ليش قلوبهم ماتت ليش محد يحس الحين باخوة المسلم ):

[سارهـ ~]

السلام عليكم ورحمة الله وبركاته

اولا كل عام وانتو بخير يالغاليين ولو انها متاخره والسموحه منكم

عموما اسمحولي ع الموضوع انا ماقصد الكل اقصد البعض لان فيه ناس وربي قمة فالطيبة والحنية بس صج انا تنرفزت من موقف بعض بنات الدوام اليوم وحده من ربعنا قاعده تيمع فلوس عشان خالد الحربي الشاب السعودي واكيد الكل يعرف سالفته واحنا فالدوام قاعدين انيمع له ويعلها فميزان حسناتنا ويعلها الجنه من كانت فكرتها المهم ان بعض بنات الدوام اللي منعم ربي عليهم ومب قاصرهم شيء من غير الراتب المغري بس شاقول وربي اللي يشوفنا يقول قاعدين نطر منهم ليش جي هل المية ولا الخمس مية ع الاقل العشره ريال بتاثر فيهم لللللللللللليش هالقلوب الميتة حرام عليييييييييهم وربي اللي تقول وراي سفرة واللي تقول عندي مناسبات فالعيد ليش بس حرام عليهم انا انصدمت و حسيت بنغزة بقلبي

انا الود ودي اخذ سلفية عشانه بس الله العالم بالظروف والحالة الاقتصادية ياشباب طلبتكم
تكفون كلكم مقتدرين ويعل ربي يزودكم من خيره بس تبرعو ولو بالقليل لو كل واحد يقط شوفو كم بيوصل المبلغ انا اعرف شبابنا فيهم خير بس لازم حد يذكرهم ارجوكم لحقو عليه اخر فرصة 25 رمضان احنا مانبي نخسر خالد تراه اخونا فلاسلام والرسول علمنا على الرافة على الحيوان شلون لو كان انسان ارجوكم امه تعبانه تذكرو امهاتكم شلون بجو يوم تعبتو واللي سوا حادث شلون امه صاحت واللي سافر شلون امه تحاتيه ع الاقل انتو فترة اللي رجع بالسلامه واللي طاب هاي سنين بعيد عن حضنها وبيته اخس شيء انا ام واعرف زين شلون الضنى غالي لو اقوم ماحصل ولدي يمي اموت شلون بهالام اللي خذوه من حضنها تكفون ياخواني فالله لاتقصرون مع خالد والله وعد من يفرج كربة اخيه المسلم انه يفرج عليه وهالوعد من رب العالمين يله مافيه وقت ارجووووووووووووكم انا مب امه وابجي عليه شلون امه الحين تكفون ياخواني يعل ربي يوسع عليكم وسعو عليهم وفرحو امه وفرحونا ):

وهاي حسابهم ع التويتر
@3tq_rgbh

وهاي موقعه للي مايعرفون عنه ولا يعرفون شلون يتبرعون وموجوده الحسابات كلها اللي بطرشون عليها ..
http://3tqal7rbi.com/index.htm

وشكرا لكم .

[المليونير الفقير]

اختي اولا الله يجازكم خير الجزاء ثانيا شسالفة خالد لان ماعرفها وبعدين شلون طريقة التبرع وهل فيه اشراف من اي جهه بالعربي متاكدين من الموضوع لان النصب زايد هالايام

[سارهـ ~]

اخوي ويجزاك خير يارب تسلم على اهتمامك وانا معاك بمواضيع النصب الا صرنا نشك ان كل شي نصب بس سالفة خالد حقيقية اسمه خالد هزاع الحربي ومن زمان نعرف سالفته صار لها سنين بس الحكم بيتنفذ عقب 25 رمضان وارجوك اخوي سو اللي تقدر عليه وبلغ ربعك هاي موقعه و تقدر تعرف قصته منها واللي ينشر حمله باسمه ويجمع التبرعات هم اكبر مشايخ السعودية واليوم حطوه على قناة بداية وكلمت امه اليوم فالبرنامج وكانت تصيح وايد الله يجمعها بضناها قبل العيد ويصوم باقي رمضان مع امه قول امين

وعندهم حساب ع التويتر تقدر تسمع مكالمة امه وادش على موقعه وتشوف التبرعات والمشايخ وكل شي
@3tq_rgbh

وهاي موقعه

http://3tqal7rbi.com/index.htm

وربي يجعلك من المليارديريه لو تصدقت ):

[المليونير الفقير]

الله يجزاج خير وابشري ان كل متبرع من هنا سيكون في ميزان حسناتج ربي يزيدج من فضله

[سداوي&مدريدي]

لاحول ولاقوة الا بالله

جزاج الله كل خير

المبلغ المتبقي 10,000000

عشره مليون

مب غريبه على اهل الخير وان شاء الله توصل التبرعات للمبلغ المطلوب

اسال الله العظيم في هذا الشهر العظيم ان يعتق رقبة خالد

[سارهـ ~]

اخواني فالله فرحني والله اهتمامكم يالله ربي يوفقكم ويفرج همومكم كلها ويبدلها لكم بافراح وسعادة الى يوم يبعثون

والله يكتبلي وياكم الحسنات والاجر يارب العالمين

وكل واحد يبلغ ربعه واهله وجماعته واهل قطر طيبين وقلوبهم بيضة وتحب الخير):

مافي شيء يذبح كثر غياب الضنى ردو خالد لحضن امه وربي يخليلكم ووالديكم و احبابكم ويجمعكم فالدنيا وفالجنه يارب :weeping:

[qrt_trading]

اختي الله يجازيج كل خير ممكن تذكرين في المنتدى طريقة التبرع يعني انسلخ الفلوس لمين يعني؟

[هداف]

الله يعتق رقبة خالد الحربي ويرحم حاله !!

بس انا مستغرب من شي ؟؟ قبيلة حرب في المملكه العربيه السعوديه من اكبر القبايل
وافراد القبيله يتعدون عشرات وعشرات الاالاف وينهم من ولدهم وفيهم الاعيان والتجار
واهل الملايين ترى عشره مليون ولا شي يجمعونها في نص يوم لو اجتمعوا !
دام ربعه وهله واخوانه وبني عمه مقصرين فيه ! اجل لا تترجى الخير من البعيد

يعني اعذريني اختي اللي تجمعين له تبرعات !! الله يأجركم على النيه بس عواطفكم اغلبت
فيكم على لغة العقل والمنطق ! واحرجتوا انفوسكم معا العالم !!

[سارهـ ~]

اخوي qrt_trading

اسمحلي ع بالي الكل يعرف سالفته عشان جي ماحطيت الحساب ولاشي

ورديت عدلت ع الموضوع وحطيت حسابهم والموقع ومنه بتعرف كل شي وشاكره لك اخوي .

[سداوي&مدريدي]

الله يعتق رقبة خالد الحربي ويرحم حاله !!

بس انا مستغرب من شي ؟؟ قبيلة حرب في المملكه العربيه السعوديه من اكبر القبايل
وافراد القبيله يتعدون عشرات وعشرات الاالاف وينهم من ولدهم وفيهم الاعيان والتجار
واهل الملايين ترى عشره مليون ولا شي يجمعونها في نص يوم لو اجتمعوا !
دام ربعه وهله واخوانه وبني عمه مقصرين فيه ! اجل لا تترجى الخير من البعيد

يعني اعذريني اختي اللي تجمعين له تبرعات !! الله يأجركم على النيه بس عواطفكم اغلبت
فيكم على لغة العقل والمنطق ! واحرجتوا انفوسكم معا العالم !!

اتق الله

اين انت من حديث الرسول عليه الصلاة والسلام

مثل المؤمنين في توادهم وتراحمهم وتعاطفهم مثل الجسد الواحد إذا اشتكي منه عضو تداعي له سائر الجسد بالسهر والحمى

[سارهـ ~]

هداف
انا مستغربة منك شنو عواطفنا غلبت على عقولنا

انا بقولك شي احنا مالنا خص انا وربعي وكل اهل الخير اذا جماعته قصرت معاه احنا اللي علينا نبريء ذمتنا قدام الله واذا أنسألنا فيوم لاينفع فيه مال ولا بنون يكون الوجه ابيض قدام الله واذا ماثرت فيك قصة خالد ولا اثرت فيك امه المسكينه اللي انحرمت من ضناها وكله بسبب انه دافع عن نفسه ياخي انا اقولك احسن الله عزاك فقلبك
وعمر المية ولا الخمسة مية ماتاثر في فلوسكم ولاتنقص منها شي في ناس تشوف الخمسة مية نفس الريال اتوقع ذولي مب ناقصهم شي وبالحمد والشكر والصدقات تزاد النعم مب احكم عقلي فموضوع نفس هاي

يرحم الله والديك الموضوع موضوع انساني شخص بيموت عقب كم يوم اذا مااكتمل المبلغ اتقو الله وربي تعال شوف سفر الاكل والتبذير اللي عايشين فيه وذا جات ع الصدقة قمنا نحاسب على كل ريال ونقدر كل ريال كنا نلعب فيه قبل هاي استغفر الله احنا شعب غريب ومريض بشي اسمه فلوس فذمتك ماتخاف ان الله يزيل النعمه علينا تصدقو ففي الصدقة بركة

انا ماراح يضرني شيء لو ماتصدقت انت الحمدلله بريت ذمتي قدام الله الباقي عليك وعلى غيرك اخوي الفاضل
انا اللي يخليني اهتم لهالشي الانسانيه اللي ربتني عليها امي وابوي وان هالموقف يمكن يمر على اي واحد فينا بس الحمدلله والله يحفظنا من البلاء .

اشكر وجودك .

[سارهـ ~]

اتق الله

اين انت من حديث الرسول عليه الصلاة والسلام

مثل المؤمنين في توادهم وتراحمهم وتعاطفهم مثل الجسد الواحد إذا اشتكي منه عضو تداعي له سائر الجسد بالسهر والحمى




جعل بطن شالك 9 شهور الجنه وربي يرزقك من حيث لا تحتسب والله يكتبلك الاجر ياخوي
:victory::victory:

[فلتة زمانها]

وين االامراء ليش مايساعدونه
الله يفك عوقه

[روح الاطلس]

وفي واحد ثاني بعد اسمه سامح نفس قصته قتل له شاب يمني واهل اليمني طالبين 28 مليون لعتق الرقبه وموعد القصاص 26 رمضان!

اصبحت متاجرة بالدماء من ذوي القتيل او تعجيز منهم او لاهداف اخرى الله العالم

ان شاء الله تعتق رقابهم ويكسب الاجر كل من ساهم فيها

[سارهـ ~]

يزاكم الله خير يالغالييين والله يفك عوقهم يارب وعوق كل واحد مبتلي فهالدنيا

..

[اوف ليميت]

يقولون ان رغد صدام حسين, ابنة الرئيس العراقي الراحل..صدام حسين..رحمه الله... قامت بالاعلان بأنها ستتكفل بكامل قيمة المبلغ المتبقي في قضية الشاب خالد الحربي

والله أعلم

[هادي QA]

الله يفرج على كل المسلمين

[هداف]

يابنت الحلال انتي ماخذتج العاطفه مثل هالامور وقضايا الدم وقفنا وعايشنا قضايا
مشابهه ونعرف نظام القبايل ووجيه القبايل في الامور هذي والموضوع دامه عشره مليون
فقط اسهل منه مافيه بالنسبه لقبيلة حرب والله اقولها من غير مبالغه في يوم يجمعون المبلغ
هذا لكن هذا ان دل يدل على ان الموضوع او القصه المنشوره والمتداوله غير صحيحه وان
فيه امور خفيه في القضيه هذي !!! لذلك انا قلت لج انتي ما حكمتي صوت العقل والعاطفه
خذتج !! وأذا جينا على ام تبي ولدها مادري ما تشوفين الاخبار انتي وغيرج المسلمين والعرب
ينذبحون في كل مكان المجاعات كلت العالم ولله الحمد الصدقات والمعونات نظهرها لكل محتاج
ما وقفت السالفه على نون من الناس

لكن ارد واقول موضوع الحربي عليه علامة استفهااااااااااام كبيره !! واكاد اجزم ان قصته المنشوره
غير صحيحه وفيها دراما !! لان اعرف حق معرفة قبيلة حرب ونخوتها في هذه المواقف والله مايقعد
يوم لو عتق ارقبته بهذه السهوله وبها المبلغ ( عشره مليون )

ناس تطلب عشرين وثلاثين مليون وقبايلهم اعتقوهم من القصاص !!

[intesar]

أمراء السعودية مايقصرون..
اختي يمكن اللي معاج بالشغل عندهم ظروفهم الخاصة.. مايصير تعصبين عليهم وتذمينهم لأنهم مادفعوا.. والصدقة موبالغصب.. بس يمكن هم في بالهم أن هذا الشخص مايستحق كونه قاتل.. حتى لو كان قتل غير متعمد..
أشكر لج روحج الطيبة.. بس أعتقد غلطتي في ذمج لصديقات العمل.. وهم لهم وجهة نظر.. مايصير تقولين هم غلط.. وانتي ماتعرفين.. يمكن هم اللي قال عنهم الحديث..

رواه الشيخان البخاري ومسلم عن أبي هريرة رضي الله عنه عن النبي صلى الله عليه وسلم قال: "سبعة يظلهم الله في ظله يوم لا ظل إلا ظله: الإمام العادل، وشاب نشأ في عبادة الله، ورجل قلبه معلق في المساجد، ورجلان تحابا في الله اجتمعا عليه وتفرقا عليه، ورجل دعته امرأة ذات منصب وجمال، فقال إني أخاف الله، ورجل تصدق بصدقة فأخفاها حتى لا تعلم شماله ما تنفق يمينه، ورجل ذكر الله خاليا ففاضت عيناه" .

ودمتم بحفظ الرحمن..

[لولو2022]

وفي واحد ثاني بعد اسمه سامح نفس قصته قتل له شاب يمني واهل اليمني طالبين 28 مليون لعتق الرقبه وموعد القصاص 26 رمضان!

اصبحت متاجرة بالدماء من ذوي القتيل او تعجيز منهم او لاهداف اخرى الله العالم

ان شاء الله تعتق رقابهم ويكسب الاجر كل من ساهم فيها


انا عندي سؤال شلون كل واحد يموت ولدة يطلب المبلغ الي يبة
والله لعبة

[khalid525]

يقولون في تويتر ان مبلغ الدية اكتمل ، لاحد يتبرع الا اذا تأكد من هالمعلومة

[chillis]

الحمدلله اكتمل المبلغ

[سارهـ ~]

الحمممممممممممممممممدلله الله فرج عليه وتم جمع المبلغ وتم عتق رقبته الحمدلله والشكرر
وربي نصر خالد والحمدلله وبيصوم باقي رمضان مع امه وبيعيد بعد يارب لك الحمد
الله اكبر الله اكبر الله يفرج همموم هالناس اللي تبرعو وربي يحفظهم من البلاء ويبعد عن شباب المسلمين كل مكروه

واخواني مشكورين ماقصرتو

وبخصوص موضوع رغد بنت صدام الله يرحمه هاي اشاعه :victory:

وانصح اي حد عنده كلام مب زين بخصوص قضيتة خالد انه مايتكلم او بخصوص اي قضية انسانية اخرى لانه يمكن اي شخص فخاطره ان يتصدق وانت بكلامك هاي تخليه يتردد ويكنسل الصدقه لاني اعرف ناس كان بخاطرهم الصدقة لكن لما بعض القلوب السوده والحقودة نشرت عنه اشاعات فالبيبي وربي كنسلو الصدقات لاحول لله بس

وبخصوص ربعي انا ذميتهم لان ماعندهم اسلوب ولا في احد يقول لا مابي وراي سفر واللي تقول لا وراي ملابس العيد اذا ماتجملنا امام الله وفاسلوبنا امام الناس فذمتكم مايستاهلون الذم الله يهديهم بس ع الاقل تقول ان شاء الله وهي تبتسم بدون طنازة وعيارة وضحك واستهانه بالموضوع ترا الله قادر يبتليهم ولاحول ولاقوة الا بالله
عممممممممممموما انا فرحانه ووووووووووايد له ومستانسه الله يحفظه لامه ويحفظه من البلاء ويعوض كل من حط ريال فهالتبرعات الحمدلله لازم نسجد شجود الشكر وسبحان الله صج والله ربي كريم وكريم فوق مانتصور الحمدلله

وسوري طولت :)

[مستجدة]

اللهم لك الحمد والشكر من قبل ومن بعد الله يجزاء كل من ساهم ويفرج عليه مثل مافرج على اخونا خالد الحربي ورده الى امه
والله لايبارك لصاحب الدم في ال 30 مليون لانه طلب طلب تعجيزي وماقتنم الاجر في هالشهر الفضيل واعتق رقبته لله سبحانه وتعالى
مايخاف انه ربي يبلاه في دم ويصيبه ما اصاب خالد الحربي

[حفيد الأنصار]

المبلغ كان واصل 17 مليون واقاموا تجمع في قاعة امسيتي في جدة شيوخ القبيلة واهل الخير واكتمل المبلغ بتبرع احد رجال الاعمال بـ 5 ملايين ريال
التجمع كان ناويين يخلونه كم يوم وكان فيه تجمع ثاني بالمدينة من يوم 15 الى يوم 20 رمضان تحت اشراف الشيخ صالح المغامسي
ولكن ولله الحمد في ليلة وضحاها تم جمع المبلغ
واشكرك اختي وربي فرحت لما شفت موضوعك وحبك للخير
اما بعض الردود الله يسامحهم
والقصة معروفه والقتل كان قبل 4 سنين ولكن العفو بدفع الدية من قبل شهرين وبدأ الناس يجمعون له
الحمد لله والله يرحم المقتول ويغفر له

[مستر بن]

الله يعتق رقبة خالد الحربي ويرحم حاله !!

بس انا مستغرب من شي ؟؟ قبيلة حرب في المملكه العربيه السعوديه من اكبر القبايل
وافراد القبيله يتعدون عشرات وعشرات الاالاف وينهم من ولدهم وفيهم الاعيان والتجار
واهل الملايين ترى عشره مليون ولا شي يجمعونها في نص يوم لو اجتمعوا !
دام ربعه وهله واخوانه وبني عمه مقصرين فيه ! اجل لا تترجى الخير من البعيد

يعني اعذريني اختي اللي تجمعين له تبرعات !! الله يأجركم على النيه بس عواطفكم اغلبت
فيكم على لغة العقل والمنطق ! واحرجتوا انفوسكم معا العالم !!

حط نفسك ف الموقف ..!
اللهم لا تؤاخذنا بما فعل السفهاء منا ..
الناسس ف سالفه وانت ف سالفه ..
خلاصص هم واججد الله يزيهدهم ..
والموضوع ما يضرربك ع يدك ويقولك تبررع ..
اذا تبي تسسوي خيرر تبررع ..
ما تبي خلاصصص .. اطلع من الموضوع ..
ولوو في شيءء طرررش لأختنا جزاها الله خيرر
( سساره ) ع الخاصص ..
ما ودي اجررح صيام احدد ..
بسس الله المستعان ..

[هداف]

حط نفسك ف الموقف ..!
اللهم لا تؤاخذنا بما فعل السفهاء منا ..
الناسس ف سالفه وانت ف سالفه ..
خلاصص هم واججد الله يزيهدهم ..
والموضوع ما يضرربك ع يدك ويقولك تبررع ..
اذا تبي تسسوي خيرر تبررع ..
ما تبي خلاصصص .. اطلع من الموضوع ..
ولوو في شيءء طرررش لأختنا جزاها الله خيرر
( سساره ) ع الخاصص ..
ما ودي اجررح صيام احدد ..
بسس الله المستعان ..

بالفعل لقافتك تدل على انك سفيه يالبزر

[عضيدة بومطر]

إخواني هذا تنبيه وصلني امس والله اعلم من الصادق فيهم برود كاست يقول تنبيه تنبيه خالد العلوي الحربي شيعي طالب 30 مليون لعتق رقبته ، طلع الخبر كذب واحتيال وان وزارة الداخلية أصدرت بيان في ذلك وتحذر منه وفي رابط للبيان من صحيفة سبق الالكترونية والصراحة الرابط مافتح عندي وايضا يستكمل البرود كاست بوجود ملف للقبائل الشيعية وان هذه القبيلة من ضمنهم وايضا الملف عندي مافتح بس مكتوب ان قبائل العلوي من قبائل حرب في المدينة المنورة، وبعده كتب ان المطيري يتنازل عن قاتل ابنه خالد الحربي بعد كفالة الشيخ بندر بن عبدالمحسن الفرم- منتدى قبيلة حرب الأدبي ويوجد رابط فتح وتبين فيه الصفحة الاولى للمنتدى وبها المفاجئة الكبرى صورة للحربي وتهاني مقدمة له لاكتمال مبلغ الدية وصور لوالده وهو يتسلم شيك بمبلغ 5 ملايين من احد شيوخ القبيلة وايضا فيه نفي ان يكون من الشيعة وانه سني اباعن جد وانه من حفر الباطن والموضوع مكتوب بتاريخ 2012/5/21 م يعني القضية منتهيه من شهرين تقريبا لكن ماقصة الرسائل التي تصلنا شبه يوميا وما مصدرها وصاحبة البرود كاست كاتبة في النهاية حتى نتأكد من الموضوع اتصلنا على رقم المسؤول عن حملة التبرعات اكثر من مرة ولكن الهاتف مغلق وهواتف اخرى أيضاً مغلقة . ( نطالب المسؤولين التحري عن الموضوع ووضع حد له ) ودمتم .

[حفيد الأنصار]

إخواني هذا تنبيه وصلني امس والله اعلم من الصادق فيهم برود كاست يقول تنبيه تنبيه خالد العلوي الحربي شيعي طالب 30 مليون لعتق رقبته ، طلع الخبر كذب واحتيال وان وزارة الداخلية أصدرت بيان في ذلك وتحذر منه وفي رابط للبيان من صحيفة سبق الالكترونية والصراحة الرابط مافتح عندي وايضا يستكمل البرود كاست بوجود ملف للقبائل الشيعية وان هذه القبيلة من ضمنهم وايضا الملف عندي مافتح بس مكتوب ان قبائل العلوي من قبائل حرب في المدينة المنورة، وبعده كتب ان المطيري يتنازل عن قاتل ابنه خالد الحربي بعد كفالة الشيخ بندر بن عبدالمحسن الفرم- منتدى قبيلة حرب الأدبي ويوجد رابط فتح وتبين فيه الصفحة الاولى للمنتدى وبها المفاجئة الكبرى صورة للحربي وتهاني مقدمة له لاكتمال مبلغ الدية وصور لوالده وهو يتسلم شيك بمبلغ 5 ملايين من احد شيوخ القبيلة وايضا فيه نفي ان يكون من الشيعة وانه سني اباعن جد وانه من حفر الباطن والموضوع مكتوب بتاريخ 2012/5/21 م يعني القضية منتهيه من شهرين تقريبا لكن ماقصة الرسائل التي تصلنا شبه يوميا وما مصدرها وصاحبة البرود كاست كاتبة في النهاية حتى نتأكد من الموضوع اتصلنا على رقم المسؤول عن حملة التبرعات اكثر من مرة ولكن الهاتف مغلق وهواتف اخرى أيضاً مغلقة . ( نطالب المسؤولين التحري عن الموضوع ووضع حد له ) ودمتم .




ياسيدي هاذي اشاعة طلعت والرجل سني وتم دفع الـ 30 مليون الحمد لله
واستغرب منك اخوي انت كذا تساهم في نشرها
والشيعة اللي من حرب في المدينة قليل وهم من قبيلة ( العمري )
تحياتي ..

[سارهـ ~]

مشكورين اخواني على ردودكم ويزاكم الله الف خير

وبخصوص كل واحد ساعد فنشر هلاشاعه اقوله اتق الله فوالله لو عرفت عقوبة هالشيء لما ماكنت تجرأت وقذفت اخوك المسلم

عموما كلكم كبار وتعرفون انه غلط بس تحبون تنشرون الاشاعات والفضايح بس تذكرو يوم لكم ويوم عليكم
سيحكى فيك نفس ماحكيت فغيرك . وكل شيء دين .

واخوي الحربي انا ماسويت شيء هذا واجبي ووواجب كل واحد مسلم .

يزاكم الله خير جميعا .