات حتى .. وما تحتاج بلاستر للإسفنجي لأن يجيك مقصوص سيده وفيه منه قطع كبيرة تجيك ألواح وتحتاج لسمك 10 سم بس وبتعطيك عزل خيالي .. انا شفت له عرض في معرض حاطين تحته شعلة نار وتمسك فوق تحس ببرودة ونفس الشيء مسوين لطابوق عادي ومن تمسك فوق تحس بحرارة الشعلة منتقلة بقوة.

وبالنسبة للطابوق الإسفنجي سهل الحفر فيه وعمل النقوشات وسهل قصه بمنشار عادي، ولو بتركب الطابوقات العادية بعضها تجي بحجم كبير لكن خفيفة، وفيها شق مقوس من جهة وبروز من جهة ثانية للتداخل مع بعض وقت التركيب، وتتركب لزق قطعة على قطعة بدون فراغ علشان ما تضيع ميزة العزل الحراري، بلزاق خاص مثل البتومين الأسود.

سمعت من فوق السنة إنه جاري عمل مصنع لهذا النوع من الطابوق، وابي أي أخبار عنه من اللي جربوه وبالتوفيق للجميع.

[حسن]

احسن عازل زبدون منافس طابوق السايبروكس ولا طابوقه وبعدين تحط فلين وبعدبن بعد طابوقه دبل وبس ولا دور غير ذالك

[معماري قطري]

احسن عازل زبدون منافس طابوق السايبروكس ولا طابوقه وبعدين تحط فلين وبعدبن بعد طابوقه دبل وبس ولا دور غير ذالك

الله يذكرك بالشهادة أخ حسن

هوه هوه شكل ما يقولون المصريين السيبوريكس .. كله أنسى إسمه بس هو يعتبر إسفنجي لأن خلطته بمواد تسوي فقاعات تعطي خفة وزن وعزل حراري.

[معماري قطري]

http://www.************/watch?v=lTWyrBUQzxI

وهذا فلم يوتيوب توضيحي للسيبوريكس .. وعملوا منه شركة العلي للمشاريع مشروع مجمع سكني من حول 500 منزل في المرخية وبن عمران.