فلم قصير كلنا سوريا تمثيل واخراج مجموعه من الشباب القطريين

[Bu-Khalid]

السلام عليكم و رحمة الَــلّــه و وبركاته

فلم قصير كلنا سوريا

تأليف محمد الملا

إخراج مّحُـَِمٍدً الزيارة

مونتاج مّحُـَِمٍدً إلحمادي

تصوير مّحُـَِمٍدً إلحمادي مّحُـَِمٍدً الزيارة

تمثيل:
سلطان السعدي
محمد الزياره
عبدالله الزياره
عبدالرحمن تلفت
عبدالله الملا
ناصر البكري
ناصر الجناحي
عمر الجميلي
عبدالعزيز البكري
نواف البكري

أول تجربة مونتاج ؤ إخراج و تصوير
نرجوا ان ينال إعجابكم‬

http://youtu.be/lmJTfLbfRY4


اذا في مصورين محترفين وناس يعرفون يشتغلون على المونتاج ياليت يكلموني عالخاص حق تمثيل افلام قادمه ان شاء الله

والسلام عليكم ورحمة الله وبركاته

[رُفق المجنّا]

الله يعطيكم العافية

كبداية ممتاز ، وان شاء الله في المرات القادمة تقدمون الافضل ، تابعوا اليوتيوب واستفيدوا من خبرات وأخطاء غيركم

واعتمدوا ع المضمون والأدوار


موفقين

[اوف ليميت]

الفيديو جيد..ك بدايه موفقين فيه
بس ياشباب..حالوا تتصرفون شوي بعفويه اكثر..في كذا مقطع الاحظ التصلب او ثقل بالحركه للبعض..بس حلو..لأانه اول مره ..بس المرات الجايه باذن الله افضل وافضل

رسالتكم اوصلت


:]

[Bu-Khalid]

الله يعطيكم العافية
كبداية ممتاز ، وان شاء الله في المرات القادمة تقدمون الافضل ، تابعوا اليوتيوب واستفيدوا من خبرات وأخطاء غيركم
واعتمدوا ع المضمون والأدوار
موفقين

الله يعافيك

ان شاء الله

[Bu-Khalid]

الفيديو جيد..ك بدايه موفقين فيه
بس ياشباب..حالوا تتصرفون شوي بعفويه اكثر..في كذا مقطع الاحظ التصلب او ثقل بالحركه للبعض..بس حلو..لأانه اول مره ..بس المرات الجايه باذن الله افضل وافضل
رسالتكم اوصلت
:]

ممكن تقولي فوين كان التصلب في اي دقيقه

ولاهنت اخوي عالنقد

[اوف ليميت]

ممكن تقولي فوين كان التصلب في اي دقيقه

ولاهنت اخوي عالنقد

افا عليك تامر امر

1- الولد اللي يهتم في عمه وكله قاعد وياه
2- اثناء التبرع بالمال في الصندوق
3- فالمجلس محاولة التفكير بسرعه فيما يسنطق قبل نطقه (شي صحيح) لكن سبب ارباك مما أدى الى ان البعض حاول ان "يقز" الكاميرا..في كذا مكان كذا شخص نظر للكاميرا عن غير قصد..

انسوا في كاميرا
انسوا الجديه في العمل من حيث (ننتبه للغه ننتبه لحركة اقدامنا ننتبه للقعده او للبس وجذي)..خلكم على سجيتكم .. وعقب المونتاج بيسوي اللي يبي وبيقص وبيعدل ع راحته


ملاحظه.. انتبه مما تألفونه .. لان في شغلتين
1- يا انك توصل معلومه وخلاص
2- يا انك توصل معلومه + بالاضافه الى تنبه الناس عن طريق نغزات خفيفه على مايدور بأوساط الشباب ;p

لكن عمل جميل لاتحاتي

[قطري كاشخ]

الله يعطيكم العفيه شباب ويجعل ماقدمتم في موازين حسناتكم
صراحه ممتازين وخطوة اولا تشكرون عليه وننتظر المزيد
وعلى نفس المنهج

[m_taha123]

شي جميل انا اقدر اساعدك بالنشر

[qatari 111]

بدايه طيبه منكم .. وان شاءالله راح تتعلمون مع الايام .. ولكن الرساله ممتازه للشباب وغير الشباب .. وفكره ممتازه

الله يعطيكم العاقيه

[intesar]

يعطيكم العافية..

[alsoq]

تحتاج الى خبره اكثر المحترف يعمل وكانه لا يوجد كيمرا او ضغوط عليه
اخرج مره مرتين لين يتعودون الشباب على الاتقان
مو شرط من اول بروفه كرر لحد ما تحس انك وصلت للي تبيه

[بوعلي2]

فكره جميله وتابعت الفيديو عجبني كبدايه

شكرا لكم وبانتظار جديدكم

[الخزرجي قطر]

الله يوفقكم ان شاءالله بدايه طيبه للشباب

[Scorpion]

أخوي كبدايه لاباس..

بس في اخطاء اخراجيه بالجمله، مافي مشاكل الكل يتعلم وبكرا تصير احسن..

باختيار الممثلين، لازم تختار الشخص المناسب للدور المناسب، بمعنى عمهم لازم يكون "عم" يعني شيبه، مب نفس فالفلم يمكن اهو اصغرهم!!

اخيرا، لاتنسى شنطه الكيمرا على السياره وانت تصور واتاكد من كل مشهد عقب التصوير :)

تحياتــي..

[Bu-Khalid]

ياجماعه تره احنا على قدنا لامحترفين ولاشي وشغل بسيط وتصوير المشاهد كلهم فيوم واحد

يعني شغل عالسريع ولابد تكون فيه اخطاء

ومن وين بجيب لك رجال كبير فالسن بيقعد معانه وتصوير فالحر

يعني هاي عمل شبابي ومتواضع ولاهنتوا كلكم عالرد

[khalid525]

استنروا يا شباب الله يوفقكم ،وخذوا ملاحظات الناس كحافز لكم