ابي اقدم على وظيفة , اقتراحاتكم؟

[بنت ذياب]

السلام عليكم

مبارك عليكم الشهر

ممم بغيت استفسر

ابي اقدم اوراقي بس مب عارفة وين اروح

يعني من خلال تجاربكم

اهم شي عندي بيئة العمل

يعني مكان اكثر شي فيه بنات .. فيه انشطة وحركة وعلاقات طيبة

مب ملل واقعد فالمكتب من الصبح لين ماينتهي الدوام.. يعني فيه شغل صج ..

لاني جربت البنوك .. ماحبيت جو العمل .. :omen2:

واقبلوني بمكان بس حسيت اني معزولة عن الحياة :rolleyes2:

ماحبيت الجو كلش

ف شنهي اقتراحاتكم :(

[قــ502ـطرالعز]

مطار الدوحه الدولي الجديد راح يفتح اخر السنه هاذي انشالله طلبات التوظيف مب ملحقين عليها المطار كبير وفيه كذا تخصص طبعا مدنيه مش عسكريه ... بالتوفيق

[لمعة الالماس]

وعليكم السلام ورحمة الله وبركاته

قدمي في كل مكان تقريبا كل الجهات الحكومية تتشابه في طبيعة العمل وجو العمل

حطي اوراقج في كذا مكان لين يردون عليج

وبالتوفيق

[ضوى]

شوفي اختي بنت ذياب او خليني اقولج يابنتي

التشرط في بداية الحياة العملية مش مطلوب ابدا ، اذا قبلوج بمكان وافقي وداومي ، وفي نفس الوقت اشتغلي على نفسج من دورات وبرامج تدريبة .. الخ ، وشوفي لج اماكن افضل ، بس من رايي ماتقعدين بالبيت ، من مكان شغلج اذا شفتي المكان هادي والشغل هادي دوري على مهلج وقارني بين الاماكن اللي جايج قبول منها وقيمي كل شغلة حسب متطلباتج الشخصية

بالتوفيق حبيبتي

[مشعل العطاوى]

مطار الدوحه الدولي الجديد راح يفتح اخر السنه هاذي انشالله طلبات التوظيف مب ملحقين عليها المطار كبير وفيه كذا تخصص طبعا مدنيه مش عسكريه ... بالتوفيق

اخوى هل المطار يقبل سعوديين او فقط قطريين