بسافر الصين من اجل تاثيث البيت ( ابغي الافاده منكم )

[محمد11]

السلام عليكم
ان شاء الله انا رايح الصين اخر 8 ف حبيت منكم تنصحوني بالفنادق الممتازه والاسواق الخاصه للاثاث والسراميك الاكسسوارات وكل مايخص الاثاث النوعيه الممتازه

وايضا من ناحية الشحن الطريقه وكم اسعار الكونتينرات

وايضا طريقة الدفع او الصرف شلون الكاش او البطاقة او تحويل العمله

وناحية الاكل

وابغي منكم نصائح بالمكاتب الامانه

طبعا انا متجه الى ( جوانزوا )

[هارودز]

بالتوفيق انشاءالله و الاعضاء مابيقصرون معاك

[فريج النجادة]

نصيحة مجرب لا تروح

1- الشحن جدآ غالي اصغر شاحنة ب 10 ألف ريال

وكل الموجود في الصين موجود في السعودية

وربع سعر قطر والشحن 1500 ريال الى قطر

ادخل على تشطيب بيت العمر من الرياض

http://www.qatarshares.com/vb/showthread.php?t=287460&highlight=%C7%E1%CA%D4%D8%ED%C8+%C7%E1%D1%ED%C7%D6

[آنــه]

انا بعد انصح ب عدم الذهاب للصين
اخبر وايد ناس راحوا الأسعار كانت وايد غاليه
والا يغشونكم بالأعراض ما يحطون لكم كل القطع اللي شريتوها

شفيها قطر و شفيها السعوديه والا الكويت بعد و البحرين
كلهم فيهم اشكال وارناق من الأثاث

[ابتسامة ليل]

بالتوفيييييييييييييييق

[ماجد البدر]

نصيحة لاتروح لو حسبتها عدل بتلاقي المصاريف زادت عليك والحجز لازم كنتينر كامل اضافة الى انه قد تصلك البضاعة غير المتفق عليها حتى عند احسن مكتب
روح السوق الصيني في دبي افضل لك واضمن ترى اغلب التحرا يشترو من الصيني في دبي اوفر لهم

[alwahesh]

روح واستانس وعلى الاقل خذ فكره

انا رحت هناك والاسعار في بعض المحلات معقوله جدا وخاصه وقت التنزيلات والعروض

بس المشكله في الجو والامطار الموسميه قويه وغزيره

وفي شارع كبير نسيت اسمه فيه كل المطاعم الاسلاميه ( حلال ) مع وجود اماكن للصلاة

مشوي ومندي ومضبي ولحم صغار وحاشي وكل شي

والحياة عامة رخيصه - الفنادق من 300 ريال 3 نجوم

[canOon]

فندق اسيا

[بوNasser]

روح وخذ فكرة، والاسعار حسب الجودة
وبعدها روح السعودية قارن الاسعار والجودة وقرر.

[الشلهوب]

اسعار الاثاث بالصين على حسب جودة الاثاث فية رخيص وفية غالي حسب الجودة والسكن ممكن في فندق اسيا انتر نشونال 5 نجوم ب 100 دولار مع الفطورو ممكن تاخذة من المطار باكوانزو اودلليل الصين مدينة كوانزو وتاخذ رفمة من الدليل وتحجز . وعلى طول الشارع الذي يقع علية الفندق سلسلة مطاعم عربية اما مكاتب تخليص يفضل ان تاخذة من عند احد الاخوان سبق التعامل وياة وهنا بالصين المكتب هو بياخذك على محلات الاثاث والسراميك واي محلات تريدها والمكتب بياخذ منك 5 بالمائة من المشتريات . الله ايوفقك اتروح وترجع بالسلامة انشا الله

[diab911]

انا رحت منطقه اسمها يانزو مب جوانز في الصين
منطقه مافيها عرب كلهم صينين واجانب بصراحه راح تدوخ من الاثاث الراقي
واسعارهم معقوله جدا على الكوالتي

[Abdullah_89]

انصحك تروح الرياض

نفس اللي فالصين بتلاقيه فالرياض وفرق السعر بسيط جدا مع التوصيل لقطر

[مبارك سعد]

أنصحك لاتروح
الصيين قبل ثلاث أو أربع سنوات صحيح رخيصه ، أما الحين مايحتاج تروح عندك السعوديه ( الرياض ) أبرك وأرخص ويمكن يكون بنفس التكلفه
وشكــــــــــرآ .