((((هل انت مع أو ضد سواقة البنت الجامعيه ؟ ولماذا ؟ )))))))

[عاهد بن علي]

هل انت مع أو ضد سواقة البنت الجامعيه ؟ ولماذا ؟
بالنسبه لي انا ما عندي سائق ومن تزوجت ما حطيت سائق لكن الحين البنت مقبله على الحياه الجامعيه ومن بعد الجامعه العمل ان شاء الله فهل تنصحوني بان اخذ رخصة سواقه لها ام لا ؟ و هي رافضه فكرة السواقه وانا احاول ان اقنعها ، فما هي نصيحتكم الله يجزاكم خير .
ارجو المشاركه وابداء النصيحه لو تكرمتوا لتعم الفائده
مع العلم ان زوجتي ما تسوق .

[غايه الطواش]

موضوع عفى عليه الدهر بس
انا اقول لين اشتغلت خل تسوق
بس بصراحه بتتلعوز مع محاظراتها

[ابداع قلم]

الله يعينك فعلا مشكلة

[عاهد بن علي]

موضوع عفى عليه الدهر بس
انا اقول لين اشتغلت خل تسوق
بس بصراحه بتتلعوز مع محاظراتها

صح المحاظرات مشكله وانه دائم السفر في بداية شهر تسعه لغاية شهر اثني

هل تشوفون ان السواقه غلط

[عاهد بن علي]

الله يعينك فعلا مشكلة

ويعينك استاذي
مشكله وحلها الوحيد الرخصه بس البنت رافضه

[عاهد بن علي]

هل السائق افضل من سواقة البنت واشرف ؟؟؟؟؟؟؟

[PP]

في الوقت الحالي اعتقد ان السواقة خطر خصوصا وانها بتسهر كثير علشان تدرس للامتحانات و الدراسة
شوف الي تقدر عليه والي هي تقدر عليه ولكن انا عن نفسي ما حبيت فكرة ان غريب يدخل البيت سواء من خادمه او سائق

الله يوفقك ويعينك.

[غايه الطواش]

خلها تسوق بس بعد الساعه 8 لازم تكون مع امها

[عاهد بن علي]

في الوقت الحالي اعتقد ان السواقة خطر خصوصا وانها بتسهر كثير علشان تدرس للامتحانات و الدراسة
شوف الي تقدر عليه والي هي تقدر عليه ولكن انا عن نفسي ما حبيت فكرة ان غريب يدخل البيت سواء من خادمه او سائق

الله يوفقك ويعينك.

ما شاء الله عليج
واحنا بعد ما عندنا خادمه ولا سائق
الله يعين الجميع

[النهار]

ياخوي عندي بنتين في الجامعه مسجلين في الباص بس اغلب الاوقات انا متكفل فيهم اجيبهم واوديهم صج تعب وبعض الاوقات شرده من الدوام واخوهم في الجامعه اذا صادفت الاوقات والمحاظرات هو يتكفل فيهم طالما هم في ذمتي مش ممكن ومستحيل اخليهم يسوقون سيارات وحتى مع السائق ماخليهم يروحون لان كل وحده محاظراتها تختلف عن الثانيه
هذه وجهة نظري
والله اخوي عاهد في حريم شغلتهم التوصيل ممكن تتفق معاهم
دمت بحفظ الرحمن

[عاهد بن علي]

خلها تسوق بس بعد الساعه 8 لازم تكون مع امها

ايش المعنى بعد الثمان

[عاهد بن علي]

ياخوي عندي بنتين في الجامعه مسجلين في الباص بس اغلب الاوقات انا متكفل فيهم اجيبهم واوديهم صج تعب وبعض الاوقات شرده من الدوام واخوهم في الجامعه اذا صادفت الاوقات والمحاظرات هو يتكفل فيهم طالما هم في ذمتي مش ممكن ومستحيل اخليهم يسوقون سيارات وحتى مع السائق ماخليهم يروحون لان كل وحده محاظراتها تختلف عن الثانيه
هذه وجهة نظري
والله اخوي عاهد في حريم شغلتهم التوصيل ممكن تتفق معاهم
دمت بحفظ الرحمن

الله يجزاك خير هذا احد الحلول
طيب وبعد الجامعه هل تحتاج الرخصه للعمل ام لا

[الزعفراني]

حاول تجتهد في انك انت تتكفل بتوصيلها من والى الجامعه واذا مافي عندك الباص واذا مافيه اشوف انها تسوق ابرك من انك تجيب دريول

[عاهد بن علي]

حاول تجتهد في انك انت تتكفل بتوصيلها من والى الجامعه واذا مافي عندك الباص واذا مافيه اشوف انها تسوق ابرك من انك تجيب دريول

هلا استاذي انه عندي مشكلة السفر المتقطع في شهر تسعه لغاية شهر اثنين

[Qtrstyle]

اخوي للأسف للحين في ناس عقولهم صغيره
مايخلون البنت في حالها في الشارع

سايق يوصلها ويرجعها ابرك

[النهار]

اخوي للأسف للحين في ناس عقولهم صغيره
مايخلون البنت في حالها في الشارع

سايق يوصلها ويرجعها ابرك

هذي احد الاسباب من كثير ماشوف البلاوي في الطريق من الشباب المتهور

[أبو راكان]

كح كح
موضوع قديم يصلح حق قناة الريان :victory:
اخوي بوعلي سواقة البنت للسيارة افضل من لدريول بألف مره
لكن مشكله سواقة البنت في شي واحد .... لو سوت حادث او بنشرت او تعطلت السيارة
ايضاً في مشكله ثانيه لسواقة البنت للسيارة ( طبعاً مااعتبرها قاعدة عامه ) وهي انها مع الايام تزيد جرئتها وتصدق نفسها حبتين انها صارت مثلها مثل الرجل ،،،

انا اشوف ان المرأة اذا لابد انها تسوق ،،، يفضل بعد عمر الاربعين

هذي وجهة نظري وتحتمل الصواب والخطأ مع احترامي وتقديري لكل امرأة تسوق سيارة

[قلبي الطيب]

الله يعين في الجامعة حتى لو سجلت في باص بس لازم حد يوصلها لان أوقات المحاضرات ممكن تكون متأخرة تعب الدوام من الصبح على محاضرة وأما الدريول أكيد مشاكله اكثر من نفعه لازم خدامه معاه ومصاريف واحيانا يكونون مفهيين خصوصا الجداد اما انها تسوق اذا أهيه مؤ حابه بسبب الخوف مثلا فما راح تتجرأ وتتعلم وعندك بعد السواقات بس لازم تحذر من استغلالهم وتأخيرهم الله يوفقك وتلاقي احد الحلول
ملاحضه من يوم ما سقت ما تعرضت لأي موقف مع الشباب خصوصا ان سيارتي عادية جداً واغلب الأوقات أسوق للدوام بس

[بريق الحق]

اخوي اذا تقدر انت توصلها يكون الافضل في حل ثاني ان تجوف سواقه توصلها واتجيبها هذا افضل حل والله

[chillis]

الناس وصلت القمر وحنا للحين مع اوضد والله في مواضيع اهم

[بريق الحق]

الناس وصلت القمر وحنا للحين مع اوضد والله في مواضيع اهم

مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ

[ريم الشمال]

عاهد بن علي مبروك دخول بنتك للجامعه والله يوفقها وتفرح فيها
بالنسبة للسواقه إذا هي من نفسها ما تبغى تسوق خلها على راحتها لأن إذا ما كانت مقتنعه إي شيء يحدث لها لا سمح الله بيكون أنت السبب فيه لأنك خليتها تسوق وهي ما تبي ...
بالنسبه للحل أما زوجتك تتعلم تسوق وتودي البنت وجيبها من الجامعه .. ( على إلا تسوق بعد الساعة السابع ليلاً )
أو تحط لها سواقه ترتب معها البنت حسب جدول محاضرتها ..
أو تسجلها في الباص وفي أوقات تكون متواجد ترحمها من ركبة الباص .

ريم الشمال

[الـراسي]

فيه شي اسمه سواقه

هذا هو الحل وابركلك يالغالي منها خدامه ومنها سواقه

[حسن]

شوف يابوعلي باعطيك حلول وانت اختار على كيفك
اللي مثلك انت ماينخاف على بنته:)
اقنعها بالسواقه في وقتنا خلاص صار شي ضروري وعادي الكل قام يسوق:playball:
وابرك لك من سايق وغيره
ولا تسكن عند باب الجامعه وتخليها تروح مشي :omg:
ولا تزوجها وتفتك من ود وجيب :nice:
ولا تقعدها في البيت وتقول مافي جامعه خلاص:weeping:

غير هل الحل مافي وش قلت
:victory:

[elders]

حسب جدولها رح تلاقي سواقة ان شاء الله ...اذا هي مش حابه صدقني افضل
مع الوقت يمكن هي تطلب منك انها تصير تسوق
الله يوفقها وتفرح فيها

[قانوني متميز]

أخوي عاهد ما نصح بسواقة البنت خصوصا انها في عمر صغير وانت شايف شلون الناس
يسوقون في الدوحة خصوصا وهي في بداية السواقة وتوها تتعلم
وثاني شي انصحك بعدم التعامل مع الحريم اللي عندهم سيارات ويوصلون البنات

اقترح انك تجيب دريول وأمها توصلها معاة وتجيبها
والله يوفقها بدراستها الجامعية

[Dark_QTR]

والله يا أخوي يعتمد...
دام إن البنت مش مقتنعه بفكره السواقه، فحط لها سواق أفضل.
أولاً: السواقه في قطر أصبحت لا تطاق لأن الجو المروري عندك متعكر ومليئ بالمتهورين
والمستهترين والغير ملتزمين و الحريصين أكثر من اللزوم.إذا احنى الرجال مب قادرين نتحكم
في أعصابنا حول الي نشوفه كل يوم في الشارع.
ثانياً: البنات يحبون الراحه أكثر، يحبون يقعدون في السيت الخلفي ويكون في حد تحت خدمتهم.

[رحال]

مع وبشدة

[غزلان]

كح كح
موضوع قديم يصلح حق قناة الريان :victory:
اخوي بوعلي سواقة البنت للسيارة افضل من لدريول بألف مره
لكن مشكله سواقة البنت في شي واحد .... لو سوت حادث او بنشرت او تعطلت السيارة
ايضاً في مشكله ثانيه لسواقة البنت للسيارة ( طبعاً مااعتبرها قاعدة عامه ) وهي انها مع الايام تزيد جرئتها وتصدق نفسها حبتين انها صارت مثلها مثل الرجل ،،،

انا اشوف ان المرأة اذا لابد انها تسوق ،،، يفضل بعد عمر الاربعين

هذي وجهة نظري وتحتمل الصواب والخطأ مع احترامي وتقديري لكل امرأة تسوق سيارة

:nice:

[Cooki]

اتشووو .. يرحمكم الله

[عاهد بن علي]

اشكركم جميعآ على النصح والارشاد
جزاكم الله خير الجزاء

( اما اقتراحاتك يا حسن ) عجيبه هههههههههههه

[ضوى]

انا ضد فكرة انه البنت تسوق وهي عادها ماخلصت الجامعة ، دام فيه اللي يوصلها ماله داعي واذا مافي الله يخلي باصات الجامعة او سواقة خاصة توديها وتجيبها باوقات المحاضرات ، واصلا انا ضد فكرة انه البنت تسوق وهي ماتعدت 25 سنة

[العربية نت]

السلام عليكم ،،،،
انا من رائيي انها تشوف لها مجموعة من زميلاتها الي من هم في ظروفها يعني نقول 3 4 5 بنات ويدورون لهم من النسوان الي يسوقون بالاجرة سيارات خاصةى بالشهر يعين قل يمكن 1500 ،،،، او 2000 ريال كل ما كانت المجموعة كبيرة كل ما قل الاجار وبذي الطريقة بترتاح منها من ناحية انه ما هي بمع سائق اجنبي (دريول ) ولا هي بتسوق وتقعد تحاتيها اذا هي قطعت اشارة ف يالدفنه ولا صادها رادار عند الجامعه وياكثرها خاصة مع قرب الدراسة :eek5:

فانت شف ايش الي يصلح انا شخصياً ما افضل ان البنت تسوق الا عند الضرورة القصوى بعد نفاذ جميع الحلول

بالتوفيق ،،، لاتنسى تقولنا ايش رسيت عليه بعدين :anger1:

[عاهد بن علي]

انا ضد فكرة انه البنت تسوق وهي عادها ماخلصت الجامعة ، دام فيه اللي يوصلها ماله داعي واذا مافي الله يخلي باصات الجامعة او سواقة خاصة توديها وتجيبها باوقات المحاضرات ، واصلا انا ضد فكرة انه البنت تسوق وهي ماتعدت 25 سنة

اشكرك استاذتي على المداخله ، طيب واذا هي كانت ملتزمه منذ صغرها بالدين ولبس العباه فوق الراس وتحرص على الصلاه في اوقاتها حتى واحنا بالسياره تحرص على معرفة وقت الصلاه

[ضوى]

اشكرك استاذتي على المداخله ، طيب واذا هي كانت ملتزمه منذ صغرها بالدين ولبس العباه فوق الراس وتحرص على الصلاه في اوقاتها حتى واحنا بالسياره تحرص على معرفة وقت الصلاه

اخوي الفاضل ، هذا ماله علاقة بدينها او اخلاقها ماتكلمت عن هالشي ابدا ، انا اقصد انه نضج الفتاة يكون غير مكتمل وهي بهذا السن الصغير ولا تحسن التصرف في الحالات الطارئة وماكثرها في شوارعنا كما ترى ، الارتباك يصيبنا نحن الكبار فما بالك بفتاة غضة الطرف ؟؟

[عاهد بن علي]

اخوي الفاضل ، هذا ماله علاقة بدينها او اخلاقها ماتكلمت عن هالشي ابدا ، انا اقصد انه نضج الفتاة يكون غير مكتمل وهي بهذا السن الصغير ولا تحسن التصرف في الحالات الطارئة وماكثرها في شوارعنا كما ترى ، الارتباك يصيبنا نحن الكبار فما بالك بفتاة غضة الطرف ؟؟

شكرآ يا استاذتي على التوضيح

[روح الاطلس]

دامها رافضه معناها خايفة مافي سبب غير الخوف ودام تخاف صعبه تخليها تسوق


طبعا رايي بيعتمد لو هي البنت الوحيدة اللي بتدش الجامعه مالها الا الباص افضل وتنظم محاضراتها مع مواعيد الباص وايد بنات يسوون جذي
اذا السنه اللي وراها اختها بعد بتدش الجامعه واللي بعدها بعد بنت ثانيه فالدريول اريح من انك تطلع سيارة كل سنه حق كل بنت :)

خلها اول سنة مع الباص اذا ماحبت الباص هي بنفسها بتطلب تسوق وشفت وايد بنات من اعمار 18 و 19 يسوقون وزي الفل مرتاحات من الدريولية وغثاهم :)

من ناحية شرعية الافضل تسوق ولا تركب مع ريال اجنبي خاصة انك تسافر وماتكون موجود بالبيت

[عاهد بن علي]

دامها رافضه معناها خايفة مافي سبب غير الخوف ودام تخاف صعبه تخليها تسوق


طبعا رايي بيعتمد لو هي البنت الوحيدة اللي بتدش الجامعه مالها الا الباص افضل وتنظم محاضراتها مع مواعيد الباص وايد بنات يسوون جذي
اذا السنه اللي وراها اختها بعد بتدش الجامعه واللي بعدها بعد بنت ثانيه فالدريول اريح من انك تطلع سيارة كل سنه حق كل بنت :)

خلها اول سنة مع الباص اذا ماحبت الباص هي بنفسها بتطلب تسوق وشفت وايد بنات من اعمار 18 و 19 يسوقون وزي الفل مرتاحات من الدريولية وغثاهم :)

من ناحية شرعية الافضل تسوق ولا تركب مع ريال اجنبي خاصة انك تسافر وماتكون موجود بالبيت

كلام مقنع
اشكركم
جزاكم الله خير الجزاء

[اوف ليميت]

عادي خلها تسوق كم يوم اتجرب اهيه
ولكن فقط لاسباب أمن وسلامه..والطيش المروري + اسباب خارجيه عن ارادتك مرات..تيليفون..مفاجآت الطريق..الجو مرات يخليك تتعب مالك خلق تسوق ف تستهتر شوي..وجذي

..افضل لو تجيب سواقه فلبينيه...
راح توصلها وتجيبها اي مكان..وبالمره بعد السواقه هذي بتنزل وياها وين ماتبي وتساعدها تشيل الاغراض وجذي..وبالمره لو كان في مكان نسائي واحتاجت البنت لشئ من السياره .. مايحتاج تطلع وتعذب نفسها او عقب ترجع وتلاقي شي تغير .. فالسواقه بحكم انها امرأه بتدش هالمكان النسائي وكل شي سلس وسموووث

:]

[khalid Qtr]

تسوق بنفسها احسن

[عاهد بن علي]

تسوق بنفسها احسن

هذا هو المختصر المفيد
الله يجزاكم كلكم خير

[لاجل QT]

انا ضد سواقة المراءة والبنت ..الا للى عندهم ظروف خاصة جداجدا تستدعى سواقة البنت او المرة

الله يحفظلك بنتك امين

[عاهد بن علي]

انا ضد سواقة المراءة والبنت ..الا للى عندهم ظروف خاصة جداجدا تستدعى سواقة البنت او المرة

الله يحفظلك بنتك امين

وايش رايج في ظروفي
انه عمري ما حطيت سايق ولا راح احط اصلآ
وانه دايم السفر في شهر تسعه الى شهر اثنين ؟

[لاجل QT]

وايش رايج في ظروفي
انه عمري ما حطيت سايق ولا راح احط اصلآ
وانه دايم السفر في شهر تسعه الى شهر اثنين ؟

مافي الا دريول مع امها توصلها وتجيبها..هالزمن صعب اخوى عاهد لزوم الحذر
الله يحفظ بناتنا امين

[دااانة قطر]

عاهد بن علي مبروك دخول بنتك للجامعه والله يوفقها وتفرح فيها
بالنسبة للسواقه إذا هي من نفسها ما تبغى تسوق خلها على راحتها لأن إذا ما كانت مقتنعه إي شيء يحدث لها لا سمح الله بيكون أنت السبب فيه لأنك خليتها تسوق وهي ما تبي ...
بالنسبه للحل أما زوجتك تتعلم تسوق وتودي البنت وجيبها من الجامعه .. ( على إلا تسوق بعد الساعة السابع ليلاً )
أو تحط لها سواقه ترتب معها البنت حسب جدول محاضرتها ..
أو تسجلها في الباص وفي أوقات تكون متواجد ترحمها من ركبة الباص .

ريم الشمال



كنت بكتب نفس الرد
وبالمباارك وربي يوفقها

[دااانة قطر]

مافي الا دريول مع امها توصلها وتجيبها..هالزمن صعب اخوى عاهد لزوم الحذر
الله يحفظ بناتنا امين



يعني هو داايم السفر ويحط دريول شلون؟؟!!:rolleyes2:

[عاهد بن علي]

الله يعين واشكركم كلكم ( فردآ فردآ و مسدسآ مسدسآ )

[qatari 111]

خلها على الله .. والله يعينك

[al_jo0ory]

بس بغيت أوضح نقطه

طبعا أكيد كلنا عارفين ان فالجامعه مافي أي مسؤوله تكون بالباص ... وعاد لك أن تتخيل حال آخر بنت بيوصلها السايق !!!

وياما صارت سوالف ... فدير بالك من هالنقطه لو كانت بنتك في منطقه بعيده عن الجامعه ومضطره أنها تنطر لين ماينزل السايق كل البنات -__-

[الحريّه]

إذا كانت صغيره اخوي عاهد , لا تخليها تسوق . أنت والدها و بإمكانك الحكم على ابنتك إذا كانت ناضجة إلى درجة تسمح بإعطائها سيارة لتسوقها.
المشكلة لا تكمن في البنات أخي عاهد , و لكن في كل ما هو خارج سور المنزل . تخاف عليها من خطر الذئاب البشرية , و تخاف عليها من السائقين غير المهتمين اثناء سواقتهم , فتتعرض فلذة كبدك لحادث لا سمح الله تعض من بعده إصبع الندم .
كما أن الفتاة بعد أن تتعود على السواقة , ستجد صعوبة نسبية في التحكم في ساعات خروجها و عودتها , و في المرافقين لها . كما تأتي الحياة بالكثير من غير المتوقع أخي الفاضل . مثلا , صديقة جديدة تتعرف إليها في الجامعة أو مكان العمل . هؤلاء الأصدقاء يأتون بما لا يعلمه بعض الآباء و الأمهات من المدخلات الغريبة التي لا تتناسب و مجتمعهم الصغير الذي هو أسرتهم . لا نعلم الكم الذي نستطيع فلترته من هذه المدخلات , خاصة و أننا لم نغفل عن الصغار , و نظن أن الكبار في أمان , فننام و نغفل .
تخرجت ابنتي هذا العام من الجامعة , و لا أفكر حتى أن أسمح لها بالقيادة . و إن كان والدها أقل إصراراً , إلا أنني تقلدت مقاليد الحكم في هذا الموضوع , و قلت لها استبعدي هذا الأمر إلى أن تصبحي في عصمة رجل يأذن بعدها أو لا يأذن , بصره !
حط لها سائق . توكل على الله ! السواقين النوبيين أجواد و اخوان شمّا ! والله و جدنا فيهم غيرة تكاد تكون كغيرة إخواننا على بناتنا . كما أن التفاهم معهم سهل , فهم عرب مثلنا , و مسلمون أيضاً و هم أولى من الغريب .
وفقك الله أخي الفاضل
تحياتي:victory:

[الحاقول]

سواقة البنت حقيقة واقعة

[وثائقي]

بالنسبة لي اخوي عاهد اشوف سواقة البنت بالعمر هذا مو مناسب صعب عليها لكن اعطيك حل

بما ان بقطر فيه سواقات ارى انك تتفق مع سواقة توصلها بأي وقت واذا البنت تخرجت وتوظفت تعتبر تعتمد على نفسها عادي طلع لها رخصة وهي بتروح للعمل بروحها

وانا ضد السائق ..

[ولد الشحانية]

انصحك انت ودها كل يوم ونسق مع شغلك عشان التأخير

[الخزرجي قطر]

الله يوفق البنت في دراستها الجامعيه ان شاءالله
انا مع قيادة البنت للسياره وفق متطلبات الحياه الحاليه
ولكن علينا متابعتها والحرص على عدم التاخير في المساء
او تكون والدتها برفقتها . احسبها صح من كل النواحي وتوكل على الله

[بنت ذياب]

تبي نصيحتي اخوي

خلها تسوق

انا توني متخرجة وصراحة لولا الدريول جان الله اعلم بحالي

هذا وبيتنا كلهم يسوقون .. احيانا يتاخرون علي .. واحيانا ماداوم

فما بالك لو الضغط عليك انت بروحك


حتى لو ماعندها جامعه .. احس انها محتاجة رخصة .. بحكم ظروف سفرك .. فرضا لو احتاجت شي .. تقدر تطلع تقضي مشاويرها القريبة

وانا ريلي كله مسافر .. وخذت الليسن مع اني اخاف شوي..
بس مابي ايي يوم واحتاج لحد ..وادور توصيلة والعوز الناس معاي ..:omen2:


والله ايسرلها وتتخرج ان شاءالله ..

[عاهد بن علي]

تبي نصيحتي اخوي

خلها تسوق

انا توني متخرجة وصراحة لولا الدريول جان الله اعلم بحالي

هذا وبيتنا كلهم يسوقون .. احيانا يتاخرون علي .. واحيانا ماداوم

فما بالك لو الضغط عليك انت بروحك


حتى لو ماعندها جامعه .. احس انها محتاجة رخصة .. بحكم ظروف سفرك .. فرضا لو احتاجت شي .. تقدر تطلع تقضي مشاويرها القريبة

وانا ريلي كله مسافر .. وخذت الليسن مع اني اخاف شوي..
بس مابي ايي يوم واحتاج لحد ..وادور توصيلة والعوز الناس معاي ..:omen2:


والله ايسرلها وتتخرج ان شاءالله ..

الصراحه انتي طحتي على الجرح ، فعلآ كلامج في محله وقريتي مشكلتي صح مثل باقي الاعضاء .
اشكركم ( فردآ فردآ و مسدسآ مسدسآ )

[ANONYMOUS]

انت مقرر وخالص بس جاي تبي تشجيع من الجمهور

لاحصل شي لاقدر الله انت المسؤول الاول والاخير ماحد من الاعضاء بيتحمل المسؤوليه معاك

إحترم رغبتها واستخير وربك يزينها

[عاهد بن علي]

انت مقرر وخالص بس جاي تبي تشجيع من الجمهور

لاحصل شي لاقدر الله انت المسؤول الاول والاخير ماحد من الاعضاء بيتحمل المسؤوليه معاك

إحترم رغبتها واستخير وربك يزينها

فعلآ انا اميل للسواقه
لان ظرووف السفر عندي اكبر مشكله
وايضآ فيني تردد يا استاذي الكريم لاني بالاول لما اسمع ان بنت خذت رخصه ازعل لكن اليوم الظروف هي الي غيرت رايي
اشكرك يا استاذي

[حسن]

دور لها على زوج وفك عمرك وانا خوك علشان ليجا البراد
وانت هناك ماتحاتي:victory:

[لولو2022]

انت مقرر وخالص بس جاي تبي تشجيع من الجمهور

لاحصل شي لاقدر الله انت المسؤول الاول والاخير ماحد من الاعضاء بيتحمل المسؤوليه معاك

إحترم رغبتها واستخير وربك يزينها


الله يرحم ايامنا مانقدر نرفع الشيله عن ويهنا والحين لسويج في اليد والجوال في يد والكل واثق في بنته
انا متزوجه وزوجي خايف علي ورافض اسوق
وناس يبون الفكة من عيالهم الله يستر علينا

[مكين]

أنا اعتقد البنت تسوق من 35 وطالع

بعد اكتمال العقل

[intesar]

بما أنها غير متزوجة.. ما أنصح تعطيها بهذا السن.. أنا أشوف هذا السن خطر أن يكون مع البنت ليسن..
شوف أخ عاهد راح أتكلم بوجه عام ..
اليوم بتاخذ الليسن للجامعة وشوي وشوي.. طلعه صغيرة هني وشوي مول اللي حدنا وشوي هالمحل اللبالمنطقة الفلانية.. عقبها البنت تروح كل مكان بسيارتها.. وسنها صغير.. ومن الغير الملائم طلعتها بروحها بكل مكان..

حط لها سواق ولا سواقة أفضل وأبرك..
بصراحة الحريم مايعرفون يسوقون..

خذها نصيحة من أم عندها بنات.. بهذا السن ماينفع ليسن للبنت..
إذا كبرت وماجاها النصيب.. بعدها عطها الليسن.. يمكن تكون بحاجه لها..

أنا مع أخذ الليسن بس مو بهذا السن..

ودمتم بحفظ الرحمن..

[حسن]

أنا اعتقد البنت تسوق من 35 وطالع

بعد اكتمال العقل

:funny:

[ابن الجزيرة]

تسوق سيارتها الخاصة وماهي المشكلة؟؟

[عاهد بن علي]

الله يرحم ايامنا مانقدر نرفع الشيله عن ويهنا والحين لسويج في اليد والجوال في يد والكل واثق في بنته
انا متزوجه وزوجي خايف علي ورافض اسوق
وناس يبون الفكة من عيالهم الله يستر علينا

مش فكه يااختي
انا لي ظروف واستشيركم ، استشير ذوي الخبره
مع العلم اني انه عمري ما حطيت سايق طيلة 30 سنه زواج
غيره على اهلي ومهما تكون الظروف سايق ما راح احط
لكن في مثل يقول ( غصبن على الابل تركب جاريات السفن )

[عاهد بن علي]

دور لها على زوج وفك عمرك وانا خوك علشان ليجا البراد
وانت هناك ماتحاتي:victory:

هلا وغلا ( بومحمد ) افكارك خارقه للعاده هههههههههههههههه

[عاهد بن علي]

اشكر الجميع ونصايحكم على راسي

[غايه الطواش]

مافيه الا الام وبنتها يتدربون على السواقه ....
الصراحه الدريول شر موقت فالبيت ...
البنت تخلي الليسن للضروره بس امها توديها وتجيبها ..
لكن في حاله تعب الام او انشغالها تقدر البنت تقوم بعمرها ...وفي نفس الوقت تسجل بباص ....

[عاهد بن علي]

تسجيل باص صعب جدآ انه ساكن بعين عن الجامعه
وألأم الله يعينها على البيت والطبخ والتنظيف والتربيه والغسيل والكوي كل هذا بدون خدامه والبيت كبير
والام مثل البنت ما تأيد السواقه

[غايه الطواش]

تسجيل باص صعب جدآ انه ساكن بعين عن الجامعه
وألأم الله يعينها على البيت والطبخ والتنظيف والتربيه والغسيل والكوي كل هذا بدون خدامه والبيت كبير
والام مثل البنت ما تأيد السواقه

اتفق مع وحده من الي يوصلون
او جيب شغاله وعلمها تسوق ووقت البنت ماعندها شغل على الاقل تساعد في الكواي وخم الحوش والغسيل وخاصه ان البيت كبير !

[intesar]

أخي عاهد الحين تقدر تطلب من المكاتب سواقات حريم.. شوي معاشاتهم غالية بس يشتغلون خدم وسواقات..

[ابوعلي]

من رايي ومثل ما وضحوا بعض الاخوة والاخوات ان تجيب سواقة تشتغل بالبيت وتوصل البنت الله يحفظها

[لولو2022]

مش فكه يااختي
انا لي ظروف واستشيركم ، استشير ذوي الخبره
مع العلم اني انه عمري ما حطيت سايق طيلة 30 سنه زواج
غيره على اهلي ومهما تكون الظروف سايق ما راح احط
لكن في مثل يقول ( غصبن على الابل تركب جاريات السفن )


اسمحلي اخوي انا اسفة والله
بس تذكرت نفسي لما اخواني كانوا يغارون علينا وايد
والحين كل شي عادي
يعني انت عمرك ماحطيت دريول والحين بتعطي البنت اليسن
هذا تناقض ولا من الكبر ههههههههههه اضحك

[ANONYMOUS]

اسمحلي اخوي انا اسفة والله
بس تذكرت نفسي لما اخواني كانوا يغارون علينا وايد
والحين كل شي عادي
يعني انت عمرك ماحطيت دريول والحين بتعطي البنت اليسن
هذا تناقض ولا من الكبر ههههههههههه اضحك


وانا اقول بعد ع الاقل تدرج

مش شطحه مره وحده

جرب الباص تيرم.. شوف يمشي الحال ولا لا

وبعدين ربك بيسهل

[لولو2022]

وانا اقول بعد ع الاقل تدرج

مش شطحه مره وحده

جرب الباص تيرم.. شوف يمشي الحال ولا لا

وبعدين ربك بيسهل

ههههههههههههه شنو الباص تيرم

[ANONYMOUS]

ههههههههههههه شنو الباص تيرم

اقصد اقول لأخي عاهد يجرب الباص ك مواصلات لمدة تيرم( كورس - فصل- نص سنه) اذا الوضع متأزم يجرب وسيله اخرى

[عاهد بن علي]

شكرآ اساتذتي على الاهتمام

[خليفـة]

قواك الله اخوي عاهد
:)

انا مع سواقة المرأة بشكل عام
في حال لم يتوفر لها من يوصلها ويقوم بالتكفل بمشاويرها
سواء للعمل او لأي مكان تحتاجه

على الأقل افضل وأسلم لها من الركوب مع سائق اجنبي تختلي به

والله اعلى وأعلم
:)

خليفــة

[عاهد بن علي]

مداخلاتكم طيبه
اشكركم جميعآ

[المسك1969]

عن نفسي فأنا سقت بالغصب وعقب هواش بين أمي وأبوي... أمي مع السواقه وأبوي ضد لأنه عيب في وقت كان قليل بل نادرا أن تسوق النساء وأتكلم عن 1995م...

الحين صرنا نشوف صغار يسوقونبحجة الذهاب للجامعة وحقيقة أنا ضد سواقة البنت في هالعمر الصغيرة وأفضل أنها تركب الباص أو تؤجر سيارة بسواق/سائقه على أن تسوق بنفسها

ولي بنات عمتي بناتهم 2 يسوقون سياير آخر موديل للذهاب للجامعه لكن وحدة منهم تروح لربعها وتطلع وياهم وهو أمر أشوفه غريب ومرفوض لكن ما عادت وحدة منهم قادرة عليهاإلا ما تقدرتكلمها

ربي يحفظ بناتي ويستر عليهم ويجعلهم من الصالحات لكن نصيحة أخت لك في الله ألا تسوق الآن ودام أنها رافضه خير لهاإن شاء الله... جيب سواق وتروح وياها والدتهاأو الشغاله أو أحدمن أخوانها للتوصيل أو جيب لها سواقه بالشهر وربي يوفق الجميع إن شاء الله

[chillis]

مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ

ترجع لك :)

[سفير الدوحة]

اي والله صج كلامه اخونا
خلها تسجل بباص الجامعة ،، لهم جدول معين يمشون عليه ،، اتوقع يمر البيت ع الساعه 6ونص ويكونون بالجامعة 7:45 ويخلصون 2 م
اسئل التسجيل فالجامعة ،، خدمة اكسبرس

[عاهد بن علي]

ما شاء الله عليكم ردودكم 99% هادفه الا ما ندر
اشكركم على التفاعل يا اساتذتي

[آنا غيــر]

والله انا خاطري اسوق بس اخاف اسوق واخرتها يطيح حظي زياده ومحد يخطبني -_-

فكل شي خل نخليه عقب الزواج .. نفس صديقاتي يحليلهم قبل الزواج كانوا متنقبات وعقب ماعرسوا افصخوا النقاب ..

[عاهد بن علي]

والله انا خاطري اسوق بس اخاف اسوق واخرتها يطيح حظي زياده ومحد يخطبني -_-

فكل شي خل نخليه عقب الزواج .. نفس صديقاتي يحليلهم قبل الزواج كانوا متنقبات وعقب ماعرسوا افصخوا النقاب ..

ما شاء الله عليج اصلآ انتي ( غير )
تسلمين على هذه المداخله القصيره المعبره المفيده

[برشلوني قطر]

والله ياخوي موقفك صعب والله يسهل امورك..

انا نفسك لا عندي دريول ولا خادمه..

لاكن لحد الان ماوصلت للمرحله الي وصلتها انت..

ممكن تأجر سايقه توصلها لمحاضراتها فقط..

والله يعطيك ع قد نيتك

[Abu Mahmoud]

الوضع حسب ظروفها العائلية

وثقة البنت في نفسها وثقة اهلها فيها .

[العميد الركن]

الله يخلي لك بنتك ويستر عليكم وعليها وتشوفها متخرجه

نصيحه لاتخليها تسوق ,, اولا السواقه خطره وخصوصا هي توها صغيره وغالبا تجيك المره تخاف واي خطأ صغير يحدث كارثه لاسمح الله

وثانيا, اغلب الي يدورون حريم يتزوجونهم اذا عرف انها تسوق يغير رايه هذا مجتمعنا وهذه عاداتنا لأنا عرب فينا غيره بيقولك هذه اهلها مقبضينها سياره ومادري وين تروح وين تجي وألف شي وشي في باله" الحشيمه لك ولهلك" والحياة الجامعية مالها وقت معين محاظرات بينها وقت فراغ طويل والبنت صغيره وفي عمر مراهقه والجامعه فيها الصالح والطالح

انصحك تجيب لها فلبنيه تسوق انا عندي وحده عيوز مسلمه تسوق

[عزووز قطر]

الله يخلي لك بنتك ويستر عليكم وعليها وتشوفها متخرجه

نصيحه لاتخليها تسوق ,, اولا السواقه خطره وخصوصا هي توها صغيره وغالبا تجيك المره تخاف واي خطأ صغير يحدث كارثه لاسمح الله

وثانيا, اغلب الي يدورون حريم يتزوجونهم اذا عرف انها تسوق يغير رايه هذا مجتمعنا وهذه عاداتنا لأنا عرب فينا غيره بيقولك هذه اهلها مقبضينها سياره ومادري وين تروح وين تجي وألف شي وشي في باله" الحشيمه لك ولهلك" والحياة الجامعية مالها وقت معين محاظرات بينها وقت فراغ طويل والبنت صغيره وفي عمر مراهقه والجامعه فيها الصالح والطالح

انصحك تجيب لها فلبنيه تسوق انا عندي وحده عيوز مسلمه تسوق

اوافقك الرأي مليووون % خصوصا في موضوع الزواج
اغلب ربعنا يدورون وحدة ماتسوق

ومثل ماقلت احنا العرب فينا غيرة مب طبيعية ولو شانت الظروف بجيب لي سواقة توصلها وترجعها :nice:

[طارق]

خلها أتسوق , تتعلم المسؤليه وتخدم عمرها وشخص آخر يساعد في المنزل .

والبنت نفس الشاب عندها أراده وعقل , بل ممكن البنت عندها نضوج أسرع من الشاب .


نساء الماضي , سقنا التنكر وركبن الجمل والحصان - وما ادري هل قياده المرأه سبب عنوسه بعض النساء :):)توكل على الله , اشترلها سياره صغيره اتروح بها مشاوير الجامعه , وجعلها اتكون ذخر لك .

[عاهد بن علي]

الله يخلي لك بنتك ويستر عليكم وعليها وتشوفها متخرجه

نصيحه لاتخليها تسوق ,, اولا السواقه خطره وخصوصا هي توها صغيره وغالبا تجيك المره تخاف واي خطأ صغير يحدث كارثه لاسمح الله

وثانيا, اغلب الي يدورون حريم يتزوجونهم اذا عرف انها تسوق يغير رايه هذا مجتمعنا وهذه عاداتنا لأنا عرب فينا غيره بيقولك هذه اهلها مقبضينها سياره ومادري وين تروح وين تجي وألف شي وشي في باله" الحشيمه لك ولهلك" والحياة الجامعية مالها وقت معين محاظرات بينها وقت فراغ طويل والبنت صغيره وفي عمر مراهقه والجامعه فيها الصالح والطالح

انصحك تجيب لها فلبنيه تسوق انا عندي وحده عيوز مسلمه تسوق

اشكر الجميع على الاهتمام وابداء النصح
واشكرك استاذي القدير لانك وعيتني على شيئ كنت انا ( غافل عنه ) وهو الزواج ، فعلآ الي تسوق لها نظره ثانيه من قبل بعض الخطاب !!!!!!!!!!!!!!!!!!
مع العلم ان البنت رافضه السواقه مش على شان الخوف ، لا ، ولكن على شان الستر
جعل الله يستر عليكم

[elders]

والله انا خاطري اسوق بس اخاف اسوق واخرتها يطيح حظي زياده ومحد يخطبني -_-

فكل شي خل نخليه عقب الزواج .. نفس صديقاتي يحليلهم قبل الزواج كانوا متنقبات وعقب ماعرسوا افصخوا النقاب ..

الله يثبت المنتقبات ويزيد عددهم

[حسن]

خلها أتسوق , تتعلم المسؤليه وتخدم عمرها وشخص آخر يساعد في المنزل .

والبنت نفس الشاب عندها أراده وعقل , بل ممكن البنت عندها نضوج أسرع من الشاب .


نساء الماضي , سقنا التنكر وركبن الجمل والحصان - وما ادري هل قياده المرأه سبب عنوسه بعض النساء :):)توكل على الله , اشترلها سياره صغيره اتروح بها مشاوير الجامعه , وجعلها اتكون ذخر لك .

صدقت ياطارق امي الله يرحمها كانت تسوق دنكر من الاربيعينات تجيب ماي من ام سويه
لين الخور اكيد محد مصدقني

[روح الاطلس]

الله يخلي لك بنتك ويستر عليكم وعليها وتشوفها متخرجه

نصيحه لاتخليها تسوق ,, اولا السواقه خطره وخصوصا هي توها صغيره وغالبا تجيك المره تخاف واي خطأ صغير يحدث كارثه لاسمح الله

وثانيا, اغلب الي يدورون حريم يتزوجونهم اذا عرف انها تسوق يغير رايه هذا مجتمعنا وهذه عاداتنا لأنا عرب فينا غيره بيقولك هذه اهلها مقبضينها سياره ومادري وين تروح وين تجي وألف شي وشي في باله" الحشيمه لك ولهلك" والحياة الجامعية مالها وقت معين محاظرات بينها وقت فراغ طويل والبنت صغيره وفي عمر مراهقه والجامعه فيها الصالح والطالحانصحك تجيب لها فلبنيه تسوق انا عندي وحده عيوز مسلمه تسوق


اسمح لي هذا تفكير القطيع نفكر كما يفكر غيرنا بدون ادنى منطق او واقعيه!!!

الحين اللي تسوق صار عيب في حقها ومشكوك بأمرها؟!!! وغير مرغوبة كزوجه!


طيب واللي عندها سواق ومافي بيت قطري مافيه سواق والسواق عبد المأمور روح يمين ياراجو راح يمين وروح يسار ياراجو راح يسار اللي تبي تدوج وماتسوق ماتقدر يعني؟؟ بتقدر وغصب عن اللي يرضى ومايرضى دام في راسها تسوي الي تبيه بتسويه ووتروح وين ماتبي سواء ساقت او ماساقت

واللي يرفضون بنات عشانهم يسوقون اقول ياحظ البنات من هالتفكير السطحي

وايد بنات مايسوقون ويسوون مناكر مايسويها غيرهم

فعذراً كفانا تفكير سطحي وظالم ومجحف وخالي من المنطقية والاتزان .. متى سيفوق مجتمعي من غيبوبته :)

[فلتة زمانها]

والله انا خاطري اسوق بس اخاف اسوق واخرتها يطيح حظي زياده ومحد يخطبني -_-

فكل شي خل نخليه عقب الزواج .. نفس صديقاتي يحليلهم قبل الزواج كانوا متنقبات وعقب ماعرسوا افصخوا النقاب ..

افااااا بس الحين الي تسوق محد يخطبها
اقول ليش بعض البنات متخرعات من تعرس ينقلب حالها وتصير فري

[ريم 28]

نصيحه لا اتخليها اتسوق خلها مرتاحه ومع سائق علشان ما تتعب

من الناحيه الصحيه فقط افضل انك اتغير رايك

اما انها ما تنخطب ومن هالكلام ما اتوقع ساقت والا ما ساقت نفس الشي لان السائق عبد المامور مثل ما قالت لك روح الاطلس


والله يوفق بنتك ولا اتعبها واتخليها اتسوق اعرف بنات جاتهم مشاكل في الرقبه وتدهورت صحتهم بسبب السواقه

[سيف الحرية]

زوجها ... وخاصة أنها مطوعة ومحتشمة فتكون جداً مرغوبة !!!

[العميد الركن]

اسمح لي هذا تفكير القطيع نفكر كما يفكر غيرنا بدون ادنى منطق او واقعيه!!!

الحين اللي تسوق صار عيب في حقها ومشكوك بأمرها؟!!! وغير مرغوبة كزوجه!


طيب واللي عندها سواق ومافي بيت قطري مافيه سواق والسواق عبد المأمور روح يمين ياراجو راح يمين وروح يسار ياراجو راح يسار اللي تبي تدوج وماتسوق ماتقدر يعني؟؟ بتقدر وغصب عن اللي يرضى ومايرضى دام في راسها تسوي الي تبيه بتسويه ووتروح وين ماتبي سواء ساقت او ماساقت

واللي يرفضون بنات عشانهم يسوقون اقول ياحظ البنات من هالتفكير السطحي

وايد بنات مايسوقون ويسوون مناكر مايسويها غيرهم

فعذراً كفانا تفكير سطحي وظالم ومجحف وخالي من المنطقية والاتزان .. متى سيفوق مجتمعي من غيبوبته :)

القطيع الي يفكر مثلك الي يحب يتفتح وكلشي عنده فري وحاط المره حالها من حال الرجال

أنا قلت البنت صغيره وبوقت مراهقه وسياره تحت يدها والرجال يقولك أنا اكون مسافر ..الدريول مأمور بس تقدر تسأله وين وصلها او الوالدة أتابعها أوتوصلها معاه .. وايد بنات يسوقون ومن مجمع لي مجمع وقهاوي ويسون الي ما يسويه إبليس وتحصلها قايله حق أمها بروح ادرس مع رفيجتي السيارة تجعل كل هاي أسهل

مجتمعك واعي وفاهم والغيبوبة للي ما عنده غيره ..أنا ماقلت الي تسوق تسوي منكر أنا نصحت الرجال بحكم عمر بنته وأنها بجامعه

[سيف الحرية]

الله يخلي لك بنتك ويستر عليكم وعليها وتشوفها متخرجه

نصيحه لاتخليها تسوق ,, اولا السواقه خطره وخصوصا هي توها صغيره وغالبا تجيك المره تخاف واي خطأ صغير يحدث كارثه لاسمح الله

وثانيا, اغلب الي يدورون حريم يتزوجونهم اذا عرف انها تسوق يغير رايه هذا مجتمعنا [/color[color="red"]]وهذه عاداتنا لأنا عرب فينا غيره بيقولك هذه اهلها مقبضينها سياره ومادري وين تروح وين تجي وألف شي وشي في باله" الحشيمه لك ولهلك" والحياة الجامعية مالها وقت معين محاظرات بينها وقت فراغ طويل والبنت صغيره وفي عمر مراهقه والجامعه فيها الصالح والطالح

انصحك تجيب لها فلبنيه تسوق انا عندي وحده عيوز مسلمه تسوق


كلامك أخوي العميد الركن قمة الصواب وكلام إنسان محافظ راقي يحترم نفسه وعاداته وتقاليده وكلام واقعي ...
وتفكير يمنع من الانفلات ...

والبنت المحترمة المحتشمة تحترم نفسها أولاً ثم أهلها ومجتمعها ...

[الشيخة شيوخة]

انا مااا انصح
لانها صغيره
وهم السواقه تعب
والى عندها سائق
تحس انها اميرة
ولاتحاتي بارك
او غيره
هم كشختها ماتروح في الحظيظ

[عاهد بن علي]

افااااا بس الحين الي تسوق محد يخطبها
اقول ليش بعض البنات متخرعات من تعرس ينقلب حالها وتصير فري

صح ليش سؤال مهم ؟؟؟؟؟؟؟؟؟؟؟؟؟؟؟
ليش تنقلب 180 درجه ليش ؟؟؟؟؟؟؟؟؟

الزواج قسمه ونصيب و مقدر من ربنا سبحانه وتعالى
والليسن لا يقدم ولا يؤخر
وانما بعض الخطاب عنده تحفض على هذه المساله
اشكرك استاذتي على المداخله

[Zeezoo]

انا اشوف خلها تسوق بس مش في اول سنه جامعيه بعد السنه الاوله

[qatara]

الله يخلي لك بنتك ويستر عليكم وعليها وتشوفها متخرجه

نصيحه لاتخليها تسوق ,, اولا السواقه خطره وخصوصا هي توها صغيره وغالبا تجيك المره تخاف واي خطأ صغير يحدث كارثه لاسمح الله

وثانيا, اغلب الي يدورون حريم يتزوجونهم اذا عرف انها تسوق يغير رايه هذا مجتمعنا وهذه عاداتنا لأنا عرب فينا غيره بيقولك هذه اهلها مقبضينها سياره ومادري وين تروح وين تجي وألف شي وشي في باله" الحشيمه لك ولهلك" والحياة الجامعية مالها وقت معين محاظرات بينها وقت فراغ طويل والبنت صغيره وفي عمر مراهقه والجامعه فيها الصالح والطالح

انصحك تجيب لها فلبنيه تسوق انا عندي وحده عيوز مسلمه تسوق





عين العقل
و
دع مايريبك الى مالا يريبك

[لولو2022]

الله يخلي لك بنتك ويستر عليكم وعليها وتشوفها متخرجه

نصيحه لاتخليها تسوق ,, اولا السواقه خطره وخصوصا هي توها صغيره وغالبا تجيك المره تخاف واي خطأ صغير يحدث كارثه لاسمح الله

وثانيا, اغلب الي يدورون حريم يتزوجونهم اذا عرف انها تسوق يغير رايه هذا مجتمعنا وهذه عاداتنا لأنا عرب فينا غيره بيقولك هذه اهلها مقبضينها سياره ومادري وين تروح وين تجي وألف شي وشي في باله" الحشيمه لك ولهلك" والحياة الجامعية مالها وقت معين محاظرات بينها وقت فراغ طويل والبنت صغيره وفي عمر مراهقه والجامعه فيها الصالح والطالح

انصحك تجيب لها فلبنيه تسوق انا عندي وحده عيوز مسلمه تسوق


صح السانك ..ماضاع مجتمعنا الا من الثقة الزايده وعدم الغيرة
والي مافي غيرة على هله شيطلع

[لولو2022]

خلها أتسوق , تتعلم المسؤليه وتخدم عمرها وشخص آخر يساعد في المنزل .

والبنت نفس الشاب عندها أراده وعقل , بل ممكن البنت عندها نضوج أسرع من الشاب .


نساء الماضي , سقنا التنكر وركبن الجمل والحصان - وما ادري هل قياده المرأه سبب عنوسه بعض النساء :):)توكل على الله , اشترلها سياره صغيره اتروح بها مشاوير الجامعه , وجعلها اتكون ذخر لك .


اخ طارق سؤال ياليت ماتهرب منه مدام انت بهذه الجراءه
نساء الماضي يسوقون تناكر هههههههههههههههههه
وين في قطر ولا ..... سعات الواحد ينفضح بكلمه
عادي عادي بس قول اسم المنطقه خل نكتشف الحقيقة

[فلتة زمانها]

صح ليش سؤال مهم ؟؟؟؟؟؟؟؟؟؟؟؟؟؟؟
ليش تنقلب 180 درجه ليش ؟؟؟؟؟؟؟؟؟

الزواج قسمه ونصيب و مقدر من ربنا سبحانه وتعالى
والليسن لا يقدم ولا يؤخر
وانما بعض الخطاب عنده تحفض على هذه المساله
اشكرك استاذتي على المداخله

الزواج والطلاق قسمة ونصيب
عرفت ليش تنقلب 180 درجة :)

[عاهد بن علي]

الزواج والطلاق قسمة ونصيب
عرفت ليش تنقلب 180 درجة :)

نعم عرفت

[العميد الركن]

افااااا بس الحين الي تسوق محد يخطبها
اقول ليش بعض البنات متخرعات من تعرس ينقلب حالها وتصير فري

الي انقلبت بعد الزواج وصارت فري للأسف انها ماخذت رجال :)

[طارق]

اخ طارق سؤال ياليت ماتهرب منه مدام انت بهذه الجراءه
نساء الماضي يسوقون تناكر هههههههههههههههههه
وين في قطر ولا ..... سعات الواحد ينفضح بكلمه
عادي عادي بس قول اسم المنطقه خل نكتشف الحقيقة


ياريت تقسمين ورقه التوت الي عليج بالنصيفه , عشان استر علي فضيحتي .

[طارق]

ضحكني بعض الناس بالغصب , لما يقول عادات وتقاليد . عجل اتحطلك واحد غريب في البيت ابرك ؟

[لولو2022]

ياريت تقسمين ورقه التوت الي عليج بالنصيفه , عشان استر علي فضيحتي .


يا عيني عليك يا دبلماسي بس وين الرد
للاسف ماعندي ورق توت عندي ورق المانيوم اذا بتلفه عليك
تضحك على الي يقول عادات وتقاليد مسكين الظاهر العادات انتهت عندك من زمان

[شموخ]

أنا من رأيي انها اتسوق السيارة بنفسها وايد أبرك لها من الدريول بس أهم شيئ تتقيد بأنظمة المرور والله يحفظها ان شاءالله

[مشاكل]

اخوي عاهد اصبر ورابط
مسؤولية البيت جهاد والله سبحانه وتعالى بياجرك عليها
الله يكون بعونك

للعلم اخوي عاهد انا ماعندي دريول وعندي بنتين فالجامعه ومايسوقون وانا اللي اوصلهم الجامعه واشغال الدنيا كلها على راسي وعيالي لين الحين محد فيهم يسوق لكني صابر دامها مسؤوليتي لازم اتحملها

[طارق]

اخوي عاهد اصبر ورابط
مسؤولية البيت جهاد والله سبحانه وتعالى بياجرك عليها
الله يكون بعونك

للعلم اخوي عاهد انا ماعندي دريول وعندي بنتين فالجامعه ومايسوقون وانا اللي اوصلهم الجامعه واشغال الدنيا كلها على راسي وعيالي لين الحين محد فيهم يسوق لكني صابر دامها مسؤوليتي لازم اتحملها


اصبر ورابط , وتعب عمرك, واذا تعبت يوم خل بنتك تسقط عادي(ماهذا الهراء) . أذا بنات علماء الدين يقدن السياره للضرورات , ومافي أهم من العلم .

[qatara]

اخوي عاهد اصبر ورابط
مسؤولية البيت جهاد والله سبحانه وتعالى بياجرك عليها
الله يكون بعونك

للعلم اخوي عاهد انا ماعندي دريول وعندي بنتين فالجامعه ومايسوقون وانا اللي اوصلهم الجامعه واشغال الدنيا كلها على راسي وعيالي لين الحين محد فيهم يسوق لكني صابر دامها مسؤوليتي لازم اتحملها

كفو عليك
والله ياجرك على جهادك
ويبلغك فيهم ويبرون فيك حي وميت بعد طولة العمر

[Super Cool]

سواء انت توصلها أو هي تسوق أعتقد ضروري البنت يكون عندها ليسن

سبق و أن تغربت لظروف الشغل و زوجتي معاي و حاشني مرض شديد الله يكافيكم الشر و الله ما وصلني و جابني و شالني إلا هالمرة الله يجزاها خير....أفرض في يوم انت مع بنتك أو زوجتك و تسوقون و صادك شي لا سمح الله....صدعت...تعبت....أي شي....شنو تتوقع منها تسوي؟؟ تأشر حق المواتر و الا تتصل فالأسعاف و تقعد تولول عليك؟؟؟

أقترح البنت تاخذ ليسن....و لما يكون في أحد يقدر يوصلها يقوم بالواجب و لما تستعصي الأمور لسفر أو لغيرة تتكفل البنت بنفسها....مب شرط تسوق كل يوم لكن الليسن نفسه وجوده ضروري

[ms-qtr]

توكل على الله وخلها تسوق
انت ترتاح وهي بعد ترتاح
لان الحياة الجامعية ما فيها روتين
واحيانا يكون في وقت طويل بين المحاضرات فخلها تسوق

[لولو2022]

الكل قال رأيه .. نبي نعرف رأيك يا عاهد

[سيف الحرية]

ضحكني بعض الناس بالغصب , لما يقول عادات وتقاليد . عجل اتحطلك واحد غريب في البيت ابرك ؟


يا اما هذا أو ذاك!!! هكذا أنت تفهم الأمور!!!

[عضو نشيط]

الله يكون في العون

وأنصح بقول الرسول صلى الله عليه وسلم
كل راعي وكل مسؤول عن رعيته
بلا سواق بلا ليسن بلا دوام
زوجتك مسؤوليتك وفي ذمتك ،،، وصلها الجامعه وبعد الجامعه ،،،

وقرن في بيوتكن

الله الله فيها بالمصروف والرعاية

بلا دوام بلا سائق بلا خادمة بلا وجع راس

وإذا أظروفك ما تسمح الله يعينك ،،، بالسواق ،،

هذي وجهة نظري والله يكون ف عونك

وتقبل مروري بصدر رحب

والسلام عليكم ورحمة الله وبركاته

[عاهد بن علي]

اشكر الجميع على الاهتمام والتفاعل فردآ فردآ ، اختلفت الاراء ، بين موافق ورافض ، وقراري الاخير هو : ان اصلي الاستخاره واتوكل على الله بالي الله يقسمه
جعل من جابكم في الجنه

[دااانة قطر]

بس بغيت أوضح نقطه

طبعا أكيد كلنا عارفين ان فالجامعه مافي أي مسؤوله تكون بالباص ... وعاد لك أن تتخيل حال آخر بنت بيوصلها السايق !!!

وياما صارت سوالف ... فدير بالك من هالنقطه لو كانت بنتك في منطقه بعيده عن الجامعه ومضطره أنها تنطر لين ماينزل السايق كل البنات -__-



ماصدق

[bo_hamad]

انتقادات الشباب للبنات نظراً لتصرفات بعض البنات او النساء لان سلبياتهم اكثر من الايجابيات في قيادة السيارات ... الخ

ولكني اقول لك اخي العزيز بانك تستخير والله يجيب اللي فيه خير لك ولاهلك

ودمتم سالمين

[مشاكل]

كفو عليك
والله ياجرك على جهادك
ويبلغك فيهم ويبرون فيك حي وميت بعد طولة العمر
ماعليك زود يالغالي كتارا
جزاك الله خير على الدعوه الطيبه
وجعل والديك الجنه

[مشاكل]

اصبر ورابط , وتعب عمرك, واذا تعبت يوم خل بنتك تسقط عادي(ماهذا الهراء) . أذا بنات علماء الدين يقدن السياره للضرورات , ومافي أهم من العلم .

ياخوي بالغصب تفرض رايك علي ؟؟!!
اذا انت هلك عادي يسوقون انا عندي مب عادي ولو على قص رقبتي ،،، حر وكيفي

[روح الاطلس]

^

ما رأي الشرع؟

[الكنترول]

الله كريم الحال من الحال

[حبر وقرطاس]

هل انت مع أو ضد سواقة البنت الجامعيه ؟ ولماذا ؟
بالنسبه لي انا ما عندي سائق ومن تزوجت ما حطيت سائق لكن الحين البنت مقبله على الحياه الجامعيه ومن بعد الجامعه العمل ان شاء الله فهل تنصحوني بان اخذ رخصة سواقه لها ام لا ؟ و هي رافضه فكرة السواقه وانا احاول ان اقنعها ، فما هي نصيحتكم الله يجزاكم خير .
ارجو المشاركه وابداء النصيحه لو تكرمتوا لتعم الفائده
مع العلم ان زوجتي ما تسوق .

نساء العرب في الماضي وهن من اشراف العرب ومن قريش تحديدا كن يمتطين صهوه الابل والخيل ليس لتقول الناس فلانه فعلت كذا وكذا وانما لقضاء حوائج الحياه بها من حل وترحال .
شريحه كبيره من الفتيات والنساء القطريات والاخوات العربيات يقدن سياراتهن لقضاء حوئجهن من التزمات دراسيه وعمل ومساعده لاهاليهن والمراه تساند الرجل في حمل اعباء الاسره ومشارويهم وحتى في حالات الضروره وجود رخصه القياده وممارستها للمراه امر جدا مهم لتنفع نفسها واهلها ولتقلل عبء الياه عن اسرتها بحسب انشغالتهم والتزاماتهم
الحياه الجامعيه ومشاويرها وطول مده الدراسه تتطلب توفر شخص متفرغ لتوصيل ابنتكم الكريمه من والى الجامعه وفي رايي الشخصي فكره السائق لا احبذها فكما لديه عينان وعقل ويدين ورجلين هي لا ينقصها شئ واعطها دفعه من الثقه بالنفس واجعلها تأخذ حصص تدريب السواقه الكافيه التي تجعلها تثق في نفسها وتتحمل مسؤوليه ذاتها فوالله الكثير من اهلي بعد ان تعلمن القياده يكرهن ان يخرجن لاي من مشاويرهن مع السائق اصبحن يشعرن بالضيق والحرج من وجود رجل غريب يقود السياره وهن على درايه بالقياده الا في المشاوير التي تتطلب وجود سائق في حالات الزحمه وقله المواقف .
فالاعتماد على النفس ثم الاعتماد على النفس ثم الاعتماد على النفس
ومع الاسف الشديد وجدت بين مجتمع الفتيات في قطر ظاهره خفيه اصبحت كنوع من الرفاهيه حين تجد البعض منهن يمنعن من قياده السياره ووجود سائق تتفاخر اما زميلاتها انا لا اقود السياره انا لدي سائقي الخاص كدليل على الرفاهيه وليس الحاجه
فاتقوا الله فيما رزقكم فالنعمه زواله

[لولو2022]

^

ما رأي الشرع؟


سؤال مهم ليش علماء السعودية رافضين سواقه المراءه ؟؟
في قطر حلال ماختلفنا لكن البنت صغيره توها مخلصه الثانويه ، بداء الموضوع قديما لما كانت المراءه مضطرة
ولها ظروفها ولكل كان يشوفها بحتقار وشوي شوي
الي اتزوج خلاص زوجها سامح لها
بس الحين لا صارت موضه

[سيف الحرية]

بنتك أهم من سفراتك ...

[عاهد بن علي]

اشكر الجميع وفعلآ في ردود جدآ جميله و واقعيه وعمليه ، اشكركم
ومشكلة سفراتي المتقطعه في شهر تسعه الى شهر اثنين لابد منها لانها سفرات عمل .
بأذن الله انا راح اصلي الاستخاره واشوف ايش الله يكتب

[QtrGate]

انا اشوف اتخلي البنت اتسوق
اولا
احسن من الدريول الي هو رجال غريب وماتحل له
ثانيا
افضل من انك تجيب سواقه توصل بنتك
هل تثق بالحرمه اكثر من بنتك

المهم التربية
وماشاء الله تربية اهل قطر مافي احسن منها
عطها السياره وتوكل على الله

[عاهد بن علي]

انا اشوف اتخلي البنت اتسوق
اولا
احسن من الدريول الي هو رجال غريب وماتحل له
ثانيا
افضل من انك تجيب سواقه توصل بنتك
هل تثق بالحرمه اكثر من بنتك

المهم التربية
وماشاء الله تربية اهل قطر مافي احسن منها
عطها السياره وتوكل على الله

ماشاء الله رد مختصر لكن معبر جدآ جدآ جدآ
اشكرك استاذي القدير

[w.qatar]

خلها تسووق تخدم نفسها و تفتك من اللعوزه انا ايام الجامعه باص لان الوالد نفس حالتك كثيره سفراته و الدوام تلعوزت مع الحريم اللي يوصلون عادي ينكبونكم وما يلتزمون من سقت ارتحت الحمد لله و ما اطلع الا للدوام او موعد مستشفى طلعات العصر مع الاهل

[غموضي محيرهم]

اوافق وبشددددده ,, خاطري اسوووق عشان اوصل البيت بسرعه وعشان ما اتعب هلي

هالسنه واااجد من بنات الجامعه يسوقون

[عاهد بن علي]

الله يجزاكم خير
بدت الدراسه وبدت البهدله (الله يعين ) الصراحه مهب قادر اوفق بين الجامعه والمحل والعمل والسفر

[حسن]

عطيناك الشور بس وين اللي بيسمع

شوف ياتترك الشغل وتتقاعد ياتترك تجاره الطيور وتسكر محلك ولا ياينسحب جوازك وينحط عليك ممنوع من السفر

ياتخلي البنت تسوق وتفتك منك وتفتك منها ولا تقعدها في البيت ولا تزوجها واهني انت الربحان افتكيت من المشكله

بكبرها تروح الشغل وتجابل تجارت وتسافر ها وش قلت

[عاهد بن علي]

عطيناك الشور بس وين اللي بيسمع

شوف ياتترك الشغل وتتقاعد ياتترك تجاره الطيور وتسكر محلك ولا ياينسحب جوازك وينحط عليك ممنوع من السفر

ياتخلي البنت تسوق وتفتك منك وتفتك منها ولا تقعدها في البيت ولا تزوجها واهني انت الربحان افتكيت من المشكله

بكبرها تروح الشغل وتجابل تجارت وتسافر ها وش قلت

هههههههههههههههههههههههههههههههه
افكار عجيببه

[صوت الضمير]

اخوي الفاضل عاهد انت شنو وجهة نظرك


موب مهم رأي الناس انت شف الأريج لكم وسوه


والله أنا ودي أسوق اروح دوامي واجي البيت أحسن من اركب مع سائق اجنبي بروحي

لكن مستحيل يرضون الأهل للحين مانفكت العقدة عندنا

وعد لانفكت العقدة أخذ بورش والا بي ام اما اللحين خساره بالسايق يلعب فيها

[عاهد بن علي]

اخوي الفاضل عاهد انت شنو وجهة نظرك


موب مهم رأي الناس انت شف الأريج لكم وسوه


والله أنا ودي أسوق اروح دوامي واجي البيت أحسن من اركب مع سائق اجنبي بروحي

لكن مستحيل يرضون الأهل للحين مانفكت العقدة عندنا

وعد لانفكت العقدة أخذ بورش والا بي ام اما اللحين خساره بالسايق يلعب فيها

الله يعينكم ويعينا

[غموضي محيرهم]

الله يجزاكم خير
بدت الدراسه وبدت البهدله (الله يعين ) الصراحه مهب قادر اوفق بين الجامعه والمحل والعمل والسفر

الله يوفقك : )

[روح الاطلس]

ليش ياعاهد انت كان مبين انك مقتنع توقعت خليتها تسوق وعلمتها السواقه، شوف الحين انت متبهذل! خلها تسوق يبه دخلها مدرسه لمدة شهر وبعدها شوي شوي بتبتدي تتعلم والله يعينها احس السواقه بقطر من اصعب مايكون زحمه سياراات وشاحنات ودوارات وشوارع ضيقه

[نوار قطر]

بالنسبه لي انا ما اايد ان البنت تسوق شحادها اتبهدل في السواقه تقعد يوصلونها معززه مكرمه واذا انت ماتقدر توصل البنت اتفق مع وحده توديها واتييبها بس لاتفتح عينها على شي هي ماتبيه والله يوفقها

[عاهد بن علي]

الله يجزاكم خير يا اخواني واخواتي

[سارا البدر]

انا ماايد سواقه البنت خصوصا في هالسن الصغير
ومع الشوارع والزحمه والشاحنات الله يكافينا شرهم
بس بعض الاحيان الواحد ينجبر مثل موقفك
وانا من يومين خذت الليسن يعني لولا الظروف ماانجبرنا

ومدام البنت متربيه صح وانا واثق فيها فاكيد بتكون
من الجامعه للبيت والعكس

خلها تقوي قلبها وتسوق ومدام هي حاشمه نفسها
محد كفو يقرب لها

[الخـود]

مع أن رايي متأخر، لكن السواقة بعد علم، ممكن انها تتعلم السواقة وتاخذ الليسن من باب العلم ، وللحالات الضرورية مثل ما ذكر أحد الأعضاء ، واذا كنت متواجد تعتمد عليك، واذا غير موجود، فتعتمد على نفسها والله الحافظ ان شاء الله،،،

[عاهد بن علي]

انا ماايد سواقه البنت خصوصا في هالسن الصغير
ومع الشوارع والزحمه والشاحنات الله يكافينا شرهم
بس بعض الاحيان الواحد ينجبر مثل موقفك
وانا من يومين خذت الليسن يعني لولا الظروف ماانجبرنا

ومدام البنت متربيه صح وانا واثق فيها فاكيد بتكون
من الجامعه للبيت والعكس

خلها تقوي قلبها وتسوق ومدام هي حاشمه نفسها
محد كفو يقرب لها

عسى الله يوفقج ويستر عليج

[عاهد بن علي]

مع أن رايي متأخر، لكن السواقة بعد علم، ممكن انها تتعلم السواقة وتاخذ الليسن من باب العلم ، وللحالات الضرورية مثل ما ذكر أحد الأعضاء ، واذا كنت متواجد تعتمد عليك، واذا غير موجود، فتعتمد على نفسها والله الحافظ ان شاء الله،،،

كلام معقول و مقنع الله يجزاك خير

[&شهد&]

مالمانع من سواقتها ؟؟؟
اريح لها ولكم وللمجتمع من الهنود

[بوعبدالرحمن5]

ذكرتني في واحد من الشباب ، كان رافض السواق يدخل البيت وبطلع ليسن حق زوجتي ابرك وارحم .

والحين عندهم سواق وزوجته اتسوق .





الله يذكره بالخير اخوما بالكويت ، كان يقول ما اعتفست الكويت فوق تحت الى مع بداية السماح للبنت بالسواقه .


والله المستعان .

[عاهد بن علي]

اشكركم جزيل الشكر

[مضاد]

وايش رايج في ظروفي
انه عمري ما حطيت سايق ولا راح احط اصلآ
وانه دايم السفر في شهر تسعه الى شهر اثنين ؟



خل المقناص ويولي .، ولاتهمل بنتك ودها وجيبها . :anger1:

[عاهد بن علي]

خل المقناص ويولي .، ولاتهمل بنتك ودها وجيبها . :anger1:

خليناه يولي
بس ظروف العمل ومحلي شاسوي به
اشكرك على النصيحه

[شيوخه]

خلها تسوق عادي مافيها شي بالعكس بس بشروط طبعاً الشروط على الطلعات الي عقب الجامعه مثلا تستأذن ومافي تأخير يعني هاي شي راجع لك تقولها شروطك بالنسبه لي احسن شي ان الوحده تسوق انا لما سقت وايد ارتحت ماقمت أتأخر عالدوام ولاأقعد أنتظر الدريول حتى الصبح يعني مايمدي الوقت يودي اخواني المدرسه عقب يوديني الدوام أوصل متأخر بالبدايه أبوي كان متردد أسوق عقب قالي بخليج تسوقين بس طلعات عقب الدوام الدريول موجود واذا كان مشغول وتبين تروحين مكان تاخذين امج معاج ماتروحين بروحج وبس

وي تكلمت وايد:shy:

[Doha6]

اذا لم توجد امكانيه لسايق شوف البنت لكن المجتمع الأن مايخلي البنت في حالها

انا عن نفسي اذا ماكانت عندي امكانيه ماخليتها تكمل وجه نظري احسن انها تقعد في البيت واستر لها

وانت يااخوي كيفك لكن انا انصح انها ماتسوق وانت راعيها وسمها

[مخطط قطري]

انا اشوفه منقود

[غموضي محيرهم]

لا لا والله عااااااااااااادي تسوق بس بشروط : من عملها لين البيت

حرام تقعد تنتظر سيارتها ساعتين وخصوصن اذا كان تخصص البنت صعب
تبي ترجع البيت ترتتب امووورهااا

[حسن]

اخوي عاهد

تعرف ملهي الرعيان


:funny:

[qatara]

مانقول الا الله المستعان

[بصمة قطرية]

ما آحب البنت تسوق إلا للضرورة القصوى ..
بالذات المشاوير الطويلة و البعيدة
لنفرض تعطل الموتر ...!!!

[عاهد بن علي]

عسى الله يلهيكم بكل خير

[عاهد بن علي]

الله يجزاكم خير على الاهتمام وابداء الرأي والمشوره

[بنت شرق]

مع السواقه للجامعة فقط

[شبل الجزيره]

انا ضد البنت الي تسوق سياره تماااااااااااااااااااااااااااااام. انتهى الموضوع

الا في حالتين فقط! اذا هي الوحيده وابوها مقعد او اذا تزوجت! ذيك الساعه رجلها عندها ومب محتاجه اطالع يمين ويسار

يمكن يجي حد ويقول طيب في متزوجات الله يستر عليهم! صحيح في بس تربيتهم كانت غلط قبل لايجون بيون رجاجيلهم

وعليكم السلام

[لولو2022]

ما آحب البنت تسوق إلا للضرورة القصوى ..
بالذات المشاوير الطويلة و البعيدة
لنفرض تعطل الموتر ...!!!


واااي ماتخيل السيارة توقف علي اشباسوي
باحبس نفسي في السيارة لين اخوي يجيني