ظاهرة ( الشيل )

[السد]

السلام عليكم ورحمة الله وبركاته

كما تعلمون بان ظاهرة رفع المركبة على اطارين او ما يسمى بـ ( الشيل ) ظاهرة خطرة وتظل فئة من الشباب تفتخر بممارستها هذه الظاهرة ..حتى ان الاطفال صاروا يتخذون ممارسين هذه الظاهرة كقدوه

وفلان شل وفلان مادري شسوا ..

نتأمل شوي في الموضوع ونفكر فيه..

الفايده من الشيل؟؟

كم شخص راح ضحيه هالظاهرة ؟

كم شخص انشل بسبب هالظاهرة ؟

هل الموضوع رغبة في الموت ؟

هل الشيل عقدة أو هروب من مشاكل الحياة ؟

قال تعالى ( ولاتلقوا بايديكم الى التهلكه) صدق الله العظيم

وصدق الشاعر يوم قال
لا تحسب التفحيط يا جاهل فنون *** مع جدعت الموتر يمين ويساره
كـم واحد باسبـابه اليوم محزون *** وكم واحد راحت حياته خساره
وكم واحد خلف لاطفال يدعون *** باسمـه وهـو عنهم بعيدٍ مزاره
هـذا يبي دفـتر وهذي تبي لون *** وزوجـه ترمّل بعـد موته بداره
وكم من بري حاله اليوم وشلون *** اتبـدلت عـقب الحـلا بالمراره
باسباب جـهَّل للمواتر يسوقون *** لا رخصة بيده ولا ايضا استماره
واطفال همَّل في الشوارع يدورون *** ومـع صغر سنه باليمين الزقاره
واليا سألته ليه تفحيط وجنون *** جالـك جوابه ذاك فن ومهاره


ونتركم مع الصور الماخوذه من أحدى المنتديات
وهي لشيل الشباب في المنطقة الصناعية في شهر رمضان المبارك

http://im24.gulfup.com/2012-07-31/1343740484561.jpg (http://www.gulfup.com/show/Xs5olestl3m88s)


http://im24.gulfup.com/2012-07-31/1343740484142.jpg (http://www.gulfup.com/show/X9dw74zuzbxoo48)


http://im24.gulfup.com/2012-07-31/1343740484663.jpg (http://www.gulfup.com/show/X9dw74z0fjmskkw)



http://im24.gulfup.com/2012-07-31/134374048444.jpg (http://www.gulfup.com/show/X9dw7532oqy8s00)



http://im24.gulfup.com/2012-07-31/1343740484956.jpg (http://www.gulfup.com/show/X9dw755t9638co8)

http://im24.gulfup.com/2012-07-31/1343740484307.jpg (http://www.gulfup.com/show/X34mqdqp7w9wkgk)

الشباب محتفل بالفوز !!
http://im24.gulfup.com/2012-07-31/1343740484519.jpg (http://www.gulfup.com/show/X9dw75aym9n8cs0)

وهنا شردة الشباب


http://im24.gulfup.com/2012-07-31/1343740484685.jpg (http://www.gulfup.com/show/X9dw754wa44sook)

واخيرا جاءت شرطة الفزعة
http://im24.gulfup.com/2012-07-31/13437404841410.jpg (http://www.gulfup.com/show/X9dw74mbirmcc0o)


:: الموضوع مفتوح للنقاش وايجاد الحلول المناسبة لهذه الظاهرة ::

[الشيخة شيوخة]

وش نقول كلها هباله
يعتقدون ان هذا رجوله
و حب لفت الانظار

[ريتويت]

قمه الجهل

[ابداع قلم]

احلى صورة .. صورة الشردة
escape
ماتشوف الا والغبرة وراهم
بس مو كنك نكبتهم نص الشباب اللي بالصور
صورهم واضحة
اللي مسوي حبتين وهو متربع واللي متلطم ووجهه مبين (( عباله محد بيعرفه ))
يعني رسالة واضحة لتحريات المرور !!

[بوعلي2]

الله يهدينا جميعا لما يحبه ويرضاه

[حسن]

اذا تبي تعالج هذه الظاهره اول عالج اهاليهم وبعدين بتقضي
على جميع الظواهر مهب ذي وبس

[Rashid554]

جــنـــقـــل

[الشامخ]

الاسباب حب التميز واظهار الشجاعة وعدم الخوف واظهار فنون السواقة وطبعا المشجعين والمصورين والفراغ.

الحلول ايجاد ساحة خاصة للاستعراض وبسيارات مجهزة ولا تستعمل الا في الساحة . وتاجير السيارات ذات مواصفات خاصة سيفتي وتستعمل فقط في الساحة . عمل نشاطات وسباقات متنوعة للشباب . يلحق بالساحة كراجات خاصة بالشباب وشرط اللي يشتغلون فيها شباب قطريين مع خليجين ومايحصل الكراج حتى ياخذ دورات في ميكانيا والكهرباء وهنا سيتم اكتشاف مواهب قطرية ومخترعين قطريين في مجال السيارات.

انشاء منطقة خاصة في العديد يكون فيها عدم السماح لاي سيارة بالاستعراض الا بعد التاكد من مواصفات السيفتي وتنظيم السباقات فيها وعمل منطقة خاصة بالجمهور والمصورين

[مشعل العطاوى]

اللي مسوي حبتين وهو متربع

حبتين

ههههههه .. وصلتكم من السعوديه

اغلبية الناس يقولوها ولا يعرفون معناها للااسف ..

حبتين :

كلمه قبيحه جدا وتخص متعاطي المخدرات .. وكانت شفره بينهم قبل ان تنتشر

وكان معناها انا اريد مخدرات وطفران ماعندى فلوس

وكان المقصود بالحبتين هى حبوب الكبتاجون او اى نوع اخر ... نسأل الله السلامه والعافيه وان يشفى

من ابتلى بها



----

[airbus]

ادا تشوف الموضوع الاصلي المصور مطلع جميع ارقام المواتر من اول رمضان

[حسن]

لو عندي صلاحيه لادك هذه الحلبه دك بس قبضوني شيول وبتشوفون
وثانيا اي واحد من الشباب يسوي هل الرحركات على طول محميه العريق
ولا صبخه الخرايج جزاء واصلاح وتنظيف الاسياف والبر لمده من شهرين
الى سنه مع النفاذ ومحاضرين قطرين في الدين وشياب حق
يعلمونهم السنع والواجب

[عاهد بن علي]

لو عندي صلاحيه لادك هذه الحلبه دك بس قبضوني شيول وبتشوفون
وثانيا اي واحد من الشباب يسوي هل الرحركات على طول محميه العريق
ولا صبخه الخرايج جزاء واصلاح وتنظيف الاسياف والبر لمده من شهرين
الى سنه مع النفاذ ومحاضرين قطرين في الدين وشياب حق
يعلمونهم السنع والواجب

بعد انت ما يحتاج حق تنظيف الاسياف جاهز !!!!!!!!!!!!!!!!!!!!!
بس تنطر اشاره

[السد]

اذا تبي تعالج هذه الظاهره اول عالج اهاليهم وبعدين بتقضي
على جميع الظواهر مهب ذي وبس

كيف تتم معالجة اهلهم بنظرك ؟؟

[حسن]

بعد انت ما يحتاج حق تنظيف الاسياف جاهز !!!!!!!!!!!!!!!!!!!!!
بس تنطر اشاره

على الاقل فيها فايده المحافظه على جمال البيئه
مهب اقعد اذي خلق الله في الشوارع ولا ازحق روحي ولا اخرين غيري مالهم ذنب مساكين وغاث السلطات الامنيه ومشغلها

اخ بس لوالصلاحيه بيدى

[عاهد بن علي]

على الاقل فيها فايده المحافظه على جمال البيئه
مهب اقعد اذي خلق الله في الشوارع ولا ازحق روحي ولا اخرين غيري مالهم ذنب مساكين وغاث السلطات الامنيه ومشغلها

اخ بس لوالصلاحيه بيدى

اتمنى يا بو محمد يعطونك صلاحيه بس ( ربع ساعه )

[الخزرجي قطر]

الله يهديهم ان شاءالله

[khaldoon]

الله يهديهم و يصلح حالهم على هذه الحركات الخطيره .... شغل مراهقة الصراحه..... بس رووووعه:secret:

[مشعل العطاوى]

للقضاء على الظاهره يجب عمل مايلي :

اولاً :

تجريم هذه الظاهره واعتبارها جريمه يعاقب عليها القانون بعقوبات رادعه

ثانياً :

اقامة الدورات التوعويه والنشرات المحذره من هذه الظاهره

ثالثاً :

مراقبة التجمعات والاماكن التى يتم فيها هذا الامر

رابعاً :

محاولة القبض على كبار الشباب الذين يقومون بهذا الفعل حتى يرتدع البقيه

خامساً :

منع ومحاولة تفريق اى تجمع او اغلاق مكان تجمعهم الدائم بكل السبل المتاحه

كوضع دوريه او صبات اسمنتيه .. فعندما يغيب الجمهور والمشجعين فاان الشخص

الذي يقوم بهذا الفعل يفقد عزيمته ويعرف ان مايقوم به بلا معنى ومضيعه للجهد والمال والنفس .


والله يهدى شباب المسلمين

[بوطويشم]

السلام عليكم

موهبة + فراغه= تهور

فالمفروض يفتحون الساحة للشل مب بس للأستعراض

ويكون عليها جوائز وحركات و هالشي راح يقلل من نسبة الي يشلون فالشوارع

[غايه الطواش]

الي يستنكرون يوم كانو مراهقين ماسوو هالحركات !!
صحيح اني ضدها بس ضد الي يتهم تربيتهم ...
من استوت البلاد وهاي الظاهره متوارثه جيل بعد جيل ..
بكره يكبرون ويعقلون .....

[بـن عدوان]

كلها فترة وبيكبرون وبيصيرون من الطيبين ....

[عزووز قطر]

الاستعراض والشيل يمارسه أغلب الشباب في كل دول الخليج
ولو تشوفونهم في السعودية يمارسونه بشكل اخطر وبتهور أكثر وفي شوارع رئيسية

بس شبابنا يمارسون هوايتهم في مناطق بعيدة عن الناس واماكن شبه مهجورة ،،،

وكلنا مرينا في هالمرحلة
خلوهم يستانسون وماردهم بيكبرون ويعقلون

ودام جات على استعراض احسن وأهون من المخدرات والحشيش مثل شباب بعض الدول المجاورة

ملاحظة لأخوي السد:
ياليت تحذف صور الشباب ،،، صورهم واضحة واتوقع محد يرضى بأن يتم التشهير فيه

[بـن عدوان]

الي يستنكرون يوم كانو مراهقين ماسوو هالحركات !!
صحيح اني ضدها بس ضد الي يتهم تربيتهم ...
من استوت البلاد وهاي الظاهره متوارثه جيل بعد جيل ..
بكره يكبرون ويعقلون .....


اتفق معاج :nice:

[عزووز قطر]

الي يستنكرون يوم كانو مراهقين ماسوو هالحركات !!
صحيح اني ضدها بس ضد الي يتهم تربيتهم ...
من استوت البلاد وهاي الظاهره متوارثه جيل بعد جيل ..
بكره يكبرون ويعقلون .....

اتفق معاج
بس تعرفين سوالف المثالية :victory:

[ابوالكلام]

اذا تبي تعالج هذه الظاهره اول عالج اهاليهم وبعدين بتقضي
على جميع الظواهر مهب ذي وبس

صح كلامك وأصحاب السوء أيضاً لهم دور

[اوف ليميت]

الموضوع تم نقاشه 3 مرات من قبل في هالمنتدى بأقل من 3 شهور..
ولو ان موضوع منهم ماكان الشيل بس آلت الأمور لبنحرف الحديث ويتوجه الى هكذا موضوع

وقال البعض سابقا السبب سهوات الأهل وعدم مراقبتهم
والبعض قال السبب التربيه الغير صحيحه
ومنا من ذهب الى تحميل الجهات المختصه للأمر بعدم اعطاءهم الفرصه للتعبير عما بداخلهم من طاقه
والبعض استند على دول خليجيه أخرى وقال بأن هناك مهارات
ومجموعه قالت حتى لو هذا او هذا .. يجب فتح الحلبه الموجوده ف لوسيل (اللي مسكرينها من موسم لموسم..مايدشها الا العج)

ولكن ,, لا لا لا .. لاتظلمونهم أبد هالشباب..لحد فيهم زنى والعياذ بالله ولحد فيهم ألحد وكفر بالله ولحد فيهم ارتكب جنايه بحق غيره
من يوك كنا يهال واحنا متدرجين بالشيل من عالطابوق نتخيل نفسنا عليه ونحرك اجسامنا..ميانين ههه..للكراتين..للسياكل..للدراجات..للمواتر...عسى يارب مايجي يوم الطيارات

الشباب اللي فالصوره وغيرهم كثير فالخارج..اي شي يسوونه يعود بالضرر والنفع عليهم هم فقط
اخطأوا في عرقلة الحركه في بعض الأحيان..واخطأوا في تشويه الشارع وخربوه..هالامرين صح

انا اميل الى حل فتح الحلبه لهم .. لان بالعقل اذا انتو تقولون لاتربيه انفعت ولا نصائح ولا توعيه وغيره .. وش اللي بينفع عيل؟؟ خلاص خلوهم افتحولهم الحلبه..والاداره تسترزق بعد من وراها .. خلهم يجربون من غير مايعرضون غيرهم للخطر..افتحوا الحلبه..وشوفوا...وايد بيدشون بس مع الوقت بيقلون
الرياضه او خل نقول هالهوايه عشان لحد يطيح فينا ويقول هذي مش رياضه (ولو ان فدول الخليج اللي غيرنا هي عباره ع رياضه وعلى مستوى الدوله وجوائزها عاليه جدا ويحضرها شيوخ ونواب لهم كلمتهم مش فالبلد..لا وبعد على مستوى الوطن العربي والعالم فالمحافل السياسيه والاقليميه) .. ف بعد فتح الحلبه وتجربتهم لها..بيقلون..في اللي بيحس على دمه..في اللي بيتربى من نفسه..وفي اللي بيأذي روحه شوي وبيقول خلاص مابي..وفي اللي بيصرف ويصرف واخرتها بيقول بس ماقدر..وهكذا

كل ممنوع مرغوب

ويمكن حد من هؤلاء ينشغل جدا بالسياره ويقعد كل مره يسوي شي ويروح الحلبه يجربه ويصير فالمستقبل واحد من اهم وألمع الشباب القطريين في تصميم او تعديل المواتر..الله اعلم ماتدري
وايد ناس بدياتهم كانت كذا..والله يكتب لكل شخص ما أراد

ماتقدر تمنعا ولا توقفها وحتى لو حطيت مخالفات ملايين وسجن خاص لهؤلاء الشباب..صدقني
خصوصا في قطر ماراح تقدرررررررررررررر ابد
لان هي شطحه صغيره بس يحتاجها الرجل..وتلاقيه وهو لاف جت هالفكره في باله وماتشوف عينك الا الحبيب يشيل
مايقدر..هو رجل..شاب..واعي وللا مش واعي ولكن فيه نزعه للمغامره والقسوه وطاقه..مايقدر يكبتها ويخبيها
ابرك من نزعات الشباب الاخرى المكبوته بقلة الادب والجنس ولمغازل..هذا مو بس تسجنه...اقم عليه الحد (وبعد مايصير) فمابالك باللي بيشيل بس؟؟

وسبب اخر لاتنسى هني في قطر..واسطات وعلاقات ومناصب واللي يعرف فلان واللي بمجلس علان..يعني يتقولي قانون ماقانون..في افلات منه وفي حب خشوم وفي استثناءات وغيرها من عصافير تغرد كل يوم نعلم بها

كل اللي عليكم..افتحوهلهم الحلبه + وصوهم بالسيفتي وشكرا

:]

[ANONYMOUS]

هذي مسؤولية الاهل ..

وطبعا سبب الظاهره الصحبه

الله يستر عليهم

بكره يكبرون ويعقلون

[عبدالله 2022]

خلوهم يستانسون وماردهم بيكبرون ويعقلون

وثاني شي قلبه الشل خفيفه ما عليهم شر ان شاء الله

[حسن]

الي يستنكرون يوم كانو مراهقين ماسوو هالحركات !!
صحيح اني ضدها بس ضد الي يتهم تربيتهم ...
من استوت البلاد وهاي الظاهره متوارثه جيل بعد جيل ..
بكره يكبرون ويعقلون .....

ياغايه الغلط غلط مهما كان وفي اي زمان
زمان كانت هذه الظاهره موجوده يمكن كان واحد وماكانت ظاهره
اما الحين العدد كبير بشكل مخيف وسخيف والسيارات القديمه كان بديها قوي ويحمي وقوه محركها مهب نفس الحين
مع انعدام الامان في هذه السيارات في حاله الحوادث
وقبل ايام كم واحد من الشياب راح ضحيه حديد واسمائهم
عدها موجوده في التعازي كم خلفو من ماسي لهم ولا اهليهم
سيارات مافيها السلامه رحيحه حديد وفيبر حتى الصدام بلاستك
وليش انا اشجع هل التصرفات اي الفايده منهم
خلهم يتجمعون على الدوارات ويوزعون بروشرات عن السرعه
خلهم يقوموت توزيع الافطار على الفقراء
اما استعراض ولا تسكككير الكورنيش علشان كلام فاضي

والله وش نقول نبي يسون شي يخدم وطنهم وريرفع راسه هو وبلادده
اما معدل موتر ملغم موتر الله يصلح الحال

[الزعفراني]

على طاري الشيل يقال اول واحد مارس وتعلم هالهواية في قطر كان واحد من شباب بوكواره
تقريبا سنة ١٩٧٦ .. حد عنده تأكيد او تفاصيل عن بداية هالهواية في قطر ؟ :)

[اوف ليميت]

على طاري الشيل يقال اول واحد مارس وتعلم هالهواية في قطر كان واحد من شباب بوكواره
تقريبا سنة ١٩٧٦ .. حد عنده تأكيد او تفاصيل عن بداية هالهواية في قطر ؟ :)

وانت الصادق..كان في واحد مش قطري داش الحدود..والتبسوا في امره وشكوا فيه على ايامها طال عمرك كان في تشديد عالحدود..ف توجهت دوريه هناك تتأكد..ماوعوا الا الحبيب شارد..واثناء المطارده شل موتره على لفه من غير قصد..هو قصده يهرب ومش حاس بشي..فالنهايه فلت منهم

ومن يومها اللي لاحقوه..اعجبتهم الحركه ويجربونها بين بعض..وانتشرت

شرايك بقصتي ؟


ومعلومه صغيره .. الشيل بدا في الثمانينات..وانتشر للامارات والسعوديه..وهل بوظبي اول ناس يقومون بالدف لوك

وهكذا ..

[حسن]

على طاري الشيل يقال اول واحد مارس وتعلم هالهواية في قطر كان واحد من شباب بوكواره
تقريبا سنة ١٩٧٦ .. حد عنده تأكيد او تفاصيل عن بداية هالهواية في قطر ؟ :)

لا ياعمي الو واحد خالد
في الثمانينيات على ايام الجيات القديمه
:victory:

[السد]

ملاحظة لأخوي السد:
ياليت تحذف صور الشباب ،،، صورهم واضحة واتوقع محد يرضى بأن يتم التشهير فيه

اشكرك اخوي الكريم على الاقتراح
بخصوص الصور ان محد يرضى التشهير فيهم

فالموضوع منقول من احد المنتديات
وازيدك من الشعر بيت

ان ارقام السيارات موجودة في احد المنتديات
وهنا في هذا المنتدى تم حذف ارقام السيارات

ولا ننسى ان هم يفتخرون ببممارسة هذه الظاهرة
ولو انهم ما راضيين بالتشهيير كان اجلسوا في سيارتهم

[بوعلي2]

الله يهديهم و يصلح حالهم على هذه الحركات الخطيره .... شغل مراهقة الصراحه..... بس رووووعه:secret:

هههههههههههههههههههههه

[بو آمنة]

الله يهدي الجميع

[بوحنان]

حبتين

ههههههه .. وصلتكم من السعوديه

اغلبية الناس يقولوها ولا يعرفون معناها للااسف ..

حبتين :

كلمه قبيحه جدا وتخص متعاطي المخدرات .. وكانت شفره بينهم قبل ان تنتشر

وكان معناها انا اريد مخدرات وطفران ماعندى فلوس

وكان المقصود بالحبتين هى حبوب الكبتاجون او اى نوع اخر ... نسأل الله السلامه والعافيه وان يشفى

من ابتلى بها



----
اخوي يمكن كلامك صحيح بس الي اعرفه انه هذي الحركة تعني علامة النصر

[بوحنان]

انا ضد الهوايه هذي ولكن بنفس الوقت ترى لها جمهور وجمهور كبير بعد وترى كانت تقام لها مسابقة في نادي قطر قبل كم سنه يعني كان لها اهتمام من المسؤولين على هالرياضه

[غايه الطواش]

ياغايه الغلط غلط مهما كان وفي اي زمان
زمان كانت هذه الظاهره موجوده يمكن كان واحد وماكانت ظاهره
اما الحين العدد كبير بشكل مخيف وسخيف والسيارات القديمه كان بديها قوي ويحمي وقوه محركها مهب نفس الحين
مع انعدام الامان في هذه السيارات في حاله الحوادث
وقبل ايام كم واحد من الشياب راح ضحيه حديد واسمائهم
عدها موجوده في التعازي كم خلفو من ماسي لهم ولا اهليهم
سيارات مافيها السلامه رحيحه حديد وفيبر حتى الصدام بلاستك
وليش انا اشجع هل التصرفات اي الفايده منهم
خلهم يتجمعون على الدوارات ويوزعون بروشرات عن السرعه
خلهم يقوموت توزيع الافطار على الفقراء
اما استعراض ولا تسكككير الكورنيش علشان كلام فاضي

والله وش نقول نبي يسون شي يخدم وطنهم وريرفع راسه هو وبلادده
اما معدل موتر ملغم موتر الله يصلح الحال

والله ياخوي ياحسن بالنسبه للسيايير ومواصفاتها وقوتها معاك حق يمكن انا كبنت ما افهم وافقه في هالسوالف كثركم :shy:

[دااانة قطر]

جــنـــقـــل



:nice:





الله يهديهم

[فلتة زمانها]

اخوي العود الله يذكره بالخير كان يخسس فينا ويشل الموتر فالدوار واحنا نصارخ
صج حركة خطرة بس فيها اكشن

[غايه الطواش]

اخوي العود الله يذكره بالخير كان يخسس فينا ويشل الموتر فالدوار واحنا نصارخ
صج حركة خطرة بس فيها اكشن

واحد من خواني الكبار على ايام شبابه يروح السعوديه يستعرض في شاطي مادري شارع الهاف مون ويرجع ....
من غير استعراضاته فالدوحه وهذا هو الحين بو عيال راكز وعاقل

[مشعل العطاوى]

اخوي يمكن كلامك صحيح بس الي اعرفه انه هذي الحركة تعني علامة النصر

انا اقصد كلمة ( حبتين ) وقد ذكرها الاخ

اما علامة النصر .. فهذا شئ معروف

[فلتة زمانها]

واحد من خواني الكبار على ايام شبابه يروح السعوديه يستعرض في شاطي مادري شارع الهاف مون ويرجع ....
من غير استعراضاته فالدوحه وهذا هو الحين بو عيال راكز وعاقل

شفتي شلون مرحلة طيش وتعدي ،، ومثل ما قلتي اللي ينتقد نسى شكان
يسوي ايام المراهقه

[Dark_QTR]

ما ينلامون

في قطر ما عندنا غير ساحة واحد تتبنى مواهب الشباب وتفرغ الطاقه الزائده لديهم

وهالساحه لا تفتح إلا كذا مره في السنه

شوفوا الإمارات كيف تغلبت على هذه الظاهر

عطت الشباب الحرية الكامله وفتحت مجموعه كبيرة من الساحات
وأعدت البطولات و الفعاليات لتسخير طاقات الشباب و النتيجه..
استطاعوا التغلب على هذه الظواهر الغير حضارية وحافظوا على أرواح
الشباب

اتمنى تشوفون هالفيديو وتشوفون ردود أفعال الشباب حول فتح الساحه

http://youtu.be/5X0qnP-QL9s

[بوخالد911]

تصرفات مرفوضة صبيانية

[الإكسير]

هذي هواية في الدول الاوربيه ويدفعون الناس فلوس عشان يشوفونهم،،،،

[النهار]

لاحول ولاقوة الا بالله
تقول ساحة حرب مش شوارع تمشي عليها المواتر

[عزووز قطر]

اشكرك اخوي الكريم على الاقتراح
بخصوص الصور ان محد يرضى التشهير فيهم

فالموضوع منقول من احد المنتديات
وازيدك من الشعر بيت

ان ارقام السيارات موجودة في احد المنتديات
وهنا في هذا المنتدى تم حذف ارقام السيارات

ولا ننسى ان هم يفتخرون ببممارسة هذه الظاهرة
ولو انهم ما راضيين بالتشهيير كان اجلسوا في سيارتهم

مرحبا اخوي
يمكن يفتخرون بينهم وبين بعض
ويمكن مايدري بأن الصور راح تنعرض في المنتديات ويشوفونها شريحة كبيرة من الناس

ونفرض ان واحد نشر الصور فالمفروض توقف عنده وماتساعد في النشر
وانا متأكد انهم ماراح يرضون بأن صورهم تنعرض في المنتديات

ويالشيخ انت مب خسران شي لو حذفت صورهم
واعتبرهم اخوانك الصغار او عيال عمك

[الزعفراني]

وانت الصادق..كان في واحد مش قطري داش الحدود..والتبسوا في امره وشكوا فيه على ايامها طال عمرك كان في تشديد عالحدود..ف توجهت دوريه هناك تتأكد..ماوعوا الا الحبيب شارد..واثناء المطارده شل موتره على لفه من غير قصد..هو قصده يهرب ومش حاس بشي..فالنهايه فلت منهم

ومن يومها اللي لاحقوه..اعجبتهم الحركه ويجربونها بين بعض..وانتشرت

شرايك بقصتي ؟


ومعلومه صغيره .. الشيل بدا في الثمانينات..وانتشر للامارات والسعوديه..وهل بوظبي اول ناس يقومون بالدف لوك

وهكذا ..

وين طاش ما طاش عنك ، تصلح تكتب لهم سيناريوهات

انا تكلمت عن اول شخص تعلم ومارس هالهوايه ما قلت متى بدا الشيل لان في ذاك الوقت مب اي واحد يمارس هالهواية

[الزعفراني]

لا ياعمي الو واحد خالد
في الثمانينيات على ايام الجيات القديمه
:victory:


ماحزرت بنوب :)

[السد]

مرحبا اخوي
يمكن يفتخرون بينهم وبين بعض
ويمكن مايدري بأن الصور راح تنعرض في المنتديات ويشوفونها شريحة كبيرة من الناس

ونفرض ان واحد نشر الصور فالمفروض توقف عنده وماتساعد في النشر
وانا متأكد انهم ماراح يرضون بأن صورهم تنعرض في المنتديات

ويالشيخ انت مب خسران شي لو حذفت صورهم
واعتبرهم اخوانك الصغار او عيال عمك
بالعكس هم راضيين عن الشي
لو نفترض انهم مش راضيين كان ماقاموا بفعل هذه الاشياء

نحن هنا لا نتكلم عن الشباب بذاتهم
نتكلم عن اسباب وطرق علاج هذه الظاهرة

[انا احمد]

الله يهديهم ان شاءالله ...

[السد]

الله يهديهم ان شاءالله ...

ان شاء الله

[عاشق الشهادة]

انا اول واحد اشوفه يشل الموتر على تايرين هو الأخ والصديق خالد الاحبابي .

[ريم الشمال]

كلنا نعرف أن الشباب لهم فوره بمعنى أنه كل شاب يحاول أثبات نفسه بإي طريقه في كل زمان حتى على أيام أجدادنا وكان منهم الي يلقبونه أهلنا بالخبيله بمعنى الغير ثقيل لتصغير فعله وأعطائه درس حتى يتحكم في تصرفاته ..
الوقت الحالي أعتقد لا يختلف الخبيله الحين تمثل في الشيل الذي يؤدي الي فقدان فلذات الاكباد وهم في عز شبابهم لا بد أن يكون للأهل دور وكنترول على تصرفات أبنائهم وذلك من خلال عدم التشجيع على هذا التصرف من قبل النساء والرجال ومنادات من يفعل ذلك وهو الشيله بالخبيل ( نوع من العلاج النفسي وضغط على النفس بتقليل أهمية وتصغير من تقوم بهذا العمل ) وجعل هذا التصغير للتصرف عام بحيث تصبح ثقافه لدى الأسره أن من يشيل خبل مطقوق على رأسه وتحقير عمله وأعتباره من السفهاء ( هذا دور المجتمع وهو الضغط النفسي والتحقير من العمل )
دور أجهزة الأمن والأهل هو التبليغ ليس عيب أن يبلغ الأب أو الاخ أو الأم عن مكان تجمع شبابي يقومون بشيله فهو أفضل من فقدان حشاشة يوفه حتى لو دفع الأب الغرامه بعد التبليغ وستلم أبنه توبيخاً وتقريعاً وكل الأساليب التي من شأنها أن يؤدي به الي تركه هذا الفعل ..

ريم الشمال

[PLATINUM]

ليحين في ناس تشييل ؟

والله زمان

اخوي الظاهرة هذي موجوده من زمان وهي فتره تمر وتعدي

وترى الحوادث فيها بسيطه

بس ينسدح الموتر ويعدلونه في دقيقه ويطيح في جبد راعييه عقب ماينباع خخخخخخ

[هداف]

عادي حب التميز والاستعراض موجود في العرب منذ الازل يعني اتوقع اجدادناكانوا
يطلقون الحصان او الفرس ويوقف على ظهرها من باب الفروسيه والتمكن وممكن لو طاح
يموت وصارت لو اتبحث في سوالف الاولين !! هذي مرحله وتعدي والله يحفظهم ماردهم
بيكبرون وبيخلون عنهم ها لسوالف واللي الله كاتب له يصر فيه منت براده من نصيبه

[الحال مايساعد]

الله يهديهم

[AL-MAYSTRO]

الاسباب حب التميز واظهار الشجاعة وعدم الخوف واظهار فنون السواقة وطبعا المشجعين والمصورين والفراغ.

الحلول ايجاد ساحة خاصة للاستعراض وبسيارات مجهزة ولا تستعمل الا في الساحة . وتاجير السيارات ذات مواصفات خاصة سيفتي وتستعمل فقط في الساحة . عمل نشاطات وسباقات متنوعة للشباب . يلحق بالساحة كراجات خاصة بالشباب وشرط اللي يشتغلون فيها شباب قطريين مع خليجين ومايحصل الكراج حتى ياخذ دورات في ميكانيا والكهرباء وهنا سيتم اكتشاف مواهب قطرية ومخترعين قطريين في مجال السيارات.

انشاء منطقة خاصة في العديد يكون فيها عدم السماح لاي سيارة بالاستعراض الا بعد التاكد من مواصفات السيفتي وتنظيم السباقات فيها وعمل منطقة خاصة بالجمهور والمصورين

رآي صآيب الصراحه وبشده مويد رآيك :nice:

واضيف عليه ايضا فرض عقوبات صآآآرمه :anger1: للي يصيدونه متهور خارج الحلبه المخصصه للاستعراض
وحتى العديد اللي فغير مكانه يعاقبونه ايضا

واتمنى للي يصيدونه اكثر من مره انهم يصادرون سيارته ويسجنونه :anger1: ويغرمونه
لانه يعرض ارواح ماللها خص للخطر وللوفاه بعد

الله يستر ع الجميع ان شاء الله ويهدي المتهورين

[اوف ليميت]

وين طاش ما طاش عنك ، تصلح تكتب لهم سيناريوهات

انا تكلمت عن اول شخص تعلم ومارس هالهوايه ما قلت متى بدا الشيل لان في ذاك الوقت مب اي واحد يمارس هالهواية

صباح الخير..مو انت لو تبحث بتعرف
مثل ماقالك الاخ قبلي...واحد من عيال الاحبابي هو اول من بدا الشيل
لكن ماراح افتي من منهم واذا اسمه خالد وللا لا

بعدين بغينا انعلمك اشياء ونوصلك معلومات عشان لو حد سألك تكون عارف شتقوله (خبرك وايد اللي ايونك هاليومين يتفلسفون) ..

(( من عمل منكم عملا فليتقنه)) .. قول او فعل

:]

[الزعفراني]

صباح الخير..مو انت لو تبحث بتعرف
مثل ماقالك الاخ قبلي...واحد من عيال الاحبابي هو اول من بدا الشيل
لكن ماراح افتي من منهم واذا اسمه خالد وللا لا

بعدين بغينا انعلمك اشياء ونوصلك معلومات عشان لو حد سألك تكون عارف شتقوله (خبرك وايد اللي ايونك هاليومين يتفلسفون) ..

(( من عمل منكم عملا فليتقنه)) .. قول او فعل

:]

مب انت اللي تعلمني يا أوف ليمت ولا اللي مثلك ، ومعلوماتك احتفظ فيها لنفسك وخلك على سوالف طاش ما طاش وخلني على جهلي :)

[ضوى]

عندي احساس ولدي الصغير بيسوي فيني النون ومايعلمون خاصة بسالفة الشيل هذي :(

[اليحصبي]

ونآسـه وتغيير جو ،
http://www.shooq4.com/vb/images/bb/1.png

[الـخـالـدي]

مب انت اللي تعلمني يا أوف ليمت ولا اللي مثلك ، ومعلوماتك احتفظ فيها لنفسك وخلك على سوالف طاش ما طاش وخلني على جهلي :)

اخوي الزعفراني انت دخلت وسألت الشباب وردو عليك .. انت ليش زعلان اللحين ؟

الناس رمضان وخير اذكر الله وصل على النبي

واسمحلي على المداخلة

[الزعفراني]

اخوي الزعفراني انت دخلت وسألت الشباب وردو عليك .. انت ليش زعلان اللحين ؟

الناس رمضان وخير اذكر الله وصل على النبي

واسمحلي على المداخلةن

اللهم صل وسلم عليه ، بالعكس اخوي مب زعلان ، قاعد أرد على الرجال ، سهالات :)

[اوف ليميت]

ان شاءالله
ترى محد داسلك على طرف ذيلك
والحديث معاك عقيم مثل ماقال الأخ الخالدي بارك الله فيه

الله يهديك ويستر عليك
فمان الله

[عوآآآآشـي]

الله يحفظ شبابنا وين مايكونون يارب
ترى الاهالي مايدرون عن اعيالهم اذا اطلعوا مع ربعهم وش يسوون
الشبااب بينهم بين بعضهم يسون هالحركه مهما تنصح مهما اتعلم

وبعدين ليش على كل موضوع ينزل لازم تختمونها بهوشة :anger1:

تعوذوا من ابليس

[السد]

يا اعضاء المنتدى
لا نريد في هذا الموضوع ان يتحول الى شجار وقذف وشتم بين الاعضاء
نحن هنا طرحنا ظاهرة
نريد ان نعرف اسبابها وطرق علاجها

[حسن]

ماحزرت بنوب :)

كيف ماحزرت ذكرت لك اسمه الاولي والاخير اعتذر عن ذكره
والرجال الحين كبر ورتبه كبيره :victory:

[السد]

تصرفات مرفوضة صبيانية

الله يستر عليهم من انقلاب السيارة

[halcrow]

يالربع خلكم من الشل ومن اول واحد ومن اخر واحد ...... وذكروا الله ..... وكل واحد يعد الشعر الابيض ويصبغه ... ترى اليوم خميس....... لكن مايمنع نرد للماضي وكان ع ايامنا يشيل ع الكواري علي كل لفه. سنه ٨٦ راعي الجي الاسود. :)

[سطح القمر]

العلاج سهل مصادرة سيارة للشخص الي ينصاد مرتين وتنتهي المسالة نعطيه فرصه وحده وبعدها اووووت

[السد]

العلاج سهل مصادرة سيارة للشخص الي ينصاد مرتين وتنتهي المسالة نعطيه فرصه وحده وبعدها اووووت

ليس العلاج هكذا

هناك 1000 موتر يشيل
ولا تنسى محلات تاجير السيارات عندهم فورويل !!