+++ فودافون ... سحب ارقام المميزة 1500 ريال +++

[اوراق]

السلام عليكم

عندي ارقام مميزة فودافون شريتها من التأسيس بسعر 1500 ريال ... ولكني ما استخدمها

وكانت الارقام على نظام السحب الشهري من الفيزا حتى احافظ على الرقم

وبعد نزول نظام الدفع المسبق ... قررت احولهم علشان احافظ على الارقام

وقبل تحويلها شيكت مع فودافون وكان فيهم رصيد حتى 30-8-2012

ولكن بعد التحويل ... قامت فودافون بسحب رقم من هذه الارقام المميزة بحجة انها غير مستخدمه وما فيها رصيد ... مع انني متأكد ان فيها رصيد كبير حتى 30-8-2012


رحت الفرع اللي حول لي الارقام وقال لي ما اقدر اسوي لك شي


هل فعلا راح علي الرقم؟!!!

شنو الحل معاهم ؟!!

[الجسراوي]

حتى انا اسحبوا عني رقمي شاريه 1500 ريال مادري شاسوي كلما اروح لفرع يسوون روحهم مايعرفون شسالفه ويااخروني عن قصد واتملل واطلع من عندهم شكلي بخربها وبكسر محلاتهم

[الزعفراني]

نفس الحالة سحبوا مني رقمين بس الحمدلله مادفعت فيهم شي بس كشخه راجعتهم قالوا الارقام مش موجودة ولازم تنطر لين الادارة ترد تنزلهم مره ثانيه في السيستم عشان تقدر تحجزهم مره ثانيه

بالعربي طنشت ماعاد تابعت وياهم

[CH Engineer]

وانا اسحبوا مني 3 ارقام مميزه مع العلم الرقم المميز ماينسحب
رحت لفرع اللاند من فتره وعطتني الموظفه بطاقات وقالت بعد 10 ايام اشحنهم
بس كل ماحاول اركب الرقم مافيه ارسال اتصلهم يقولون اشحنه ماعرف شلون اشحنه والكرت مايشتغل بالاساس..

[غير عنهم]

نفس شي صار معاهم وطريقتهم مبنية على الف والدوران ومافيهم احد تنفيذي كل ماكلمهم يقولون انطر لما ينزل الرقم في السستم مره ثانيه

[alsoq]

وانا مثلك شريت رقم عن طريق الموقع مالهم
وتميت استخدمه وبعدين خليت الرقم ما قمت استخدمه وشاريه بـ 700 بلفيت مميز
المهم قررت استخدم الخط ما اشتقلت البطاقه اتصلت فيهم لقيت الرقم مسجل باسم واحد ثاني كلمتهم قالوا لا انت مو بسمك رقم

الله يعين سرق في وضح النهار

[الخزرجي قطر]

اكيد اخذوا الدراهم منكم وبعدها باعوها لناس ثانيه على اساس انها ارقام مميزه

[الـمـحـنـك]

كان عندي رقم مميز وسحبوه وتميت وراهم شهرين لين رديته عالتلفون مسندرهم كل يوم لين خذته

[سعادة الوزير]

فودافون اذكياء ، ادارتهم مخفية عن الانظار بشكل غريب ، الاشخاص التنفيذيين في هالشركة معزولين عن الناس بشكل كأنهم عملاء مخابرات!! وطبعا كل هذا عشان ماتقدر تراجعهم او تشتكي!!

[مخطط قطري]

بروح اشيك على ارقامي بعد هي تنتهي في شهر 8 بس ارقامي كلها فيها اصفار يعني مميزه من قلب
اذا انسحبت برفع عليهم قضيه ع طول

[لاجئ عاطفي]

اصلا اللي شروا ارقام من فودافون عن طريق موقعهم يجيهم ايميل من فودافون فيه بيانات الشخص راعي الرقم المميز والرقم نفسه وهذا دليل على حقه بالرقم فشلون راحت منكم الارقام المفروض الايميل اللي يجيكم منهم دليل على ملكية الرقم وانا من يومها والرقم عندي دافع عليه 2500 وهذا هو شغال للحين لا راح ولا غيره فاللي شرى رقم من موقعهم يشيك عالايميل ماله راح يلقى وصل منهم بالرقم وسعره

[بورصواوي]

انا شاري ارقام وشريت تلفون وياه رقم مجاني وماستخدمتهم فتره وقالو ان الرقم المجاني راح والارقام الستار على قولتهم مايروحون بس مقفول لازم افعله خليته الحين مادري شصار شكلهم نصابين

مشكورين شباب نبهتوني اتاكد مره ثانيه على الرقم

[ماجد78]

:shy:مرة صحيت من النوم وإلا رصيد الإنترنت أبو خمسين ريال مخلص ورصيدي 50 ريال أيضا مخلص لما اتصلت فيهم:telephone: قالوا انته استخدمت انترنت قلتلهم أنا نائم:eek5: قالوا يمكن حد غيرك استخدمه مع العلم كنت بروحي في البيت ولا يوجد احد ........ من استخدم الرصيد:omg:

[كبير المتداولين]

اخي الكريم انا صار معاي نفس موضوعك تم سحب رقمي المميز ولاكن ادخل على موقعهم الالكتروني وارسل رساله تشرح فيها مشكلتك على ايميل العنايه بالعميل وراح يردون لك الرقم

care.qa@vodafone.com

[blackjacket]

ياجماعة صار لي نفس الموقف معاهم في البداية طرشت ايميلات و شفت انهم يبون يلعبون علي رحت اشتيكت عليهم مجلس الاعلى للاتصالات والله اسبوع و مرجعين الرقم :nice:

[" فـارس قـطر "]

صج ان كيوتل ملعوزينا شوي
بس بعد هم اهون من فودافون بوايد

[اوراق]

الحمـــد للـــه

تم استرجاع الرقم

الطريقة المستخدمة الآتي ...

1. مراجعة اي مكتب فودافون في قطر ... والتحدث مع مدير الفرع او موظف " فاهم " يقوم بالبحث في المعاملات التاريخية للرقم وايجاد البيانات اللتي تساعدك على ارجاع الرقم

2. ثم يقوم مدير الفرع بانشاء Case file لاسترجاع الرقم

3. الاتصال اليومي بخدمة العملاء للفودافون واعطائم رقم Case file للمتابعة

4. مراجعة مكتب فودافون في قطر كل يومين ويفضل التحدث مع مدير الفرع مباشرة

5. تستغرق العملية اسبوع كامل على اقل تقدير ويكن ان تكون اطول حسب متابعتك



وربما هناك طريق اخرى لاسترجاع الرقم ... ولكن هذا اللي حدث معاي

مرفوع للاستفادة ... وبارك الله في كل من ساعد وشارك

[CH Engineer]

الحمـــد للـــه

تم استرجاع الرقم

الطريقة المستخدمة الآتي ...

1. مراجعة اي مكتب فودافون في قطر ... والتحدث مع مدير الفرع او موظف " فاهم " يقوم بالبحث في المعاملات التاريخية للرقم وايجاد البيانات اللتي تساعدك على ارجاع الرقم

2. ثم يقوم مدير الفرع بانشاء Case file لاسترجاع الرقم

3. الاتصال اليومي بخدمة العملاء للفودافون واعطائم رقم Case file للمتابعة

4. مراجعة مكتب فودافون في قطر كل يومين ويفضل التحدث مع مدير الفرع مباشرة

5. تستغرق العملية اسبوع كامل على اقل تقدير ويكن ان تكون اطول حسب متابعتك



وربما هناك طريق اخرى لاسترجاع الرقم ... ولكن هذا اللي حدث معاي

مرفوع للاستفادة ... وبارك الله في كل من ساعد وشارك

معانااااااه

[بور بلاك]

الله يعينك اخوي على الشركه الفاشله

[QtrGate]

انا شريت رقم مميز منهم
وعقب فتره سافرت ورجعت ولقيته مسكر
كلمت خدمة العملاء وقالي ان انسحب الرقم وجي
وحاولت معاه اسبوع كامل
لين ماقالي خلاص بنرجع الكرت للخدمه
انتظرت اسبوع ثاني وطرشولي ان الرقم جاهز في اي فرع
رحت وكلمتهم قالي الرقم ماراح يشتغل
تمللت منهم
وعقب شهر فكرت اتصل على الرقم
وطلع واحد هندي

ماسويت شي لاكن افكر اجمع كل شي واطلب تعويض كبير منهم

[باراكودا]

حسب النظام أرقام فودافون المميزة لها مميزات
الميزة الاولى الرقم يصبح ملكا لك ولاينسحب ابد لمدة عشرة سنوات
الميزة الثانية في حالة التلف اوالفقدان اوالايقاف لبطاقة السيم يتم صرف بطاقة
جديدة فورا ومجانا روح فرع لاند مارك ناس محترمة تطبق النظام بشكل صحيح (عند أمتن واحد فيهم ويلبس غترة وعقال)
لاتروح فرع اللولو في الغرافة عند المصري الاسمر الاقرع تراه يطلب
الرسوم فورا بشكل مخالف للنظام .

[كتكوت الوحش]

انصح شركة فودا فون انها تسكر 10 خطوط وارقام مميزة وزعتها على اهنود وبنقال :victory::ok:

[almaf1a]

حسب النظام أرقام فودافون المميزة لها مميزات
الميزة الاولى الرقم يصبح ملكا لك ولاينسحب ابد لمدة عشرة سنوات


الشركة بكبرها ماصار لها 10 سنين وارقام خلق الله طارت


حراميه

[اوراق]

حسب النظام أرقام فودافون المميزة لها مميزات
الميزة الاولى الرقم يصبح ملكا لك ولاينسحب ابد لمدة عشرة سنوات
الميزة الثانية في حالة التلف اوالفقدان اوالايقاف لبطاقة السيم يتم صرف بطاقة
جديدة فورا ومجانا روح فرع لاند مارك ناس محترمة تطبق النظام بشكل صحيح (عند أمتن واحد فيهم ويلبس غترة وعقال)
لاتروح فرع اللولو في الغرافة عند المصري الاسمر الاقرع تراه يطلب
الرسوم فورا بشكل مخالف للنظام .



حسب كلام مدير الفرع ...

الارقام اللي شريتها باقل من 2000 ريال معرضة للسحب اذا لم تستعمل وما فيها رصيد لمدة 3 - 4 شهور