تبخر آمال القطريين في صرف الرواتب بشكل مبكر للعيد!!

[سعادة الوزير]

الخبر على ذمة جريدة الشرق ، للأسف ، الرواتب ستصرف في موعدها ، اي عند انقضاء اجازة العيد ، وسيقضي معظم القطريين (وللأسف الشديد!!) يوم العيد والايام التي ستليه وهي تصرف من الفتات في ما تبقى من راتب شهر يوليو الذي قد قضى عليه مصروف شهر رمضان المبارك أصلاً!!

لا اعلم ماللذي سيضر ميزانية الدولة لو انهم قد قامو بصرف الرواتب على الاقل قبل العيد ولو بيوم واحد ، لتعيش الأسر القطرية بهجة العيد ، بدل ان تكون حبيسة المنزل لعدم وجود المصرف الكافي لها!

وفي نفس هذا الوقت ، الدولة تفتح "بيت قطر" في لندن لكل العالم!!

[همر]

اقول خل المعاش حق اغراض المدارس ابرك..

عنبو وش ذي بهجة العيد هذي اللي تبي راتب شهر ؟!! الا اذا قصدك لندن (للعزوبيه) و دبي (للعائلات) فهذا شي ما يشجع الحكومه انها تصرف الرواتب بدري اصلاً..

لأن اعيادنا ماتحتاج مصاريف.. كيلو بستك وسلة فواكه وخرده ريالات حق اليهال وانقز... لا مولات مثل الناس ولا مدن ترفيهيه مثل الناس ولا جو يساعد اصلاً.. خل الراتب ينزل طبيعي لا نقعد نطق صبع من خامس العيد لين شهرين قدام ...

[فلتة زمانها]

زين سوو
لو نزل بدري صدقوني بيطول الشهر اللي عقبة

[مخطط قطري]

طيب اقتراح اشرايكم ينزلون جزء من الراتب قبل العيد وجزء من الراتب بعد العيد

[همر]

طيب اقتراح اشرايكم ينزلون جزء من الراتب قبل العيد وجزء من الراتب بعد العيد


عندي اقتراح احلى.. ليش ما يعطونا راتب ولا حتى نص راتب عيديه :nice:

اعتبروها علاوه تشجيعيه للشعب.. :)

ولا بونس.. :shy:

ولا حتى زكاة فطر.. :(

[منابر خالده]

قرار سليم

يعطيك العافية

[(بوطلال)]

الخبر على ذمة جريدة الشرق ، للأسف ، الرواتب ستصرف في موعدها ، اي عند انقضاء اجازة العيد ، وسيقضي معظم القطريين (وللأسف الشديد!!) يوم العيد والايام التي ستليه وهي تصرف من الفتات في ما تبقى من راتب شهر يوليو الذي قد قضى عليه مصروف شهر رمضان المبارك أصلاً!!

لا اعلم ماللذي سيضر ميزانية الدولة لو انهم قد قامو بصرف الرواتب على الاقل قبل العيد ولو بيوم واحد ، لتعيش الأسر القطرية بهجة العيد ، بدل ان تكون حبيسة المنزل لعدم وجود المصرف الكافي لها!

وفي نفس هذا الوقت ، الدولة تفتح "بيت قطر" في لندن لكل العالم!!


تتكلم عن عوايل قطر او الصومال؟ا

اللهم اني صايم .

[Rashid554]

سعادة الوزير احمد ربك ع النعمه
احنا نستلم رواتب غيرنا مايستلمون رواتب
نزل ولا مانزل مرده بينزل اخر الشهر
ماطلعت بالعيد اطلع عقب العيد شالمشكله
والدولة حرة با استثماراتها هذي اموال عامة والدولة ادرى بمصلحتها ومصلحة شعبها وهي تعرف متى تنزل الرواتب
انت شدراك ان الدولة مقتدره تنزل الرواتب او ماتنزل ؟ عندك اثباتات ولا وكالة " يقولون ؟
ياخي ناس غيرنا يعيدون بقنابل ويرمضون بصواريخ
ثاني شي العيد اقصاه ثوبين وفواله وزواره على الاهل والاصدقاء ماخبري العيد حق الطلعات وهالامور

[بنت امي]

شنو نوع المصاريف الي تتكلم عنها اخي

العيد ما يبيله مصاريف ولا شي :)

العيال بيجمعون عيديتهم وبيتوكلون على الله يستانسون فيها

واللهم لك الحمد

[سطح القمر]

هونا خلاص ما نبي رواتب

خلو عندكم دم الدولة تعبت تصرف عليكم اعتبروا هذا الشهر دعم من المواطنين للدولة

وعيدكم مبارك

[اوف ليميت]

بسم الله الرحمـــن الرحيـــم
سعادة الوزير ... المحتـــرم

السلام عليكم ورحمة الله وبركاته
تحية طيبه وبعد،

ارجو ان تصلكم مشاركتي هذه وانتم في احسن حال وشاق الحلج
رأيك تم اخذه في عين الاعتبار وبعد قراءتنا لموضوعكم هنا في هذا المنتدى الكريم..تبين مايلي ..
استفسارات لحضرتكم ،، من بعد الثناء والشكر والحمدلله تعالى على كل حال ..

على شنو صرفت راتب شهر 7 واحنا برمضان
وعلى شنو صرفت راتب 6 وكنا بندش على رمضان
المفروض فقط حاجيات ولوازم الاهل لرمضان وللبيت..ويمكن تسديد جزء من السلفيات اذا كان عليك
المفروض بصراحه يصفالك شوي يروي ضمأك فالعيد وبعد العيد بقليل..لان العيد مايبيله مصاريف
وبإمكانك بأي وقت تسوي جمعه أحلى من العيد لعيالك واهلك وبروحكم وعلى راحتكم

شوفلك شاليه وتوكل على الله وبتنبسط..

مع خالص الاحترام والتقدير والشكر الجزيل والعرفان والمعروف والنهي عن المنكر ;p

ملاحظه: اللي قلته في لندن ماله خص بموضوع صرف الرواتب بتاتا

التوقيع:
اوف ليميت
عضوية رقم#: 42747 .. ترى للبيع
شقه رقم 75، شارع ابو الفتوح، حي الزقازيق، مصر الجديده
تيليفون#: آلريدي حتكون انته موديني فداهيه ياباشا..فاتصل على 999

والسلام عليكم ورحمة الله وبركاته

:]

[سعادة الوزير]

سبحان الله ، مستخسرين في بعض الاسر القطرية من ذوي الدخل المحدود انها تفرح بالعيد ، وتاخذ راتبها قبل موعده باسبوع واحد فقط!

تبون تقنعوني ان جميع الاسر القطرية من ذوي المداخيل العالية؟ ياخي اذا انت مرتاح مادياُ ، ترى غيرك محتاج للريال والعشر حق عياله ، اقسم بالله العظيم اني اعرف أسر قطرية تجمع الريال على الريال لين آخر الشهر.

[فارس بلا جواد]

اتوقع في بنك يسوي نظام السحب المبكر وعقب ياخذون من راتبك

[فريج النجادة]

المفروض فية عيدية للمواطنيين راتب دبل

مثل باقي دول مجلس التعاون

[قطري !]

اللهم لك الحمد والشكر , والله احس فيه ناس للحين محلك سر




اي مصاريف في رمضان تكلمون عنها ؟؟؟؟!!!!



رمضان اصلا هناك وجبتين في اليوم ... فطور و سحور


اما الايام العاديه ... هناك فطور و غدا و عشاء ... المفروض يكون الصرف في الايام العاديه اكثر من رمضان




شاللي صاير لكم في رمضان تصرفون وتاكلون واجد ... ويش سالفتكم ؟؟؟!!!


ناس فاضيه همها في رمضان الاكل وبس ... بالعكس بالنسبه لي انا اشوف المصاريف في رمضان ااااااااااقل بكثير من اشهر السنه الباقيه



صدق عرب ماهما الا بطنها وثيااااااابها الللهم لك الحمد والشكر على النعمه وعلى الامن والاماااااااااان



أحمدوا الله وأشكرووووه على النعمه قبل لاتزول , لان الله قادر على كل شي ...

[فتى الحرمان]

فريج النجادة

والله انك صادق بس بقية دول مجلس التعاون ال تقصدهم مب تصرف بس للمواطنيين تصرف لجميع العاملين بالقطاع الحكومي وبعض القطاع الخاص ال تشارك فيه الحكومه .. كان للمواطن او المقيم ... الله يستر الحال بس

[ضوى]

اتوقع لو الدولة تحرق اصابعها لكم بعد مب عاجبكم ، لا اله الا الله ، رواتبنا احسن رواتب بالخليج ونستكثر على بلدان الخليج تصرف رواتب عيدية لمواطنيها ؟ الحمد لله لك يااارب ، ترا بالشكر تدوم النعم

اخوي الوزير ، الاسر المتعففة معاك حق اتمنى تصرف لهم عيديات مش راتب يصرف قبل نهاية الشهر ذوي الدخل المحدود هذي حالات خاصة يجب ان تعامل معاملة خاصة مثل الارامل والعجايز والايتام وغيرهم ، الله يفك عوقهم ياارب وييسرها لهم ويرزقهم من حيث لايحتسبون

[الكونتيسه غلا]

قرار سليم :)

[Aaziz]

واما بنعمة ربك فحدث
صدق الله العظيم

الحمد لله حمدا كثيرا

[chillis]

تتكلم عن عوايل قطر او الصومال؟ا

اللهم اني صايم .

هههههههه اما


خلها بوقتها احسن شدعوه ماعندهم لطلعه ولاغيرها

[ضوى]

هههههههه اما


خلها بوقتها احسن شدعوه ماعندهم لطلعه ولاغيرها

اختي شيليز محد يعرف ظروف الناس اشلون تكون ، الله يتم نعمته علينا ، الحمد لله والشكر لله ، بالفعل فيه ناس يمر عليهم العيد كئيب لقصر اليد وهالشي مانقدر ننكره ،

[chillis]

بسم الله الرحمـــن الرحيـــم
سعادة الوزير ... المحتـــرم

السلام عليكم ورحمة الله وبركاته
تحية طيبه وبعد،

ارجو ان تصلكم مشاركتي هذه وانتم في احسن حال وشاق الحلج
رأيك تم اخذه في عين الاعتبار وبعد قراءتنا لموضوعكم هنا في هذا المنتدى الكريم..تبين مايلي ..
استفسارات لحضرتكم ،، من بعد الثناء والشكر والحمدلله تعالى على كل حال ..

على شنو صرفت راتب شهر 7 واحنا برمضان
وعلى شنو صرفت راتب 6 وكنا بندش على رمضان
المفروض فقط حاجيات ولوازم الاهل لرمضان وللبيت..ويمكن تسديد جزء من السلفيات اذا كان عليك
المفروض بصراحه يصفالك شوي يروي ضمأك فالعيد وبعد العيد بقليل..لان العيد مايبيله مصاريف
وبإمكانك بأي وقت تسوي جمعه أحلى من العيد لعيالك واهلك وبروحكم وعلى راحتكم

شوفلك شاليه وتوكل على الله وبتنبسط..

مع خالص الاحترام والتقدير والشكر الجزيل والعرفان والمعروف والنهي عن المنكر ;p

ملاحظه: اللي قلته في لندن ماله خص بموضوع صرف الرواتب بتاتا

التوقيع:
اوف ليميت
عضوية رقم#: 42747 .. ترى للبيع
شقه رقم 75، شارع ابو الفتوح، حي الزقازيق، مصر الجديده
تيليفون#: آلريدي حتكون انته موديني فداهيه ياباشا..فاتصل على 999

والسلام عليكم ورحمة الله وبركاته

:]


بيقولك شهر 6 و 7 بالسفر طيروهم :secret:

[chillis]

اختي شيليز محد يعرف ظروف الناس اشلون تكون ، الله يتم نعمته علينا ، الحمد لله والشكر لله ، بالفعل فيه ناس يمر عليهم العيد كئيب لقصر اليد وهالشي مانقدر ننكره ،

مسائج ورد بس مهب بالتصوير الي حسسنا ان اهل قطر كلش ماعندهم مهما كان تقدرين تونسين عمرج فو طلعه على البحر

[ضوى]

مسائج ورد بس مهب بالتصوير الي حسسنا ان اهل قطر كلش ماعندهم مهما كان تقدرين تونسين عمرج فو طلعه على البحر

ومسائج جوري ، بس هل المقصود فقط اهل قطر ؟؟ اليس لنا اخوان في الاسلام يهمنا امرهم ؟؟ واليس في اهل قطر اسر متعففة واسر ذات دخل محدود يعني يادوب توفي مصاريف الشهر ، وطلعة البحر في هالقيض ؟؟؟

[chillis]

ومسائج جوري ، بس هل المقصود فقط اهل قطر ؟؟ اليس لنا اخوان في الاسلام يهمنا امرهم ؟؟ واليس في اهل قطر اسر متعففة واسر ذات دخل محدود يعني يادوب توفي مصاريف الشهر ، وطلعة البحر في هالقيض ؟؟؟

ومهب لو نزلوا الرواتب الحين تالي على قولة واحد من الاعضاء بيطقون صبع لان الشهر بيطول والمدارس قريبه وبيردون يكررون نفس الكلام

[تاجر كشخة]

الحمدلله وشكر ناس مهما تعطيهم الدوله ما يبين فيهم يعني الحين العيد شيبيله ابي اعرف ثياب جديده حلويات فواكه مكسرات عيديه ان كثر كثر ما يوصل كل المصاريف 3000 ريال يعني تبي تقنعني انه ما عندك في حسابك هالمبلغ
الدولة ما قصرت في رواتبنا

[ضوى]

ومهب لو نزلوا الرواتب الحين تالي على قولة واحد من الاعضاء بيطقون صبع لان الشهر بيطول والمدارس قريبه وبيردون يكررون نفس الكلام

هاي النقطة اتفق معاج مية مية ، عشان جذي اقولج لو يصرفون لهم عينية او عيدية تفرح قلوبهم وقلوب عيالهم

[Mohammed2]

اللهم لك الحمد والشكر , والله احس فيه ناس للحين محلك سر




اي مصاريف في رمضان تكلمون عنها ؟؟؟؟!!!!



رمضان اصلا هناك وجبتين في اليوم ... فطور و سحور


اما الايام العاديه ... هناك فطور و غدا و عشاء ... المفروض يكون الصرف في الايام العاديه اكثر من رمضان




شاللي صاير لكم في رمضان تصرفون وتاكلون واجد ... ويش سالفتكم ؟؟؟!!!


ناس فاضيه همها في رمضان الاكل وبس ... بالعكس بالنسبه لي انا اشوف المصاريف في رمضان ااااااااااقل بكثير من اشهر السنه الباقيه



صدق عرب ماهما الا بطنها وثيااااااابها الللهم لك الحمد والشكر على النعمه وعلى الامن والاماااااااااان



أحمدوا الله وأشكرووووه على النعمه قبل لاتزول , لان الله قادر على كل شي ...

أنا أأيد كلامك وبقوة :nice:

[فريج النجادة]

فريج النجادة

والله انك صادق بس بقية دول مجلس التعاون ال تقصدهم مب تصرف بس للمواطنيين تصرف لجميع العاملين بالقطاع الحكومي وبعض القطاع الخاص ال تشارك فيه الحكومه .. كان للمواطن او المقيم ... الله يستر الحال بس

:nice: :nice: :nice:

[جبر ال جبر]

الرجال طرح فكرة يجوز خانه التعبير او كان اسلوبة متنرفز شوي ماتعرفون ظروف الرجل اذا كل واحد فيكم في خير الله يزيده ويزيد المسلمين
والاخوان الي خالفوه وكلن يقول كيلو بسكت ولا طبق حلوى ولا شنهي مصاريفك اقول يمكن الرجال كريم وفاتح له مجلس وراعي صرف ويمكن اسرته كبيره ويمكن الرجال عليه دين ماتعرفون ظروفه
وطلب الشي بشكل جماعي اذا انت كيفت راتبك على وضع معين على وقت معين غيرك يمكن بنسبه له صعبه
يمكن في اشخاص منكم ماتشتري ملابس للعيد ولا تشتري شي جديد العيد بنسبه لهم يوم عادي ومافيه صرف....غيركم لا
اتمنى من الدولة تنزل ولو مره وحده في تاريخها راتب دبل للمواطنين في هذا العيد وقصرت الدوله ولا ماقصرت احنا اهل البيت واي واحد عنده اعتراض على هذا المبدا بكل بساطه لاياخذ الزياده ويقول للدوله شكرا انا مستد وعاف نفسي منها وانتهت المشكله.... وعندي احساس قوي انه راح ينزل هالشهر من بدري:)

[CH Engineer]

توه نازل:rolleyes2:

[hot2000]

فريج النجادة

والله انك صادق بس بقية دول مجلس التعاون ال تقصدهم مب تصرف بس للمواطنيين تصرف لجميع العاملين بالقطاع الحكومي وبعض القطاع الخاص ال تشارك فيه الحكومه .. كان للمواطن او المقيم ... الله يستر الحال بس

مرحباً اخوي

اخوي الدول اللي تصرف رواتب دبل في العيد. ما يجئ ربع راتبك بشهر

وايش فائدة دبل راتب اذا كانت الرواتب في هذا الدول متدنية

الله يعز حكومتنا

[فرهود]

اتوقع لو الدولة تحرق اصابعها لكم بعد مب عاجبكم ، لا اله الا الله ، رواتبنا احسن رواتب بالخليج ونستكثر على بلدان الخليج تصرف رواتب عيدية لمواطنيها ؟ الحمد لله لك يااارب ، ترا بالشكر تدوم النعم

اخوي الوزير ، الاسر المتعففة معاك حق اتمنى تصرف لهم عيديات مش راتب يصرف قبل نهاية الشهر ذوي الدخل المحدود هذي حالات خاصة يجب ان تعامل معاملة خاصة مثل الارامل والعجايز والايتام وغيرهم ، الله يفك عوقهم ياارب وييسرها لهم ويرزقهم من حيث لايحتسبون


اي والله صدقتي اختي الحمدلله احنا وين وغيرنا وين الحمدلله على النعمه والله يطول بعمر بومشعل وقيادتنا الحكيمه

[سهوم المنايا]

كل اللي يقول احسن انهم ماينزلون الراواتب قبل العيد قحيين حتى ع انفسهم وعندهم فلوس ولايعرفون يستانسون

سلامي علي اللي ايديهم مخرووووقه

[فرهود]

توه نازل:rolleyes2:


اي والله مانتبهنا شلون ينزل الراتب بدري وتوه نازل قبل يومين !!:rolleyes2:

[صغيرون قطر]

مرحباً.

الراتب بينزل قبل العيد ان شاء الله

تفاءلوا بالخير

وتذكرنا كلامي

[eXpert*]

في ناس الظاهر يجب على الحكومة توقف راتبه و تعطيه مصروف جيب يوميّ وتفرض عليه الوصاية الشرعية و السبب عدم قدرته على إدارة أمواله.

(اللهم إني صائم)

[سيف الحرية]

في ناس الظاهر يجب على الحكومة توقف راتبه و تعطيه مصروف جيب يوميّ وتفرض عليه الوصاية الشرعية و السبب عدم قدرته على إدارة أمواله.

(اللهم إني صائم)


نعم في للأسف ...

[بصمة قطرية]

استغرب من اللي يتطنزون ...!!!!
فلتقل خيراً او لتصمت ..
استغفر الله العظيم ..
اللي طالبوا ان الراتب ينزل قبل وقته
طالبوا براتبهم
ما طلبوا بشي من جيبكم عشان تنتقدون و تتطنزون عليهم ...!!!!
و لا طلبوا صدقة من حد
او مساعدة


طلبوا براتبهم ....!!!!!

اذا انت و غيرك مكتفيين و رواتبكم مكفيتكم
غيركم راتبه طار في يومين

احمدوا ربكم بس و لا تقللون من غيركم و تتطنزون ..

[بنت مريخ]

ويه ناويين نسافر فيها

[q6ri_vip]

استغرب من اللي يتطنزون ...!!!!
فلتقل خيراً او لتصمت ..
استغفر الله العظيم ..
اللي طالبوا ان الراتب ينزل قبل وقته
طالبوا براتبهم
ما طلبوا بشي من جيبكم عشان تنتقدون و تتطنزون عليهم ...!!!!
و لا طلبوا صدقة من حد
او مساعدة


طلبوا براتبهم ....!!!!!

اذا انت و غيرك مكتفيين و رواتبكم مكفيتكم
غيركم راتبه طار في يومين

احمدوا ربكم بس و لا تقللون من غيركم و تتطنزون ..

طيب يروحون يطالبون بأساميهم لا يقعدون يعمون عشان مايجييهم ولا يجيينا الكلام

[بوراشد82]

الغلا فالديرة مب طبيعي،، اكيد بيطير الراتب من بداية الشهر،، وبعدين ياتقولون كلمة عدلة ولا اسكتوا ،، محد طلب شي من جيبكم

[ولد الشحانية]

كذا والا كذا طاير طاير
ياليت يعطونا راتب عيديه

[abdulla999]

في بعض الناس حسسوني انهم يصرفون على الشعب من فلوسهم
الحمد الله والشكر والدوله مايظرها شيئ لو تنزل الرواتب حق اهل قطر خل يفرحون يرحون دبي لندن وشدخلكم

[qtr qtr]

ياريت ينزلونها قبل العيد .. حق السفره

[بوخالد911]

ينزل بوقته افضل

وعيدكم مبارك

[(بوطلال)]

استغرب من اللي يتطنزون ...!!!!
فلتقل خيراً او لتصمت ..
استغفر الله العظيم ..
اللي طالبوا ان الراتب ينزل قبل وقته
طالبوا براتبهم
ما طلبوا بشي من جيبكم عشان تنتقدون و تتطنزون عليهم ...!!!!
و لا طلبوا صدقة من حد
او مساعدة


طلبوا براتبهم ....!!!!!

اذا انت و غيرك مكتفيين و رواتبكم مكفيتكم
غيركم راتبه طار في يومين

احمدوا ربكم بس و لا تقللون من غيركم و تتطنزون ..

شلون بعد فلتقل خير او تصمت؟

مب اي موضوع ينطرح من حق اي عضو يعارض ويبدي وجة نظره ويعلق على الكلام ويقول للصح صح او الغلط غلط حسب وجهة نظره ؟!

ولا المواضيع ملكيه خاصه تمشي بتجاه واحد على مزاج راعيها ؟!

[إينشتاين]

العيد بإذن الله بيكون تاريخ 18 أو 19

وإذا بينزلونه قبل العيد بيكون عالأقل بتاريخ 16

هل انت مستعد تقعد 45 يوم براتب شهر ؟؟

إلا اذا تطالب يغيرون السيستم وينزلونه على طول نص الشهر !!!

[بريق الحق]

والله ردود عجيبه غريبه من البعض

[LiL iNVe$ToR]

زين سوو
لو نزل بدري صدقوني بيطول الشهر اللي عقبة


اتوقع في بنك يسوي نظام السحب المبكر وعقب ياخذون من راتبك

في جهة عملي ..نقدر نطلب الراتب الاساسي كاش اي وقت وينخصم من الراتب الجاي.

اظن هالشي كثير من جهات العمل مطبقينها ..راجعو الموارد البشريه عندكم.

[الأصيلة]

المفروض فية عيدية للمواطنيين راتب دبل

مثل باقي دول مجلس التعاون

أي باقي الدول رواتبه دبل..؟
سبحان الله ...

[خليفـة]

المفروض كل واحد يعمل حساب مثل تلك المواقف والظروف
بس في كل الأحوال .. ان نزلوا الرواتب قبل موعدها جزاهم الله خير
وان ما نزلوها قبل موعدها محد له الحق يلوم أحد على هالشي

عموماً
كل عام والجميع بخير
:)

خليفــة

[الجسراوي]

الرواتب بتروح البنوك بتاريخ 15 شهر اغسطس

في وزارات خلصت السيديات حقت الرواتب من تاريخ 1 من هالشهر

[muhanna]

الله كريم

[مساهم فنان]

أشوف السنة الأغلبية يقولون أحسن ماينزل وهذا موب مثل السنوات السابقة. الأغلبية اتحنطم تبي ينزل الراتب والسبب زيادة الرواتب بشكل كبير
يا أخوان ناسين إن المتقاعدين القدامى اللي مازادت رواتبهم وايد مثل المتقاعدين اللي عقبهم وناسين سيدات الشؤون الاجتماعية. هذولا يتمنون ينزل الراتب علشان يغطون مصاريف العيد ... ثياب جديدة وعيدية وافالة هذي كلها أعباء كبيرة .... ياليت هذي الفئة في الأعياد وغيرها يدبلون لهم رواتبهم حتى يغطون متطلبات الأعياد.

[مشاكل]

مالك حق تعمم الموضوع على الجميع كما عنونت موضوعك
وجهة نظرك تكلم فيها عن نفسك

[عكاس]

بخصوص اللي يقولون الراتب وين راح، انا أتوقع انهم لايتحملون مسوولية بيت او عيال، بضرب لكم مثال قريب، رحت سوق واقف اشتري للعيال ثياب للقرنقعوه وتقريبا كل المحلات متفقين على الأسعار وهي ١٦٠ للدقلة، طيب اللي عنده اربع عيال ٦٤٠ ريال، غير الحلويات والمكسرات هذي ١٠٠٠ طارت ، رواتب الخدم اللي هالايام وصلت ٩٠٠ للشغالة و ١٠٠٠ للسواق ، مصاريف الحضانات للي عنده اعيال في الحضانه واللي وصلت ٣٠٠٠ ريال للطفل، ياجماعة الخير مش كل المواطنين رواتبهم ٥٠ الف، واللي زعلان ان الراتب ينزل بدري، يا اخي خلاص لو نزل بدري خير وبركة لا تصرف منه الا لين بدا شهر ٩ ، بس على الاقل نحس بغيرنا واللي محتاجين لها الراتب علشان يفرحون عيالهم بالعيدية، وارجوا ان كلامي ما يضايق احد،

[صمتي حزن]

الحمد الله إحنا في الف خير لك الحمد ربي الامير جعل ربي يعطيه الصحه والعافيه ما قصر وكلمت ماقصر ما تكفي في سمو الامير داد رواتب ودعم المعيشة وخل قطر وشعب قطر في الف خير وتعيش بأمان في ظل سمو الامير وسمو ولي العهد الله يطول عمره ويطول عمر ولي العهد

[7llo]

الصراحه قرار سليم لانهم لو نزلو الرواتب قبل العيد الشهر بيطول وبنفلس بسرعه

[captin]

هي اياها
ان عطونا الرواتب الحين تمينا بعد العيد شهر ونصف
نصفق بايدينا أعتقد التخطيط السليم للمصروفات أفضل حل
الواحد يخطط ويسوي له ميزانية يلتزم فيها ويوزع مصروفاته
على مدخوله الشهري ,, صحيح شهر رمضان والعيد تزيد المصروفات
لكن بعد احنا غير مخططين في المصروفات أي شي قدامنا نشتريه
والدليل يخلص شهر رمضان وتمر ست شهور ومواد رمضان في المخازن .

[الأصيلة]

بخصوص اللي يقولون الراتب وين راح، انا أتوقع انهم لايتحملون مسوولية بيت او عيال، بضرب لكم مثال قريب، رحت سوق واقف اشتري للعيال ثياب للقرنقعوه وتقريبا كل المحلات متفقين على الأسعار وهي ١٦٠ للدقلة، طيب اللي عنده اربع عيال ٦٤٠ ريال، غير الحلويات والمكسرات هذي ١٠٠٠ طارت ، رواتب الخدم اللي هالايام وصلت ٩٠٠ للشغالة و ١٠٠٠ للسواق ، مصاريف الحضانات للي عنده اعيال في الحضانه واللي وصلت ٣٠٠٠ ريال للطفل، ياجماعة الخير مش كل المواطنين رواتبهم ٥٠ الف، واللي زعلان ان الراتب ينزل بدري، يا اخي خلاص لو نزل بدري خير وبركة لا تصرف منه الا لين بدا شهر ٩ ، بس على الاقل نحس بغيرنا واللي محتاجين لها الراتب علشان يفرحون عيالهم بالعيدية، وارجوا ان كلامي ما يضايق احد،


وعشان جذيه مايتمنون الراتب ينزل بدري
لأن الشهر المقبل بتقعد 45 يوم بلا راتب
وتتمنى لو ما نزل راتب الشهر الماضي
مب لازم يقرقع الياهل بدقلة
عادي ثوب أبيض وقحفية...
جربنا نزول الراتب قبل موعده ..لكن كانت معاناه
الشهر اللي بعده...

[المضعد]

انا مع راي همر

[حسن]

أشوف السنة الأغلبية يقولون أحسن ماينزل وهذا موب مثل السنوات السابقة. الأغلبية اتحنطم تبي ينزل الراتب والسبب زيادة الرواتب بشكل كبير
يا أخوان ناسين إن المتقاعدين القدامى اللي مازادت رواتبهم وايد مثل المتقاعدين اللي عقبهم وناسين سيدات الشؤون الاجتماعية. هذولا يتمنون ينزل الراتب علشان يغطون مصاريف العيد ... ثياب جديدة وعيدية وافالة هذي كلها أعباء كبيرة .... ياليت هذي الفئة في الأعياد وغيرها يدبلون لهم رواتبهم حتى يغطون متطلبات الأعياد.

الصراحه زياده الرواتب الاخيره ماعاد خلت الواحد يقدر يتكلم الا اصحاب الشؤن
هم المساكين
يقولك في مثل اطعم الفم تستحي العين
انتي ماتدري حديث المجالس والعالم الحين السفره قبل العيد ولا ليله العيد ولا اول يوم
صدقني بكره شوف ثاني العيد ان مالقيت الشوارع تصفق ولا طير
وشوف المطار ولا المراكز بتقول ينطرون راتب هذاك الاول خلاص راحت علينا

[Q-t-r]

شدراكم يمكن الريال عنده ضروف او مرتب ميزانيه العيد على هل راتب


مب اي قطري خلاص راتبه 30 الف او 25

اذا تبي سلف يالذيب ابشر

[(حوريه)]

ومن في هالزمن يعتمد ع الراتب

المفروض يعدد في مصادر الدخل ويوفر كذلك للمناسبات والسفر

بالتخطيط وتنظيم الميزانية يرتاح الانسان في الصرف على اسرته ونفسة

الاعتماد ع الراتب غلط كبير وتصرف يجلب لك الهم

وبعدين مو ضروري الاستعداد قبل المناسبة بيوم او يومين المفروض توفير احتياجات الاسرة قبل شهر رمضان لكي لايتازم رب الاسرة في المصاريف ع الاكل واللبس وغيره

[abdo222]

من كلامك حسيت ان رواتبنا 5 او 6 الف !

الحمدلله الخير الكثير، وبالنسبه للعيد ثياب العيد جاهزه من اول رمضان، والفواكهه والحلويات ما تكلف شيء،،

[بني تميم]

الله كريم بس الراتب طاااار من 1 من الشهر

على اساس بينزل 15 هههههههههه :tease:

[لمعة الالماس]

الحمد لله على كل حال

وبالنسبة لتجهيزات العيد المفروض نبدا نشتري لوازم العيد من ملابس وغيرة قبل العيد بكم شهر عشان الميزانية ما تروح فيها

ونخصص مبلغ لعيدية الاطفال وحق فوالة العيد

اما الراتب الخاص بشهر ٨ فنصرفه حق شهر قدام لان العيد فرحة وما شاء الله ايام العيد تعدي بسرعة

واذا نزلوا الراتب قبل العيد معناته ينزل قبل تاريخ 20/8 وعقب بنقعد حول 40 يوم لين نستلم الراتب الثاني !!

اصرفوا بالمعقول

[حفيد الأنصار]

هي اياها
ان عطونا الرواتب الحين تمينا بعد العيد شهر ونصف
نصفق بايدينا أعتقد التخطيط السليم للمصروفات أفضل حل
الواحد يخطط ويسوي له ميزانية يلتزم فيها ويوزع مصروفاته
على مدخوله الشهري ,, صحيح شهر رمضان والعيد تزيد المصروفات
لكن بعد احنا غير مخططين في المصروفات أي شي قدامنا نشتريه
والدليل يخلص شهر رمضان وتمر ست شهور ومواد رمضان في المخازن .




100% :nice:

[الجوكر90]

انا المجلس الاعلى ينزلون لي عيديه 500 ريال
والحمدلله مجهز اموري قبل العيد ماعندي شي اشتريه
وان شاء الله بسافر بعد العيد اغير جو

[دااانة قطر]

كل اللي يقول احسن انهم ماينزلون الراواتب قبل العيد قحيين حتى ع انفسهم وعندهم فلوس ولايعرفون يستانسون
سلامي علي اللي ايديهم مخرووووقه




:rolleyes2::omg:
ماهذا الاسلوب؟؟!!

[دااانة قطر]

الرواتب بتروح البنوك بتاريخ 15 شهر اغسطس
في وزارات خلصت السيديات حقت الرواتب من تاريخ 1 من هالشهر



اللي عنده يخلي الرااتب للحااجه واللي ماعنده يحسب حسااابه لبعد العيد يعني شهر جداام

[OREO]

لاحظت بأن الكثير لا يملك رصيد في البنك سوا الراتب الشهري وهذا باين من خلال طرح المواضيع و ردود بعض الاعضاء في مختلف المواضيع ،،

الله يعين هالفئة كيف راح تعيش في السنين الجاية و كيف راح يزوج عياله و كيف راح يشتري احتياجات اعياله يوم يكبرون ،،


للأسف سوء تصرف و عدم التخطيط هو اساس وصول الشخص لهذه المرحلة ،،

الله يكون بعونهم ،،

[دااانة قطر]

لاحظت بأن الكثير لا يملك رصيد في البنك سوا الراتب الشهري وهذا باين من خلال طرح المواضيع و ردود بعض الاعضاء في مختلف المواضيع ،،
الله يعين هالفئة كيف راح تعيش في السنين الجاية و كيف راح يزوج عياله و كيف راح يشتري احتياجات اعياله يوم يكبرون ،،
للأسف سوء تصرف و عدم التخطيط
هو اساس وصول الشخص لهذه المرحلة ،،
الله يكون بعونهم ،،




الله المستعاان

[ولد شرق]

عندي اقتراح احلى.. ليش ما يعطونا راتب ولا حتى نص راتب عيديه :nice:

اعتبروها علاوه تشجيعيه للشعب.. :)

ولا بونس.. :shy:

ولا حتى زكاة فطر.. :(



وانت محتاج زكاة؟


عن أبي زرعة عن أبي هريرة قال قال رسول الله {صلى الله عليه وسلم} من سأل الناس أموالهم تكثراً فإنما يسأل جمرا ً فليستقل أو ليستكثر) رواه مسلم. عن عَبْدِ اللهِ بْنِ عُمَرَ، قَالَ: قَالَ النَّبِيُّ صلى الله عليه وسلم: (مَا يَزَالُ الرَّجُلُ يَسْأَلُ النَّاسَ حَتَّى يَأْتِيَ يَوْمَ الْقِيَامَةِ لَيْسَ فِي وَجْهِهِ مُزْعَةُ لَحْمٍ)

[chillis]

لاحظت بأن الكثير لا يملك رصيد في البنك سوا الراتب الشهري وهذا باين من خلال طرح المواضيع و ردود بعض الاعضاء في مختلف المواضيع ،،

الله يعين هالفئة كيف راح تعيش في السنين الجاية و كيف راح يزوج عياله و كيف راح يشتري احتياجات اعياله يوم يكبرون ،،


للأسف سوء تصرف و عدم التخطيط هو اساس وصول الشخص لهذه المرحلة ،،

الله يكون بعونهم ،،

احيانا مهب سوء تصرف احيانا يكون راتبه على قده او ان راتبه زين بس يصرف على عدد كبير يعني عيلته كبيره وانت شايف الدنيا كل يوم عن يوم تغلى وتزيد الاسعار قول الله يعين الي عندهم عيال واجد والراتب قليل :)

[كتكوت الوحش]

سعادة الوزير احمد ربك ع النعمه
احنا نستلم رواتب غيرنا مايستلمون رواتب
نزل ولا مانزل مرده بينزل اخر الشهر
ماطلعت بالعيد اطلع عقب العيد شالمشكله
والدولة حرة با استثماراتها هذي اموال عامة والدولة ادرى بمصلحتها ومصلحة شعبها وهي تعرف متى تنزل الرواتب
انت شدراك ان الدولة مقتدره تنزل الرواتب او ماتنزل ؟ عندك اثباتات ولا وكالة " يقولون ؟
ياخي ناس غيرنا يعيدون بقنابل ويرمضون بصواريخ
ثاني شي العيد اقصاه ثوبين وفواله وزواره على الاهل والاصدقاء ماخبري العيد حق الطلعات وهالامور

كل كلمة اخوي العزيز قلتها في محالها
واحسن انشالله ما ينزلونه

قرار سليم