شو رايكم في الجالاكسي

[a7med0_0]

السلام عليكم

بغيت مشورتكم في الموبايل جالاكسي شورايكم ؟

شو الامتيازات اللي فيه ؟ وعلى جم سعره ووين احسن محل اخذه منه سعرة زين ؟

وشاكر لكم

[بن هجرس]

وعليكم السلام ورحمة الله وبركاته


مميزات جالكسي اس 3 - Samsung Galaxy S3
نظام أندرويد 4 ايس كريم ساندوتش Android OS, v4.0.4 (Ice Cream Sandwich)
معالج Exynos رباعي النواة بسرعة 1.4 GHz
معالج رسوميات Mali-400MP
دعم GPS مع A-GPS ودعم GLONASS
دعم راديو Stereo FM
دعم جافا
بلوثوت 4.0
التواصل عن طريق المجال القريب NFC
واي فاي Wi-Fi { DLNA, Wi-Fi Direct, Wi-Fi hotspot }
منفذ صوت 3.5mm
وزن جالكسي اس 3 : 133 جرام


:
:


تلفون رائع بمعنى الكلمة وسهل الاستخدام

انا قبل لاخذ جلكسي اس 2


خذيت رائ اللي جربوا

اي فون و جلكسي اس 2


وفي النهاية توكلت على الله وخذيت جلكسي معني كنت مستخدم اي فون من قبل لفترة بسيطة ..


لقيت فعلاً فرق كبير

وانا انصحك بشدة بجلكسي

وراح تلقى فرق كبير وافضل من اي تلفون ثاني



وسعره ..!!


حول 2500

وعيوبه

لايذكر الا احيانا تسخين البطارية


توكل على الله


:
:
:

[saleh-85]

ماعليه كلااااام

وبـ 2300 في السد

[خليفـة]

للأمانة تلفون جلاكسي اس 3
تلفون ما يُعلى عليه
غطى على الآي فون وحرقه حراااااق
تلفون تنزل عليه برامج روعة

وبطاريته تتم لفترة طويلة ماشاء الله

يكفي ان في اول شهر انباع منه 10 مليون جهاز حول العالم
وهذا رقم خيالي مقارنة بباقي التلفونات الي تنزل جديدة

توكل على الله يالغالي
وخذ لك واحد .. وبتدعي لنا ان شاء الله

بالتوفيق الشيخ
:)

خليفــة

[ريتويت]

خلاص بشتريه دامكم تمدحونه وعلي ضمانتكم دامه افضل من الاي فون

[خليفـة]

خلاص بشتريه دامكم تمدحونه وعلي ضمانتكم دامه افضل من الاي فون

اشتريه اختي سكر وعلى ضمانتي
بيعجبج ان شاء الله
:)
فيه كل الي في الآي فون وزيادة بعد
والأهم من ذلك .. بطاريته الي تستمر لفترة طويلة
:)

بالتوفيق وعليج بالعافية مقدماً

:)

خليفــة

[a7med0_0]

بن هجرس , saleh-85 , خليفـة

تسلمون الغاليين على المعلومات المفيده وما قصرتوا .. شوركم وهداية الله
ويعطيكم الف عافيه

[لاجئ عاطفي]

انا خذته تقريبا سعره 2300 في السد وممتاز ولكن فيه خاصيه تتيح لمن لديه نفس الجهاز وتربطك به ارقام مخزنه ان يطلع على الصور الخاصه بجهازك من خلال اعدادات معينه فكل ماعليك فعله هو فصل او عدم تشغيل تلك الفعاليه لتجنب ان يتم الدخول لملف الصور الخاصه بك وواحد هو اللي سواه لي وان شاء الله راح احط لكم الطريقه بالكامل

[a7med0_0]

لاجئ عاطفي

تسلم اخوي على المعلومة المهمه

[MAZEN37]

جربت الجلاكسي
ملاحظتي عليه شيء واحد هي صعوبة استخدامه عمليا كتلفون
الاي فون بتصوري افضل اما باقي المميزات افضل من الاي فون مثل ما ذكروا الاخوان

[Abdelrahman]

جربت الجلاكسي
ملاحظتي عليه شيء واحد هي صعوبة استخدامه عمليا كتلفون
الاي فون بتصوري افضل اما باقي المميزات افضل من الاي فون مثل ما ذكروا الاخوان

شنو اللي صعب فيه بالضبط
اكيد اذا تستخدم اندرويد اول مره بتلاقي فيه صعوبه بس لين تعودت عليه خلاص
بتلاقي مافي اسهل منه :)

[بعيد المرامع]

ماعمري سمعت بشخص اشترى جالاكسي وندم عليه ،

على عكس اصحاب الايفون ، اللي كل يوم يقلوون ويحولون للجالاكسي

وخصوصا جالاكسي اس 3 ، كلمه روعه ممكن تظلم الجهاز ، بس عيبه الوانه مافيه الا لونين ، ابيض حلو ، وازرق بايخ جدا

[ZURICH]

لكل جهاز مزايا ومواصفات وجالكسي 3 اثبت نجاحه وتقدمه على الايفون

يكفي انه يشحن بدون أسلاك والجهاز بعيد .. وخاصية استشعار العين ،

معاهم حق في كتابتهم تحت الاعلان ( يفهم ماتريد )

*****

بعد استعمالي للجالكسي اعتبر الايفون من الماضي وراحت أيامه

[ريومه87]

ممكن تكتبون لي نوع الجالكسي اللي تقصدونه
ومن وين تنصحوني أخذه؟

[خليفـة]

اسمه جلاكسي أس 3 وتقدرين تاخذينه من شركة سامسونج في شارع النصر
مع الضمان او من استار لنك
قيمته للحين 2499 ريال
وتلقينه برع بمحلات عادية من غير ضمان بحدود 2300 ريال
:)


وهذي صورته مقارنة مع الآي فون
:)

http://im25.gulfup.com/2012-08-03/1343946305152.jpg (http://www.gulfup.com/show/X2chx5wn7syzog)

وهذي صورة أوضح للتلفون
:)

http://im25.gulfup.com/2012-08-03/1343946305291.jpg (http://www.gulfup.com/show/X9dzomsy5du04w8)

انا مجرب التلفون الحين صار لي فتره .. وللأمانة اشوفه جهاز ممتاز
بلاك بيري + جلاكسي أس 3 = الحياة حلوة خالص خالص
:nice:

بالتوفيق ان شاء الله
وعليج بالعافية التلفون مقدماً
:)

خليفــة

[doha2012]

،




توكلي على الله



انا استخدمه من سنه وزياده. .. جالكسي٢ وجالكسي نوت



ممتاز وخفيف وجميع البرامج فيه


وتوه نازل جالكسي اس٣ يمدحون استخدامه




شاشات الجالكسي من حسن الشاشات واوضحها ..،




ب التوفيق ان شاء الله. ...





،

[رآعي موآجيب]

ناجح بكل المقاييس

جاني هديه اول مانزل وتوني استخدمه من اسبوعين

ماااااعليه كلام ابد ابد

لكن نغمات الرنين صفرررررر %

هذا عيبه الصراحه ، كله موسيقى او عصافير

حتى مانزلوا اصوات مطايا على الأقل :tease:

بالأمانه حذفت النوكيا طول يدي ، حتى البلاك بيري ما استخدمه واجد الحين

الأس 3 شي خيااال :victory: