حد عنده خبرة في ديزني لاند باريس يفيدنا ؟

[khalid525]

السلام عليكم ،

عندنا عائلة من 7 اشخاص ممكن حد يعطينا اسماء فنادق او شقق سكنية تكون قريبة حيل من ديزني باريس ؟ ويعطيكم الف عافية

[للصبر اخر]

في عندك فندق والت ديزني نفسه
وفي فندق نيويورك وفندق نيوبورت
وفي منتجع الماريوت يبعد عن والت ديزني مسافة 10 دقايق بالسيارة

[khalid525]

شكرا اخوي بس هل فيه فنادق فيها شقق فندقية ؟

[Chambray]

هلا اخوي
حدد الوقت الي بتروح له ..
في شقق فندقيه دايماً اسكنها بسبب قربها للمجمع والمطاعم .. محطة وحده بالمترو حتى ديزني
بس مشكلتها بدون تكييف

ومرة سكنت في شقق فندقيه وايد حلوه وعجبتني لكن شققهم عبارة عن غرفه وصاله تكفي ل 4 اشخاص فقط
طفلين وزوج وزوجته .. لكن شقق على كيفك :)

عطني الوقت الي بتروح له خلني اشوف توفر الشقق ..

واذا تبي النصيحه احجز في فلل الماريوت .. منتجع وفلل حلوه وامان وعائلية


اما فندق ديزني ونيويورك ديزني اسعارهم غاليه وهم عبارة عن غرف فندقيه

[معماري قطري]

والله أحلى شيء دزني وورلد اللي في أورلاندو فلوريدا

صج شوي حر بس غيم ومطر رحناها كعائلة حول 5 مرات وآخر مرة سنة 2009 والزين فيها رخص الأسعار، والمدينة سياحية تشوف فيها مختلف الجنسيات، وتحصل نوعيات كثيرة من الشقق والفنادق وكلها مستويات راقية ونص أسعار دبي .. إحنا سكنا سنة 2009 في شقة في الدور الرابع في مجمع كبير وتطل على بحيرة ونافورة، وكانت مجهزة تجهيز كامل ثلاث غرف كبار والغرفة الرئيسية فيها جكوزي كبير حق شخصين، وكانت بسعر 145 دولار، وهو ممكن غالي على الأسعار هناك، وعطلة أمريكا للمدارس تنتهي 20 8 وتكون دزني سواءً اللي في لوس أنجلوس أو فلوريدا مب زحمة.

السنة قررنا نروح صوب لوس أنجلوس وهذي أول مره، وجو كاليفورنيا عجيب في العشرينات يعني، وبنكون هناك إن شاء الله في 20 8 على الإماراتيه 15 أو 16 ساعة سمته وحده.

[canOon]

شقق الماريوت

[bo ahmed]

انا حجزت على فلل الماريوت ثلاث غرف نوم و قريبه من ديزني

[qatarshark]

اخوي هاي موقع الماريوت على البوكينغ
http://www.booking.com/hotel/fr/marriott-s-village-d-lle-de-france.ar.html?label=gog235jc;sid=16b6fda200d3d09a d0d5a904de310c1d;dcid=1

[أسير الأحلام]

هلا اخوي ... اعتقد ان فندق الماريوت مميز وفيه فلل

[يحفظك ربي]

احلى شي الماريوت فلج وعائلي ومكانه حلو وامان

[جوهرة قطر]

احلي شي الماريوت قريبه من ديزني وسعرها حلو والشتل يوديك ويجيبك وأحلي شي ان المكان هادي

[OM_OMAR_QATAR]

فيه اكثر من خيار ، في فنادق في داخل مدينة دزني وفي خارجها لكن قريبة جدا
عادة ماتكون اسعارها مبالغة ومرتفعة
فممكن ان تحجز فيها بالاخص لو حاب تزور دزني لاند لاكثر من يوم

والخيار الاخر انك تسكن بباريس نفسها وفي قطار خاص يوديك لدزني بعد ان تشتري التذاكر وترجع لفندقك
اعتقد القطار 40 دقيقة انت فدزني

[suwaidi7]

بالتوفيق إن شاء الله