تشققات صبيه العازل ...... عاديه ولا ؟

[كبير المتداولين]

جزاكم الله خير

ظهرت عندي تشققات بين الفواصل في صبيه العازل وكلمت شركه العازل يقولون شي عادي ,اهم شي مافي تسرب للماء شرايكم لازم يعالجونها ولا عاديه وتصير . وشنهي طرق علاجها اذا في مواد مثلا يستخدمونها في حلها

وشاكر لكم:)

[السد]

اشتشير
شركة ابناء المسند للعازل
عندهم خبره في هذه الاشياء

[معماري قطري]

اشتشير
شركة ابناء المسند للعازل
عندهم خبره في هذه الاشياء

صحيح كلام الأخ السد

وأحب أضيف إن الطبية الأخيرة اللي حامية العازل هي أصلاً تنعمل بفواصل كل مترين ونص أو ثلاثة أمتار في كل إتجاه، وإذا جاء التكسر أو الإنفصال في هذه الفواصل فهذا شيء عادي بس لازم ينقص مكانه بحدود 1.5 سم ويوضع مكان القطع ماستنغ سيلنت خاص.

وكتجربة لمتانة الصبية اللي فوق العازل نلبس حذا بكعب حاد ونمشي مشي عادي على الصبية وخصوصاً على الأطراف، فإذا تكسرت بسهولة فهذا يعني عمل غير مهني ويجب إزالة هذه الصبية وعمل غيرها بسُمك لا يقل عن 5 سم حتى لا تتكسر الأطراف، وهذا مع ملاحظة النهايات المعمولة قرب مخارج الماء للتصريف فهذه لها تفاصيل وطريقة عمل لا يتقنها الكثيرون.

أما إذا طلعت لنا تكسرات في وسط الصبية وبعيدة عن الفواصل المعمولة أصلاً فهذا بيشكل مشاكل مستقبلية وممكن تسريب، وكذلك الكسور في الأطراف اللي تكون ناتجة عن قشرة خرسانة ضعيفة تقل عن 5 سم مما يجعل كسرها سهل جداً حتى من الضغوطات الحرارية، ففي رأيي هذا مخالف لأُصول الصنعة ومخالف للقوانين القطرية ويتوجب إعادة العمل بالطريقة والمواصفات الصحيحة.

[khaldoon]

اقل سماكة لطبقة السكريد اللي هي صبية العازل 5 سم و كل ما قلت السماكة كانت مثل القشرة او كسرة الخبز و سهلة الكسر من اي حمل عليها

عند الفواصل اكيد بتصير شقوق لانه السيلانت sealant اللي محطوط بسماكة قليلة جدا فوق ما يسمى leveling battens و يمكن يكون من مادة ليست shrinkage material و هذا خطأ و يسبب تشققها ..... لازم يكون ال non shrinkage sealant فما يتشقق عند الفواصل.... على العموم الموضوع ما يخوف اهم شي انه العازل المائي بخير و الضمان يكون 10 او 12 سنة

[كبير المتداولين]

الصبيه قويه ماشاء الله ومافيها تكسر وبالعكس صلبه بس فيها تشققات اخاف يدخل منها الماي وينزل عالسطح والضمان معطيني 10 سنين شركه يونيكون ليمتد وقالو لو صار تسرب بنصلح لك بس تشققات مانضمنها .

[khaldoon]

الصبيه قويه ماشاء الله ومافيها تكسر وبالعكس صلبه بس فيها تشققات اخاف يدخل منها الماي وينزل عالسطح والضمان معطيني 10 سنين شركه يونيكون ليمتد وقالو لو صار تسرب بنصلح لك بس تشققات مانضمنها .

الماي بيدخل من خلال الصبية سواء فيها تشققات و الا ما فيها تشققات.....صلبة او غير صلبة لان الصبية اصلا مب مقاومة لتسريب المياه

اهم شي العازل المائي اللي تحت الصبية و كل ما كانت الميول منفذة بشكل صحيح و كبيرة فما راح تخلي الماي اللي ينفذ من الصبية انه يستقر فوق العازل لفترة طويلة

ضمان 10 سنوات ممتاز

[قطر دزاين]

شوف قبل هل هم سوو ارضيه ناعمه قبل يسون العازل او لا لان بعض الشركات تحط لك العازل بدون صب صبيه ناعمه علشان ما يتضرر العازل وهذا شي يطيح فيه اكثر الناس قبل العازل خله يصب صبيه ناعمه ماتكلف 7000 ريال بس اضمن لك معا الوقت

[اداري]

بالتوفيق

[معماري قطري]

شوف قبل هل هم سوو ارضيه ناعمه قبل يسون العازل او لا لان بعض الشركات تحط لك العازل بدون صب صبيه ناعمه علشان ما يتضرر العازل وهذا شي يطيح فيه اكثر الناس قبل العازل خله يصب صبيه ناعمه ماتكلف 7000 ريال بس اضمن لك معا الوقت


أصلاً من أساسيات شغل العزل المائي إنه ينظف الصبية الأصلية ويركب العازل على أرضية ناعمة.

لكن الأضمن للكل إنه يسوي العقد بالنسبة لعازل السطح على أساس إنه أول يسوي صبية بميول معين وبسمك لا يقل عن 5 سم مثلاً وبعدها يوضع العازل، مع ذكر المواصفات كاملة وتفاصيل النهايات ومخارج الماء وغيرها من طبقات عزل وحماية أُخرى.

[alsoq]

يا ربع انتبهو الاشياء المهمه لا تخليهم يركبونها الى موافقتك ترى ذمه عند البعض معدومه اهم شي يوفر كم الف