مدينة الوكرة بدون محطة بترول !!!!!

[وحيد-الشوق]

السلام عليكم

هل يعقل مدينة كبيرة مثل الوكرة مافيها محطة بترول :anger1:

من فتره اقل من شهر تقريبا سكروا المحطة الي مقابل المندرين بعد دوار الصدفة وانت رايح لمسيعيد قلنا معليه بس بعد محطة بترول السيف سكروها :rolleyes2:

وين نروح نصب بترول :anger1: شيء لايطاق بصراحه ومحطة التيسير في الوكير دوم زحمة

يمكن البعض يقول ماعندي سالفه منزل موضوع بس والله من القهرر :weeping:

[قانوني متميز]

مممممم في محطة قدام مجمع ازدان مادري بروة اللي عند مستشفى الوكرة على ما اظن

[GENIUS]

محطة السيف عند دوار الصدفة حاطين لوحة اليوم الصبح مكتوب فيها او معناها ان ما عندهم كهرباء اما المحطة القريبة من مدخل الفرضة فحاليا بتكمل الشهر وهي مغلقة. لكن محطة التيسير على طريق الوكير الله يعين على الزحمة وسواقة الوافدين في تلك المنطقة

[عاهد بن علي]

الله يعينكم

[كتكوت الوحش]

ازمة ومعانه والله واليف تسكرت اليوم شكلهم بيحطون محطه وقود يمكن

[khaldoon]

لا حول ولا قوة الا بالله...... الله يكون في عونكم ......صراحة في اماكن كثيرة بالبلد تستغرب انه ما فيها محطات

[romoz]

و ليش السيف اللي عند دوار الصدفة مسكر !!
ما انتبهت هههههههه
اذا على چذي مالك الا محطة الوكير الله يعينك و يعيننا ؟!!

[الخزرجي قطر]

الله يعينكم اهل الوكره
يمكن مسكرين المحطه للصيانه

[بريق الحق]

اخووي عندك محطة مسعيد هي اقرب محطه ومحد يروحها
بس حاسب اتقوله سوبر يصب لك ممتاز الي هو عادي

[FCB 123]

صج صج مهزلة .. الوكرة مافيها محطة من كم يوم .. والله الحمد لله اني اصب في الدوحة وانا راجع البيت في الوكرة ... والي ينسى ويبي يصب في الوكرة .. بتروح عليه

التيسر على خط الوكير دايما زحمة وموت

الله يعينا إن شاءالله

[اوف ليميت]

السحاب اللي عشق وجه الشمال :d بالزباره حطت المزن الرحال

[الفرحه]

محطة السيف صار لها كم يوم مسكره والسبب كان في حريق بس مادري من وين بالضبط جاي الاعيال الله يحفظهم كانوا في المسجد وارجعوا بسرعة علشان الحريقة بس سيطروا ع الوضع ع طول والحمدلله.

[ساس الوفا]

المحطة اللي جدام المندرين ( محطة عبدالغني ) ومحطة السيف اللي تسكرت قبل لمدة 6 سنوات تقريبا مسكرينهم لانهم بيحولون جميع محطات البترول الى وقود او التيسير فقط ..

هل الوكره عليكم بمحطتنا الاوليه ( محطة سلاح الجو ) يازينها زيناه ( صراف الي + صراف كيوتل + سوبرماركت كبير + كافتيريا + كراج )

دمتم سالمين

[Crown]

والله البارح انتكبت نكبه مب صاحيه توهقت

كنت مستعجل والموتر مصفر بعد التراويح ونسيت ان السيف مسكره واعود واروح الوكير واننقع نص ساعه عشان البترول

[][ الوحيد ][]

محطه عبدالغني (اللي جدام مندرين) صارت حق الدوله و بنشوف متى بيعدلونها ,,
والسيف مايندرى متى بيفتحونها ترى مايصير مدينه بدون محطه !!
و الوكير زحمه !

[jeep-srt8]

انا منك اعبي من الي على طريق ام سيعيد وارد توفر وقت اكثر من الوكير هههههههههه

الله يعينكم ويفرجها قريبا عليكم

[بو آمنة]

لا حول ولا قوة الا بالله

[بوخالد911]

الله وياكم

عندكم الدوحة وامسيعيد

[وحيد-الشوق]

اشكر الجميع على التفاعل والمرور

اتمنى يشوفون لنا حل بأسرع وقت :(

[غزلان]

الله يكون بعونكم

[هجمة مرتدة]

نفس الشيء ينطبق على سكّان المطار القديم . .

يجب على أبناء المطار القديم التوجه إما لمحطة سلاح الجو، وإما لمحطة التيسير- دوار الثمامة، أو للمحطة الموجودة أمام مستشفى العمادي . .

متى ستكون هناك محطة في منطقة المطار ؟

صبرنا كثيراً وما بعض الضيق إلا الفرج، وآمل أن يكون الفرج قريباً !

[هادي QA]

صوب الوكير في محطة + محطة المطار

[alwahesh]

مبروك لاهل الوكره

الله استجاب لدعواتكم وانتهت الازمه على خير


والفضل بعد الله لوزير الطاقه سعادة السيد محمد بن صالح الساده

[وحيد-الشوق]

الحمدلله افتحوها كانت ازمه :(

[ساس الوفا]

تم افتتاح محطة السيف .. وسيتم ازالة محطة عبدالله عبدالغني اللي مجابل مندرين