عندي مقال للجامعة وأحتاج مساعدتكم

[al-sadd]

السلام عليكم

والله لكم وحشه يا شبكة الاسهم :nice:

أول شي مبارك عليكم الشهر وأدري اني متأخر بس العذر والسموحه :secret:

يا جماعة الخير أنا بدخل في الموضوع على طول
عندي مقال شغال عليه صارلي اسبوعين حق الجامعة
والحمدلله قربت اخلصه :nice:

بس باقي نقطه اخيره واحتاج مساعدتكم فيها
وان شاءالله مب مقصرين معاي :shy:

يا جماعة الخير احتاج رقم الشركه المسؤله عن سلسله مطاعم كنتاكي أو هارديز في قطر
او الافضل ايميلهم

لاني احتاج نسبه للطلبات يومياً وشهرياً ومن هالامور

وحاولت ادور ايميلهم او رقم المسؤلين وماقدرت اوصل لشي

ياريت الي يقدر يفيدني مايقصر معاي

:nice:

برى الموضوع
علشان محد بس يقول شفيه الحبيب ناوي يكتب عن مطاعم :tease:
اكتب عن السمنه في دول الخليج واسبب تزايدها
وعلشان جي احتاج نسبة الطلبات على هالمطاعم :victory:
واحتاج نسب موثوقه علشان ارفق المصدر
وانا اخترت يا هارديز او كنتاكي بما انهم الاكثر شعبيه عند الشباب للطلبات :nice:

وان شاءالله الموضوع يكون في القسم الصح
وتقبل الله صيامكم

[سارهـ ~]

وعليكم السلام

علينا وعليك اخوي ومسممموح اخوي

ماحبت اقرا ولا ارد عليك والله مادري بس خذ هارديز احسن من كنتاكي لان محد يطلب من كنتاكي نفس اول
ماخذينا منهم غير عوار البطن

واسال الفرع الرئيسي عن الشركة المسؤؤلة واسمحلي ماعندي خلفية بس حبيت اساعد ):

والله يوفقك اخوي وتتخرج من الجامعة

ومنا ومنكم يارب

اختك فالله

[اوف ليميت]

شوف السبونسر للمطاعم في قطر

اعتقد المانع هو لسبونسر لكنتاكي

كان من الافضل انك تسوي استبيان بجدول .. ورق اطبعها او استبيان فالنت في مواقع معينه ومجرد انك تحط اسئله بسيطه يختارون منها الناس

لكن الله يوفقك

[qatar.syria]

وجدت لك رابط يمكن فيك يخص شركة ماكدونالدز قطر

الرابط من هنا (http://www.mcdonaldsarabia.com/qatar/en/contact_us/your_questions_answered.html)

[مشعل العطاوى]

الله يوفقك

بس لو تااخذ جوله ميدانيه على مواقع المطاعم .. وتاخذ معك ورق استبيان وتسلمها للزبائن

واصحاب المطاعم .. لتكون النسبه اقرب للواقع والحقيقه ويكون المقال شامل للمطاعم وليس

لفرع واحد ..

ومنها تعرف الاكلات المطلوبه ومضارها .. والنسب العمريه ورغباتها للااكل

مثلا .. الشباب يفضل الهمبرقر والشاورما والاكل السريع

النساء يفضلون المشاوى والمقبلات .. كبار السن يفضلون الكبسات والمضغوط :)

البنات يفضلون الحلويات والبيتزاء .. وهكذا .. ثم تحاول تعرف اى الفئات الماضيه

تزيد لديها نسبة السمنه .


اتمنى اكون افدتك .. واتمنى لك التوفيق

[عبدالرحمن2]

هذا رقم كنتاكي هوت لاين قطر 444104410 كلمهم و خلهم يعطونك رقم الادارة.

و هذا الرابط لمراسلة كنتاكي ادارة الشرق الاوسط و الدول العربية. اختر الدولة و حط رسالتك و ايميلك.

http://www.kfc-arabia.com/contact_us.html

أرجو اني افدتك....

[قلبي الطيب]

الله يوفقك بس لا تقولهم انك تكتب عن السمنة بسبب أكلهم