ما خاب من استشار..!

[شسالفة...؟]

السلام عليكم ورحمة الله وبركاته


إخواني ناوي اشتري سيارة ووقع الإختيار على شفرولية ترافرس وسعرها 145900 الف ريال وهي جلد وفتحتين بالسقف وشنطة هدروليك وغيرها من المواصفات.

والضمان 12 سنة من الوكالة.

ابي رأيكم بالسيارة وتحملها لشوارعنا واجواءنا فياريت تفيدوني عنها قبل لا اشتريها وتطلع شرية فاشلة :secret:

*ملاحظة: أنا لا ارغب في الكروزر ولا تهمني المظاهر وان القطري ما يركب هالسيارات :shy: عشان كذا لحد يعيب في الشكل وانما المواصفات :nice:

[qatara]

عليك بركعتين استخاره

[MLAAS]

عزيزي ، خل المواصفات على صوب ، الامريكي بشكل عام الظهر توقف عند الاشارة المكيف يصير دفايه ، اليوم بتشتريه بقيمه وثاني يوم بتكون خسران فيه مبلغ وقدره
اذا كاتبي الياباني حول ألماني ، ام ال ٦٣ موديل ٢٠١٠ او ٢٠١١ برخص التراب وشكل ومواصفات وعزم

[شسالفة...؟]

عليك بركعتين استخاره


جزاك الله خير والاستخارة ما يبيلها واحد اثنين :omg:

والاستخارة لا تمنع المشورة :shy:

[شسالفة...؟]

عزيزي ، خل المواصفات على صوب ، الامريكي بشكل عام الظهر توقف عند الاشارة المكيف يصير دفايه ، اليوم بتشتريه بقيمه وثاني يوم بتكون خسران فيه مبلغ وقدره
اذا كاتبي الياباني حول ألماني ، ام ال 63 موديل 2010 او 2011 برخص التراب وشكل ومواصفات وعزم

جزاك الله خير ،، بس أنا مش ناوي أبيع وأبي اتركها للبيت وان شاء الله بنكدها لين تودع فنزول السعر مو مهم :secret:

اما الالماني حلو وما عليه كلام ولكن أنا ابي شي من الوكالة :victory:

ولكن مدري هل عليها عذاريب غير المكيف :rolleyes2:

[وحيد-الشوق]

اذا ماتفكر تبيع عقب سنة ولاسنتين توكل على الله واخذها ولو اني ما اعرف شكل السيارة شلون

اتوقع الاكاديا من شركة gmc احلى :)

[Qatar-supra]

زيدها 5 الاف وخذلك تاهو ابركلك
وصدقني التاهو واليوكن والبيكم مافي بعدهم مواتر كد ومكيفيهم ابرك من اليباني

[يراعٌ فراتي]

ترافرس اكاديا ما ادري شنو هاي سيارات تطيح في جبد اللي يشتريها وانا اتكلم عن سوق الدوحة

يمكن لها سوق في دول ثانية

طق لك تاهو او يوكن ابرك لك

التاهو 2012 يبدا من 135 تقريبا
وينتهي ب 200

واشوفه انسب لك من الترافرس
فالنهاية بتبيعه يجيب لك سعر

تاهو ال تي 2 بحدود 160
سعر حلو ومواصفاته مقبولة
وموتر مكدة وكشخة وكراف وعائلي وشبابي يعني بتاع كلو

[ولد المنصور]

معااااك من كل قلبي ... والله نصيحه مثل ماقال اخوي اخذلك تاهو ,,, حتى لو جيت بتسافر الا عندك موتر ....
فكر زين ,,, وحتى لو بتخليه حق البيت ,, حجمه عادي .....

[راس لفان]

السلام عليكم

انا ياخوك استعمل السيارات الامريكية منذ 1997 وماعليها كلام بس تحتاج الى صيانة دوريه واقوى هذيه السيارات الجمس والشفر والدوج اذا بغيتها بر او سفر او سيف ماعندها مشاكل وانصحك بالتاهو الجديد هي السيارة المناسبة للبيت والسفر والرحلات وتخدمك 5 سنين قدام او اكثر واذا العائلة كبير عليك بالسوبربان بدون لاتشاور شوف عيني موديلات 77 و80 لين 85 يكدون على الخطوط
سيارات جبارة بصراحة .


وشكرا

[صقر الجزيرة]

انا مازيد على الاخوان عطوك النصيحة
اذا معزم على الامريكي حسن لك تأخذ
التاهو او اليوكون
والباتوفيق

[alwahesh]

سياره قويه وحلوه واقتصاديه

ولا ما غامرت شركة كروه واستخدمتها اكيد لانها عمليه

[شسالفة...؟]

جزاكم الله خير جميعاً وبيض الله وجيهكم على النصيحة.

بالنسبة للتاهو واليوكن انا عندي بالبيت يوكن فهذي سيارة غير اليوكن والأمريكي جيد واثبت جدارته في الفترة الأخيرة، ولكن انا سؤالي عن هذه السيارة تحديداً لان التقارير التي قرءتها في النت عنها اغلبها جيد من ناحية الأمان حيث حصلت على تصنيف عالي 5 نجوم ومن ناحية صرف البترول فهي تصرف 9 لتر في 100 كيلو فهذا يعني انها اقتصادية في فئتها. وضمان الشركة 12 سنة (مكينة - قير - دفريشن - مكيف).

وانا استشرتكم يا عزوتي يامن تعيشون على ارض قطر عشان اعرف هل هي تتحمل ابلادنا وهل فيها اعطال ميكانيكيه وهل خدمات ما بعد البيع جيدة بالنسبة للوكيل لأن يا أخواني التقارير جيدة ولكن ليس بالضرورة ان تكون صحيحة مع اوضاعنا يعني ممكن جيدة في امريكا وفي قطر لا !!

ومشكورين على التفاعل الطيب :)

[Mody]

الترافيرسا تدري انها 6 سلندر وقومتها ضعيفه

واعتقد مكينة الاكاديا اقوى وهي 6 سلندر ايضا

بس وايد اكشخ وفي منها اكاديا دينالي تجيك فول ابشن وشاشه وغيره

[المحافظ]

شوف اخوي السيارات الامريكية 8 سلندر .. جيدة .. هذا بشكل عام ..
أما 6 سلندر .. فنص و نص ..

[عزووز قطر]

أنصحك بالتاهو
بس فترة الضمان فوق الممتازة دام 12 سنة
يعني لين كأس العالم بإذن الله

الله يوفقك

[ولد قحطان]

اذا تبي بعد خمس سنين تدبل كبدك
خذها
اذا انت مقرقش وتبي تجربها ومايهمك البيع لا تخليها في خاطرك
واذا يهمك البيع لا تقرب صوبها