موقف شفته اليوم في نهار رمضان

[koketa]

اليوم وأنا في طريق العوده للبيت أمر يوميا علي مجمع الفلل اللي جنب محطه بترول المسيله

المهم بالصدفه الا أشوف واحد ما ادري عن جنسيته طالع للشرفه و يدخن ؟

كانت الساعه 1 الظهر ؟

الصراحه المنظر غريب ؟ يعني الساعه 1 الظهر وحر شلون تتطلع في ها الجو تدخن ؟

ولا هاي تصرف متعمد في رمضان

[ابن الوطن]

شكله متخبي من ام العيال ومش عارف ان ربه ورب ام العيال يشوفه..
حسبنا الله ونعمل وكيل

[khalid525]

يعني الريال في بيته واكيد مب مسلم ، مب لهالدرجة عاد ، ياخي

[حسن]

وش دراكم انه مسلم

[shaheen-915]

عادي اخوي اكيد الرجال مسيحي وام العيال خاف منها

[nadeemy]

يمكن ما يكون مسلم وعنده طفل في الشقه ما يبغي ياذيه بالدخان والله اعلم

[ANONYMOUS]

التدخين برع البيت احسن من التدخين في داخله

التدخين في البيت بيضر المرأه والاطفال

[ابداع قلم]

سؤال طيب لو شفت غير مسلم وبيده علبة بيبسي ولا عصير وعلى عينك ياتاجر
لحد يقول لي انه مايعرف رمضان
هذا العلج وش الحل معاه ؟!!

[ريتويت]

حسبي الله ونعم الوكيل

[م. عبدالعزيز]

هذه المحطه اغلب مرتايدها انجليز .. اعتقد المجمعات السكنيه المجاوره لها اغلب سكانها من انجليز واللي يشتغلون بشركات ...

[intesar]

إذا في بيته مالنا حكم عليه.. هو حر..
لكن إذا بمكان عام.. يجب التصرف معاه حتى لو كان غير مسلم..

[الخزرجي قطر]

خير الكلام ماقل ودل.
إذا في بيته مالنا حكم عليه.. هو حر..
لكن إذا بمكان عام.. يجب التصرف معاه حتى لو كان غير مسلم..

[كتكوت الوحش]

هذه المحطه اغلب مرتايدها انجليز .. اعتقد المجمعات السكنيه المجاوره لها اغلب سكانها من انجليز واللي يشتغلون بشركات ...

صحيح واغلبهم مش مسلمين

[chillis]

يمكن الرجال مهب مسلم واغلب الي يسكنون هالمجمعات اجانب بس اشلون شفتيه من بعيد ههههه ماشاء الله

[محمد سعيد]

عندنا في الدوام يدخنون ويشربون كافي بعد بس موب قدامنا

[عزووز قطر]

والله ياخوي دامه في بيته مالك حق تكلمه
يمكن عنده أطفال وخايف عليهم من ريحة الزقاير
وماأظن أنه متعمد

لكن لو شفته في الشارع لك الحق أنك توقفه وتكلمه
والله يتقبل صيامنا وقيامنا

[Cooki]

طيب.. وبعدين

[آنــه]

وايد تكبرون المواضيع

اول شي .. شنهو الأذى اللي سببه لك انه يدخن في شرفة بيته ؟؟
ثاني شي .. اهو في بيته الظهر الصبح العصر الفير يدخن حزة ما يدخن مع أني ما أحب أشوف الناس وهي تدخن ولا أدراني التدخين ولا الدخان لكن موضوع ماله اي ذاعي وان كان يشرب زاو يأكل قدامك ما لك حق تمنعه

ما ادري شتبون تولون له :(

[aaa333]

بيته .. فهو حر :)

[امـ حمد]

يمكن والعلم عند الله مايكون مسلم

[Class - Qtr]

سؤال طيب لو شفت غير مسلم وبيده علبة بيبسي ولا عصير وعلى عينك ياتاجر
لحد يقول لي انه مايعرف رمضان
هذا العلج وش الحل معاه ؟!!

السلام عليكم

هذا تقول له هالكلام ,,

قطر دوله مسلمه وحاليا شهر رمضان بالنسبه للمسلمين ولذالك لاياكل ولا يشرب المسلم

في نهار رمضان وقطر لاتسمح بغير المسلم الاكل او الشرب في نهار رمضان في الاماكن

العامه لذالك الرجاء منك احترام خصوصيه هذا الشهر وعدم الاكل والشرب في الاماكن

العامه لعدم حدود حرج لك من الاشخاص او المسوولين في هذا البلد وللعلم جميع من

يعيش على قطر من غير المسلم يحترم خصوصيه هذا الشهر لذالك لا احد يااكل ويشرب

في العمل او الاماكن العامه احتراما لهذا البلد واحتراما لخصوصيه هذا الشهر

وتنهي كلامك باابتسامه

[captin]

إن كان غير مسلم وفي بيته وما ضر أحد
ذنبه على جنبه وله رب يحاسبه.
التدخين في البلكونة يعتبر في حدود المنزل , ما طلع للعامة رافع السيجارة يتحدى
الصيام والناس في الشارع.

وإن كان مسلم ومتخبي من اللي معاه في البيت وطالع يدخن في البلكونه
الله يهديه ويرده إلى الصواب والاستقامة.

[LiL iNVe$ToR]

صراحه موضوع مضحك والكل فاته نقطه مهمه...

عيونك عالشارع ولا على بيوت العالم ؟ هل متاكد انك صايم ؟

[abdo222]

إن كان غير مسلم وفي بيته وما ضر أحد
ذنبه على جنبه وله رب يحاسبه.
التدخين في البلكونة يعتبر في حدود المنزل , ما طلع للعامة رافع السيجارة يتحدى
الصيام والناس في الشارع.

وإن كان مسلم ومتخبي من اللي معاه في البيت وطالع يدخن في البلكونه
الله يهديه ويرده إلى الصواب والاستقامة.

بكل بساطه,, كلام سليم

[bos3eed]

في كل الاحوال ماشوفه شي غلط, اذا طلع يدخن لانه مايبي يضر اهل بيته فها الشي زين, واذا طلع يدخن لانه يبغي يقهر المدخنين الصايمين فها الشي بعد زين, من قالهم يدخنون احسن خلهم يحسون ويقطعون الدخان

[ريتويت]

صراحه موضوع مضحك والكل فاته نقطه مهمه...

عيونك عالشارع ولا على بيوت العالم ؟ هل متاكد انك صايم ؟

ولين تحط انت فذمتك انه عينه علي بيوت العالم متاكد انت بعد انك صايم؟؟

[حسن]

ياجماعه يمكن الرجال كوفتس

[koketa]

سؤال يعني عادي ياكلون ويشربون في رمضان ؟ حتي لو مسيحي ؟

[بوخالد911]

مسكين عباله بالليل

[وحيد-الشوق]

امس وانا واقف صوب صيدلية خلود في الوكرة الساعة 5 قبل المغرب مر اسيوي يمكن هندي المهم في يده سفن ويشرب قدام العالم

هل يحق له حتى وهو كافر يشرب في نهار رمضان !!

[عزووز قطر]

امس وانا واقف صوب صيدلية خلود في الوكرة الساعة 5 قبل المغرب مر اسيوي يمكن هندي المهم في يده سفن ويشرب قدام العالم

هل يحق له حتى وهو كافر يشرب في نهار رمضان !!

مايحق له وتقدر توقفه وتكلمه ،،، واذا لك بارض توصل الموضوع للجهات الامنية لك الحق في ذلك وأتوقع فيها غرامة مالية على الهندي،،،

[Qt.1]

حتى لوكان مش مسلم بس بعد يحترم البلد الي اهو فيه ,,

[LiL iNVe$ToR]

ولين تحط انت فذمتك انه عينه علي بيوت العالم متاكد انت بعد انك صايم؟؟

ماحطيت في ذمتي ..وردي كان سؤال ..

ولا عادي الواحد يتمشى وعيونه على خلق الله وفي بيوتهم وفي رمضان بعد ؟

[أسير الاسهم]

يعني فالدوام عندنا كل الموظفين الأجانب يآكلون ويشربون .. وأكياس داخله واكياس طالعه .. ومحد يقولهم شي ... عاادي

[تاجر]

انا اقول ما شاء الله عليك .. وانت تسوق منتبه حق الشارع والرجال اللي فوق وانه كان يدخن ! يمكن مسواك !!

[الرويـس]

يمكن يمثل دور في مشهد توعوي ؟

[العربية نت]

هههههههههه الناس قامت تستغرب من كل شئ مع ان الامر عادي جداً
اكيد انه غير مسلم وثانياً التصرف الي قام به هو الصح التدخين خارج المنزل افضل لان الضرر بيكون على المدخن فقط عكس المدخن داخل المنزل :eek5::omg:

[الحال مايساعد]

ماعتقد إنه متعمد ، خلنا نقول جاهل بالأمور
والواجب عليك توعية هالفئة !!

[دااانة قطر]

دوختوني

ممكن دليل ان مايجوز لغير المسلم يااكل ويشرب في نهاار رمضاان مرااعاة لمشااعر الصاائمين
طيب واذا شفنا مسلمين يفطرون بحجة انهم مرضى سكر وغيره جداامنا شنسوي ؟؟!!

ولا اللي يحطون لك بجواالاتهم نغماات أغااني وموسيقى وهم مسلمين وعرب وحنا صاايمين شنقولهم بعد


دليل لو سمحتوا للفئه الأولى

[الفا برافو]

انا شفت اكثر من مره من يدخن بسيارته على شارع الكورنيش في نهار رمضان ولا عنده فيهاا...
طبعا اجانب ..
:/

[آنا غيــر]

هههه شدعوه حتى ذي بتستغربون منه

[صـــــدق]

انا شفت واحد عربي واقف على دوار في معيذر يدخن ولاهمه الساعة 11الصباح وخليته مابي اجرح صيامي

[جبر ال جبر]

انا شفت واحد داخل بيته الظهر من ورا الدريشه يدخن هالشي عادي ولا مب عادي؟
ياخي من راقب الناس مات هما يمكن مب مسلم يمكن مريض يمكن على سفر
انا شفت الموضوع من اسبوع واستغربت انه وصل اكثر من 40 رد