كثير الكلام !!

[بوحارب]

السلام عليكم

اشرايكم في ( الرجل ) كثير الكلام ؟

وش الحل معاه !

[قلبى طيب]

الحل الله يسلمك انك تنصحه يقلل من كلامه ويتكلم في شي مفيد او اذا تعزه وتحبه استحمله

والحمد الله علي سلامتك

[flourish]

إنك ما تاخذ وتعطي معه كثير، يعني كلمة ورد غطاها ماراح يقدر يطول في الموضوع.

مثال: إذا كان يعمل معك في مكان واحد:

راح يفتح الموضوع يقول: ما عرفت إيش سوا فلان؟
الرد: مالنا وفلان، قلي إيش تغديت اليوم؟

يقول: مثل كل يوم عيش ورز
الرد: طيب خلينا نخلص الشغل إلي معانا لأني مستعجل.

:)

[بوحارب]

الحل الله يسلمك انك تنصحه يقلل من كلامه ويتكلم في شي مفيد او اذا تعزه وتحبه استحمله

والحمد الله علي سلامتك

كلامك سليم بس الخوف تنصحه ويعطيك محاضره عاد وش يفكني منه عقب هههههه

اشكرك على الرد والله يسلمك :)


إنك ما تاخذ وتعطي معه كثير، يعني كلمة ورد غطاها ماراح يقدر يطول في الموضوع.

مثال: إذا كان يعمل معك في مكان واحد:

راح يفتح الموضوع يقول: ما عرفت إيش سوا فلان؟
الرد: مالنا وفلان، قلي إيش تغديت اليوم؟

يقول: مثل كل يوم عيش ورز
الرد: طيب خلينا نخلص الشغل إلي معانا لأني مستعجل.

:)

هذي يسمونها لاتعطيه ويه :nice:

[قلبى طيب]

وممكن لا تعطيه ويه هو بيحس انه ثقيل ولا راح يهذر عليك

[عاهد بن علي]

اذا كنت تمون عليه انصحه
واذا ما بينكم ميانه ( ترك مالايعنيك فايده )
الله يعينك

[روح الاطلس]

سوي نفسك تتثاوب كل شوي :)

[doha2012]

,




كيف كثير الكلام اخي بو حارب ؟


يعني هذار .؟

اذا هذه الصفه بس تحمله .. ف لعله يحمل في داخله صفات اجمل , دامه ماينقل الكلام خله يهذر براحته التعب عليه مو عليك ..


الصحبه اذا هي صالحه مايضرها كثرة الكلام .. ف الناس لهم طبائع مختلفه قد تجده كثير الكلام لكن حسن النيه .. وابيض القلب , يحب الخير ويكره الشر ويبتعد عن مجاراة اهل السوء

والانسان لايتحدث الا مع احد يرد ان يسمعه ويتجاوب معه ,

مع ذلك ان رايت نفسك لاتطيق الجلوس مع كثير الكلام استاذن , دون ان تجرحه وانصحه ب التي هي احسن ,

قال تعالي ( (( وجادلهم بالتي هي أحسن ))

كما جاء في شرح هذه الايه

فإذا أردت أن تدعو إنساناً إلى أن يؤمن بما تؤمن به، أو بما تعتقد أنه الحق الذي ينسجم مع الخط المستقيم ومع ما يحبه الله تعالى ويرضاه، فعليك أن تستعمل الحكمة، والحكمة هي وضع الشيء في موضعه، كأن تقول الكلمة المناسبة في الجوِّ المناسب مع الشخص المناسب، بحيث تختار الكلمات التي يمكن أن تنفذ إلى قلب هذا الإنسان وإلى عقله، فتقارن بين عقل هذا الإنسان ومشاعره وأحاسيسه وبين الكلمة، لأن الكلمة تطلق مرة فينفتح لها قلب الإنسان الآخر، وتطلق مرة أخرى فينغلق لها قلبه،



وماتشوف شر ان شاء الله ,










,

[العربية نت]

الحل الله يسلمك بسيط جداً وهو انك تعطيه طراق على براطمه هههههههه وبيهدى الوضع :anger1:

امزح اخوي معاك لاتصدق وتعطيه طراق صدق:)
اتوقع والله اعلم انه هذا النوع له علاقة بنفسية وسلوك وتركيبة الانسان وامر ليس بالبسيط تغييره وقد يحتاج لطبيب معالج والله اعلم :)

[فلتة زمانها]

انصحه يروح يقابل طبيب نفسي في اسرع وقت
قد تكون علامة من علامات المرض

[khalid525]

خله يسولف وانت سولف مع ربعك في البي بي

[دااانة قطر]

الله يعينك عليه بس حلو انك تسفهه اذا مايمون عليك




انصحه يروح يقابل طبيب نفسي في اسرع وقت
قد تكون علامة من علامات المرض

اي مرض؟؟:rolleyes2:

[فلتة زمانها]

الله يعينك عليه بس حلو انك تسفهه اذا مايمون عليك





اي مرض؟؟:rolleyes2:

مرض (عقلي) اسمه الاضطراب الوجداني ثنائي القطب Bipolar Disorder
من علاماته الهوس يعني الشخص نشيط ويهذر ومحد يلاحظ عليه الا عقب مايوصل
لمرحله يفقد فيها السيطره على نفسه

[دااانة قطر]

مرض (عقلي) اسمه الاضطراب الوجداني ثنائي القطب bipolar disorder
من علاماته الهوس يعني الشخص نشيط ويهذر ومحد يلاحظ عليه الا عقب مايوصل
لمرحله يفقد فيها السيطره على نفسه

والحل معااه ؟
معليش اخوي بوحاارب شطحت بالأسئله

[R 7 A L]

مرض (عقلي) اسمه الاضطراب الوجداني ثنائي القطب Bipolar Disorder
من علاماته الهوس يعني الشخص نشيط ويهذر ومحد يلاحظ عليه الا عقب مايوصل
لمرحله يفقد فيها السيطره على نفسه



:rolleyes2:
يالله سترك
لايكون احد اطراف قطبين عقلي ضاربه :(

[فلتة زمانها]

والحل معااه ؟
معليش اخوي بوحاارب شطحت بالأسئله

يتعالج ويبئى زي الفل:nice:

[فلتة زمانها]

:rolleyes2:
يالله سترك
لايكون احد اطراف قطبين عقلي ضابه :(

لالا اسم الله عليك لا توسوس
مافيك الا كل خير:tease:

[R 7 A L]

لالا اسم الله عليك لا توسوس
مافيك الا كل خير:tease:

يمكن حالتي غير بس متأكد ان سالفه القطب فيها :weeping:

انا تجي ايام ما أتكلم كلش من 4أيام الى اسبوع
ومرات اهذري

[فلتة زمانها]

يمكن حالتي غير بس متأكد ان سالفه القطب فيها :weeping:

انا تجي ايام ما أتكلم كلش من 4أيام الى اسبوع
ومرات اهذري

:eek:
وشلون ساكت عن عمرك راجع طواري حمد وخذ تحويلة للطب النفسي
لا تحاتي المرض النفسي صار عادي وله علاج حاله حاله السكري

[R 7 A L]

:eek:
وشلون ساكت عن عمرك راجع طواري حمد وخذ تحويلة للطب النفسي
لا تحاتي المرض النفسي صار عادي وله علاج حاله حاله السكري

:eek5:
شتقولين
:omg:
اروح للمستشفى

وش أقول لهم ؟

[بو الجوري]

أبا حارب لقد إشتقت إليك كثيراً :shy:


وبعدين من هاي اللي يهذر على راسك وإنت فلندن !
ليكون واحد من رواد مجلسكـم هناك ههههههههههه

حاول إنك تسوي نفسك مشغول أو تبي تروح
مشكله الثرثارين ، جنه حرمـه :.. :secret:

تقبل الله صيامك والله يعينك على الصيام اللندني :..

[وليف قطر]

-




ولع زقااره وانفخ فويهه :p

[دااانة قطر]

:eek:
وشلون ساكت عن عمرك راجع طواري حمد وخذ تحويلة للطب النفسي
لا تحاتي المرض النفسي صار عادي وله علاج حاله حاله السكري



:eek5::eek5::eek5:
طيب متى يعتبر مرض؟؟
يعني شلون افرق بين الهذاار وبين اللي يحب يسولف؟؟

[بوخالد911]

هلا

جررب تنصحه بالتي هي أحسن
وذكره بالحديث بما معناه ان العبد محاسب على كلامه ووو

ولو ما فاد
حاول تتجنبه بقدر المستطاع

[مخطط قطري]

اعطيك نصيحه حلوة وانا جربتها مرة في واحد يكثر الكلام وانا مو فاضي له اخخخخ وهو انك تقرب من اذنة وتصرخ وتقوله خلاص اسسسسسسكت فكنا منك الله يرحك والديك بتفشل وبيسكت

[ريتويت]

اذا قصدك السوالف عن اعراض الناس .. فالرجل غير مقصر فالسوالف وخاصه السوالف الي تخص الحريم.. نصيحه لحد ينصح لان المستمع يستمتع بالسوالف من هذي النوعيه وماتفرق وياهم متزوج ام غير متزوج

[aspirin]

اقراء عليه المعوذات :shy:

[دنيا الاسهم]

ادعي لة بالهداية في هالشهر المبروك

[qtr2010]

على حسب وضعي اتعامل معاه ،، إذا كنت فاضي وما عندي شي اسمعه لين ازهق منه وبعدها اكتب في البلاك بيري حق واحد اقوله اتصل لي ،، ولما يرن التلفون اقول حق الهذار عن اذنك دقيقة واسحب عليه ..


اما اذا كنت مشغول وهو تم يتكلم اتم اتابع شغلي واهز راسي لين يزهق ويذلف عن ويهي ،،

وانجحت الخطتين معاي

[لولو2022]

اسمحولي ولا واحد فيكم قال نصيحة عدلة
الي يقول اصرخ في اذنة .. ولي يقول اقراء علية المعوذات
ولي يقول سفهلة ..طيب وين الحل ؟؟؟

[qatara]

(ينهد جبل ولا ينهد طبع)

الناس بينهم فروقات شخصيه
اتركه عنك واطلب له الصلاح
لعل الله يهديه

[بوحارب]

اشكركم على الردود الحلوة واتوقع احلى حل الدردشة في البي بي ^^

[Aaziz]

السلام عليكم ورحمه الله و بركاته

حي الله بوعبدالرحمن ،،

راينا في الرجل كثير الكلام من راي الرسول صل الله عليه و سلم في مامعنى الحديث (من كثر كلامه كثر سقطه) و السقط هو الرديء من الحديث و الاخطاء التي لاتقبل في حق الناس

اما بخصوص الحل مافيه الا تعطيه على عينه كاش اذا كنت مجبور تتواجد معه في نفس المكان

و اذا مافاد استخدم هذا الحل

http://upload.z4ar.com/files/31303.jpg

[بوحارب]

مشكورين على المرور جميعا


يعجبنـي الرجـل الرزين التكـانه
اللـي ينقّـي كلمتـه لاتكلـم

له قيمة(ن) عند الرجـال ومكـانه
وان حطه الواحـد على الجرح .. يسلم

ويزعجنـي اللـي مايجـود لسـانه
هذّار .. متعـود على حـركة الفم

قد جـاه من كثر الكـلام .. الاهـانه
لكن يسـج .. وكل ماسـج .. درعم

[bos3eed]

في اوقات ودك في واحد يهذر وتهذر معاه وفي اوقات ماتطيق تسمع كلمتين من حد, يمكن تكون انت انسان هادي وتحب الهدوء و ماتحب تسمع سوالف مب مفيده, ودام هذا طبعك خل الناس اتعرف عليك عدل وتفهم طبيعتك وتلقائيا محد بيهذر عليك. نوع الكلام يفرق بعد, اذا كان الكلام له هدف ومفيد فاهلا وسهلا حتى لو طال والانسان لازم يسمع علشان يستفيد ويتعلم, اما اذا كان الكلام مايفيد وكله لغو كبر عقلك ولا تقعد مع السفيه ولا بتصير سفيه مثله

[chillis]

طالع ساعتك كل دقيقه واذا رفيجك وتمون عليه قوله بوجهه وحمدالله على السلامه

[اوف ليميت]

سوشيال فوبيا :D .. نوع من انواع المرض الغير حسي الذي ينتج عن طريق الناس للشخص وليس من الشخص نفسه

يعتمد عاللي يتكلم اذا موضوعه انتريستينق وللا لا..لإي ناس تسمع بالساعتين وال3 لو الموضوع يشد الانتباه

عيبهم اللي يهذرون وايد انهم مايفكرون قبل

تبي الحل؟ .. لا تحقره ولا اتطنشه ولا تسبه ولا تسوي اي شي يسئ لك او يعطي الشخص افكار عنك
سو مثلي اذا تبي ..

(طلعه من الكمفورت زون وياك .. يعني طلعه من نطاق الراحه معك)

شلون ؟ .. خله يحس هو..انك انت شخص الواحد صعب يركز معاه..وحسسه انك ماسمعت الكلام عدل او مافهمته...واسأله يعيد كلامه بين كل فتره وفتره عشانك مافهمت شيقصد لمن تضيع افكاره او ينسى اللي يبي يقوله..بالحالتين هو اصلا بيمل منك .. هههههه

جذي انت خليته هو يبعد عنك برضاه ويحسسك انك انت تضايقت منه ليش راح مع انك تبيه يروح
ويمكن عقب يوم يجيك تقدر تقوله تراني زعلان منك..اقولك عيد ابفهم وانت تتركني وتسفهلي؟..مو عيب؟ .. وجذي انت كسبت الحين شي جديد..بيقولك خلاص حقك علي والعشا اليوم على حسابي ههههه

عصفورين بحجر واحد..اذا ماتبي العشا انسى السالفه ;p وخلاص


:]